Boboliii的个人专页

美食沙漠又開咗新嘢啦！平時都好少會行去呢個位，所以對唔熟馬鞍山嘅人可能會有啲難搵，我哋一行三人，大約7:00到，裡面已經坐滿人，3人枱等嘅時間比較耐，等左七、八個字先入到去，2人枱會快啲，店舖唔算大，坐位還好我哋3個都揀咗鱸魚片，湯方面，一款係老壇酸菜魚（1條辣椒🌶️），另一款係青花椒酸菜魚（2條辣椒🌶️🌶），重有係蕃茄魚湯，原因係因為佢哋都有「👍🏻」🤣餸方面叫咗萵荀、海帶、薯仔、金菇、黑木耳，配咗飯同薯粉基本上兩款酸菜魚嘅辣度係一樣，味道不錯，係會愈食愈辣，對於食開BB辣嘅我哋，應該要叫凍飲😂但我哋係養生女孩s要攤凍啲熱飲😅😅😅鱸魚好味，無骨，夠滑，入味但啲配餸就….有啲怪味只可以話唔係我哋平時食開嘅味道除咗萵荀同薯仔之外都麻麻地…薯粉煙煙銀銀幾好食，白飯唔知係咪有心煮得無咁軟，可以撈飯食又唔會太淋👍🏻如果係的話值得一讚每人$75 飲品加$7（不用加一）份量係夠的，但呢個價錢，呢個質素係有少貴，可能因為我哋之前睇咗元朗餐牌係$5X-6X左右🙈…查看更多

事原喺上網睇到呢間嘅Tiramisu好吸引，所以星期日放假就去一試😋順便行下市集，我倆大概12點到達，裏面已經有唔少人，好彩我哋都唔洗等位，我哋點左兩個主食，包括Tuna Risotto （$158）同埋Sea Urchin & Foie gras Linguine（$188），另外一定要叫Tiramisu （$68），我係為咗佢而嚟㗎嘛😆先講下個吞拿魚意大利飯，賣相相當特別，本人好少食菠菜飯，仲要咁青綠色，一開始都有啲擔心😂但真係好有驚喜，三文魚子加啲芒果肉，配搭出奇嘅好味，令我食完一啖又一啖，加埋煎香咗嘅吞拿魚，啲魚油真係香到不得了！到海膽鵝肝扁意粉，本人好喜歡食海膽，我認為呢個係會令你滿足嘅海膽味道，加上鵝肝亦充滿油香，配埋煙韌到剛剛好嘅扁意粉，真係好好味🥰兩個主菜我都好滿意，到壓軸嘅Tiramisu，因為佢係signature我對佢嘅期望亦都好高，果然無令我失望，忌廉入口即溶，酒味同咖啡味恰到好處，我相信一個人食晒都唔會覺得好膩😂😂😂不過呢個外賣啲話應該唔得，真係要現場即時食🤣因為啲忌廉真係好易溶❤️一個滿足滿意嘅午餐❤️其實我哋叫咗杯抹茶Latte （$52）味道一般，不提也罷😂…查看更多

咁啱得咁橋朋友喺附近收工就一齊去搵野食，T.O.P.好方便，一出地鐵站直達商場，唔使去到炎熱嘅室外，朋友已經一早坐定定等我，唔洗等位🥰不過以星期五嚟講七點幾，呢度算人不多，我哋先叫咗兩個主食，鹽燒鯖魚定（$108）食同火炙刺身三文魚茶漬飯（$148），另外加咗個鎌紅葉茶屋抺茶白玉（$48）*注意：甜品要等15分鐘先有㗎！不得不讚呢度嘅擺盆真係幾精緻，先講主食，前菜漬食幾好味，少少酸甜加爽脆，幾開胃，鯖魚同三文魚質素正常，不過不失，不過份量偏少未夠滿足，所以加咗個抹茶白玉😋，但口感一般，白玉太多黏稠，會痴喉嚨🙈唔太識欣賞整體嚟講以呢個價錢略嫌貴咗啲，除非佢加埋餐飲咁會容易接受啲，好嘅係無限時，可以坐耐啲傾下計～…查看更多

早收工食早飯👍🏻天氣熱最開心就係食壽司由於另外一間壽司店實在太多人，所以轉場，試新嘢😋啱啱好6點開門入到去地方不算大，坐得不錯，我哋叫左啲壽司、串燒同吉烈蠔我最欣賞嘅係火炙三文魚腩壽司，火炙燒得啱啱好啲油好正，三款蝦都唔錯，甜蝦、赤海蝦、珍寶牡丹蝦，夠新鮮👍🏻吉烈蠔同軟殼蟹卷都唔錯，三文魚就一般…舊飯有微暖，蛋黃醬燒蟹棒同吞拿魚都麻麻🙈而海膽軍艦同雞皮串燒有啲失望，味道一般，可能呢兩樣我係有啲期待啦…整體嚟講不錯，都可以有下次因為想試埋個清酒煮蜆😜…查看更多

