Sie Sie Sic的个人专页

新店開張個幾月，黎試一試佢個主打菜蕎麥麵先.....店員服務很好很有禮貌, 細心詳細解釋每款菜式最後叫左一個三色冷蕎麥麵伴自家製鰹魚醬油因為可以一次試晒3款麵個麵配一個比較濃味既鰹魚汁, 未必人人喜歡, 我個人就好鐘意喇食完蕎麥麵之後, 店員拎左一壺清湯黎個湯好fresh, 同個濃味既鰹魚汁造成好強烈既對比另外再叫左一個芝士、露筍和梅子豬肉卷呢個炸物好好食, 炸得好鬆脆總括而言, 個人覺得呢間新餐廳唔錯唔錯…查看更多

約左朋友兩點食lunch, 以為星期日要等位, 可能過左peak hours所以即刻有位我地兩個都叫左忌廉煙三文魚意粉的set lunch首先有個菜湯同沙律, 菜湯的味道幾好, 雖然個湯都係紅色, 但跟其他餐廳的羅宋湯不同, 呢個唔係以蕃茄的酸味作主調,反而有蔬菜的清甜而個沙律就好fresh, 好勁的洋蔥味, 鍾意食洋蔥o既人實要食第一時間梗係食左最出名o個個麵包先啦, 個包好鬆化, 又香又甜, 加埋佢個醬真係一流正呀!!個意粉望落好似好少好細個咁, 但食落都唔少野, 食極都好似仲有咁, 味道幾好, 一o的都唔漏, 同埋有好多三文魚呀成間廳都好光猛, 向住維港, 唯一美中不足就係要望住填緊海o既維港…查看更多

趁住未係好熱，同個friend去打邊爐，之前次次都係去酒樓，今次決定試新野去食shabu shabu我地兩個人七點左右去到，已經開始等緊位喇，不過好彩唔算多人，等左3個字就有位喇我地叫左個最平o既涮涮鍋，有牛肉同豬肉兩種，望落好似幾ok咁牛肉就好似好食過豬肉，雖然呢個係最平o個個餐，但係o的肉都ok呀，$118黎講佢算係幾好食架喇湯底方面我地叫左豆乳同昆布兩款，豆乳真係好香豆乳味，好真材實料；昆布就清清地，o的牛肉就更加鮮味另外o個度有o的好日式o既配料，都好食架，有年糕、蒟蒻，好特別架除左肉同配料，仲有埋汽水任飲，雪糕任食，真係幾抵食…查看更多

行銅鑼灣行到攰攰地，諗住搵個地方抖一抖，但係銅鑼灣周圍都係人，要搵個舒服既地方抖抖都唔係咁容易，行到去世貿中心見佢有間starbucks就行去望望啦，見到有位梗係即刻坐低先啦！呢間starbucks同禮頓中心個間好唔同，呢間真係似一間coffee shop，禮頓中心個間成日都塞滿人，又難搵位；世貿呢間就唔同喇，好易搵位，又闊落又舒服，而且唔會有人係你附近行黎行去，感覺好自在。坐左陣之後買左杯飲開既mocha，水準同其他starbucks一樣咁好，朱古力既甜味剛剛好，唔會太甜，而且唔會蓋過咖啡既濃同香，份量配合得剛剛好；服務員既態度亦都好殷勤好nice，讚呀！下次去銅鑼灣一定要再黎歎下呀…查看更多