SavannaHoiYan的个人专页

原本因為好多好評而過嚟試吓打算有個精緻嘅lunch 但成個用餐體驗真係好麻麻本身成個餐廳已經好細有啲迫特別係味道要求真係一啲港女cafe 得個樣對食物質素要求冇乜因為佢仲要呢個價錢，食完我哋都覺得好空虛希望佢好好改善吓如果唔係只係第一輪新客之後唔會再有回頭客首先，我哋點咗個Egg Benedict 大家如圖所見一嚟到隻雞蛋大小細到好似鵪鶉蛋咁我哋本身都諗係咪呢隻特別嘅蛋？會有特別濃嘅蛋味？但點知一切開係熟蛋😹我哋都好驚訝我哋試咗少少隻蛋之後完全冇蛋味之後真係忍唔住同佢提出好彩老闆一望到隻蛋咁都即刻抱歉換過俾我哋不過再換嗰隻蛋只係好少少，仍然Overcooked 不過我哋都算，費事令佢哋難做之後我哋認真試吓成份嘢點知乜味都冇連我哋以為黃色嘅醬係荷蘭醬原來都唔係荷蘭醬只係牛油成嚿嘢只係好漏無味嘅出品好明顯睇到廚房嗰邊冇咩心機煮我都食到冇咩心機🥲另一度dish就係 oyster risotto點知道真係好失望我第一次食到risotto 係完全熟晒軟晒(正常中間米心會有半熟煙靭嘅口感)而risotto好水而冇生蠔味就算係生蠔都係食到滾水淥嘅味道🥲真係有啲傷心最後咖啡，無論手沖定係機沖，就係普通出邊其他Cafe嘅質素水平真係希望餐廳好好正視食物出品對得住個價🥲🥲…查看更多

整體嚟講係比一般砵仔糕特別少少，但佢比平時砵仔糕賣貴四倍又真係冇四倍嘅質素驚喜，只係稍稍特別少少，個人覺得唔係好值$16一個😂我見到我買緊嘅時候有人經過都話呢間嘢個價錢太貴搞唔掂，不過當第一次體驗吓…查看更多

佢食材都有啲特別同味道OK，感覺都有啲心思，但整個服務以及用餐體驗真係好唔開心，管理做得好差-首先我哋一入嚟企咗一陣完全冇意招呼我哋，過程中為大部份都好似孤兒仔咁-佐敦依一間嘅裝修就係好「廟街」😂入邊其實都幾殘舊油漬，長時間望住大排檔廚房嘅feel，同埋個衛生情況好麻麻地，你會見到佢哋洗碗掉垃圾。完全同佢想set嘅高檔定位好有矛盾，感覺真係差天共地，我諗中環嗰間好好多- 好缺人手，根本就應付唔到咁多人，我喺中途等咗好耐先有下一道菜，而且啲侍應有好多論盡嘢，管理同分工冇咩共識，睇到淨係得個亂-本來佢哋有得慶生嘅環節係好，不過就係佢哋好混亂，後來直程唔記得咗，上咗甜品我再直接同佢講佢先突然間發現-食物同Menu上有啲出入，我本身買咗預訂套餐，裏便提供嘅海膽同佢真實嘅有出入- 用成$1800 收呢種服務質素同環境真係幾唔開心，我諗最唔舒服係我哋長時間都係孤兒仔咁…查看更多

好普通食物質素但係啲嘢食價錢真係好貴如果佢質素對得起個價錢我哋真係比到真係冇所謂慶生嗰部份還好、環境氣氛都OK但估唔到甜品都係好貴，但真係只屬於好普通唔建議大家嚟我都收到側邊嘅朋友啲comment都係咁以前幫襯過荃灣反而好啲嗰間同埋想講嘅係廁所都真係好污糟衛生情況麻麻感覺好多嘢都斤斤計較嘅餐廳其實真係唔會做得長，員工服務態度又麻麻，如果老闆見到請希望好好正視因為我哋嚟餐廳特別慶生，其實都係想攞返一個好嘅回憶同體驗…查看更多

呢一間係成條街唯一keep住勁多人排隊嘅餐廳本身見佢餐牌上邊套餐真係好抵，全日$60但係又包大蒸飯又包燉湯又包小食點知入邊嘅份量竟然都好足，而且食材新鮮肥美，仲要係幾好味幾特別，真係估佢唔到!! 唯一缺點真係太細，好迫好窄同埋要等好耐…查看更多

