blissful.foodiary的个人专页

Bookmark咗好耐嘅cafe，終於打卡 ✅ 上層仲有榻榻米座位，環境氛圍好chill～🍞 三重魚籽皇帝蟹柳滑蛋吐司外脆內軟＋牛油香氣，仲有滑蛋+蟹柳，好豐富 🤤🍚 冬蟹三重奏茶漬丼人氣No.1！蟹膏+蟹腳+蟹籽，配上清香茶湯，鮮甜到不得了 🦀✨🥤 開心果特調杯邊鋪滿開心果碎💚 一飲就係濃郁果仁香，仲有綿綿豆腐口感，大滿足！🧇 芝士奶蓋窩夫超可愛必點甜品！窩夫鬆軟，仲有雪糕糯米糍，芝士奶蓋香濃但唔膩…查看更多

行開先發現D2 place原來有間日式燒肉過江龍，平日晚飯仍然keep住有人流，坐低就望到和牛雪櫃，一舊舊靚肉放晒出睇😆 Menu有好多款肉選擇，唔想諗就叫咗和牛「極致」6點拼盤，油花好靚，有牛肩、牛柳、肋肉唔同部位，放上鐵網一燒陣陣牛脂香氣真係不得了！咬落去，入口即化，肉汁爆晒出嚟，濃香又唔膩🥰 另外加咗一碟上等牛舌，牛舌一向係我燒肉必食，呢碟厚薄啱啱好，燒一燒外脆內嫩🤩 而再追加嘅和牛肋肉同樣係油花分佈平均，燒嘅時候牛脂慢慢溶出食燒肉點可以唔叫飯😛 例牌叫個紫菜飯，米飯混咗香脆紫菜碎同少少醬油，清新又開胃，完美中和和牛嘅油膩感🤭 將燒好嘅和牛放上飯面，肉汁滲入米飯，啖啖都係幸福整體嚟講肉嘅質素好滿意，想收工時間即刻體驗到地道日式燒肉，係唔錯嘅選擇。…查看更多

今日喺旺角行街，見到呢間蛋仔記，好多人排隊，忍唔住都去試下！🍫 伯爵茶朱古力雞蛋仔 $26即叫即整，拎上手已經聞到陣陣伯爵茶香，啲雞蛋仔仲熱辣辣，外皮脆卜卜，入面夠哂鬆軟，咬落去仲有少少煙韌感！朱古力味超濃，每一粒蛋仔都包住香濃朱古力，唔會太甜，食到最後都唔覺膩。真係完美組合，伯爵茶同朱古力控一定鍾意！🥜 開心果醬格仔餅 $40除咗雞蛋仔，見到格仔餅有開心果醬即刻想試！一拎上手已經感覺到外皮香脆，啲開心果醬流出嚟，睇見都流口水。醬本身甜度適中，唔會太膩，仲食到真材實料嘅開心果碎，口感豐富，好有層次！成個味道好香濃，開心果 fans 一定唔可以錯過！荔枝梳打 $25（點小食減$5）荔枝梳打入口透心涼，荔枝味香甜但唔會假，啲氣泡感啱啱好，解膩一流！如果有叫小食，仲可以平 $5，抵飲！…查看更多

上星期去咗好出名嘅香港版牛舌檸檬—秋嵐日本料理，果然冇令人失望🤣 非常滿足！極味厚切牛舌定食 $158一份大約有七至八件牛舌，牛舌燒至5-7成熟，外層微焦，內裡軟嫩彈牙，口感一流！牛味濃郁，仲有三款調味：幼鹽、燒汁、醬油，各有特色。套餐除咗主角牛舌，仲有湯、沙律、茶碗蒸、白飯、咖哩牛舌同雞蛋布甸，CP值爆燈🤩 咖哩牛舌濃郁香醇，拌飯一流；茶碗蒸滑溜細膩；雞蛋布丁外觀普通，但口感綿密，蛋香十足，意外地驚喜😋除咗牛舌，呢度仲有其他定食，下次一定要再試下…查看更多

