Wing000的个人专页

一向有間唔中食開依間，都keep住唔錯有水準，點知今次大失所望。。。同朋友大約6:30pm入座，叫咗個牛扒+大蝦配薯條仲有個湯，朋友就叫咗燒雞配薯條，嗰陣時都仲未係好多人，等咗大約20分鐘有得食，點知就出事啦。。。牛扒叫咗五成熟，但係超難切開。。唔係塊扒煎得太熟，喺塊扒煎得唔熟完全係生既。。。啲薯條又係凍嘅。。搞咩鬼？中午食剩要攞返出嚟比客食？？？依個燒雞最正常，起碼熱辣辣先。。。不過啲薯條都係凍嘅。。唉。。根本唔係新鮮整湯就唔夠熱，偏鹹。。。…查看更多

見樸x拉麵無開，自己又肚餓搵左依間個名類似叫僕之拉麵試一試啦。中午4點幾入去無咩人，本來想試佢個限定，點知一早賣晒，咁叫佢過肉愛食者拉麵啦，我肚餓就試試佢啦。一上到枱，擺款咁似某一間熟口熟面，湯就淡咗啲啦(已經叫佢濃啲），麵質比較幼身似即食拉麵開出黎(似味x拉麵），啲肉就普普通通有少少乾，糖心蛋就一般(唔夠溜心，熟咗少少），同埋成碗麵就唔夠熱(已經算小人呢個時間）。埋單收成$120呢個質素有啲偏貴，依個價錢附近有好多選擇俾佢更好食仲要平過佢。。:(…查看更多

2人入座，問佢地有無Lunch Set Menu，佢地話星期六無，但之後見對面枱坐4個人竟然有Lunch Set Menu比佢地 大細超。咁無Lunch Set Menu就只好單點，我地叫左個意粉，味道ok熱辣辣新鮮整既，但份量比較小，女仔夠食，男仔可能會唔夠食啦～ 另外又叫左個蘆筍義大利飯，但無曬蘆筍叫我地轉金荀，咁只好取消佢啦。佢有小食薯條戈啲，但未有酒精飲品提供就差少少。。。無理由送無酒精飲品咁無癮環境算舒服既，唔太迫。…查看更多

行完山肚餓去食，雞煲叫咗大辣，一上台已經覺得煲野好乾無咩汁食落去麻又唔麻，辣又唔辣...... 已經叫大辣完全無料到...... 送啲油炸鬼放落去又乾又硬一啲都唔脆......之後食曬啲雞諗住叫佢放湯落去，點知佢竟然成個煲收走咗....... 換過新煲湯底打邊爐(正常係留返舊嗰個雞煲，之後加湯落去再打邊爐）。湯底一係清湯一係南瓜湯，叫咗南瓜湯完全冇味...好似清湯咁又冇南瓜嘅甜味，湯底隻色似南瓜囉煲完啲配料上曬色係咪加咗色素扮南瓜湯？火鍋配料方面，我哋叫咗海鮮餐，送嗰款海鮮尚算新鮮，牛小排都唔算肥，但之後任食嗰啲配料質素一般，成日走單(一定會漏幾樣野）送過黎又慢(上幾轉都夠鐘）配料你寫數量係冇用，佢係睇人頭...... 八點前離座原來要人哋比現金先有優惠...... 正常都碌卡啦，搞到要落街撳錢，好在最後比我PayMe，無下次啦，咁岩灣仔見搵唔到邊間有任食先黎試下…查看更多

上網見係韓國人開嘅餐廳，之前book定位諗住夜晚一心去試下，點知價錢偏貴唔太抵食。由於兩個人肚餓嘅關係，我哋叫咗半份原味炸雞，薯條同部隊鍋。個部隊鍋上台以為份量多可以食得飽人，但煮完份量原來極少......幾舊肥到飛起嘅豬肉片，幾片午餐肉，唔夠一個嘅公仔麵，幾片腸仔(一條完整嘅腸仔都無)，其他配料都係非常普通又少，竟然賣成$190!  極之唔抵食......之後嘅原味炸雞同薯條，係新鮮炸，但略嫌調味唔太夠...... 冇咩特色，半份炸雞咁普通都賣成$110...... 我哋見佢哋冇水提供咁(叫水要收錢？:()，就叫咗啤酒同其他飲品，飲品就正正常常囉最後侍應見你食晒啲野，就好趕住收晒你啲野，坐多一陣都唔得，就嗱嗱聲比張單你要你埋單...... 好似趕住收錢咁最後兩個人埋單食咗成五百幾蚊，真係極之唔抵食，非常普通...... 食到依個價錢我銅鑼灣可以有好多選擇…查看更多

如果早場5點幾通常都唔會有走單既情況出現。但一到咗繁忙時間約7點幾開始多人就出事喇...... 叫嗰啲炸物、串燒通通走單問題嚴重...... 可能因為佢要新鮮整，全場客人個個寫幾多幾多串，幾多幾多炸物，廚房不勝負荷就算我寫幾多張既串燒紙，炸物紙佢都係完全無視...... 最後終於黎咗轉炸物串燒仍然無黎過...... 但我同朋友早已經比啲牛肉食到飽曬...... 已經無胃再食落去......最後比錢走人，好在有折扣優惠又可以任飲啤酒......算係性價比高。…查看更多

見佢門口有部拉麵機似足日本咁，把心一橫咪試下囉，部機壞壞地....食張100蚊紙會彈返出嚟.... 要試幾次先會成功...... 幾經辛苦終於揀咗櫻花蝦拉麵。湯底：櫻花蝦拉麵，其實佢就係將啲櫻花蝦就咁放上拉麵度，個湯底勁普通好淡味......魚介湯佢又唔係，櫻花蝦湯佢又唔係......配料：肉不過不失，我覺得肥咗啲，蛋就有全隻囉拉麵：而佢直麵似出邊超市買嗰啲拉麵底，曲麵就有口感少少，但都係馬馬地......環境：一碗拉麵好食先係重點，不評論環境，有冷氣就ok啦價錢：唔洗講啦...... 開係依啲地方，夠膽死收人88蚊一碗咁嘅質數拉麵，依個價錢我去尖沙咀，中環，銅鑼灣食出名嘅拉麵鋪好過啦...... 人地都係收依個價錢…查看更多

岩岩開鋪都好有水準，如果係米線fans開頭都會食上癮。但點知間野𠵱家愈做愈衰，餸又比以前少咗好多........ 湯底又無以前咁濃，佢既所謂小、中、大辣根本係求由咁比...... 有時叫咗大辣都好似中同小辣咁無分別......今次因為屋企附近無邊間米線鋪選擇，又想食米線，咪叫佢個下午茶雞米線套餐食....... 叫咗麻辣同米線叫佢生少少(因為佢米線次次都好啉身) ，點知上黎變咗清湯餸又少...... 麵身又係啉到死(廚房班人都唔睇單 )之前𠵱間野都成日錯單，建議買外賣打一打開睇先好拎走！…查看更多