Ella_ol的个人专页

清淡好食之選 樣樣菜都not bad👍特別欣賞炸魚皮 浸咗湯入面 酥脆又有魚味☺️ 腐乳通菜 個菜特別翠綠同嫩 凍檸茶好飲👍 雲吞紫菜河粉不錯總而言之 食完會覺得滿足☺️ 唔會有野伏…查看更多

一個人食晚餐 又想養生 經朋友介紹 我最後選擇咗呢間 主要係近我屋企果然無介紹錯 又養生既有口福的一晚呢間餐廳岩曬多人黎食 因為太多選擇喇😆眼花撩亂 岩曬眼闊肚窄既我 但奈何今晚只有我一人食😂下次叫多啲人黎 先試埋其他菜喇天氣炎熱 想叫啲冷頭盤食 令自己開胃返 呢款話梅准山岩曬我食 話梅酸酸味味的精華已經入曬落准山度 粒話梅食落又唔太酸 味道適宜 令到夏日無胃口大家 胃口大開 連果三粒紀子都浸到脹卜卜 就知道呢道係誠意菜式👍擺碟好靚既鮮菠蘿芥末蝦球 不但只靚 係色香味俱全 蝦球剛剛炸起 一咬落去就十分彈牙 而且好新鮮 配合埋芥末醬同菠蘿 離奇地十分夾🤤 好味推介如果喜歡食芥末朋友不容錯過飲品我就叫咗自家制之桂圓紅棗茶 呢個都係經理推介之一 仲讚我識簡桂圓紅棗茶係好似出面d飲品鋪 一杯杯裝 佢地會整曬擺係雪櫃 出面都賣成$30不等 但呢杯只售$18😯 職員仲要好細心問我想唔想飲熱的 特意用熱水幫我浸左 真係岩曬各位氣虛血弱既人士 經理同我傾計 話呢款紅棗桂圓原自新疆引入 比起一般紅棗係大粒d 佢地店舖話試過香港紅棗桂圓都比不上新疆的 我覺得呢間食店對食物係有一種執著 令到來到食客都感受到這一顆心與及食到佢哋認為令客人最滿意嘅食物最後黎到甜品時間 叫咗桃膠燉菊花豆腐 最驚艷到我既係豆腐 竟然係用人手片成菊花形狀名符其實既‘豆腐花’不得不稱讚廚師刀工一流甜甜地 又清清地 又養生 菊花又可以明目 下次我都會再叫呢個甜品☺️我覺得呢間食物質素非常高 如果唔係朋友推介 連我呢d觀塘人都唔知呢棟野係有野食的 呢間鋪原來開左4個月而已 原來越嚟越多隱世餐廳開係觀塘工廠區 真係井底之蛙呢間餐廳我會叫埋三五知己過黎一齊晚餐 可以順便打卡😍因為有幾張5、6人台都幾靚下次再戰 等我食多d不同食物…查看更多

星期一的十點半等了20分鐘，才入到店內。但情況係入面位置很多，很多客人出店，但職員沒有好快安排入座。職員指示一個人去吧台坐下，我坐下後，職員話「一係坐左邊，或者右邊唔好坐中間個位」我感到十分錯愕，因旁邊一同入坐男子也是這樣坐，為何只話我😔而服務員說話態度也差。叫了香蔥溫泉蛋牛丼(M)，加$10有套餐，我選擇青菜配冰紅茶。本來想叫特飲，但服務員話沒有。牛肉汁偏咸，牛肉睇到同吉野家牛肉冇咩分別，可以將成個飯食曬，味道唔係「嘩，好好食」，碗牛丼ok既咁既價錢。個菜不錯有蒜茸炒，同杯冰紅茶都幾好飲，有紅茶味，唔會死甜（不可更改甜度），甜度適中，呢$10加得值既。埋單櫃枱無職員，等左10分鐘，有5、6個人等，職員先過黎同客人結賬。呢張係走既時候店內情況。睇到企係度d人排列成一條人龍係等埋單。服務員不足同其中有一個服務員態度可以改善，其他服務員態度都誠懇。下次如果唔排隊都會食，但排隊就不值得。…查看更多