前幾日朋友生日，喺社交平台見到好多人推介呢一間蛋糕店，就買咗個朋友最鍾意嘅泰式奶茶口味蛋糕俾佢🥰6"泰式奶茶戚風蛋糕 ($480)蛋糕擠滿咗細緻綿密嘅椰子cream，口感輕盈順滑，帶有淡淡椰子香，仲有幾粒手工製作嘅焦糖脆脆，增添層次感同口感。切開蛋糕之後，可以見到豐富嘅層次——有細膩香滑嘅泰式奶茶慕絲、鬆軟濕潤嘅泰式奶茶戚風蛋糕，仲有手工製作嘅焦糖脆脆，每一啖都帶嚟唔同嘅口感變化。泰式奶茶嘅茶香濃郁，加上淡淡椰子香氣，令人回味無窮。呢款蛋糕特別啱鍾意泰式奶茶嘅朋友，低糖配方令蛋糕甜度啱啱好，唔會太甜太膩，食落更順口。最難得係蛋糕採用天然原材料製作，無添加色素同防腐劑，以後買蛋糕又多一個選擇，鍾意甜品又注重健康嘅朋友一定要試下😛…查看更多

觀塘工業大廈最近真係熱鬧咗好多，食肆都多咗，特別係豐味窯雞，依家好多人都嚟食。上星期我哋一家人就特地去咗度食團年飯，仲點咗隻窯雞，加埋其他餸，真係好開心！🥰窯雞就係用窯烤嘅，佢加咗洋蔥同埋蔥，咁樣味道更加香，一打開包裝，香氣就撲面而來，洋蔥味好吸引！窯雞用錫紙包好，再放入保溫袋，咁拎返屋企都仲係熱辣辣。返到屋企，我哋用附送嘅手套輕輕撕開，雞肉真係好juicy，嫩滑無比，食一口真係忍唔住仲想再食多一口！下次一定要再嚟試吓其他。…查看更多

Pici作為一間意大利餐廳，趁住大閘蟹季節都推出咗幾款誠意之作，梗係要去試一試😆😆😆 題外話，之前冇試過喺呢間餐廳過生日，不過當晚去到竟然同時間有至少四枱客慶祝緊生日🥳 職員會唱埋生日歌好有氣氛前菜蟹肉麵包卷炸過嘅麵包卷入面鋪滿蟹肉，啱啱上枱嘅時候麵包炸到外脆內軟，要趁熱食，食到一絲絲嘅蟹肉，仲可以配埋特製芥末醬一齊食☺️蟹肉三文魚籽牛油果沙律以蟹肉嘅份量嚟講，呢個沙律絕對抵食，因為牛油果上面鋪滿一絲絲蟹肉🤩食落仲有三文魚子嘅鮮甜同埋口感，要嚟做開胃前菜非常滿足大閘蟹手工圓麵好希望呢個菜式一年四季都有得食🥰 手工圓面彈牙煮得啱啱好，亦都掛汁，雖然單價比較高，但係大閘蟹嘅料比得好豪爽🤣 真係食到蟹膏，仲有蟹油流晒出嚟，邪惡得嚟好值得回味慢煮牛面頰寬帶麵呢個意粉通常食lunch都會叫，面頭鋪滿芝士，加埋牛面頰嘅牛味梳當突出，就算本身意粉調味唔重，都覺得整體味道夠晒香濃👍🏻大蝦海鮮濃汁黑細面鍾意食蝦嘅人叫呢個意粉都係唔會錯嘅選擇，因為有兩隻大虎蝦，醬汁蒜味好出，加埋蕃茄酸酸甜甜，非常開胃，真係一啖接一啖🤭Tiramisu呢個甜品係Pici signature,好鍾意咖啡同奶香balance得啱啱好意式薑味奶凍配黑糖果凍食大閘蟹一定要有啲薑味甜品配搭返，又估唔到出現喺意大利菜，又冇乜違和感😋 而且奶凍非常綿滑，配埋黑糖果凍，甜味啱啱好* 12月內於 Pirata Group 旗下餐廳每消費一次可獲得1枚印花，滿10個印花即可參與「Seas The Season」聖誕大抽獎，頭獎為馬爾代夫5日4夜之旅（2人同行，包來回機票、Hard Rock Hotel 及 Saii Maldives 各兩晚住宿）…查看更多

平時比較少去悅來坊，行開先知有間大酒樓，而且心血來潮想同屋企人食下龍蝦伊麵就入咗去試下😆前菜要咗脆鹵滑豆腐$58，有4大件，呢個前菜值得一讚嘅係個豆腐表面真係炸到好脆口，再浸喺鹵汁，入味又香口👍🏻高湯焗澳洲龍蝦 $188/份 （2-4位1隻，5位以上2隻）菜單有兩款龍蝦，呢份龍蝦伊麵其實都夠2個人食，而且肉都唔少，澳洲龍蝦爽口彈牙，同伊麵係perfect match🥰另外叫咗個孖寶餐 $268，有4隻金蒜粉絲蒸大元貝同半隻瑤柱水晶雞，大元貝好新鮮，而水晶雞肉質都好嫩滑😛最後有送甜品，當晚係豆腐花，埋單$500左右已經食到好飽🤣…查看更多

