PhoebeMo的个人专页

朋友想去怪獸大廈打卡，之後當然搵吓附近有冇好嘢食，朋友係食肉控，搵到就喺怪獸大廈下面，細小一個商場入邊有間石燒牛扒，望落去幾正，因為好早，完全冇人，咁就入去試吓，（食食吓已經坐滿晒）試咗招牌牛扒270 gram $125 紐西蘭牛柳200 gram $130試過後我同朋友都覺得「正」，性價比好高，牛扒送到嚟枱面已經非常吸引，重有一粒大大帶子，牛扒牛柳超「霖」之餘，好有牛味，想幾生幾熟都可以自己控制，食肉唔夠，重有沙律，湯，日本米飯任食，咁嘅價錢咁嘅份量同質素，真係冇得輸即刻已經介紹其他朋友去試吓，順便去怪獸大廈打個卡…查看更多

Hashtag B (銅鑼灣)成日聽到朋友話呢間啲麵包同撻好食，終於今日經過銅鑼灣唸起一定要去買嚟試吓，仲要買返屋企益埋屋企人🥰自己超鍾意食Bagel貝果，屋企人鍾意食酥皮，果然冇令我哋失望，佢哋嘅出品好新鮮，撻類酥化，貝果亦好啱我口味，有水準👍🏻原來佢哋仲有唔同分店，嚟緊仲可以試吓其他唔同分店添😁…查看更多

好掛住日本壽喜燒，四月嘅時候，朋友介紹太子有一間用料食材，用具氣氛都好有日本風味嘅「八不.壽喜燒」，當然就要去試吓，我哋當日去已經過咗午餐時間，所以餐廳非常清閑，真係好有日本feel🇯🇵好安靜舒服。佢哋唔單止用料食材好日本風，服務都好似去咗日本咁，開始嘅時候好清楚介紹醬汁，之後幫我哋用牛脂開鑊，再煎香洋蔥及京蔥，再加入佢地秘製既壽喜燒汁，再教我哋之後點樣煮法，非常細心周到👍🏻我哋叫咗和牛封門柳美國安格斯牛板腱美國極黑豚稻庭烏冬野菜拼盤- 佢嘅牛肉真係冇得輸，好厚身，油脂分佈好平均，好腍好有牛味，特別封門柳，點上醬油同日本生蛋汁，真係超滑超好味- 野菜拼盤好新鮮，份量亦好足- 日本稻庭烏冬，點煮都彈口總括嚟講，食物服務都好，會再嚟㗎！…查看更多

自己一年四季都鍾意食火鍋，不過喺屋企就要買好多種類先至滿足，又會食淨晒，所以最鍾意出街食火鍋放題，今次就試咗「大將」，佢哋嘅裝修樓底超高，坐位寬敞，座得舒服，冷氣亦超足，點食都唔會出汗😅試咗澳洲和牛小排放題 $368- 任選湯底，每人送頭盤一碟，有鮑魚2隻+廣島蠔2雙＋牛舌+牛胸腹眼）- 佢哋除咗有唔同嘅牛及海鮮可以不斷添加，雖然又係任叫，但係一啲都唔稀塲，牛肉油脂比例好，牛肉味濃郁，好味- 自助區有各式蔬菜、丸類、炸物、前菜、麵食，醬料區、雪糕機、刨冰機、甜品同埋飲品，種類非常豐富。- 甜品有泡芙、杯裝布甸、蛋糕，仲可以自製pancake和風羊腩煲底 加$35- 佢嘅羊肉份量超足料，羊腩燜得惹味，羊腩近肋骨位嘅脂肪部位好香，好有咬口。食完羊腩煲之後，再加上湯繼續火鍋我同朋友都食得好滿足，因為真係好多種類好多選擇，而且食物品質，性價比好高👍🏻同朋友已經唸緊下次幾時再去😂…查看更多

