Leon_Lion922的个人专页

而家因為疫情，有排都無得去旅行，想食D正宗日本菜都去唔到日本。掛住大阪食過嘅串揚，因為我特別鍾意食香口野。同朋友講開先知原來香港都有正宗嘅串揚店。咁佢就推介我去試下Jan Jan，話係日本過江龍，佢食過認為好好味。點咗好多嘢食，食到超飽先走。呢幾款係必食推介，天使蝦、半熟玉子、芝士、牛肉，全部都炸得好味道，天使蝦更加係好大隻，外面脆而入面蝦肉彈牙。半熟玉子炸完一樣係流心嘅，可以慢慢品嚐蛋黃好濃郁嘅蛋香。今次無乜點串燒，下次要再去試過。…查看更多

朋友見限聚令放鬆咗就話不如出嚟打邊爐，大家都好耐無見，計番數上次聚會應該已經係聖誕節，真係要出嚟見下面，update一下大家。坐得耐又可以食得耐嘅就去食火鍋，其中一位朋友食過老碼頭，推介我哋去食，話地點近旺角，大家聚散都方便。餐廳裝修都幾有特色，從遠處見到已經覺得有中色嘅古時裝修，入面地方頗大，樓高有2層，坐得真係舒服，又無限時，可以慢慢食。門口有部消毒噴霧機可以使用，感覺都幾貼心安全。湯底我哋點咗鴛鴦，食得辣嘅可以淥紅油(小辣)，怕辣嘅就食豬骨湯嗰邊。配料叫到成枱都係，提番幾個重點出黎，筷子牛肉、A級五花肉、手切肥牛、鴨血，真係好新鮮，喺紅油拎返上嚟變到紅色，食得好刺激。…查看更多

尖沙咀區域真係有大把嘢食，但係放lunch得一個鐘，唔咩時間周圍行去覓食。有時想食粥呢，都幾難搵到有粥賣嘅地方。上次行過一圈先發現呢間有粥賣，所以每次想食粥就嚟呢度買。我最常食嘅就係海蜇豬肚粥，一開始就覺得好特別，無見過咁嘅組合。食落味道鮮甜，海蜇同豬肚又有咬口。每次食粥我覺得太單調我都會叫多一客口水雞，口水雞好特別，有好多酸菜係面，口水雞香辣配上酸菜嘅甜辣味，配上粥食好開胃。一個人咁樣食就有啲貴，不過搵同事一齊share就最啱啦，一人一細碗粥，配上口水雞，食得都算輕盈。…查看更多

未出席之前已經被通知會去懷舊餐廳，不過就唔知係食古老菜式定係環境設計係懷舊味道。知道名字叫阿肥之後就馬上上網search係食咩架啦，原來同我估計有分別，本來以為係食鑊氣小菜嘅，阿肥個名似係開大牌檔啦。攞咗menu就發覺，原來都有D大牌檔菜式可以點。脆皮豆腐、脆炸午餐肉、炸蝦球等鑊氣嘢就最啱喇。配返竹蔗水就唔怕熱氣啦。湯底選擇咗豬骨鍋，因為有幾個人都唔想食辣。配料要咗幾款丸、水餃、海鮮有帶子、魚片、花甲。再點咗少少肉同菜已經好飽。每人都係約$300，唔算好貴，又有多種配料選擇，有下次。…查看更多

最近返工日日做到無停手，晚晚OT到失哂暈好唔容易捱到出糧嘅大日子，一於同班同事食返餐好嘢去慰勞下自己！大家都不約而同想食海鮮，但又唔想夜媽媽收工走入去西貢或者三聖村個邊食。好彩俾我搵到公司附近既金百利商場入面呢間緣味小聚有其他同事話午市黎食過飯，質素都唔錯，一於去試試！叫左4個龍蝦海鮮蒸氣鍋套餐，仲免茶芥同醬油費，當然另外再收加一啦。呢個價錢都算抵～其他餐廳大部份都會收返茶芥醬油費，加加埋埋都四五十蚊，雖然出左糧啫都要睇住荷包做人既套餐入面有燉湯、8種海鮮、牛頸脊同一份八寶蒸飯海鮮八款包括有龍蝦半隻、一隻鮑魚、一隻聖子皇、元貝皇一隻、帶子一隻、龍躉件一件、海蝦兩隻、大花蛤兩隻而八寶蒸飯就可以24款入面揀8款我咃就揀左蝦醬豬肉、馬蹄肉餅、排骨、蓮藕、豆醬豆卜、粟米粒、冬菇粒同埋南瓜餐廳環境四正, 冷氣又足, 如果唔係既話食到大汗疊細汗都幾辛苦侍應介紹是日燉湯係花旗參煲雞，侍應話師傅燉足6個鐘仲話唔會加味精。飲一啖果然有明顯既花旗參味，真係拍得住我母親大人既靚湯喎! 仲要飲完唔覺得頸渴, 證明堅真係無落味精!GOOD!碗湯都未飲完, 啲海鮮就送到黎啦! 龍蝦唔止食落啖啖肉仲有膏添！龍蝦肉好鮮甜，亦唔會蒸完變咗橡膠，真係好好食！帶子同埋花蛤都係勁新鮮，完全無沙！龍躉件只係得一兩條細骨，唔洗猛咁lur骨咁麻煩龍躉件夠哂新鮮，只係就咁清蒸同點少少豉油已經好好食仲可以KEEP到鮮味添!呢餐飯真係食得好安靜，因為大家都掛住不停食食食，完全唔得閒講野!飲完湯食完咁多靚海鮮都已經飽左7成，再食埋個八寶蒸飯就十全十美啦侍應教落將啲配料同飯底撈好哂就食得!配料入面既蝦醬腩肉真係陣陣令人流口水既咸蝦味! 加上腩肉已經蒸到好鬆化，D蝦醬又醃到入哂味，有點後悔唔叫兩份蝦醬腩肉!你一件我一件話咁快就搶清光仲有個馬蹄肉餅都係唔錯既選擇! 馬蹄份量同大小都啱啱好! 太大粒會食得有點辛苦, 太細粒又無左口感! 肥肉同瘦肉比例又剛剛好!今餐飯大家都好滿意, 下次出糧決定再食過! …查看更多