myyy.foodie的个人专页

🥘 泰皇咖喱火山軟殼蟹法包 $158 法包外面好脆裏面就索晒啲咖喱汁！軟殼蟹炸到外脆內嫩！呢個份量都幾大，同朋友share真係大滿足！🇹🇭 泰式炒金邊粉 $70金邊粉炒到好乾身，而且份量夠晒大碟，當主食一流👍🏻🐟 鹽燒鰂魚 $148 🌟呢個超級有驚喜！鰂魚魚味好鮮甜，而且肉質彈牙，用鹽燒嘅方式燒完啲肉仲好嫩滑！鍾意食魚嘅朋友一定唔可以錯過！🍢 沙嗲串燒半打(豬肉&雞肉） $88啲串燒都係好香口同惹味，配埋沙嗲醬辣辣地咁好開胃🤤-味道: 7/10服務: 7/10環境: 7/10回頭率: 7/10…查看更多

今次又嚟到觀塘工廈搵食，就嚟咗呢間多國fushion嘅串燒店👅 舖頭細細，但坐得幾舒服！如果想同朋友坐耐啲傾偈就啱晒！呢度比較特別嘅係佢哋有六個級數嘅辣椒粉，可以根據個人食辣嘅程度自己揀！六款都好香口！小編平時食開三小辣至小辣，就覺得去到第五級都唔係話太辣～但一到第六級就突然變得好辣🥵 想挑戰吓嘅朋友不妨一試😆🐠 九肚魚天婦羅 $48九肚魚炸到外脆內軟，食落好香脆！加埋佢哋啲辣椒粉，食落就更加惹味🌶️🐟 親子蟹子鰻魚炒飯 $98個鰻魚炒飯都勁足料勁抵食！冇諗過呢個價錢有咁大碟，而且啲飯炒得勁香，仲粒粒分明，啖啖都食到鰻魚😙 加埋翠玉瓜、菇等等嘅配料，味道超級豐富！🧀 吉列爆芝士拉絲豬扒 $48 🌟呢個吉列豬扒真係勁拉絲！炸到好香脆+加埋滿滿嘅芝士，超級邪惡！🍢串燒- 燒雞軟骨- 燒雞腎- 燒雞肝- 海蝦啲串燒都係好好食同勁惹味，除咗佢哋啲辣椒粉之外，店員仲俾咗佢哋特製嘅泰式醬我哋，酸酸辣辣咁，同啲串燒都好夾！🍧 日本綠茶蕨餅 $48 +柚子雪葩 $18柚子雪葩食落酸酸甜甜咁，好清新解膩！加埋綠茶蕨餅，煙煙韌韌咁，作為飯後甜品好滿足😋🍹 泰式鹹檸七特飲-味道: 8/10服務: 8/10環境: 7.5/10回頭率: 8/10…查看更多

🥗 鮭魚牛油果沙律 $138三文魚大大嚿，配搭埋牛油果，食落滿足得來又好清新！加埋紫蘇汁食落更加有層次感，同好解膩～🐟 青森大間盛（大拖·中拖·赤身） $398一次過食到三款拖羅超滿足！件件都咁大嚿厚身，食落入口即溶，絕對值呢個價！🍤 櫻花蝦魚餅 $68呢個櫻花蝦魚餅勁脆勁香口，魚餅面頭鋪咗滿滿嘅櫻花蝦，一啖食落去魚餅同櫻花蝦，味道夾得嚟又好有口感👅🦪 日本時令活蠔配有馬山椒 $108@兩隻生蠔都勁大隻，勁新鮮！生蠔食落唔會好腥，口感偏爽而且味道鮮甜！🍜 究極海老味噌拉麵 $158 🌟呢個真係佢哋舖頭必試，裏面擺咗嚿熱石，所以啲湯仲係滾緊，食落熱辣辣！湯底勁濃郁，拉麵煮得好煙靭，超滿足！🥓日本肥豚肉串燒 $48豚肉燒到外脆內嫩，裏面仲好Juicy！配埋拉麵食，超級正！-味道: 7/10服務: 7.5/10環境: 7.5/10回頭率: 7/10…查看更多

