小心被屈‼️早一日打電話去訂枱，時間係6:30pm。當時店員用英文溝通，佢仲特別確認係6:30定6:15，最後佢用廣東話再問多次「6點半？」我都再三確認係6點半，電話溝通一切順利。我哋一行8人當日6:15pm到咗餐廳，因為擔心有時間限制，所以打算準時6:30pm先入座。不過當時有位店員好好，話可以即刻入座，時間由6:30pm開始計90分鐘，即係8:00pm交枱。到呢一刻為止，服務都算唔錯。點知去到7:30pm，店員突然叫我哋埋單，係7:40pm仲上緊食物；去到7:50pm，店員開始態度轉差，話我哋其實係6:00pm訂枱，7:30pm就要交枱，仲求其拎咗張紙出嚟話我哋係6:00pm訂枱。我哋完全唔明白點解會出現咁嘅誤會，明明電話中已經清楚講明係6:30pm，入座前店員當時亦有確認。即使真係有誤會，亦唔應該態度咁差。整體安排混亂，溝通前後不一致，嚴重影響用餐體驗。
…查看更多
…查看更多
