小驢的个人专页

朋友食過返尋味, 提議再來食薯粉, 我點了至愛的撈幼薯粉, 加腩肉及海帶. 朋友點了魚腐湯幼薯粉. 撈薯粉大大碗, 炸醬不少, 所以很是濃味, 正！以為沒芽菜, 原來沉在碗底, 份量都不少. :)腩肉有七片, 有點嚡, 不過是很夠味, 海帶有四大件. 感覺很豐富, 是我幫襯幾次以來, 最滿意的一次. 朋友的魚腐只得二件, 覺得有點孤寒.…查看更多

今日出糧, 心情輕鬆, 與四位同事外出飲茶, 吹吓水. 同事都是慳家人, 所以點的都是午市優惠點.燒腩仔飯是一碗飯加一碟餸, 燒腩仔的皮夠脆, 沾上介辣醬, 是美味的. 白飯飯粒分明, 軟腍適中, 幾有口感. :)油雞飯是雞髀位, 正！肉夠滑, 皮亦不厚. :)金錢肚夠腍, 很惹味, 份量亦適中. 蝦腸粉點了二碟, 大大隻蝦, 有翠肉瓜片, 腸粉亦不算厚, 將腸粉浸透在有少許甜味的豉油中, 味道幾好.. 燒賣有四大粒, 每粒燒賣頂都有一隻大蝦, 賣相很好. 因為唔夠分, 無得食, 唔知好唔好味. 湯鮮竹卷點了二碟, 放了湯的感覺好似健康些, 沒有醬汁, 少了肥膩感. 山竹牛肉有三大粒, 混了少許馬蹄粒, 味道是可以的.馬拉糕算幾鬆軟, 甜甜哋, 幾好.蘿蔔糕共三件, 都有點厚度, 沒有切得太薄或者崩角的情況出現, 不過煎得可以更透, 口感會更好. 這裡沒有人多擠迫的環境, 所以一邊嘆食物, 一邊傾傾講講, 間唔中又望吓電視節目, 有忙裡偷閒的感覺.…查看更多

人就是間唔中會做矛盾的事, 明知自己不太喜歡食熱狗, 見到別人食得好似好滋味, 就會心思思想試吓, 今日就是這樣, 點了熱狗併炒麵, 配熱奶茶.熱狗是放在紙盒內, 算是熱的, 有三片蕃茄, 一條長腸, 少量生菜絲. 由於每食一口, 饀料很容易跌出來, 食得一副雞手鴨腳的樣子, 腸不香脆, 味道很一般, 唯一可取是個麵包本身幾有香味. 炒麵份量不太多, 有少許甘荀絲及韭菜, 不算油, 味道是可以的. 麵本身已調得很夠味, 無需其他調味品.熱奶茶仍然是一貫水準, 奶與茶的比例恰當, 所以幾好飲.原本$23的餐, 因為有coupon, 便宜了.…查看更多

大概個多月前第一次幫襯, 覺得味道幾啱我, 朋友無食過, 今日就帶佢來試吓.朋友點了幼薯粉及龍蝦丸 ($22), 我上次食了幼薯粉, 所以今次點了拉麵, 加了木耳及豬頸肉兩個餸 ($26).拉麵口感一般, 木耳和豬頸肉味道亦是一般, 無論是湯底, 餸和拉麵的份量和美味情度, 似乎無上次咁好咁夠.每個餸要四元, 朋友的龍蝦丸只得二粒, 等如二元一粒, 好似貴了點呱.點撈粉便宜二元, 若果再幫襯, 可能會試試, 看看有何分別. …查看更多

近來星期日要數就腳又算抵食的, 非這裡莫屬了, 因為午市各炒粉麵飯連飲品都是$30, 今日揀了焗豬排飯及熱奶茶.飯面有少許芝士, 再配以蕃茄醬, 豬排切成數件, 所以較容易食, 不過味道一般. 飯有炒底, 但整體上沒有焗飯口感, 只覺得是一個茄汁豬排飯炒底. 熱奶茶夠濃味, 不苦澀, 但又不太順喉, 所以飲剩少許.這裡食物算是可以, 價錢亦可以, 但仍然維持著不算熱閙的場面, 何解呢? 是因為要行樓梯?…查看更多

唔知點解, 食燒味飯, 加隻鹹蛋, 寧舍覺得滋味D. 今日買了叉雞飯, 回家就自行再加了隻鹹蛋. 叉燒有若干件, 算夠腍夠味, 不會過瘦過硬, 唔錯. 白切雞是雞翼位, 算滑, 亦夠味, 但亦不會多骨無肉, 不過雞皮很厚很肥. 這個價錢, 這個水準, 完全可以收貨. …查看更多