呢間餐廳係喺油麻地M1酒店裡面嘅，不過價錢又冇想像中咁貴～ 一入到去就見到啲裝修好靚好可愛🤣🎃 南瓜帶子意大利飯 $188飯粒吸晒南瓜汁，好香南瓜甜味！裡面仲有啲甜椒，令味道冇咁單調～ 配埋煎到金黃彈牙嘅帶子，好滿足😋🦀 明太子蟹肉扁意粉 $178意粉面頭有好大個蟹肉波波！明太子醬濃郁微辣，夾埋蟹肉同扁意粉，都幾開胃🤣ᴅʀɪɴᴋ🍹熱情果冰茶 & 蜜桃冰茶 $52@熱情果冰茶同蜜桃冰茶都係解渴一流！-味道: 7/10服務: 7/10環境: 7/10回頭率: 7/10…查看更多

嚟到觀塘一定係去工廈搵好嘢食！呢間隱世小店就喺工廈地下，但都要啲時間先搵到🤣🥓 BBQ汁慢煮豬腩肉配燒菠蘿 $148 🌟豬腩肉慢煮到超軟腍，入口即化！配埋燒菠蘿嘅酸甜汁，層次超豐富，小編本來以為會太漏，但兩樣夾埋一齊食完全唔會，食落好滿足～🦐 慢煮南非鮑魚虎蝦燴飯 $148南非鮑魚同虎蝦慢煮到鮮嫩多汁，飯粒吸晒啲海鮮味，食落好入味！鮑魚唔韌，虎蝦都好大飯啖啖肉！🍮 吉士焦糖梳乎厘班戟 (套餐+$78）🌟個梳乎厘班戟超級大個！仲要係有兩舊！疏乎厘班戟好有蛋香味，面頭嘅焦糖脆卜卜都好正！不過如果個pancake再鬆軟啲就更加好～🍠 炸番薯條 +$28番薯條炸得金黃脆口，內裡軟糯甜美，簡單但超開胃，當小食一流！🧋 海鹽Kiri芝士奶蓋桂花烏龍茶 +$20🧋 海鹽Kiri芝士奶蓋白桃烏龍茶 +$20奶蓋厚實，芝士味濃郁，配桂花烏龍同白桃烏龍，飲落好解渴又有層次！-味道: 7/10服務: 7/10環境: 7/10回頭率: 7/10…查看更多

呢間居酒屋係喺西沙路啲村屋嗰邊，所以唔係專登去都未必會知！今次就安排咗我哋坐室外～一坐低老闆就問我哋想自己叫定佢發辦，最後就決定比佢發辦試試呢度嘅招牌😋🐚 磯煮鮑魚 $78 🌟磯煮鮑魚係用咗日本醬油醃製鮑魚同白蘿蔔，食之前老闆專登同我哋講下面個白蘿蔔仲好食過上面個鮑魚😂 小編本身唔係太鍾意食鮑魚，不過都覺得呢個幾好味，而且都唔會韌！個白蘿蔔就嗍晒啲汁，所以好入味！而且食落唔會有渣！🍙 辣味三文魚手卷 $20呢個辣味三文魚係老闆自己研製嘅～ 三文魚係用咗辣醬同麻醬(?)去醃製，食落比起普通嘅三文魚手卷更有層次，味道都幾好，不過比起今晚嘅其他菜式呢個就稍為普通啲啲🤣🎣 立鱗燒 $168 小編冇乜點食過立鱗燒，又覺得呢個幾好味！魚燒完之後都唔會太乾太嚡，仲保留到魚嘅鮮味～🍣 壽司set $160壽司set都係不過不失啦，都係大家會想像到嘅味道😂🐠 油甘魚刺身（3切） $60油甘魚刺身非常厚肉！食落超級滿足！🐟 燒黃腳立 $98呢個又係估佢唔到咁好食，食落肉質好鮮甜，而且啲魚仲好滑，小編同朋友兩個人食吓食吓就食晒成條魚啦😂🍠 威士忌番薯 $50 🌟唔好睇佢個樣普普通通咁，食落真係好正！食之前老闆專登教咗我哋食嘅順序，要將舊番薯點咗啲Whisky，再點糖先食，番薯本身已經好甜，加埋Whisky就多咗一浸酒香味，食落好有層次感～冇諗過喺村屋嘅居酒屋都會食到咁高質素嘅食物，而且老闆都好好人會仔細咁問你prefer食啲咩再推薦/發辦，絕對係會回頭再食！-味道: 8/10服務: 8/10環境: 7/10回頭率: 8/10…查看更多

