小魔女dorami的个人专页

飯聚令下,已很久沒有打邊爐,今晚一行4人,出土耳其記.特色四國主題餐廳,分別有土耳其風,日本風,法國風,中國風,我最下欣賞土耳其吊燈,波希米亞風格牆壁,再配合土耳其餐具,真係有飛去土耳其嘅感覺湯底也見特色,有土耳其香草羊肉鍋,北海道3.6牛乳鍋等,不過今次有朋友吾食羊,我哋點了藥膳麻油雞湯鍋及麻辣鴨血湯鍋,4個人兩個鍋藥膳麻油雞藥材味香濃,加上麻油香,打邊爐非常出色.另外麻辣鴨血火鍋,辣度偏中上,食辣嗰位朋友大讚.經理推介鹹蛋黃響鈴,放入口非常鬆脆,加上香口嘅鹹蛋黃醬,我哋都食到停唔到口.花竹蝦非常新鮮,餃子亦足料,我最推介本地手切牛肉,牛味香濃.最緊要嘅係佢哋有新店優惠全單68折…查看更多

好耐冇過嚟荃灣呢邊,當然就係因為工作關係,今日山長水遠過嚟荃灣,既然過到嚟,梗係同班同事去探訪一下肉餅哥肉.😍😍😍以前最鍾意食佢個金沙蛋黃煎肉餅,真係非常香口,送飯一流,每一次黎都係不二之選.今次終於轉一轉口味,終於試咗佢個足三兩花膠肉餅,堅係足三兩花膠咁多,我一個人真係食唔晒,雖然知道唔係一啲好頂級嘅花膠,但係入口依然有lim lim 嘅口感,肉餅配合花膠汁拌飯一流,肉餅質素依舊,口感依然彈牙,依然係我喜歡嘅肉餅哥.…查看更多

大圍肉餅哥，我間中都會到訪。幾年前，因為宗教信仰，開始初一，十五食齋，雖然今日唔係初一或者十五，但係坐低左係肉餅哥發現有一個叫做植物肉餅嘅新款式，標榜不含任何豬肉成份，但係口感同真嘅豬肉好相似，於是我就試咗一個麻辣香菇煎素肉餅，一放入口，的確係有點驚喜，可能因為有少少辣味覆蓋左，味道的確與真豬肉十分相似，細味下你會發現有少少黃豆的味道，感覺幾得意。食完之後我再望一望餐牌，原來這款植物肉餅標榜低脂肪，低卡路里及低膽固醇，決定買一個外賣返去比我阿爸食，話俾佢聽呢個係真肉餅，唔知佢信唔信呢？…查看更多

沒想過食一餐飯都能這麼受氣！甫坐下 叫野食 個侍應黑口黑面好似得罪左佢咁問多兩句都唔想答你！未點飲品，但我地一下完單已經極速拿走張menu! 問返佢地拎黎睇，好似唔想比你咁，我地叫左兩個鐵板餐，落單時佢話鐵板會好煙會彈到 你確定用鐵板上？咁周圍食鐵板餐都係咁架啦，但佢講到無想令你唔想用鐵板咁，既然咁唔想，不如直播取消左個餐佢啦上前菜沙律及湯，我仲飲緊碗湯，我拎起左隻碗，佢已經收走左我個碟，我手仲揸住個匙更，佢就遞手叫我比佢。此舉完全係趕緊個客人。然後每上一碟菜都唔講野 全部黑口黑面 好似殺左佢父母咁款，我低頭睇緊餐牌，唔知佢靠近左要擺餐，佢用呼喝的態度去呼叫「小姐，小姐，小姐」 然後一副不耐煩的樣子！我忍⋯ 食食下，冇啦啦有另一女侍應比左兩張餐巾我同朋友，但咩都冇講，應該是比我地遮住鐵板， 而此舉後等左10分鍾都仲未上菜的！ 然後黑面眼鏡女侍應就拿來了兩個鐵板，我同朋友急忙用紙巾遮住 ，然後黑面女侍應二話不說淋左啲汁出黎，但啲汁係好似水咁，一淋就濺哂出桌面 ，一句唔好意思都沒有繼續淋！ 淋我的時候更是整張桌面都濺到，我的電話放左張椅上，全個電話都是汁！！！一個鐵版餐有冇咁誇張啊，令人覺得你地係專登的然後我成條牛仔褲都是痴立立的燒汁！ 那黑面女侍應拿了一張紙巾來清潔倒瀉左係桌面的汁！！佢全程完全沒有不好意思的感覺，懷疑她是啞的，我最怕痴立立的感覺，如果你地咁唔想客人食鐵板，不如直接講等地會彈到你一身都係！最終忍不住出聲，問左第三位侍應拎濕紙巾，佢話冇，我同佢理論了話點解無地啲員工可以態度咁 惡劣？一個唔好意思都冇？呢間野真係好過份未試過客人好似隻狗咁！ 我來吃飯是受你們氣嗎！真係希望呢間垃圾餐廳好好重視一下員工的質素！ 食物很普通沒有特別 所以不會要來貼錢買難受！…查看更多