本身以為依間都係普通打卡餐廳但真係好有驚喜首先，食物質素好高，特別係千層麵，外脆內軟，裏面有茄子好入味好夾。另外特別想讚賞嘅係服務，因為今晚係同朋友慶祝生日，估唔到佢哋會送一個巴斯克芝士蛋糕俾我哋，個伴碟仲要好靚，重點係我想講: 就算係一個送嘅蛋糕都真係好好味，裏面有麻糬，而且成個芝士蛋糕從質感或者味道方面都做得好好。老闆娘最後仲送多兩杯嘢飲俾我哋，好有笑容，由係咁幫我哋影好多相留念，所以呢個真係好值得推介嘅餐廳，從來未心情滾動到要即刻寫食評推介🥹🧡因為香港而家實在太多都係得個樣，但係質素同服務好差嘅餐廳，依家真係近年嚟試過最好嘅餐廳🧡唯一爭少少就係個環境好多人好嘈，座位同座位之間距離到好窄…查看更多

整體成個體驗都唔舒服，俾個外型同宣傳呃咗嚟體驗添，平時好少寫食評，但今次真係忍唔住首先駐場歌手唱歌真係麻麻，而且中途係咁咳…真係戥佢擔心😥啲嘢食本身都唔平，我嗌咗個肉醬意粉好油又冇咩味啲侍應叫咗好多聲先唔情願過嚟，我同友人其實都已經叫咗兩個主食加小食再加嘢飲…即係估唔到其實想要杯水都要收錢…話依度啲水堅持一定要買，但過咗一陣我又喺第二台度見到有人用普通容器斟水，所以我都唔知係咪雙重標準🫠總之整體感覺真係麻麻…查看更多

景幾靚都幾闊落咖啡都還好但係食物質素真係好麻麻蒜蓉包又林晒甜品窩夫燶咗都做攞出嚟俾我哋超un仲要係量好少但其實價錢都好貴之後又無端端同我哋講話佢哋八點閂門(本來係10點)但見多幾台客嚟佢哋八點又冇閂門喎本來同朋友可以一直留喺度食埋飯佢無端咁講又打亂晒啲計劃但之後又唔係八點閂門冇口齒俾佢啲安排玩死本來同朋友慶祝生日佢應承七點上菜但係遲遲又未上到嗰陣時佢又話八點又要閂門真係唔知佢哋想點😕唔係太開心嘅經歷…查看更多

形式都幾得意，但真係比唔到正評又貴又量小，食材又普通，連調味料叫咩都要錢我只點左2棵菜、2隻魚皮餃、4舊細雞肉，加一舊仔芋絲，就已經埋單100例如叫魚皮餃，$12蚊真係只係黎2舊，其他野量真係好少，但加加埋埋仲要貴過放題，最緊要係唔飽，埋單仲要拿拿聲去附近食野醫肚我叫左蕃茄1號，除左這是辣之外就真係無咩味本身話有30幾款湯料選，點知去到原來每日只有8款本身除左入座時有staff帶我地之外，之後都無serve過我地，全部自動化，最尾竟然仲要收加一服務最緊要係唔好味！好失望，食材咁少質素都做得唔好，至少湯底係咪可以有味d，都未講一d無香味都無旁邊有人叫左一set野，已經係叫左經濟之選一埋單加一要成$180 ，望住個set入面既食物真係喊出黎，佢都話真係試一次唔會再試，好搵笨！雜誌又推薦伏野…查看更多

我哋遲咗10分鐘入去，喺出邊等緊嘅期間，個員工好好人咁請我哋飲兩杯野當補數，服務態度幾好幾有禮貌而且上菜速度幾快，讚。餐廳裝修幾有格調幾有氣氛。菜式幾特別精細，不過質素未及佢嘅價錢，份量小而且又唔係特別好好味驚喜。本來我想同男朋友慶祝生日，搞驚喜，不過原來在場嘅大部份人都係咁樣做，喺碟上邊寫名慶祝，結果我男朋友就一早已經知道，完全無晒驚喜，所以如果想比驚喜另一半，依度會有少少失望。如果唔係輕身嘅話，我平時應該唔會再幫襯多一次…查看更多