angiegary的个人专页

老實講突登為左任添鴨血而來所以叫左麻辣湯底但鴨血並唔係平時食開台灣好滑個種感覺真係差過豬紅完全無想添嘅意思似係香港買本地個隻入口好鞋唔知邊度入貨返嚟未食過鴨血係咁嘅質感講真二人餐收得呢個價錢一份肉少到喊嘅牛少量海鮮同一份丸900幾蚊兩個人唔係為左食個鴨血真係唔會嚟食台式火鍋啦但原來鴨血都唔好食真係唔知自己個晚食咗D咩好失望初初仲擔心90 分鐘食得好急結果食左一個鐘已經想走好想知究竟我食個D 你邊度嚟嘅鴨血…查看更多

今日嚟天水圍出完job 搵食，突然想食邪惡之物，見到快樂蜂，入嚟食個快lunch，利申我不嬲都覺得蜜蜂雞好食過KF雞，覺得juicy D，同埋比較有heart，除咗炸雞之外，其他食物都覺得吸引啲，雖然不嬲都食開快樂蜂，但係今日呢間分店驚喜地好，除咗Juicy之外，炸到個皮好脆又唔係覺得勁油，冇諗過咁驚喜，俾我食過其他分店嘅好，所以相都冇影張，可惜我只係路過唔係住附近，希望間間分店都保持到好似呢間嘅水準…查看更多

見到新開一間台式火鍋，為咗鴨血特登去試，結果極度失望。首先，價錢比一般任食嘅台式火鍋偏貴，當你等咗半個鐘，終於到你嘅時候，職員同你講星期六日人頭再加$20 ，你以為Menu上面睇唔到，捉心理，你等咗咁耐唔會唔食，原來有鼻屎咁細隻字喺Menu上邊寫星期六日人頭另加收費，個人覺得有種取巧嘅感覺。當你為咗食鴨血已叫唔係最平嗰個餐，見到原來鴨血系碎上，當你叫四份鴨血，嚟到見到用豉油碟，將一舊鴨血介成四片，當堂真係嚇一條，完全唔係嗰個口感，只有覺得好寒酸嘅感覺。選擇種類唔算多，張枱好細，仲要一人一鍋空間極細，職員行過完全唔會主動收碟，用餐感覺好一般，總括嚟講性價比極低，同同行同牛X人真係完全比唔上。…查看更多

專登揸車過嚟試試咗個大菇牛油果漢堡同招牌漢堡無諗到呢個價錢$67真係淨係得一塊菇同埋牛油果"醬"並沒有肉招牌又係普通到唔普通塊肉細兩個漢堡都係細質素真係好一般60 幾蚊一陣風就食完咁多等級4嘅人留言就知咩料係我無睇清楚明白點解咁高分原來跟本唔俾你評低分…查看更多

路過買左兩碗粥+一個炒面，友人食第一啖已經話"好重味精"，我遲鈍D，果然食到後期已經feel 到頸渴，個炒面...有陣味，又唔係變壞嘅味，講唔出，但友人大男人做完運動明明餓底都食唔哂嘅，即係好味定唔好味？返到屋企，狂灌水，睇嚟味精重手左...不解粥何解都要重味精…查看更多

簡單形容泰苑服務、禮貌、環境係高分的但食物真係..................唔OK呢個價錢等如小曼谷嘅double，但味道卻不如小曼谷，淡到以為自己唔係食緊泰國菜。馬拉盞椰菜苗，完全食唔到馬拉盞咋， 椰菜苗仲硬硬地。。。酸辣鳳爪，都係無味嘅。。。黃咖哩雞，雞少得可憐，唔知以為我俾錢叫左一碗咖哩汁。。。唯一正常就係蝦餅，炸物，應該好難失敗總結，我都係食番小曼谷，可以食double 嘅味道+菜式。…查看更多