午飯時間, 我與朋友共七個人步入酒樓搵位, 等了一回, 侍應竟招呼我們到一獨立房間, 有獨立電視, 無端端做了貴賓. 點了一個炒飯及幾個點心.印尼炒飯其實是咖喱炒飯, 配料有腸粒, 蛋絲及少許蝦仁等, 味道不過不失. 山竹牛肉及炒麵, 味道一般蒸腸粉算滑, 但稍淡.雞扎有魚肚, 芋頭及雞柳等, 材料算多, 雞夠滑, 整體夠味. 灼油麥菜及菜心, 不油, 份量及味道正常.鹹肉粽就較腍, 不吸引.煎蘿蔔糕一如以往, 沒有質感, 沒有蘿蔔味. 其餘點心還有潮州粉果及炸煎堆仔.…查看更多

便宜是一個賣點, 加上諗食甚麼有時都幾頭痛, 所以久不久就來這裡食午飯. 今日人不算多, 坐得舒服些少. 照舊點了三餸飯. 豆豉豬膶 - 有四大片豬潤, 有少許洋蔥, 味道是可以的.炒雜菜 - 由芽菜, 炸菜, 火腿及椰菜配搭而成, 味道是可以的.生炒骨 - 配料有少許青紅椒, 五件排骨, 每件比例大概是骨與肉各半, 沒有肉味,骨很硬,未能享受咬開骨頭的快感. 例湯是豬骨西洋菜粟米湯 - 有甜味, 可能是落了蜜棗.…查看更多

近來這食店再做午市生意, 而且星期六日的午市都有優惠, 無論炒飯麵, 焗飯及石鍋飯, 連飲品, 都是$30, 唔知優惠幾時完, 當然要把握機會. 點了海鮮石頭鍋飯及熱咖啡.等了一回, 石鍋飯送到, 熱騰騰, 在寒冬中, 特別討人歡心. 雖然是優惠價, 並沒有馬虎, 賣相很靚. 料不少, 計有青口二隻, 魚柳二件, 魚片二片, 獅子狗二片, 不少的細蝦仁, 還有少許肉碎及蟹柳絲混在海鮮醬汁中, 甜甜哋, 很是惹味. 加上有煎蛋一隻, 蛋汁流在熱飯中, 感覺一流. 至於熱咖啡, 就不太合心水, 有點澀, 亦不香滑, 入口不太順喉, 勉強飲了大半杯. 朋友點了常餐, 有火腿奄列, 牛油方包, 二餸湯粉連餐飲, 原價$30, 優惠價是$28. 全部都是正常份量, 奄列算厚身, 米粉亦不少, 沒有偷工減料. 這裡樓面比一般茶餐廳大, 坐得較舒服, 加上有優惠價, 所以當然唔介意成為我的飯堂首選.…查看更多

聖誕節假期, 與朋友試新店的自助韓國燒烤. 早上十一時許, 剛開舖, 只得我們, 可以'他他條條'揀了個心水卡位, 舒舒服服坐下, 傾吓燒吓食吓, 夠晒寫意. 午市食物大致已預備好, 但因為店員未為我們開爐, 所以先吃熟食. 都是一般款式, 微暖.前菜有泡菜, 菠菜, 青瓜, 大豆芽等, 味道不過不失.炸物中, 春卷及薯條偏腍, 餃子有點脆口, 三文魚味道是可以的.咖喱炒飯料多味香, 炒粉絲偏油, 但勝在煙韌夠味, 秋刀魚, 炒公仔麵, 豆腐花就很一般了.原隻雞翼醃得入味,燒得很靚, 只可惜已經放涼了, 若熱食會更美味. 豬腳薑蛋, 只試了豬腳, 很夠腍, 醬汁稠度適中, 只是醋味不足.酸梅湯不太甜, 幾好. 雪耳雪梨水味道較清淡,不過感覺上是有點滋潤. 薯仔生果沙律, 雖然沙律醬稍多, 但因為各樣材料算平均, 不會盡是薯仔, 覺得有點誠意.其餘還有腸仔, 魚蛋, 薯餅, 炸多春魚, 鹵水雞翼, 卷物, 涼粉, 豆漿及糖水等, 沒有食, 唔知味道.朋友試了人參雞湯, 表示只有人參味, 沒有雞味.至於燒烤生肉, 最欣賞牛肉及牛仔骨醃得很入味, 所以燒每一轉都有牛肉類.豬頸肉及豬排未夠入味, 但都是可以的, 羊肉較碎, 墨魚仔就不過不失. 紅腸, 魚柳及多春魚就很一般. 其餘還有金沙骨及雞翼等, 不過沒有燒.可能開業不久, 沒有很重油煙味, 尚算乾淨企理.可能位置問題, 假日並未滿座, 沒有人迫人的感覺, 環境是舒服和尚算寧靜.由於想慢慢坐, 慢慢燒, 所以燒了一段時間, 就叫店員熄爐, 再過一回, 又叫店員開爐, 這情況大概有三次, 很欣賞店員勤快, 沒有覺得麻煩. 午市燒烤自助餐時間至下午2:30pm, 平日$76, 五六日及假期加$10, 茶錢$2, 午市免加一. …查看更多

