ruuuuuuuuby的个人专页

本身上YouTube見到有人介紹，啲餃子好大隻，所以就過嚟食喇。但係，見OpenRice有唔少負評，就有少少卻步。最後，因為天氣凍，好想食熱辣辣嘅餃子，所以都係決定一試。先講服務態度，絕對係一百分，又充滿人情味。一入門口，有個哥哥仔好有禮貌咁叫我哋點填紙仔或者安心出行，絕對唔係其他食評所講呼呼喝喝🤗🤗之後有個叔叔好熱情咁介紹有咩嘢食，好有人情味。叫咗酸辣土豆絲($20)，鮮肉雲耳椰菜餃($48/8隻)，鮮肉咖喱薯仔餃，最後仲encore叔叔介紹嘅鮮肉紫菜餃😋😋先嚟個酸辣土豆絲，酸酸辣辣好開胃🥰之後就嚟咗啲餃子。先飲過豬骨湯，夠晒熱辣辣，啱晒冬天暖胃。餃子size好大，大過隻湯勺。雲耳椰菜餃爽口，好有口感，吸收埋啲豬骨湯嘅味道，一流💯咖喱薯仔咖喱餃，有印度風味，薯仔已經變咗薯蓉，好特別，值得一試。熱情嘅叔叔再介紹我哋食紫菜餃，佢話好有秦國小老板風味。一咬落去，好香紫菜味，嚟到呢間餃子店絶對要試！！臨尾比錢埋單，我哋唔小心俾多咗幾蚊，有禮貌嘅哥哥仔仲追住嚟，比返錢我哋，真係好有人情味🥺🥺🥺總結，呢間小店一定要多多幫襯💛💛💛…查看更多

已經食過漁匠屋3次，第一次係係附近行完山，朋友介紹食既，食左第一次就欲罷不能啦，次次去屯門都想食！！！首先，幫老闆娘抱下不平先，食左3次，老闆娘都好好態度，服務一流，好好語氣，又主動介紹食物，完全唔明點解有人話佢態度唔好啊（黑人問號）頭2次7 8點先到，都要等位，今次就特登6點就到，終於唔洗等。第一次食就食左壱之重丼，有唔同種類新鮮魚生，仲有海膽同蝦，當然好好味啦，但令我留下最深刻印象既係朋友食既黑甕丼，個陣食左一啖就好念念不忘，一定要食第2次，自己食晒成碗佢！呢個黑蚊蚊既飯，有甜蝦蓉、帆立貝、小柱、黑飛魚籽、黑松露醬，一片黑色海量地cum住晒d飯，密密麻麻，就知道有幾足料！每一啖都係滿滿的黑松露mix黑飛魚籽味，齒頰留香就係咁解啦。面頭上白白的蝦、帆立貝、小柱mixture有令人想不停encore的口感，好幸福的感覺。底下既壽司飯亦有預先調味，無須再加豉油／wasabi，直接就可以享用老闆調好的美味。呢個飯絕對係令我一再返黎食的主因，係香港完全無食過呢個level的魚生飯<3 今次見有期間限定的穴子丼，一於試試佢。穴子原來姐係海饅，一貫不吝嗇的作風，佈滿飯上不是滿滿的大平台，而係穴子！！！粗略估計至少10大件穴子，側邊配上蛋絲點綴，平衡返燒穴子的油膩感，又係三爬兩撥就食晒：3呢間小店推介比屯門人，呢排仲有第2碗半價添，一定要試下咁正既魚生飯。而家正苦推限聚令，小店入面好少枱，生意大受影響，我食既時候都撞正食環踩場，深感無奈，大家記住多支持黃色小店啊！！！…查看更多