之前經過門口已經覺得好chill😎好想入去試吓，所以今次就約朋友一齊去Lunch. 一入門口已經俾佢右邊嗰幅牆吸引，一棵大樹牆畫加一張凳，好啱打卡，好少見餐廳會願意空出一大片地方營造呢個氣氛，餐廳入面都幾大，坐得舒服🥰佢哋嘅Lunch set性價比高，order 咗一個牛扒，另外再order 了沙律及Pizza紐西蘭肉眼（8安士）- 廚師控制得好好，牛扒大件厚身亦夠腍，配菜亦好多，lunch time性價比好高加$35重有雪糕配朱古力焦糖窩夫- Waffle有驚喜，好食凱撒沙律- 份量大，菜新鮮，亦有好多bacon西班牙黑毛豬車厘茄Pizza- 新鮮熱辣，薄身脆口Provence Breeze- 外觀已好吸引，非常吸睛，甜度適中總括嚟講，地方舒服，Lunch set 性價比高， 會再嚟…查看更多

同朋友喺灣仔上堂，朋友想食傳統台灣嘢，就揀咗近地鐵站嘅「一起食堂」，第一次嚟灣仔分店，感覺都幾好，坐得又舒服試咗佢哋嘅和風牛肉烏龍麵 - 烏龍麵的口感柔軟順滑得嚟有口感，牛肉鮮嫩份量亦多，加埋流心蛋，令成碗麵更滑更香豚肉生薑燒飯 - 望到佢嘅顏色已經覺得好吸引，豚肉做得夠滑惹味炸花枝丸 - 好食但唔算突出肉燥燙青菜 - 台灣菜一定要食A菜，加埋肉燥，惹味又爽口冷泡白桃烏龍茶 四季春茶 - 飲品不過不失總括嚟講，地點方便，坐得舒服，價錢合理，食台灣嘢會再嚟…查看更多

天氣轉凍就諗起想食煲仔飯，朋友介紹咗「憶食尚」，話佢哋嘅臘味全自家製，用嘅米都好講究，咁就一於去試吓，一入到去已經眼前一亮，兩層嘅店舖裝修高雅又彩光度高，感覺已經好舒服，佢哋嘅茶亦都有好多選擇，小有地居然有玄米茶，一於試吓，意料之外地又香又好飲🤩試咗廣式臘味煲仔飯- 打開已經又香又吸引，入面有臘鴨，臘腸，臘肉，服務員非常貼心，會先幫我哋落芫茜、葱同豉油，攪好就比我哋食，佢哋嘅臘腸真係要讚，用咗黑毛豬豬肉同茅台酒製成，有肉香亦有酒香，食到咁上下，服務員仲會過嚟幫我哋整起啲飯焦，平時都鍾意食，不過確實好難鏟起，佢哋呢個服務真係好like，令人食得好滿足🥰黑松露雞煲- 呢個雞煲又係要讃，雞炒得嫩滑，再加上黑松露，高貴得嚟又惹味，真係要試乾貝柱上湯浸菜心- 菜心用最嫩嘅部份，上湯有元貝，蝦米，蒜片，鮮甜美味總括嚟講，呢間煲仔飯真心做得出色，連小菜都做得有水準，而且服務好，要食煲仔飯一定會再嚟👍🏻…查看更多

李家 (筲箕灣道) (西灣河)西灣河筲箕灣道180號1樓3號舖食過李家嘅外賣幾次，每次都冇令人失望，去開西灣河做嘢，朋友諗起想食韓式炸雞，當然就去李家嘅西灣河分店啦！我哋早一日係OpenRice book 位，發現重有88折，真係超開心🥳食物蜂蜜蒜蓉炸雞- 我哋鍾意真實食雞嘅感覺，所以叫咗有骨嘅，當然鍾意啖啖肉嘅人就有無骨嘅選擇，佢嘅炸雞好大份，外脆入邊多汁軟熟，超好食，而佢仲會跟傳統酸蘿蔔同一個椰菜沙律，所以食一嚿雞再食吓酸蘿蔔，真係絕配，而佢話係蒜蓉，但係其實係一粒粒蒜頭鋪喺底，鍾意食蒜頭嘅人會非常高興牛肉炒粉絲- 真係超大碟，佢嘅味道係好傳統嘅韓式，非常啱我胃口西柚子味Rita- 見到造型已經超開心啦！好飲得來仲飲極都飲唔完😂總括嚟講，李家嘅食物係充滿傳統韓國風味，好味之餘仲好大份，我哋兩個人終於都係食唔晒要打包😂再加上網上訂位有折，真係好高性價比👍🏻…查看更多