每次去到都見到大排長龍，今次就決定試一試係唔係真係咁好味！🐣藥膳醉雞米線 $67兩個麵之間我比較推薦呢個🌟 醉雞整得好入味，藥膳味都好香，雖然只係雞湯米線，但因為醉雞本身味道夠晒濃，所以整體食落啱啱好，一啲都唔覺得寡！🍲砂鍋桃膠雪梨椰子雞紅薯粉 $73因為小編本身好鍾意食椰子雞，而且見舖頭好似大力推薦砂鍋系列，所以本身對呢一個有啲期待，但結果有少少失望😟 雖然係見到有椰子肉同桃膠，但個湯味道比較清淡，唔算太食得出椰子嘅味，所以連帶都覺得個雞有少少淡，但整體嚟講又係話太差嘅，只係冇預期中咁好食醉雞米線係幾出色，但個砂鍋椰子雞就一般，呢間有機會會再食嘅，但如果又要排咁耐隊就要考慮吓…查看更多

每次行過花斑茶社都會想飲返杯嘢飲！今次行過粉嶺名都，就入咗去買咗杯芒果冰茶嚟飲～🥭芒果冰茶 $30茶底可以揀綠茶或者四季春，今次小編就揀咗四季春，基本上就係用芒果果醬加埋四季春茶底，不過飲落感覺都好fresh，而且果醬裏面又真係有啲果肉，所以飲落又唔會剩係得啲化學香精味😂不過就略嫌飲落茶味唔係好夠出，如果你係追求飲落又好香茶味嘅嗰啲，我諗呢杯就唔係太啱你啦-味道: 7/10服務: 7/10回頭率: 7/10…查看更多

🦀蟹肉碎蛋牛油果配油浸蕃茄 $88擺盤好精緻好靚，最底係牛油果，上面就有碎蛋同埋蟹肉，仲有啲油浸蕃茄，幾樣味道好夾，加埋佢嗰個sourdough，一啖食落去味道好豐富又好夾，而家一路打一路諗返起都好想食🤣餐廳細細哋好精緻，感覺到店員好用心咁整好每樣嘢食同每杯嘢飲，食物質素都好高，以呢個價錢嚟講真係勁抵食！嗌返杯嘢飲喺度坐吓感覺都幾chill～-味道: 8/10服務: 8/10環境: 7.5/10回頭率: 8/10…查看更多

知道呢間有好多分店，之前都食過其他分店，都覺得味道都唔錯，今次行行吓街有少少想食甜品，就入咗呢間叫咗個窩夫嚟食🧇😋 不過呢間甜品嘅選擇唔算多，主要都係窩夫🧇Lotus焦糖窩夫 $92見到Lotus就即刻決定叫呢個，個窩夫大大嚿，但裏面好鬆軟，加埋焦糖醬同埋cream，整體味道好夾😋 除咗面頭大大塊嘅Lotus餅之外，仲會有啲Lotus餅碎，整體食落好香～以呢個價錢嚟講，食到大大份窩夫，其實都算幾抵！…查看更多