晚上7點25分到店，見到得幾個人排隊，所以就諗住試下，門口有張紙寫住叫後面嘅人排去對面，清晰與否見人見智，對面排完攞張籌又叫你行番去門口排，龍頭定龍尾個職員都搞唔清，亂咁點D客排...:(去到門口望住前面只有三個客，但由揀至俾錢足足用左12分鐘，好明顯係刻意慢慢做，跟住就出嚟話正常嘅味道賣哂，淨番特別口味，個職員講野好難明，佢話淨番原味斑斕，斑斕椰絲，椰絲斑斕，你完全唔知原味點解又會有斑斕，個個客都聽唔明問左幾次，唔要斑斕就等多20 分鐘終於到我買了，出左一盤咁大把，一早睇好哂買咩味，諗住快手快腳，個女人夾夾下包，有個師傅就無啦啦卡喺女人同包中間，又開雪櫃又續舊續舊面包擺上架，個女人停哂手，完全睇唔明點解佢要喺中途阻住哂，跟住佢竟然大大聲講"等下啦"...咁樣係咩意思？人龍店？係慢動作造成，質際並唔係真係咁多人買，平均一個客買包連收錢要用5分鐘，未計等出爐嘅時間，同埋個句"等下啦"，好趕客😡😡😡幾好食都唔會再試，貼紙買難受…查看更多

本人好鍾意食白糖糕，今日特登喺南昌行過嚟買，一問原來$9 一塊，收到打咗個凸，一個細膠袋裝住，女人手掌唔計手指咁大，真係細塊到呢～真係未食過咁貴嘅白糖糕，重點係冇乜味，覺得性價比極低，無下次。…查看更多

早兩日6 點幾去食左個early dinner，可能太早一個人都無，例牌太子仔態度唔多好，講野無尾音，大聲叫我量體溫，OK 算～等外賣期間見住送貨送左幾箱味丹嚟，味精預左你有，但...無諗到你咁重手，呢幾年已經不停加價，叫左個手撕雞刀削麵，青瓜多過雞，雞肉真係少到喊，返到屋企成晚狂飲水，渴到痴線，真係唔知落左幾多味精。唔知係咪太耐無食兩老已經退左休俾兩個仔打骰，定因為我太早去兩老未埋位～但真係覺得又唔抵食，又唔好食，仲要太子位個面口態度真係差到......我諗唔到再幫襯嘅原因。…查看更多

見到雜誌facebook好多廣告介紹呢間"上湖",想必廣告費投放唔少，主打台式火鍋[放題]，本住3舊水（未加一）嚟試下你咩料，個間咩咩殿火鍋閒閒地落樓都唔止300啦，任食喎，抵與唔抵，視乎當日食力如何！良心說話，人多有刺身海鮮送，係咪好抵視乎你覺得你本身覺得D刺身值唔值錢？我呢晚仲有象拔蚌添，本人認為還不錯。講番主菜火鍋，個煲比一般打邊爐嘅煲細好多，好似放幾件野就滿左咁，唔知係咪令客人有個心態好似落左好多料咁，同埋好易痴底，個煲好有問題，同埋取巧。火鍋料算唔錯，"第一round only,)", 淨係講牛嘅質素，第二round 開始每況愈下，最後個盤直頭只係一盤深紫紅色嘅肉，連少少雪花都無，所謂的任食，咁樣你收唔收貨？公道D, 其他D 餃、丸、嚮鈴、海鮮等等，其實都係中上質素，呢度加番D 分。最後亦係令我決定唔會回頭要食嘅原因，事原120分鐘"就嚟"夠鐘，待應要客人賣單，明嘅！但賣單之際只係叫多一罐汽水，只係一罐3蚊唔使嘅汽水，待應A回應ok，但遲遲未見汽水，但當找錢再問待應B罐汽水嘅下落，就係"唔好意思，賣左單無喇"。其實一間識做生意嘅餐廳，會唔會連一罐汽水都晏，連少少人情味都無，其實又點可以指望客人回頭再食呢？本身都覺得可以推介俾朋友試，但唔好意思，就係因為咁樣取巧為慳一罐汽水，我就唔會返轉頭再幫趁你。…查看更多

我承認我係因為名人效應而認識呢間牛肉麵，是晚心血來潮，過左食飯時間又身在銅鑼灣，想起呢間新開牛肉麵店，心諗應該唔使排隊來一試"名人效應"。門口接待正是老闆娘，好nice 咁問幾多位，晚上10時不用排隊。Menu 只係一張卡列哂所有選擇，沒有相。最後選擇紅燒半筋半肉麵，都等左大約10分鐘，估計應該麵應該係即煮。是晚麵已賣完，來的是粉絲，牛肉同牛筋都好林，一D都唔鞋口，都有好多舊，唔呃秤，湯都幾好飲，唔算太油同太味精，真心覺得幾唔錯。只可惜始終名堂牛肉麵都想食"麵"，質素不錯下次可再早D來試。價錢平貴見人見智，如果好食，我覺得$88 銅鑼灣區一碗麵是可接受的，重點係唔會濫收加一，好均真。#老板娘好好禮貌…查看更多