adatse1213的个人专页

請幾位表妹食飯當過年前小聚，第一次試呢間餐廳，餐廳環境都算幾好，每人一小杯熱果酒welcome drink，果酒幾好飲，酸酸甜甜，不過可能因為呢杯welcome drink計落成本，餐廳連開水都要付費，我唔介意叫其他飲品，但要十元叫杯能無限添飲的白開水，給客人一杯水都計較，實在有點兒過份，不知是餐廳想你多叫飲品的關係，西班牙海鮮飯及墨汁幼麵鹹得嗆喉...跟侍應反應，他說西班牙菜是偏鹹，叫我下次可以跟他們說想要淡一點..仲下次？！老實說...第一次試，如果想像得到會鹹得那麼嚴重？侍應是否可先向客人說聲飯及幼麵會偏鹹，是否需要調校鹹淡度，但完全沒有...Tapas叫了三樣都不錯，有脆皮豬，蕃茄法包及帶子這三款，比海鮮飯及墨汁麵好味甜品都試了三款，叫了rice pudding，雪糕及焦糖燉蛋，還可以其實這個價錢的餐廳，我還有更多好餐廳可選擇。…查看更多

突然好想食魚,逛完書城就來到這裡店員推介鱘龍魚鍋,就叫了一個,跟鮮味醬另送一個湯鍋,加了一些菜,菇類店員會親身幫客人煮魚鍋,把所有配料混好,煲十分鐘就食得,旁邊有計時器,很貼心!十分鐘後魚鍋已經冒煙,計時器響了,食得!店員沒介紹錯,魚嫩滑,而且鱘龍魚的骨大部份是軟骨,可以連骨吞下,第一次食魚可以連骨吃其他的也不錯!值得一試!而且價廉美味!…查看更多

上次來想一試時,這家店休息,今次帶著期待的心情,幸好有開門,而且因為閒日,不會人頭湧湧3個大食之人叫了幾道美味小菜炸牛肉餅----好味炸蝦餅----亦很好檸檬炒蜆----肥美唔腥又冇沙,正!葡式烤乳豬----皮脆嫩滑又多汁,回味了幾天!現在仍想再食!海鮮飯----大盤又好味,份量足夠,汁與飯的比例恰到好處!一定會再去!…查看更多

諗住早收工同老公飲杯野relax吓,所以試吓新野6:30pm去到冇咩人,不過侍應比枱我地前已經講明7:30pm前要交枱,我亦爽快答應冇問題,因為要去其他地方dinner我地被安排坐出面corner位,坐低後睇完menu落order,我揮了幾分鐘手都冇人睇到,但其實有個侍應在中心行來行去,但總是看不見,到我大聲"唔該"仍然冇反應,眼耳都有問題,等左幾分鐘,終於有另一位侍應睇到,我地就order左每人一杯飲品及小食環境真係舒服,飲品ok,小食可能係隔隣miyabi供應,所以真係好食。唔覺地我地約半小時已經飲晒食晒d野,侍應收起d杯碟就問我要唔要再加,因為諗住去dinner,所以就冇再加,諗住坐多一陣就走可能呢d懶係高檔地方較矜貴,見我地唔加飲品就開始覺得阻住做生意人地傾緊計,問完一次又一次加唔加order,見我倆無意欲再加order,就索性塞個餐牌過來,擺明一定要你加order,好過份(其實我地可能應該要慢慢逐少飲,飲到凍飲變熱飲,佢地就吹我唔漲)老公見冇癮,就叫埋單,點知又揮了幾分鐘手先有人睇到人已經唔多,效率超差臨走見側邊那枱客人剛到,可能不滿意被安排的坐位要換枱,點知那位不是侍應裝,類似主管的男人,竟然負負氣氣同那枱客講"你坐住先,現在冇位"連主管都咁,唔怪得班細都咁去完得出個結論係....店如其名"囂cocky bar" 估唔到扮高檔的餐廳會請一班咁"好質數"的員工及實施趕客政策囉,同茶餐廳冇分別…查看更多

同朋友去到要等位,但眼見入面空左幾張枱又唔安排人入座,等了十幾分鐘d枱號冇郁過想去第二間食,接待小姐好似知我地想轉場咁,突然"走"過來同我地講有枱收拾中,轉頭到比枱我地,轉過頭入到去其實根本就係比頭先空左係到d枱我地......我地叫左芝士蕃茄蒜香包,一d都唔脆,"林"晒煙肉波菜,味道ok,不過份量少左d芝麻雞翼,皮脆好味,相信係全晚最好食的一道菜式芝麻醬蟹肉意粉沙律,一d都唔好食,菜就得幾條,d醬汁一d都唔香,超市買果d日式麻醬比佢香好多倍....墨汁墨魚面,尚算ok,不過要面對食完變烏咀狗的後果,因為墨汁係後加上去,而非本身是黑色的面條,如果是初約會的女孩切記勿點此菜式,會嚇死對方!三文魚pizza,還可以,材料尚算足料,不過餅底有d "un"原本想叫甜品,但因為大部份d野都唔太好食,又唔夠熱,所以最後都係埋單去第二到食過。…查看更多

上星期二同朋友食完飯去呢到食甜品食得唔開心,好耐未去過間食店會用d下三流手段趕客人走,等店舖做多d生意,雖然呢間甜品店在香港都薄有名氣,但是否出名後就可以亂來呢?我們一行4人每人order一客甜品,甜品質素尚算不過不失,但當我們差不多享用完畢打算多聊天幾句時,事情就發生1.侍應生問都不問一聲仲要唔要就收起我們的甜品(當時仍尚餘少量)2.當檯面所有餐具被收起之後,在我們談話時,先後2次走過來抹檯以打斷我們(實際上檯面再第一次清理時已抹得很清潔了)3.在抹檯計劃未能成功趕我們去結賬後又用新招,"砰"一聲掉個餐牌落來最後他們的計劃成功,我們氣結地前往埋單,並決定以後不再光顧比茶餐廳服務質素還要差的甜品店,我們因全部叫了要焗的甜品,連埋等食品上檯的時間只逗留半個多鐘罷了,出到門口發現有一班人在等位,難怪他們出盡招數趕人走啦…查看更多

本人於6月12日下午2時許怱忙間,走進此餅店鹹田街分買一個包填肚,付錢時拿出硬幣付款,豈料收銀員用粗魯的態度要求本人換其他硬幣付款,本人反問"有咩問題?"該收銀員繼續用無禮態度回應"你個硬幣黑左,我收左找比人,人地會唔收,仲問有咩問題!",本人基於行個方便我唯有換過硬幣,但對其態度深感不滿,難道較污糟的錢就不是錢嗎?而且她可以用一種較為友善態度要求客人換硬幣,以後我寧願去較為貴價的餅店也不會再"幫襯"此店!!…查看更多