喜歡去銅鑼灣嘅我都好耐冇去百德新街嗰邊，朋友介紹去一間我未去過嘅Cafe☕️去到發現都幾有驚喜，好喜歡佢門口玻璃窗嘅日式園景，一邊都係日式簡潔嘅佈置，打開餐牌望到佢嘅甜品已經會心情大好，好靚好想食，不過因為朋友未食lunch，所以我哋就叫咗一鹹一甜季節限定 - 提子Pancake- 一見到限定呢兩個字就好想試吓，加上自己好鍾意食日本提子😂Pancake 好驚喜，佢唔係一般美式偏硬亦唔係疏乎厘嗰種入口即溶，而係喺兩者之間，又軟熟而又有質感，係我近期食到覺得最好食嘅❤️牛肋條意大利麵- 佢嘅牛肋條軟硬度適中，有豐富嘅牛味，汁醬亦係我自己偏愛嘅帶少少甜嘅味道Cold Brew- 佢嘅飲品好有儀式感，女生至愛，冷萃咖啡用好靚嘅小酒樽裝住再配一個白蘭地酒杯，- 但最驚喜嘅係咖啡本身，平日好多時飲嘅Cold Brew都係偏向花同果類，佢哋嘅係用印尼同巴西嘅豆，所以有印尼豆嘅香味，亦有巴西豆嘅醇厚，真心好鍾意凍焙茶- 都係用清酒酒壺配上清酒杯，焙茶品質亦好好，飲落好順口總括嚟講，環境日式舒服，服務好，食物質素更好，特別喜歡佢嘅甜品同飲品，真心覺得冇得輸…查看更多

去過「喫茶ちょうぼ」幾次，因為喺銅鑼灣世貿中心，非常方便，而且環境又靚又舒服，如果喺窗邊位仲可以嘆埋海景，今次特登揀咗門口梳化書架位，鍾意佢夠自成一角得嚟亦好啱打卡📷今次去到重見到有人帶埋佢可愛嘅主子嚟chill😎「小可愛」仲鬼死咁合作，真係忍唔住要同佢影幾張相😍發現「喫茶ちょうぼ」✕非牟利獸醫協會合作，有一個「素の樂套餐」，適逢朋友亦都係小食肉人仕，咁就試試啦！和風醬熊本蕃茄- 前菜沙律，非常清新開胃野菜咖喱蛋包飯- 佢哋嘅咖喱汁梗係冇得輸啦！仲要每次哥哥仔都會嚟幫你切開個蛋包飯，包保可以影靚相😂松露蘑菇汁意粉- 第一次試佢哋嘅意粉，食落原來都好得，意粉亦有咬口👍🏻仲好香松露味焦糖南瓜提拉米蘇- 呢個真係要讚，除咗外型靚啱打卡，仲好好味，唔會太甜，有啲驚喜小倉紅豆牛乳- 小倉紅豆好有豆味，加上日本牛乳，真係好香好好飲…查看更多

去開銅鑼灣行街，諗起好耐冇食韓燒，即刻諗起登龍街「喜來稀肉」，除咗方便之外，之前同唔同朋友去過幾次，叫過好多唔同嘢食，都覺得好好食，價錢又合理，性價比好高👍🏻好鍾意佢哋嘅前菜同包肉生菜都係放出邊自助吧台，即係無論想食幾多都得，特別鍾意佢嘅自家喜來泡菜😋重有佢哋燒烤爐邊嘅蛋都係無盡添加，真係食蛋同前菜已經可以好飽😂食物牛五花 $158- 牛五花每邊1秒就食得，又香又淋牛肋骨肉 $150- 雖然好似好粗身，但係咬落去又多汁又淋，好有牛味石鍋牛肉拌飯 $85- 石頭鍋飯基本上係我去親食韓國嘢都會食嘅主食，我喜歡佢呢度夠熱夠香，味道好之餘唔會黐晒底👍🏻菇類蔬菜 $100- 都幾大碟，份量都幾多總括嚟講，真心覺得好味，性價比高…查看更多