呢個市道好多小店都告急，呢排驚出街食飯，都可以買外賣g持下小店🤪前排想食點心，就揾到呢間小店，標榜無味精點心。茶水係店員幫手倒嘅，如果好似茶樓咁，真係一壺壺茶，每枱一壺，咁就更正啦，不過呢間舖無收茶水錢嘅，都唔可以要求太多haha叫左7款點心，最推介一定係黑白芝麻蝦多士同和風脆皮海鮮腸😆點心都係即叫即整，絶對值得等待⌛️蝦多士有4大件，熱辣辣，面頭全部都係芝麻，絶對唔孤寒。咬落去，超香口勁脆，好熱，滿滿彈口蝦膠湧出嚟，每啖都好滿足🥰海鮮腸又係好足料，成6大件，一口絶對食唔晒，要咬多幾口。外面腸粉皮好滑，入面就有好脆嘅炸兩，再包左好足料嘅海鮮，外軟內脆，好特別。其他點心都唔錯，2個人埋單都係$244，食到棒住個肚走啊，好抵食。港島良心點心之選💛💛💛…查看更多

呢間小店聽講淨係做午市，12-3，之後就唔開，係香港咁貴租嘅地方，咁都可以維持到生意，就知道有料。睇門口嘅報道，原來老闆曾經係五星級酒店做廚，食物梗係高質🥰12點去到，都仲有位，唔洗等，不過食完之後就見到要等位啦，係呢個市道都要等位，叻叻🥳要讚讚老闆娘細心，見我一個人傻傻的係門口，就主動問我係咪等人，又主動比飛我，因為要人齊入座。我嗌左招牌娘惹海蝦喇沙（$70），朋友就嗌左金榜去骨海南雞飯（$68）。跟餐送熱羅漢果茶，清甜滋潤，感覺養生，好舒服。亦都可以半價轉特飲，朋友就叫左咸檸7。海南雞飯好快到，仲送碗湯，望落好靚，不過我就無試啦。之後就到招牌喇沙，一黎到真係話左出聲，好大碗，好足料，絕對對得住個價錢。先飲啖湯，不得了，超級creamy，好似飲緊奶咁！味道唔辣，怕辣的朋友都可以嗌啊。係酸酸甜甜咁，飲到欲罷不能，好想飲晒成碗湯。麵底係油麵mix米粉，米粉索湯，油麵有咬口，夾埋一齊好有層次。海鮮方面，3大隻海蝦，蝦肉彈牙，仲有3隻螄蚶，索埋湯味好正。老闆娘仲好細心，比定張紙我地放蝦殼。配料有豆卜、芽菜、魚旦，完全吸盡湯底精華，好好味。呢個喇沙絕對係我的no.1，下次會返去試下新加坡喇沙！！小店有外賣自取，疫情絕對要大大力懲罰！…查看更多

尖沙咀新開黃店，主打腸粉同餃子，抗疫期間，一定要支持同路人🥰超值套餐：腸粉（豬膶，香菇）+ 水餃6隻（雪耳椰菜豬肉餃） $55尖沙咀黎講好抵食🤪🤪🤪腸粉即叫即整，香菇勁香，帶到豬膶鮮味出嚟。豉油出色，食到停唔到口😆水餃都有驚喜。雞湯入面有紫菜，好鮮甜，餃子皮唔太厚，好索湯。雪耳椰菜好爽口，有咬口。重點係，隻隻餃子大大隻，好想嗌多份🤣再嗌多份煎韭菜餃($35/6隻)。可能因為外賣關係，唔係即食，無咁熱辣辣，同唔太脆。不過韭菜味好出，亦都大大隻，好滿足。一定會再encore腸粉同湯餃😚😚😚大大力懲罰！…查看更多

柴灣呢個地方，選擇少，難得有間良心小店，一定要來支持。喺地鐵站附近嘅工業大廈3樓，其實都唔難搵嘅。兩點幾先去到依然好多人，睇嚟早啲嘅話一定要book定位。Lunch Menu大約70幾蚊，老實講喺柴灣來講算貴，但質素同價錢成正比。嗌咗兩個set，一個黑松露牛肉漢堡配薯條，另一個野菜牛肉飯。先來餐湯，係紅菜頭羅宋湯，好足料好多蘿蔔好多菜頭，正。黑松露牛肉漢堡絕對拍得住出面嘅burger專門店，漢堡入邊包左生菜洋蔥仲有蕃茄，手打牛肉好香牛味，食落又有咬口，配上好香嘅黑松露醬，好滿足好好味😋野菜牛肉飯好多唔同種類嘅菜，有西蘭花、蘿蔔、翠玉瓜等等，仲有隻溫泉蛋，飯底係珍珠米，仲有濃濃嘅牛肉汁，好味過吉X家多多聲。小店1111-1114都罷左工，係有開嘅日子一定要大大力懲罰啊💛💛💛…查看更多