這星期入了沙田, 與朋友在這屋邨酒樓午膳, 七個人共叫了九個點心.煎腸粉的份量不少, 但可能煎過了頭, 底有點硬.檸蜜蛋散份量夠, 但不夠香脆, 糖醬就唔多夠.煎薄餅的口感幾煙韌, 唔錯.灼油麥菜份量不少, 不油, 菜面灑了炸蒜粒, 唔錯.煎釀三寶就不過不失吧.煎三式糕, 覺得蘿蔔糕是粉多蘿蔔少, 芋頭糕料算多, 口感實在, 馬蹄糕不太甜, 亦有不少馬蹄粒,.生炒糯米飯不太油, 飯粒算分明, 不過豉油落得不均勻.叉燒腸內有生菜及叉燒粒, 味道一般. 雞包仔沒有食, 唔知味道如何.星期日午飯時間, 這裡的小點$13.80, 中點$15.80, 大點$17.80, 茗茶每位$6. 街坊價, 份量和質素是可以的, 不失為一個食飯選擇.…查看更多

今日是公眾假期, 店內很是熱鬧, 顧客排隊買食物, 店員忙著包雲吞水餃, 連韭菜餅亦無閒煎, 本來一心想買韭菜餅的我, 註定沒有口福了. 原先想買鮮蝦冬菇餃, 點知又話要較後時間才有, 為免空手而回, 買了韭菜雲吞. 細盒有15隻, 皮厚度適中, 有很香的韭菜味. 不過可能這款饀料始終較為普通, 我始終較為喜愛這裡的冬菇菜肉雲吞. …查看更多

早幾天在這裡食過三餸飯, 食過返尋味, 今日又來幫襯. 與上次一樣, 點了菜心及苦瓜排骨, 見有蒸魚, 當然不會放過.炒菜心很有甜味, 可用食極都唔厭來形容.苦瓜排骨雖然只得一粒排骨, 但整體很夠味, 亦夠腍.梅菜蒸魚雖然是細細碟, 但確實是原碟蒸的, 魚有三件, 多骨, 要小心食, 配以梅菜, 味道當然不會差, 碟底墊著幾薄片豆腐, 足顯誠意. 例湯是冬瓜蜜棗豬骨湯, 味道是可以的. 不過之後覺得口渴, 分不清是味精作怪還是自己喝得太少水.食在行人路, 環境絶不理想, 但三餸一湯, 加上大半盅的蒸白飯, 吃畢, 很滿足, 很飽. 看見隔鄰兩個男仔吃著炸豬排雙蛋飯及牛排紅腸煎蛋飯, 大大碟, 餸不少, 小店當然是即叫即弄, 所以食物要等上幾分鐘, 跟飲品, 只是廿一元, 經濟實惠, 心思思又想試吓.…查看更多

這個熟食中心在地下, 可能環境久佳, 所以人流不算多, 而這店在眾多店舖中, 以價廉取勝, 所以生意是最好的. 午市時段, 有若干款式的小菜, 二餸飯是十元, 三餸飯是十三元, 送例湯. 若果不想食這些, 可以點炒粉麵飯, 大致價錢約十六元至二十元.我試過叫炒粉麵, 味道是可以的, 但通常都會食三餸飯, 今日亦不例外, 因為覺得很抵食, 而味道和質素又尚算可以接受.炒雜菜 - 包括紹菜, 鮮菇, 豆腐及米粉, 勝在樣樣有些少, 口感較為豐富, 味道是可以的.西芹白蘿蔔魚柳 - 魚柳有二件, 可能經油泡, 很是惹味, 整體味道亦可以的.蕃茄煮魚 - 魚亦有二件, 但可能沒有經過煎炸處理, 有少許腥, 淡味, 較為失色.例湯 - 今日湯渣只有粟米件, 所以攪不清楚是甚麼湯, 但味道是可以的, 之後亦不會覺得口渴. 雖然環境和衛生確實很一般, 但若果對環境要求不高, 又想慳慳哋「豐富」食一餐, 這裡是食得過的.…查看更多

今日午餐有咖喱牛腩飯, 幾合心水, 就試試吧. 跟餐揀了羅宋湯及熱奶茶.羅宋湯色水夠, 亦有不少湯渣, 但味道偏淡, 不酸不辣不甜.咖喱牛腩飯的咖喱雖然不是很有層次感, 但算夠濃味, 亦有點辣, 以價而論, 份量和味道是可以, 只是稍嫌薯仔及牛腩未夠腍.一如其他茶餐廳, 熱奶茶先到, 由於不習慣空肚喝, 所以到喝的時候已經不夠熱, 好飲情度打折扣, 茶不太香, 但勝在夠濃夠奶, 不苦澀, 算是不錯的水準. 總括而言, 比起上次食肉片滑蛋飯, 今次感覺好好多.…查看更多