對食日本嘢真係食極都唔厭😅朋友介紹去試吓瀛豐放題，好老實我一直唔係好食放題，因為覺得品質都會爭啲，但既然朋友介紹就去試吓， 試完發現瀛豐放題料理確實唔同，晚市$259，任食任飲，前菜飲品同甜品可以出去自己攞，主食除咗刺身，壽司，居然重有泰菜熱食，串燒，炒菜，豬頸肉，連炒蜆都有，新鮮好食，完全顛覆咗我對放題嘅睇法，真係覺得性價比高，值得去食🥰加$118 重可以轉升級版，有埋海膽帶子，日本生蠔同啤酒，個人覺得好抵，因為海膽帶子同生蠔都好新鮮，特別生蠔真係好好食好喜歡🥰服務方面，佢哋上菜同收碗碟都好快，而且有禮貌👍🏻…查看更多

銅鑼灣世貿中心裝修之後多咗好多唔同種類嘅食肆，今次去咗試喫茶ちょうぼ 銅鑼灣店，望到門口已經好吸引，木系旋轉梯後配上木系書架，旁邊擺買一日式餐具小品，已經非常吸睛😎仲可以買返屋企用住feel🥰全餐廳裝修都係木系配上淺啡色嘅座椅，大量唔同嘅線條陪襯同植物，再加上入面大玻璃全海景再有超高樓底，非常開陽舒服，食物水準亦好唔錯，食蛋包飯嘅時候， waiter 會幫你好靚咁切開同倒汁，鰻魚飯條鰻魚非常肥美有睇頭，味道亦唔錯😋布丁口感柔滑，賣相重啱晒打卡有朋友生日，仲可以叫甜品之後比佢哋知道，佢哋除咗會幫你寫生日快樂牌仲會播住生日歌咁伶嚟你枱面，都幾開心❤️…查看更多

太古城中心Apita food court 裝修完第一次去，發覺比之前嘅地方更自成一角，更大更簡潔舒服，今次我好想食麵，但朋友好想食飯，終於就試咗「三田製麵所」，食物經典豚骨湯拉麵 $68- 好鍾意佢嘅拉麵，軟硬度適中，唔會好似一啲拉麵太林，而湯亦冇一般好多油好肥膩嘅感覺，非常清甜，鐵板牛肉炒飯 ～ 送味噌湯 $88- 佢嘅鐵板炒飯，熱辣辣非常好味，側邊仲圍咗一圈滑蛋，令到成個炒飯更香加$8有罐裝飲品，加$23就有日本蘋果梳打總括來講，喺太古城中心可以用呢個價錢食到咁嘅質素，性價比好高👍🏻…查看更多

約朋友去太古城中心Lunch，不期然就諗起年幾前到訪過嘅「Banchan and Cook」韓式花藝餐廳，之前到訪仍然需要人帶位入座，今次再到訪已經轉為全自助，包括自己搵位，不過叫餐及攞餐時遇到嘅工作人員，仍然非常親切有禮貌，而環境同座位仍然保持靚靚及坐得舒服🥰食物方面- 燉牛肋骨蛋包飯份量好足，我諗普通女士一個人都未必食得晒，男士就會好滿足😂牛肋骨煮得好入味，林得嚟仍然有咬口，蛋包飯嘅蛋仍然流心兼滑滑，配上炒飯，非常好味- 無骨原味炸雞半份好彩叫半份，因為份量真係好多，仲要面頭配上幾粒韓國年糕，味道真係冇得輸- 傳統紫菜包飯個人本身就好鍾意傳統嘅紫菜包飯，所以真心鍾意- 南瓜Tiramisu 朋友想試呢個南瓜味Tiramisu，最初有啲掙扎去試，食落又出乎意外地幾好味，南瓜味唔重，好滑好軟熟- 焦糖脆脆鮮奶咖啡焦糖味好香，面頭重有脆脆焦糖粒，更好味- 美式咖啡不過不失總括嚟講， 地點方便，環境舒服，食物好味，唯一覺得有所欠缺，就係佢仍然用緊紙嘅餐具，希望可以快啲轉返正式餐具，成個用餐感覺都應該會好唔同…查看更多