提早生日飯，當天是星期三，晚飯時間依然人山人海，我們大約6:30到達，已有幾位客人在等，LDK一向給我的感覺是份量少價錢貴，但這次感覺良好，環境會有點嘈吵，但還可以接受，我們點了一客吉列蠔、芝士龍蝦意粉和和牛湯烏冬，另外點了兩個芭菲杯，所以食物都非常滿意，吉列蠔外脆內軟，熱辣辣，非常好味😋，和牛烏冬一定要趁熱食，不然牛肉泡得太耐會不好吃，龍蝦十分分美味，意粉的醬汁亦配得很好，最後點了的芭菲杯是抹茶宇治配紅豆及椰果芒果口味，有一兩粒芒果是酸的，其他都很好，這晚餐十分滿意 已經想好下一次來要吃什麼了🤣…查看更多

雖然還在疫情當中，但星期五晚上餐廳仍然人山人海，當天大約七點到達餐廳，已經有不少人在等候取票入內，我們等了大約20分鐘入座，如果7:30的話可能要等1小時或以上，坐下後侍應不斷推介和牛，原本想吃的是牛柳和龍蝦，但他極力推銷，所以便一試，另外加了一個軟殼蟹蕃茄意粉，上菜的時間不算太耐，座位上被編排到一個角落，還好店員都看到我們，是日餐湯是甘筍南瓜湯，味道不錯，分量十足，充滿濃濃的南瓜蓉，，餐包沒有特別，味道正常，到主菜和牛，味道還好，個人認為脂肪的比例有點多，感覺有點膩，但配菜小薯仔很好吃😂，而軟殼蟹意粉不值一提，不會再試，是日甜品是明治乳酪，加錢可轉雪糕，喜愛movenpick 的人必轉！餐飲方面試了熱朱古力奶，不錯👍🏻整體食物質素還好，環境正常，價錢略貴。如果下次聚會，會再試試其他。…查看更多

想過一個悠閒、懶洋洋嘅下午～一個人走左去美荷樓，嘆Lunch上網睇有好多款意粉嘅選擇，但去到...餐單已經轉左，定唔知係星期日嘅關係～款式少左好多結果叫咗個簡簡單單嘅卡邦尼扁意粉，因為只有一個小時用膳嘅關係，無加飲品。呢度買餐要先在櫃台買餐，佢會俾個電子板你，當電子板響你就可以返去櫃台取餐，但當你一個人嘅時候就有點不方便...加上星期日嘅關係人比較多幸好，呢度位置多，當日未至於滿座😝呢個意粉份量十足，我最欣賞係啲菇，味道好鮮超級鍾意，本身以為會食唔哂，但食食下唔覺唔覺食哂了個汁唔算太濃太「漏」個人認為啱啱好…查看更多

喺旺角行街行到咁上下就去左搵野食，一行二人去左呢間餃子店叫左四樣野：拍青瓜、擔擔麵、手撕雞飯同推介的煎餃（鮮蝦韭黃豬肉餃）先講講拍青瓜，除左一般都會有既醋、辣椒、蒜之外，重有芝麻醬，味道正常～唔會話加左特別好食另外，有擔擔麵，個麵都幾辣差咁啲花生香，不過唔油膩，幾好味個手撕雞飯就差左啲，雞有點老，一般般最後到重中之重嘅鮮蝦韭黃豬肉煎餃超級正！啱啱炸起😝係熱氣左啲～佢係成隻蝦🍤，食落啖啖肉😋超級好味👍🏻真係值得推介…查看更多

喺旺角T.O.P. 行街，一出就見到呢個茶店，見有啲口渴就買左杯蘋果翠芽綠茶（微糖）試一試，一開始見到杯野以為有啲玫瑰花瓣咁有趣，飲落原來啲一粒粒粉粉紅紅嘅係蘋果皮，口感幾特別，如果佢係蘋果肉會開心啲😝不過都無咩可能，因為會容易氧化，蘋果皮無乜咬口，對於我而言有無都無所謂，係外表美觀啲，影相會靚啲😂茶味方面都香，不會苦澀，好在我哋叫微糖，味道啱啱好👍🏻其實佢啲小芋圓都幾吸引，下次會試埋😋👍🏻…查看更多