有一日，黎左呢間茶餐廳食早餐，早餐到11:30都有，唔驚遲左起身無得食。餐廳好多卡位，坐得舒服。電視播viutv，扺讚💛早餐多選擇，實有一款啱食。揀左a餐，牛腩粒蕃茄通心粉，炒滑蛋，蒜蓉多士，熱檸水，$38，灣仔區，扺到爛！好快黎齊野食。望下個牛腩粒茄通，d牛腩粒多到，成6舊，仲要厚切大大粒，好過份啊，無試過食到咁滿足嘅茄通。💛💛蒜蓉多士，好香蒜蓉同牛油香。炒滑蛋，真係幾滑，同埋好大份，足足半隻碟，唔似得某d茶餐廳淨係得一角仔。完全唔知點解咁多差評啊，姐姐服務態度唔錯，食茶餐廳你都唔expect五星級服務啦，正常落單，送餐，收碟，抹枱，好過唔少茶餐廳。要多d幫襯，大大力懲罰小店。💛💛…查看更多

同朋友想揾間良心小店食飯，搵吓搵吓就搵到呢間，鋪頭唔算大，人亦唔多，氣氛好寧靜好舒服，好適合同朋友黎吹水食飯。老闆好細心咁介紹餐牌，主要係食熟成同埋低溫慢煮，dinner set ~$158-2xx，包括餐湯麵包沙律主菜甜品飲品，其實都算好抵食，最後仲食到捧住個肚走💛沙律正正常常冇乜特別，餐湯好飲，最驚喜係麵包，好重香草味，老闆話係自家製，配埋少少牛油，好想再瘋狂食多幾塊💛主菜叫咗低溫慢煮油封鴨髀，低溫慢煮牛面肉，兩個都可以揀配飯、意粉、薯仔，我同朋友都揀咗配薯仔。老實講油封鴨髀唔算大隻，但油味同鴨味好香。牛面肉有少少似牛展，份量比較多，食得好滋味。薯仔都有五六舊，上面配上少少香草，幾好味。食到呢度其實都好飽，但仲有個甜品，係即整嘅焦糖燉蛋，見着老闆即刻燒面頭嘅焦糖好新鮮，係近排食過最好味嘅焦糖燉蛋。仲有可以揀一杯野飲，有好多特色嘅花茶，我同朋友就揀咗黑糖薑茶，個杯好大差唔多成個湯碗咁大。黑糖同薑嘅比例都好多，飲落係結結地身，中間加咗一次熱水，都仲好有薑同糖嘅味，係呢個秋涼嘅季節好適合飲，感覺好暖胃好補身。成餐飯都食得好舒服，食到都唔記得咗影返張相，唯有純文字討論。希望會吸引到大家多啲嚟幫襯呢類嘅良心小店，係呢個艱難嘅時刻都要幫襯返同路人，特別係呢啲小店💛💛💛最後提提大家，呢度只收現金，亦有+1，記得帶足夠嘅現金黎俾錢啊，呢度嘅Service係一百分，老闆不時你睇吓你食到變問吓你嘅意見，有不停加水，呢個+1絕對值得比💛…查看更多

9點半後$98任加卜卜蜆，抵到爆💛唔係$98一個人，係$98一大煲，任加💛揀左胡椒豬肚，出乎意料，好多豬肚，2個人都食唔晒。要挑剔嘅係唔少蜆都有沙，扣左少少分。但以份量味道搭夠，d蜆都唔細，鮮甜，索到湯底胡椒味💛店員經常主動幫忙收殼，加湯，建議係枱側邊擺個大筒，食完d殼直接倒入去，就唔洗特登黎收。仲嗌左娃娃菜，黃金響鈴，姐係咸蛋黃炸響鈴，完全無得輸。💛💛💛…查看更多