呢間韓國野我成日都幫襯，今日晚餐都唔例外！又食呢間！前菜既種類好多，有甜薯仔、泡菜有兩款、菜仔、芽菜、辣豆腐同茄子。種類有很多，而且都高質素同好味道。最愛甜薯仔，食落去好粉同甜甜地每次黎都必叫既特級烤牛肋骨，當肉上左台面，有細心服務員會幫你再剪到一塊塊先比你煎。本身牛肋骨已經先前醃左，烤完牛肋骨肉配合跟醬汁係好好味，好突出肉味牛味同食落口感外焦內嫩人參牛排骨湯有略略的人參味，不會搶走牛排骨味道！每次都必叫既蛋😍十分好味嫩滑呢間最尾食完有甜品送，就係一杯有少少碎冰，冰凍既酸梅汁，冰冰涼涼令到喉嚨岩岩熱氣同油膩感都帶走，再配各細細一片橙同密瓜，十分完滿…查看更多

今日假日去食brunch，就試下咸Pancake只可惜2點幾去到賣曬。期間限定桃味Pancake比原味pancake還吸引，所以今次試一試新野！等左20分鐘，pancake黎到5分鐘都唔洗，狂風掃落葉咁食曬😂😂真的沒有誇大！Pancake空氣感十足，配合士多啤梨汁加cream同新鮮桃肉係清新感100分，十分好味！推介唔食得太甜人仕食！我本人唔食太甜同太漏，呢個真係一d都唔漏又好味又夾。但果肉略帶小小酸，不是太甜，但整體成個pancake夾埋都好味。…查看更多

這間糖水鋪係由細食到大，永遠只叫一款甜品，就是”宇治金時”。看著它不同時代變化，由碎冰變做雪花冰，以前做法比現在好味，但時代轉變，連甜品也是。試過不同糖水鋪宇治金時，但始終都係最好味宇治金時都係呢間糖水鋪莫屬。現在我也不時經過都係只叫這甜品。有煙韌丸子，紅豆係煲到綿綿的，蒟蒻好咬口，有甜甜啫喱味，而不知名粒粒都好有咬口咬到‘卜卜’的，雪糕也是充滿抹茶味，配合啖啖即溶綿綿的冰，這是一個十分有誠意的甜品…查看更多

細細個已經開始食宜家傢私肉丸長大，特別係加士多啤梨醬😍可以回味返當年味道，肉味濃，配合上士多啤梨醬係好好食同好夾haha 大家可以試一試，平食黎講係不二之選，每台人都必買黎食。小食拼盤岩曬我同我朋友二人之選，每人各兩件雞翼同腸。可以一次過滿足4個願望，又有得食外脆內軟既薯格，仲有好味雞翼同卜卜腸同健康栗米😂這是不錯小食拼盤呢個雜菜薯餅我就不太喜歡，薯餅又唔熱，而好多洋蔥味道，沒有薯仔味道，可以不叫。…查看更多

十年都唔經過深水埗一次，今次咁岩要工作，就試一試朋友介紹豬潤麵今次帶埋朋友去食，叫左豬潤煎蛋麵同咖央西多士。豬潤麵豬潤煮得剛好，沒有血水而又嫩而不硬咖央西多士都唔甜，但加埋蜜糖係好甜😂我都係鍾情于花生醬。…查看更多

同朋友係尖沙咀飲完兩杯酒，朋友建議去食拉麵原來唔只銅鑼灣有，尖沙咀也有🥰一蘭拉麵宵夜2點都有好多人～地方好大好多位置。叫左碗一般硬度拉麵，1/2辣，濃油濃湯我至愛🤗再加隻溫泉，正呀！朋友話識食係食曬面，再飯入湯中，十分邪惡！飲完酒，暖胃一流食飽就返屋企訓教…查看更多

朋友食過呢間好食～所以敍舊時候選擇這間餐廳～果然不錯樣樣都好好味，用餐時間只有90分鐘～但食物質素真的不錯6點去到冇咩人，但每張台面已經有曬水，感覺有點不衛生，唯有體諒佢地忙，只見所有裝好水既杯係佢地職員放餐具地方，感覺真是有點差。沙律同酥皮栗米湯都係跟餐加錢叫的，沙律十分開胃好味～酥皮栗米湯真是不馬虎，面是十分脆，湯也好喝叫左牛肉壽喜燒烏冬，十分正呀好好味，牛肉又吸曬湯汁鐵板和牛漢堡牛加鵝肝，也十分滿意，鵝肝上配上酸酸蘋果十分配；就算鐵板上，牛也不會老。最後甜品作完美的一餐，叫左抹茶紅豆西多，因為兩人食得太飽了，所都冇法食曬🤣但多士是外脆內軟，十分推…查看更多

