GRACE KWONG的个人专页

第一次以為會好多人，入到嚟仲有位唔使等，環境感覺一般，牆上嘅裝飾好明顯好耐冇清潔，勁多塵！座位有啲擠迫，冇咩服務，自己點完餐就坐低等啲嘢食！自助區嘅碟洗得唔係好乾淨，自己抹一抹會安心啲！兩個人要咗個香蒜白酒蜆肉意粉，真係超級大份，好似座山咁😅成碟只有蜆肉同意粉冇其他配料，不過好有蒜香味～但係蜆肉就冇咩味！整體嚟講都OK嘅～最後大份到兩個人都食唔晒！唔大食嘅話三個人分都得🤣但係對一個大男人嚟講應該絕對夠飽！…查看更多

有人話食嘢求飽，但係當你俾得一個價錢嘅時候呢，你可能就唔係求飽，因為你可能係求美食嘅滿足感，你會用好多金錢去換呢個滿足感，即係你坐底食飯，你都會揀餸都係想刺激自己嘅感覺一樣嘅，但係經過過去咁多年出去食嘢嘅經驗真係真係好難得好難得今次有依個食嘢嘅一個咁嘅感受！真係估唔到！首先講其中一道餸——紅燒蟹肉翅，正常來講酒樓間間都起碼都有返上下水準，但係我哋食到好激動，因為激動到即刻叫個侍應自己筆一碗自己試吓，咁個侍應都唔夠膽食，佢入去廚房俾返個廚師去試！最後答案係：「冇問題嘅！食得嘅！」呢一句呢真係實在太精彩！我當然知佢係食物係食得啦！但俾成三舊水食啲咁嘅嘢嘅話🙄味道又淡又腥臭，街邊碗仔翅好食過佢！其他餸都只係可接受！冇下次！｜…查看更多

High tea價錢嚟講OK，餐廳環境打卡一流，粉紅色充滿少女情懷，有自拍相機玩，有個超大嘅夾公仔機，食物擺設也很漂亮，有些服務員也很願意幫你拍照！但食物質素真係麻麻！其他唔講，淨係講佢個南瓜牛油果醬非常難食，天然南瓜同牛油果係好味嘅，但係佢無啦啦加入檸檬汁同埋辣椒，又酸又辣完全九唔搭八！（可能係我個人唔識欣賞🤭）唔講以為D南瓜同埋牛油果蓉壞咗🙄所以如果想食環境係可以，但係想食好嘢嘅話就唔好嚟呢度！…查看更多

個乾炒牛河牛肉好淡，枱面有冇豉油喺度，嘥咗我quota！最正常係芝士火腿三文治！成31度好似冇開冷氣咁！熱到死！清潔度中下，望住盞燈有舊塵好似想飛落嚟咁！唯一可取之處係比其他餐廳平！如果我有錢都唔會選擇嚟呢間！…查看更多