今晚約左幾位好友去元朗區最近幾有名的火鍋店—「大滾友」到 滾一滾可能是閒日同比較夜既關係，我地預約左9:30的時間都準時入座。店內裝修充滿中國風，元朗區黎講算小有，唯店內地方較小，我們入座了卡位，都算舒適。我地點左一個名為「黑絲長腿」的卜卜蜆蟹煲。一上桌店員會為其點火，濃濃的酒香跟黑椒味蟹肉很新鮮而且足料，我地先吃掉蟹肉同卜卜蜆再之後加湯打邊爐，惹味友人們想吃刺身店員推介了活魚刺身上菜的時候 魚頭還在動 條魚有啲可憐不過除了賣相ok, 魚質很鮮甜，很新鮮這個價錢來算 我覺得非常OK而其他火鍋配料方面亦見精緻及出色半熟五花腩我第一次食 好夠味灼一灼就食得原本豬肉都可以好好味另外亦點了我想產好耐的蟹黃餃雖然價錢相對於其他餃子來說偏貴了但一試就知道是值得的皮薄啖啖蟹肉香味，足料及新鮮，味道很好。我的至愛牛肉拼盤 一出場已霸氣非常有乾冰伴著的冰火效果 大家都相機食先除左賣相得之外，亦岩哂貪心的我們，佢有哂牛既不同位置，迎合各人愛吃牛的不同口味！ 廣島蠔好大隻好甜好新鮮記得不要滾咁耐黃金響鈴 亦是我覺得做得很出色的超香咸蛋黃味 即叫即炸灼一下岩岩好 又脆又惹味 一人一條岩岩好 呢次晚餐 我地都好滿意於這區內來說 真的很有水準岩哂一啲對打邊爐有要求既人。值得一讚係店內都幾忙但店員都好耐心地介紹食物同服務，令我覺得小店的人情味我地成班已約定下個月會再來要試埋其他湯底…查看更多

之前都食過肉餅哥，無論係荃灣店，定係大圍店食，肉餅確係不錯，知道佢哋開咗九龍分店，喺梗係第一時間過嚟試吓，牛頭角樂華邨相對比較遠，需要由地鐵站轉成一程2分鐘的小巴便可到達，又係冬菇亭。今次食芫荽山煎肉，的而且確有大量芫荽，絕對吸引相機，肉餅裏混入大量芫荽，煎香之後散發着大量芫荽香氣，作為一個芫荽控，必須一試，肉餅依舊口感彈牙，帶有肉香，肉餅熱辣辣，配最愛的菜飯。店内裝修，依然係一貫肉餅哥作風，木枱加鐡椅，尚算舒適。期望肉餅哥會開喺我屋企樓下。…查看更多