這間酒店真係超級摩登，而入面餐廳都是十分高級的感覺，但飲茶就主要食景，點心都好食，價錢偏高，茶都是標價很高～但想朝聖一下，小小錢也值得啦～這價錢上配上這裝潢都也是值喇排骨推介👏🏻👍十分嫩好味西多士係最傳統有花生醬，本人至愛～坊間那些新潮做法也不及這造法～好味牛肉同燒賣都ok 🥰但玫瑰花茶就一般，不過打卡一留😂而冇曬熱茶時候，有人會馬上幫fill返又不用叫，有人留意到～這間餐廳服務生服務很不錯…查看更多

想試呢間餐廳好耐，今日終於打去有位喇，今日食完後感係Beef Wellington係好味一入席有個無敵大海景想走去outdoor地方睇下景拍拍照，只可惜下雨呢～面包同隔離牛油造型好搞鬼，係一條牛骨盛住牛油，本人都不喜愛食包，所以都比曬友人食～芝士漢堡叫左5成熟，但黎到係78成熟，失望至極，很干，如果5成熟應該會冇咁干同juicy d，不過都好再牛肉味好重！再熟d就真係不好食了～粗薯條角入面薯仔未熟曬，唔似平時薯角咁好食～Beef Wellington 職員提示要需時45mins，但牛口感同面包非常好味又夾，一脆一嫩口感不錯，再淋上醬汁，食落去好配合好正哦～…查看更多

完美生日的晚上，仲有美味的食物，推推推。呢間泰國菜竟然可以有間房容納我們十人，而且仲可以比我們預先準備生日波波，十分有生日氣氛。而outside影到尖東海旁夜景，十分推薦這間餐廳🍴蝦餅蟹餅都十分好味呢個青咖哩雜菜十分岩點埋面包咖喱不辣好味～馬拉盞通菜正呀～夠辣～入味這間泰國薄餅太好味！又脆又好味！必叫，再點咖哩，正😌😍😍仲有我地想食芒果糯米飯同自己準備蛋糕做甜品～p.s.有切餅費用人頭$20…查看更多

今晚特意搵左一間新既港女打卡Cafe同我好耐冇見既朋友仔去,好期待的晚上。一到門口已經見到好有特式既黑白手繪牆晝,不斷延伸至沿著樓梯上去到全間鋪也是全手工制的牆,很有浪漫漫畫風格。打卡位真係有好多!岩曬我地班港女S哈哈,十分好拍!影左大約一小時就去醫肚點餐了。我地叫左兩杯無酒精雞尾酒,兩杯都十分美,各具特式----uluru rose tea同lavenderdream。這兩款飲品除左個樣仲有內涵,十分清新好飲。主菜叫左香酥脆軟殼蟹,蝦肉配咸蛋醬意大利飯同香煎虎蝦,蟹肉,鴨肝配香辣蝦乾蕃茄忌廉汁扁意粉。兩款都十分好味而且性價比高。香酥脆軟殼蟹,蝦肉配咸蛋醬意大利飯,十分欣賞香酥脆軟殼蟹,肉質新鮮炸得香脆可口呢。食飽就食埋甜品,甜品就選了店主推介的粉碟花之丘,來到極為驚喜,十分美麗,似藝術品,得知原來是人工拉糖,十分得意。我同友人都十分滿意這間食得又打得卡既CAFE,價錢又唔貴,食物又好味同飲品也好飲,下次一定再來幫襯^^…查看更多

車仔麵包裝總是不衛生同感覺地方邋遢，但永年呢間比我感覺係干淨同有水準既車仔麵。細細個已經開始返學食，但依家竟然香港呢邊都有得食，十分方便港島人士放工後我就自己走黎試一試個車仔麵，非常期待，沒有任何理由不試試個大碗麵同加杯凍檸茶，另外再加一款多士。大碗麵入面，選擇了米粉，還有十樣餸，十分豐富。味道每樣食物都不差，有好甜又淋既蘿蔔；淋淋又干淨豬大腸；滑身甜甜的豬紅；好味鹵水味既雞翼同雞翼尖；同吸收曬美味湯底淋既豬皮；細細粒入味既魚蛋；好食既紅腸；淋淋既魷魚同埋嫩綠的菜心。再食埋米粉同甜甜入味湯底，那種小時候味道感覺都出曬黎，十分正今日有少少病，下次先食辣，加辣後更野味而凍檸茶都不錯，有茶味又不太酸既檸檬茶暫時是我最愛餐廳的檸茶之選之一。仲有暖暖既班蘭咖央多士，滿滿醬，同烘底既面包🥯製作成的多士，十分滋味坐位都舒服，細細間鋪位，比人干淨感覺。 我之後都會經常來幫襯食，衛生價位食物都很好👍…查看更多