趁返工前食個lunch，呢間銅鑼灣cafe有$68-$98 lunch set，唔洗加一，冷熱飲同價，係銅鑼灣算抵食，而家唔多人，環境寧靜，望住維港海景，好舒服😌lunch set包沙律，主食，飲品一杯。沙律係普通野，細細兜，幾開胃，不過我本身唔係好好沙律哈哈主食揀左白酒忌廉燴青口意粉，$78。青口有成8隻，雖然唔大隻，但都幾鮮甜。忌廉汁底好綿滑，creamy，襯埋唔軟唔硬嘅意粉，一流。仲有翠玉瓜，蘑菇，更有口感。涷檸茶就正正常常，不過不失。侍應同廚師都好有禮貌，好nice，不停主動加水。總結，雖然野食選擇唔多，但質素好，staff nice，已經好值得支持，多食小店，罷食無良連鎖店！…查看更多

趁初四請阿媽食餐飯，見呢間幾多好評，就試下。好彩book左位，無諗到呢間係西環嘅cafe都會咁full，好多人walk in都無位，所以呢到晚市係有限時90mins，但到我地走都無人催我地，可能因為當時有其他吉枱，呢方面幾好🥳見身邊差唔多張張枱都有嗌呢份扒，所以跟風嗌左份扒，五成熟，覺得五成熟剛剛好，有肉汁流出黎，配埋佢特製嘅醬汁，好juicy🐮最驚喜係個蒜頭，好淋，好入味，賣相又好靚，令人好好奇佢係點整嘅🧐反而好多地方都整得好出色嘅黑松露薯蓉就失色啦，雖然都有少少奶味，但唔夠creamy，唔夠滑，更食唔出黑松露味🥴份扒都算大件，對得住個價錢。2個女人食完份扒有5成飽，再嗌個甜品就啱啱好🍰阿媽好鍾意食waffle，呢到有2款waffle，一款莓果，一款venchi朱古力，本身唔太好朱古力，諗住莓果fresh d，點知。。。個樣都係好靚，上菜時勁香，令人好有趁熱食嘅感覺，仲有4件，每人2件啱啱好🥰但個莓醬勁酸，10分滿分比夠100分嗰隻，雖然食得出似自家制，唔係普通jam嘅死甜，但真係酸到唔係好頂緊，要撈翻個雪糕先入到口。waffle食落無想像中嘅蛋香，比佢陣味呃左一下，但都唔差嘅。如果嗌朱古力應該會好好多，起碼無咁酸🥺整體黎講，環境好舒服（已經有好多人介紹過唔多講，總之好artistic），野食好味，同價錢相乎，staff好有禮貌，唯一挑剔下，用紙杯裝水，唔係好環保，難怪會咁full，食之前記得book位🤗…查看更多

本身諗住一大班friend去bbq，點知撞正落雨，結果就黎左一直想試好耐既米走雞試芝士雞煲。我地6點就去到，諗住早d拎位，但因為夠早無咩人，所以唔洗等就入得，不過因為我地未齊人，而佢係限時2小時用餐，最後就等到645先入座。我地坐樓上，要行上隔離棟舊唐樓，個到有d紅燈閃閃下，如果唔係成班人行，都真係會有d驚haha一坐低，就即刻嗌番2個芝士雞煲（大）啦芝士真係好濃郁，好入味，每一舊雞都連著好多芝士，每啖都好滿足，雞係有預先炸過，皮有少少脆，同芝士好夾食晒d雞之後就加左d配料肥牛：肥瘦分明，好味新鮮牛頸脊（細）＄188：之前睇食評好多人推薦，見佢份量唔算大，又賣得貴，所以對新鮮牛頸脊好有期望，食落幾有口感，幾特別豬頸肉：每次打邊爐必叫配料，實無死，口感爽滑餃子：個皮好痴口，餡料無咩特別，麻麻，可以唔洗叫響鈴：芝士汁係響鈴中間流出黎，好juicy生菜、粉絲：吸左芝士既精華，好正…查看更多