每次想食肉餅都會諗起肉餅哥無論係最初嘅荃灣總店， 抑或係現在嘅美林邨分店， 我都覺得佢哋嘅肉餅煎得非常香口外面脆卜卜，裏面非常嫩滑。👍今次叫左蓮藕煎肉餅，當然能夠保持一貫水準，做得外面脆，內裏嫩，中間的蓮藕粒亦非常爽口 。 肉餅雖然有一點油膩，但配合菜飯，好像健康一點。 今次見到美林邨分店多咗好多晚餐嘅小菜，應該係因應美林邨不同嘅需求,當肉餅哥遇上小炒小菜，下次一定要試試…查看更多

自從我上次遇見你⋯一直對你念念不忘今日終於有時間再黎滾得囍滾一滾咁耐冇黎，見到門口多左啲打卡位，有金光十足的龍椅同即影即有Instagram 相機，岩哂各位鍾意呃like既朋友🤣個個都想做皇帝唔通個個都係皇帝咩🤣座位依舊舒適，環境宮廷豪華，亦見到比起上次添加左好多款式野🤗今次湯底點左個麻辣卜卜蜆✨湯底用料十足，夠哂麻辣。卜卜蜆一陣就已經卜卜聲地打開✨驟眼看真係滿滿一窩的蜆，肥大鮮美令人驚喜的有餃子🥟拼盤✨不同餡料的餃子，即點即包，新鮮入味，各有特色👍 岩哂各人唔同咩味,大大粒用料十足細食既女仔朋友，食左兩粒已呻飽🤭 另一出色就係滾得囍牛肉拼盤 一上各人已相機食先賣相靚靚，牛肉新鮮。有安格斯肥牛，M8和牛，牛柳粒，牛舌粒，牛頸脊，不同牛帶有不同牛味，各人心頭好都唔同，我就最愛勁有牛味同咬口既牛柳粒，細細粒又容易食其它亦各有特色，岩哂貪心的你☺️冷凍拼盤✨👍超級鮮美，凍蝦又肥又大隻😍鮑魚鮮味十足帶有一點酒香掛住食關係，亦點了蔬菜拼盤，新鮮亦大盤，為這一餐畫了完美既飽飽句號🤣✨👋🏻滾得囍，真材實料，環境好適合約埋三五好友黎一齊滾👍下個月的親戚飯聚有著落喇，一定唔會失禮😊😆…查看更多

是日過海來到北角工作，到晚上openrice下附近有咩好食先Search到有間新開火鍋 個名叫 滾得囍宮廷火鍋個名又幾特別 決定去試下!一出lift , 見到門面好靚，帶點古典風味好有特色入面環境感覺乾淨舒服，而且冇侷促感非常適合飯聚的地方！我地點左兩個鍋試試川芎天麻藥膳魚頭鍋如果你對藥材湯情有獨鐘，你一定會瘋狂愛上這湯底獨有的川芎味好滋補，飲完一碗已經覺得好似進補了😆魚頭不腥 帶有鮮味 令人回味的湯底！台式麻油酒香雞鍋話明台式，當然同港式既雞酒有小小分別最特別的是 滾得囍是即場在你需前煮出來先落薑香料等爆香 再落酒燒紅熱鍋光看表演都忘了拍照！最後加上黃油雞 湯底吸收精華 食落冇港式的雞酒咁濃但聞落好香，味道帶麻油及淡淡酒香而且這鍋煮久了 味道更佳！精美小菜台南帶子蒸豆腐呢個太有驚喜，豆腐配上帶子，平淡中的奢華，新鮮的配搭豆腐好滑 剛剛一口配上了帶子的鮮味而且賣相也太精美了❤飛驒和牛刺身招牌菜之一和牛好新鮮 而且厚薄適中令人一口咬下有新鮮的牛味在口舌中徘徊然後就溶化了算是高水準的和牛刺身👍BB象拔蚌刺身大愛吃刺身呢個BB象拔蚌，細細條但勁鮮甜！份量剛剛好，好爽口，又係不二之選！手切安格斯牛肉重點牛來了特別喜愛手切的 咬落有質感牛味非常濃郁 而且好新鮮 我自己都食左半碟😁😁滾得囍 估唔到咁有驚喜湯底好好味 令人一再回味👍小菜有特式及心思 值得一讚另外材料亦新鮮 希望滾得囍可以繼續滾得起！keep住水準💪🏻…查看更多