收工時間喺中環行咗陣想搵嘢食，諗住IFC食得，應該都有返咁上下價位，經過呢間4口，望入去餐廳環境有吧枱竟然係食福建菜，咁啱呢排又做緊鰻魚菜式推廣，就入去試吓😆蒲燒鰻魚飯 $138其實睇相已經知係平時日式餐廳嗰種鰻魚飯，不過喺中餐廳食又有啲唔同嘅感覺😂 鰻魚肥美無骨，而且鰻魚本身嘅燒汁唔會死鹹，上枱嘅時候仲會多一碗醬汁，自己調節口味，個人就覺得唔落都已經夠晒濃味鐵板焗鰻魚 $168又一個唔太中式嘅煮法，但係食落就係熟悉嘅大排檔鐵板味，厚厚嘅鰻魚扒下面鋪滿蒜頭蔥頭等等嘅配料，就算唔食就咁吸收晒啲香味個鰻魚都好吸引🤩廈門沙茶麵 $138沙茶麵真係第一次食，唔係港式茶餐廳嗰種沙茶牛肉，呢款係辣味比較突出，配搭唔同類型嘅海鮮，有蜆、蝦同好滑嘅魚片，唔想食飯或者叫其他餸就咁一個面都好夠👍🏻 沙茶牛腩煲 $168呢個係店員推薦嘅小菜，確實係冇介紹錯，因為牛腩煮到好腍😋而且炸過嘅薯仔朔晒啲汁亦都好好送飯，牛腩件數一啲都唔少，一煲可以三至四人食食完主菜梗係要甜品埋尾，餐廳甜品選擇，雖然唔算多，但係睇相都覺得幾吸引，所以試咗兩款：椰奶銀耳燉桃膠 $58白茶流心丸 $48個人嚟講更鍾意燉桃膠，而且仲要係凍食，整個配搭唔會覺得食完之後好滯，食完之後有啲想encore🥰…查看更多

上星期同朋友去行街，估唔到寶琳都開咗茶痴，即刻買返杯試下。佢嘅裝修以木為主題，感覺好文青，適合打卡。 日本開心果綿芝奶蓋京都宇治抹茶鮮奶茶痴最出名嘅就係開心果，叫咗杯有齊我最愛的開心果和抹茶嘅開心果綿芝奶蓋京都宇治抹茶鮮奶。💚💚 面層係開心果奶蓋，仲有好多開心果碎，味道好濃郁，但又唔會蓋過抹茶嘅味，兩者互相配合，味道豐富。٩(˃̶͈̀௰˂̶͈́)و 粒粒西瓜蘆薈朋友就叫咗杯粒粒西瓜蘆薈，入面有好多西瓜果肉，爽甜有口感，消暑一流。🤣…查看更多

平時收工嘅消遣，除咗去餐廳食飯，冇諗過原來喺鬧市中都有體驗到釣蝦嘅場地，而且場地一啲都唔細，半個池已經可以容納到起碼12個人以上，而且店員仲會定時refill啲蝦。就連從來未試過釣魚或者釣蝦嘅人都可以輕鬆體驗到😆釣蝦場嘅收費好簡單，首一小時$140，適合啱啱試玩嘅初哥，如果之前有玩過又想多啲收獲可以選擇兩個鐘$260🤭 一開始店員會簡單介紹釣蝦方法，之後就可以自由發揮😛 夠鐘就會有人過嚟收集釣到嘅蝦，再去加工。除咗加工自己釣到嘅蝦，其實釣蝦場仲有其他嘢食選擇，不過當然視乎材料供應，試咗幾款醫一醫肚🤭 而整體嘅質素都唔錯。…查看更多

母親大人好鍾意食片皮鴨，前幾日就book咗呢間中菜一家人食。٩(˃̶͈̀௰˂̶͈́)و烤北京填鴨 (半隻) 上填鴨之前有一碟一口酥，係鴨皮最脆最油膩嘅部分，可以點砂糖或者黃梅醬食，口感酥脆，入口即溶。片皮鴨肥瘦均勻，鴨皮燒得啱啱好，皮脆肉嫩，有油香，唔會太油膩。餅皮厚薄適中，好煙韌，配料就有青瓜、密瓜、京蔥同甜醬，包住一齊食好滿足。至尊拼盤至尊拼盤有揚州水晶肉、手拍青瓜、雞絲粉皮、花雕醉雞同四喜烤麩。手拍青瓜十分開胃。四喜烤麩內有毛豆、雲耳同埋冬菇，花雕醉雞酒香味濃，肉質嫩滑。鮑魚小炒肉鮑魚小炒肉味道濃郁。鮑魚片彈牙，加上豬肉片炒得香口惹味。古琴炒飯 炒飯好大碟，調味好足夠，有好多蝦仁，炒得有鑊氣。 …查看更多