喺旺角行街搵食～第一次去呢間餐廳，入到去無乜人，有點擔心，餐廳在二樓，裝修幾特別，有啲油紙傘喺天花我哋叫左個二人餐有咖哩蝦、芒果炒飯、燒豬頸肉、椰菜炒咸魚，包左兩杯飲品同甜品另外可以加薄餅，不過我哋怕食唔哂，無加到，先嚟椰菜炒咸魚，這貌似唐生菜的椰菜口感十分好，有點似介蘭，加左咸魚炒好香口，之後的芒果炒飯也不錯（佢應該有蟹肉，不過我食唔到）炒飯好香口，不錯咖哩蝦有點失望，只有5隻蝦，沒有鮮蝦味，咖哩味亦淡:(燒豬頸肉係我至愛燒得剛好飲品叫左杯海底椰同椰汁，幾好飲，但杯椰汁特別多冰如果下次食應該會叫一人餐，椰汁少冰…查看更多

沙嗲王最出名嘅一定係白咖喱豬扒飯！喜歡食嘅我哋，每次食飯都叫到成枱野，當然我哋一定會清哂，真係食唔哂都會打包要做個惜食人今次我哋叫咗個二人餐，另外仲加咗4隻黃金雞翼，我哋都覺得白咖喱豬扒飯係必食另外叫咗個蟹粉豆腐煲配薄餅，呢個菜偏咸，配白飯應該會好少少，如果你食得清淡就唔啱你lu~最推薦的是黃金雞翼，實在令我念念不忘全隻雞翼外邊都包住滿滿的咸蛋料，雞翼又肥美真係熱辣辣甜品方面我哋都叫左Haagen dazs 食咗呢個午餐之後，晚餐都食唔落啦…查看更多

一行七人去食泰國菜其實之前都食過一次，覺得唔錯，可以再來，今次多人啲，可以試多啲唔同嘅菜，今日紅日六點半到已經有人等位，眼見2-4位的等10-15分鐘左右就可以入位，我地7位的需要多點時間，大概等了半個鐘～見二人餐咩都有，我地就點咗兩個二人餐，另叫了一個豬頸肉湯河、鳳爪同菜上菜既次序十分隨意，不過對於我地黎講無咩所謂，味道最重要！對我來說泰國菜唔少得當然是海鮮冬陰公，湯的份量不是很多（可能因為碗太大），料都算ok有蝦有蜆，如果能多點椰漿我就滿意了另一個椰子雞湯不錯椰子味重咁多個餸我最喜歡的是泰皇孖兄弟（海南雞加豬手）重要係無骨！雞滑，豬手亦美味豬頸肉船河亦是不錯的選擇～其他菜色味道正常，不過不失另外侍應的態度一般...落單時有點急燥，可能是因客人太多，太忙碌吧～…查看更多

臨近中秋節，與友人們一起到這裏吃飯，之前來的時候通常我們會點小菜，但近中秋節，菜單都改了不少，變得不化算，所以我們決定打邊爐！六點半入坐，人數不算太多，大概七點，開始人頭湧湧，坐無虛席。這店分了兩個時段6:00-8:30 / 8:30後，價錢$138 / $118（連加一），任飲任食，飲品有夏枯草、酸梅湯、汽水（百事系列）、啤酒，部分食物自取，部分寫紙，醬料方面對我來說有點美中不足，沒有我最愛的芝麻醬，有點失色湯底方面，我們點了皮蛋沙嗲鴛鴦鍋，但不見沙嗲，食物方面種類算多，而且這裏的肥牛不錯其他食物正常沒有太大的驚喜。…查看更多

今天早了下班，要等食中秋節晚飯，返工又企左成日，好累了...不想周圍走，所以找個地方坐坐～休息下等食飯怕一陣晚餐吃不下，所以都係飲下野好了星巴巴又成日飲，今次決定去試下新野！經常經過都無飲過，今日去沒有人排隊，應該係因為平日，5點幾的關係吧～見佢應該係出名水果茶，今次試左爆檸小紫蘇少冰半甜（只有冰凍的，沒有熱飲～不適合養生之人），這杯茶味道清新，青檸香，紫蘇味淡淡的不錯～不過唔知為何叫爆檸有檸而不爆這飲品店的位置不大，可坐的位置不多，開放的位置有3-4張枱，裡面好似重有bar枱，無仔細睇，如果開放位置有圍籬感覺上會好一點...…查看更多

通常返工會自備午餐，不過應同事邀請，今日出去食這間店的食物份量對女生來說偏多，所以我叫左少飯焗飯是同事推介，但我喜愛咖喱，所以都係點左個咖喱雞扒飯，她們點了芝士焗飯，等待焗飯的時間不算太耐，而且套餐有湯及飲料，可以先飲湯，餐湯有中湯、白湯選擇，我點的是白湯，味道正常...沒有什麼特別～咖喱有一點點香辣，對於不能食辣的我而言十分惹味，是我能接受的辣雞扒嫩滑～十分滿足加了凍飲，共$47，正常茶記價錢注意：這茶記不是天天開門要靠緣份…查看更多