好耐冇食肉餅哥， 突然間好掛住佢， 雖然路程不太順路，都特登走去探下佢，既然得自己一個人，外賣攞返屋企食吧，依舊係食我最鍾意嘅“金沙蛋黃煎肉餅配菜飯”， 急不及待跑回家。打開個飯盒， 未食已經香噴噴，一啖咬落去，鹹蛋黃依然起曬沙，味道香口，份量十足 ，而肉餅仍然厚身， 分量不減， 帶點肥肉，煎得香脆，味道非常惹味， 菜飯的菜粒依然沒有減少份量，值得一讚， 我自己覺得，吃整個飯都不需要落豉油， 因為配咗鹹蛋黃已經好夠味。例湯雖然凍咗，味道仍然不錯， 我…………我可能有少少鍾意咗佢。…查看更多

真係好搵笨嘅外賣，2月3日，晚上12:45分，買了兩碗狗仔粉，兩碗鴨絲翅，兩隻上脾，總供180蚊， 先唔計口唔好食，跟本一早外賣就已經計多錢…………其實做生意可唔可以老實一點？？？？ 賺多十蚊八蚊係咪好開心？？？？？返到屋企先發覺，其實真係好搵笨。如果各位叫外賣，先計清楚價錢，才好離開…………味道： 不外如是，不值一百八十蚊。1.火鴨絲翅，沒有火鴨絲。2.狗仔粉，沒有味道。3.鴨上髀，超細隻，沒有味。其實之前已食過佐敦分店，原先就是好好味，為何來到荃灣分店，質素降低那麼多？？？請我都唔會再食……😠😠😠😠😠😠…查看更多

好耐冇寫過食評，今日再激發起我呢團火既，就係呢間辛安東奶奶雞因為不想更多人中伏!!!話說 前晚收工後出左旺角，當時雖為已經十點多差不多十一點，去左黑布街附近睇下有咩食啦，眼見其他鋪都仲有人排隊，唯獨呢間奶奶雞得果小貓三，四隻，其實都估到應該麻麻地，但見佢都有幾間分店，唔會差得去邊掛！點知就瀨野了我地得兩丁友，入去前我都先問店員收工未？佢串77的態度話 11：30pm last order, 12點關門，當時係11點，咁我地快快食一粒鐘都夠，於是就入左去。冇人帶位之餘，比人感覺係： 做咩入黎食啊，阻住人收工，快d 走我地都好快點左野食，免得被那班黑口黑面的員工啤住哂！叫左辛安東奶奶雞 辣 半隻一見到碟野 勁小 似餿水多點！ 入面有粉，帶硬 好難吃仲要碟野係唔熱既雞得六舊左右 何來半隻？鵝肝鐵板飯，果舊其實係咪鵝肝黎？點解可以咁奇怪入面係唔熟的，飯overcook 全部都係飯焦我係成碗冇郁過仲要一早就收還走左我地的餐具完全係放埋你一邊理得你死果隻未到50分，有店員來催促我們走未到十二點就趕客，你地咁趕住收工就唔好接客入黎啦真係貼錢買難受！！！ps :仲有叫多左個泡菜，但沒落單…查看更多