放假行開去上環搵食總會有驚喜♥️ 蘇杭街本身都有幾間排隊店，今次過去見到有間新開burger店，舖頭行小清新風格☺️ 主打用唔同嘅有機材料製作Burger同小食，而且小朋友仲可以選擇有營養又唔熱氣嘅蛋三文治😆 芝士雙層脆邊牛肉漢堡 $78 + 煙肉芝士薯條 $38呢個係人氣招牌，一場黎到梗係要試下。煎出黎牛肉脆身得黎仲要保持牛肉唔會過熟入口仍然有肉汁。👍🏻 食得burger就要配邪惡薯條，係幼身薯條上面加上熱熔芝士同煙肉粒，食落去無論口感定味道又係另一個層次。🤩溏心蛋沙律三文治 $68諗住蛋三文治都係普通嘢，點知入邊有成隻流心蛋，而且蛋沙律嘅調味唔會淨係食到沙律醬味道，保留到蛋香，除左小朋友，大人唔想食咁heavy都有個輕盈啲嘅選擇🥰鴛鴦雪糕新地 $68港式味道就唔少得鴛鴦，幾欣賞店家決定將呢個味道加入去雪糕新地😝成個presentation都係有誠意，仲有咖啡粒同jelly 豐富口感。曲奇忌廉奶昔 $48 & 士多啤梨抹茶奶昔 $48奶昔有三款選擇，今次揀呢兩款飲落都想像到係平時食開雪糕嘅味道，但係比較有驚喜嘅係士多啤梨味一啲都唔假，係新鮮水果味，所以飲落唔會死甜。😋…查看更多

荃灣西海之戀原來有一間人氣韓國餐廳一路都未去食過，晚飯時間一去到好多大枱已經坐滿，入座個陣順便望吓人哋叫咗啲咩好嘢食😆😆 一眼就睇中咗個滷水五花腩，原因係佢上枱嘅方式好吸引，燒網上面放滿一片片五花腩，下面係豬骨湯，一路有個爐仔加熱，保證食到最後一塊仲係熱辣辣☺️ 而且包肉嘅生菜仲可以免費加添一次，兩樣嘢夾埋嚟食可以減少油膩感，食晒都唔覺有負擔😂 比起普通五花肉個人更加鍾意已經滷水咗帶啲香味，而且五花腩食落非常軟腍👍🏻另外仲叫咗一個驚喜二重奏，係牛扒再加四件原味炸雞，牛扒上枱嘅時候下面舊熱石仲加熱緊，可以按自己鍾意嘅熟度去調節，而原味炸雞上到枱熱辣辣，仲好Juicy👍🏻食完咁多肉，就食返個比較特色嘅鱈魚乾海螺拌麵，海螺份量一啲都唔少，加埋鱈魚乾食落味道係好豐富，海鮮味道好夾，加埋韓式辣醬一齊撈麵食，夠晒惹味。🤩食得韓國菜梗係唔少得飲米酒，分別試咗益力多米酒同香蕉奶米酒，香蕉奶溝米酒估唔到飲落又好順口，不過兩隻味嚟講個人會更加推薦益力多味😝 感覺上比較light啲最後點可以唔叫返個甜品做結尾。本身想食蜜瓜雪冰，可惜應該太搶手已經賣晒，所以要咗朱古力雪冰，佢嘅配料好豐富，朱古力味亦都夠濃厚，食到落底完全係飲緊朱古力奶一樣。😛…查看更多

最近天氣涼咗又係打邊爐嘅時候。前晚就同屋企人去咗觀塘食雞煲。黃金芝士雞煲 (大) $268芝士雞煲可以揀小量/普通/激量芝士碎，我地就揀咗激量芝士碎。雞脾肉好嫩滑，啖啖肉。雞煲仲有紫洋蔥、乾蔥芫茜等配料，加埋芝士汁食好惹味。手切霜降牛頸脊 (小) $258霜降牛頸脊雪花紋好靚。食落好重牛味，而且肉質爽嫩，必叫！手打鮮墨丸 全份 $88全份有8粒，中間有好多墨魚粒，真材實料，口感彈牙，同芝士汁好夾。鮮炸響鈴 全份 $56每次食呢間一定要叫響鈴。響鈴炸得好脆，索晒啲芝士汁好邪惡。…查看更多