呢間成日都見有人推介，通常都係講佢嘅麻糬，不過今次見到佢個特濃朱古力冰望落去好吸引，所以就試吓！特別一提呢間堂食最低消費每人一個甜品/飲品！🍫特濃朱古力冰呢個冰真係超級濃郁，食落每啖都有好濃郁嘅朱古力味，好似真係咬緊朱古力咁😂食到尾都仲係好濃好濃嘅朱古力味，所以食到後尾就已經覺得有啲太流🫣 呢個最好都係同朋友share！！ 我哋仲有嗌咗奶蓋麻糬，同埋另外一款唔記得乜嘢甜品，呢間整體食物味道都好好，不過唔及呢個特濃朱古力冰咁令我印象深刻🤣 個人認為個朱古力冰比啲麻糬更出色！…查看更多

☕️ 伯爵茶布甸麵包 $18 🌟呢度嘅布甸麵包都係又大又正，今次食嘅係伯爵茶味，就咁望都見到有啲伯爵茶碎，個布甸食落好香伯爵茶嘅味，同埋都好滑👍🏻 之前食過原味，同樣都係咁正，不過就會係比較重蛋香味🥚 布甸麵包個麵包係用咗法包(?) ，比較硬身同脆，加埋個布甸食落口感好豐富👅 不過記住買完就快啲食，小編試過雪落雪櫃隔咗半日再攞出嚟食，個麵包就韌咗少少，咁就俾我嘥咗🥲🥲-味道: 8/10服務: 8/10回頭率: 8/10…查看更多

之前成日聽人講南山邨白汁冰，但一直都冇試過，嗰日咁啱喺石硤尾食飯，食完飯專登去試吓個白汁冰！小編去嗰日係平日夜晚去，不過都係好多人，證明佢係幾有人氣！！🥭白汁芒果西米一直都好好奇究竟有咩令到佢咁出名，一試又真係好驚喜！呢個價錢嚟講真係好大碗，同埋之前一直唔知白汁原來係指雲呢拿冰，亦冇諗到會同芒果西米咁夾🤣 夏天食返碗即刻透心涼❄️ 而且芒果都俾得好多，又好食又足料！ -味道: 8/10回頭率: 8/10…查看更多

🍱百芳滷雞扒便當 $65今次係叫咗外賣返屋企食，便當整體幾豐富，除咗滷水雞扒、仲有粉絲、粟米等等，粉絲嘅份量都唔少🌽 不過味道方面就整體都偏鹹，塊雞扒一食落口已經覺得鹹得滯，啲粉絲就好少少，不過都係偏鹹😟 要一路食一路扒飯或者食吓菜先得🍵 熱茉香綠茶 (跟餐)跟餐就會有杯純茶，可以揀凍同熱都得，或者加錢要其他台式飲品，但估唔到純茶都會唔好飲…杯茶真係太澀🥲 -味道: 5.5/10服務: 7/10回頭率: 6/10…查看更多

相信如果去開泰國嘅人都對呢間泰式奶茶店唔會陌生，小編都係好鍾意飲呢間嘅泰奶！知道佢喺沙田開咗間cafe，就一直都心思思好想去試吓😋不過留意返堂食嘅話，每人有最低消費，好似係 $60(?)，所以小編同朋友兩個人就叫咗一個甜品加一杯嘢飲～🍧泰式奶茶飄雪 $88呢個感覺好似好似就係將成個泰式奶茶變咗做刨冰咁，泰式奶茶味好濃，另外佢仲俾咗個泰式奶茶糖漿，如果覺得唔夠甜或者唔夠味嘅話就可以加落去，不過小編覺得就咁食都已經好夠啦！另外呢個仲有配埋仙草可以加埋落去一齊食！不過份量就細咗啲😟…查看更多