FobFob的个人专页

今日突然見到一個廣告, 就行佐入去食喇.因為預算唔過 $50, 所以叫佐個東京拉麫 + 餃子...其實大家都對比到, 相同實物係有差距的...不過食落D麫厚同彈牙, 有嚼勁, 幾好喎又..配料係少D, 但個醬油湯底幾好飲, 唔太鹹又唔口渴.餃子.... 不過不失, 有D凍, 皮簿同肉靚倒是真的.量, 夠一個男仔食飽. 不過最衰係用即棄木筷.....說實話,  $38 一碗麫, 食落真係同出面過百蚊個D差唔多...係少幾粒粟米同塊紫菜...要揾佢都唔易, 仲有D陰森..…查看更多

好旺既店, 旺到要搭卡位枱 (2+2).叫佐個涼瓜火腩炒河 + 例湯.河呢, 濕炒來講未算最好, 都仲有 "舊舊河粉" 狀態.不過涼瓜處理得好, 唔太苦;火腩幾瘦, 炒完D皮都仲有D脆, 正 =D而且好大碟下, 上菜又快, 其實幾滿足 =)尤其係食完見D油, 少過平時乾炒牛河 XD例湯好似話係木瓜湯, 但似乎唔係...反正係老火湯, 飲完唔口乾喇~…查看更多

初到工業區, 好多食堂, 呢間係其中一間唔係食堂, 睇落仲好乾淨企理..因為避開佐最多人時段, 唔使等位, 仲有卡座...好, 我叫 鯪魚球粥 + 蝦腸, 係午市餐, 但其實係 "迷你" 版..粥呢, 正, 四五粒鯪魚球仲無骨 (信我, 有D會有少少碎骨) 仲幾彈牙爽..底仲有生菜絲, 仲幾大"注"下.而粥本身都幾稠下, 岩我胃口.腸呢, 皮係 OK 的, 可以話靚..但蝦就真係少囉...三條腸粉, 加埋先得五隻蝦仔.......$42 + $6 茶, 其實唔算平.同一個餐, 其他區做到 $30 仲多幾隻蝦仔..不過同區裡仲未揾到有其他粥店.下次試招牌點心.唔去慣工業區既人, 一定覺得嘈. 無解, 係咁.…查看更多

先講句相片欠奉, 因為買完響街度食, 又落住雨, 跟本無手影相.買佐兩個包, 一個粟米火腿, 一個叉燒.點解為個包都要寫食評?因為兩個包都係第一口就食到餡!而且一路食, 真係啖啖都有料, 好平均.好耐未試過D餡係無偏埋一邊, 偷工減料!最緊要係粟米, 火腿, 叉燒, 都見到食到,而唔係得火腿絲, 叉燒蓉.同埋大大個, 食完真心飽肚, 兩個包頂佐半個晚餐.…查看更多

下晝人少少, 特登去光顧下呢間咁出名既...迎接我既係....好耐無見過咁空既醬油瓶 (最後個幾滴俾我用埋)肉鬆其實幾好味的.牌上寫 魚翅海蜇, 但似乎海蜇居多~好油的炸三文魚... 魚邊位, D骨都幾煩下.外脆內軟倒是真的, 但磨佐唔少時間去食呢舊野 lol.另外叫的, 真係薄, 甚至俾D飯味蓋過佐魚味.好迫既壽司帶.....如果係芝士壽司, 我會考慮拎落來 XD…查看更多

下雨天, 無乜人等位, 好快入到座.加佐温泉蛋, 然後極速來了.首先, 唔係太明為何會分開上.....尤其同朋友各叫一隻, 但竟然係一碗上.....然後, 呢隻係比半生熟生多少少既蛋,即係蛋白開始凝結但蛋黃完全係爆漿咁....試想像一下一切落個心太軟度, 裡面D漿唔係流出來而係爆出來個種感覺..重點係, 已經等登放佢埋一邊幾分鐘先食都係咁.好, 麫來...叫佐二辣, 睇落唔覺, 食落真係岩岩好辣 =)椰菜一團在中央, 個人感覺麻麻..叉燒同其他配料, 香港來講算不錯.湯底係咪味精我唔識分喇, 但夠濃同仟D辣味蓋佐, 我又唔多介意 (無口渴喎又).麫真係少佐D, 以呢個價錢東京食都大碗過佢, 唔使加底都會飽.…查看更多

同朋友去, 但只評自己個份喇...叫佐19號炸豬排拉麫, 來到...是咁的, 一眼睇真係唔知豬排在哪 T_T完全潛水了.連最應該突出既紫菜都融晒 T_T賣相真係輸到無朋友.湯底不明, 但之後唔算太口渴, 尚算可以.麫份量好大, 夠晒飽, 且算有口勁...但配料只有.... 筍同洋蔥!? 同埋中間個塊野 @_@喔, 芝蔴蠻香的.P.S. 杯水唔係咁好飲 >.>…查看更多

行山番落來, 見到粥店就入佐去 (攰, 無影相)叫佐皮蛋瘦肉粥同炸兩..個粥幾清淡, 蛋同肉都OK好味的 =)其實淡淡地都唔錯, 至少我接受得到.當然, 厚D綿D會仲好喇.炸兩.... 完全唔OK.0% 脆度, 腸粉板亦散散地...其實睇佢出面個櫃一條油條都無, 都知係是日倉底貸了...坐佐陣, 原來好多野都賣晒, 就關門了.這個可能是原因吧...早D去可能會好好多.…查看更多

食完飯亞公話想食甜品, 居然真係有...佢有佢叫 (中式湯圓!! 竟然有!!)我有我叫..唔記得叫乜名喇, 但用料十足, 尤其係朱古力醬...香蕉唔評價喇, 始終唔會差得去邊;D珠仔 (唔知叫乜名) 脆脆地好得意, 酸酸地連冰食口感OK!份量好大, 食完竟然有飽肚感 >.>…查看更多

其實只係幫襯佐個電糕新地(朱古力), 見夜夜地 (10pm) 咁岩無人排隊先去.難得的有個完整既新地.靚既意思, 係明顯見到新地底既螺旋紋一直上到頂, 個尖仲係向上的.D朱古力平均圍住個邊而無飛出來亦無流落底..同D 花生不多不少!最重要既, 係D新地係硬身 (即係介乎甜筒咁硬同雪糕車咁軟之間).相比尋日去旺角排大隊個個溶溶新地, 呢個正太多..可惜忘了影番張相 =(唯一敗筆: 無俾紙巾我囉…查看更多