去開荃灣，上openrice搵食。見到新開的肉餅哥，一見到肉餅二字已流哂口水，皆因我係一個超級鍾意食肉餅的傳統港女，平時去開茶記，肉餅都是我的不二之選！見到啲食評，決定一定要去試！去到位置唔算難搵，肉餅哥離遠已好搶眼，亦見人潮。同幾位同事等左3,4個字就有位。其實我鍾意食蒸肉餅，但唔係好多地方有煎的，決定一試，亦點了肉餅哥的招牌菜-原隻龍蝦煎肉餅，由於肉餅制作需時，所以預了要等，即叫即煎。一上枱。。。等得真係好有價值！！！真係冇老點，成隻龍蝦華麗地拼上肉餅仲要係連鉗，連埋蝦頭，啖啖肉亦有糕一食就知真係新鮮，啲肉好有鮮味，沒有加味，真正的原有鮮味！ 消滅左個鉗，就到主菜肉餅，估唔到連個肉餅都充滿龍蝦肉，好有口感，而且肉餅肉不淋，最怕落鬆肉粉的淋淋肉餅！煎肉餅好香口，唔食飯的話我真係食到兩塊我選了菜飯配搭，送飯真的一流份量亦十分大，我就覺得真係好抵食！重口味者可加肉餅特制鼓油配搭，我個人就喜歡原汁原味的鮮味。肉餅哥真的有驚喜，眼見仲有30幾款肉餅款式，我一定會再黎肉餅哥逐一試試下次試下蒸的…查看更多

今晚工作完，獨自一人黎到山林道，想起很久之前幫襯過的串燒，即刻想再去回味一下。原來這裡裝修了，名字也改了，串酒里，Kebabeer...kebab + beer,幾有意思格局更顯特式, 很喜歡！現在秋高氣爽, 室外最適合三五知己把酒談天！自己一人點餐，看得出餐牌花過心思。試試新菜式，鹽燒秋葵味道比我想像中新鮮及好吃！清新的配搭！串酒里改名後，酒的品種真的多了很多，不小得我最愛的手工啤酒，濃濃的麥味徘徊在口內，再配搭串燒，絕配！自己一人吃不了多少，但好處是可以吃平日朋友們不點的我選了燒鱿魚鬚，個醬汁幾惹味，鱿魚我最怕太硬，幸好這裡的沒有讓我失望！雙重芝士薯條， 芝士味超濃郁，每條拉出來還有一條條的芝士絲！佐酒吃亦不會腻!一人串燒原來又幾正，環境舒適，嘆下啤酒，其實談得上好的餐廳就是要各樣配合，環境，食物質素，服務態度，這裡每次都能給我滿意的一餐！下次一定會再約朋友來…查看更多

是日放假，跟好友踏單車來到元朗區著名的華嫂冰室潮聖一下。華嫂位於坪山的一圍村裡，距離天水圍西鐵站不遠，今天幸運地不用等位，友人說平時閒閒地都要等一小時以上。我們4點半左右去到，華嫂關5點，我想應該這時段沒什麼人吧。我們就衝忙的吃一餐。點了蕃茄湯底的豬排雞翼通粉--蕃茄味非常濃郁，有點像濃縮的蕃茄湯，不酸不甜，味道剛好，如果你喜歡蕃茄湯的話。 而雞翼跟豬排不過不失，唯份量較小。再來的是芫茜皮蛋豬膶湯米線--這個可是我的最愛，喜愛吃芫茜的不可錯過，加了薑片味道更搭, 唯味道可以更鮮味，很快就KO了一碗。最後的招牌菠蘿包--脆脆的菠蘿包裡夾著太陽蛋，蕃茄，芝士味道有點像帶甜的公司三文治，一咬下去流心蛋汁流出，非常新鮮的配搭但小心吃到一身都是菠蘿包碎總括來說，華嫂是值得一吃的風味小店，唯有點路途遙遠及多人，下次下次，不知要要等幾時再過來了。…查看更多