jovyjosie的个人专页

喺康城想食個包飲啖茶都唔算好多選擇，適逢呢間有做下午茶餐，立即同老公嚟試吓！先來嘅係京滬三拼，份量偏小，但係勝在樣樣都可以試吓！個小排骨最好食！好入味然後就到個四小拼，呢度係兩個人嘅份量。小籠包好食，蝦脆脆個造型好特別，芝士味都幾濃反而令我最驚喜嘅居然係主食。佢個擔擔面原來係麻辣湯底，麻香味好重，但係一啲都唔辣，十分惹味，即使怕辣嘅人士都可以試吓！ 不過要留意一點就係4:00左右侍應就已經同我哋講差不多要走，所以如果想嘆茶嘅話就唔好太晏先至嚟呀…查看更多

港原味 真係名乎其實 好香港風味！周圍環境同牆身都係香港情懷壁畫叫左二人餐，好抵食($198)先上兩盅燉湯，夠晒熱，好足料！即使用左菜乾都不是太咸，相信真係冇落味精，夠健康自選兩餸 係menu仼揀的我揀左我至愛的椒鹽鮮魷！炸得好薄身，一點都不厚粉，每啖魷魚都食得到啖啖肉，不會硬崩崩！一讚老公揀左辣子雞！辣得超過癮！塊皮仲要係脆架！份量亦算多！難怪聽到在場客人都有點呢個餸甜品或蟹蓋揀一款老公揀左蟹蓋，熱辣辣，即叫即焗！望住呢個配合凍檸茶，作一句最地道的收尾…查看更多

趁住端午節放假，特登同老公嚟， 行下街覓食，貪呢度嘅嘢有特色同埋人少少，行得好舒服！見到呢間餐廳好多好評，即管試吓佢先！入到去原來好有mood好有情調❤️水煮蛋煙肉忌廉意粉$88隻蛋好嫩，仲係震騰騰，一篤就穿個黃撈落意粉度，又creamy又香！超正！蟹肉冬陰功意大利飯$108冬陰公味超濃，唔知以為飲緊冬陰公！每粒飯都索晒所有冬陰公汁，兼且菠蘿勁甜，味道好多層次！燒焗原條鮮魚配泰式辣汁$98揭開塊皮啲魚肉仲係好嫩，點埋個泰式辣汁，非常惹味！不過都真係幾辣，食到噴火！👍🏻👍🏻餐廳仲有劃分另一邊可以比寵物入場！仲有好多動物做主題既甜品！有寵物既人必定黎玩下食下野…查看更多

次次喺附近食完串燒, 都要過黎佳佳食番碗糖水下吓火, 清熱氣。濃薑蕃薯糖水($22), 一向都勁薑勁正勁暖胃。不過今次就唔係好夠熱, 反而冇咁”夠薑”第一次試粒粒紅豆涼粉($22), 新野黎仲要夏日限定! 不過有有D失望因為佢唔夠凍, 懷疑係因為花奶冇雪, 一加落去就令成個涼粉變得暖左, 冇我想食的冰凍感。…查看更多

今次搵食搵到黎神燈海鮮酒家！因為睇過食評，好多人都推介呢度有好多特色嘅嘢食！一坐低就問我哋飲咩茶，原來呢度有玄米茶，真係好特別嘅選擇！我哋就即刻揀咗😍之後送上花生，淋淋地好滋味，老公食唔停口！第一碟黎到係懷舊蝦多士！($158)熱辣辣即炸即食，超級香！隻蝦好大隻🦐🦐🦐而且非常彈牙好足料!點埋沙律醬食仲好味!之後就嚟咗個生焗珍寶蜆($108)睇相就見到有幾咁大隻! 因為啲蜆夠大隻，夠新鮮，所以其實唔使太過多嘅調味，都已經可以帶出嗰陣鮮味呢兩件椒鹽豬手（$92）黎到時，簡直嚇親我哋。因為我哋冇諗過係咁大件！大件都好似我隻手掌一樣咁大！個椒鹽做得好出色好惹味。唔會話好多炸粉，只係薄薄一層皮包住豬手嘅肉。除咗刀叉之外，店員仲附上手套，非常貼心！可以啖啖肉咁食！份量真係超級多嚟到重頭戲，就係人人都有叫嘅砂鍋蟹粥（$168），亦都係我同老公最期待嘅嘢食！店員會拎過爐出嚟，喺我哋面前再將煲粥加熱！亦會問我哋需唔需要加葱同配料落個粥度。最值得一讚嘅就係，見我鍾意相機食先，有個店員仲特登話幫我用匙羹撈起個蟹殼，俾我影張靚相！真係好值得一讚👍🏻👍🏻蟹粥好香好綿，粥底好濃味。蟹殼已經由師傅拆開左啲，等我哋容易啲食！最後埋單時，店員仲送上甜品俾我哋食。本身以為係普通嘅中式糖水或糕點。原來係一粒凍冰冰嘅蜜瓜味糯米糍！蜜瓜味非常濃郁！食到我地好滿足！…查看更多

今日特別想食辣，見lunch幾抵食，又有前菜又唔洗加一，特登過來試佢個海鮮豆腐湯。一落完單，好快就有前菜小食三碟薯仔絲同海苔都好淡口，冇乜調過味kimchi幾好食！辣度適中👍🏻期間唔算多人，不過等了15分鐘豆腐辣湯才到(隔離枱比我遲來的都上菜了)可以一讚係佢湯是滾的，飯都係好熱的！不過味道就太辣，而且辣得有點苦，不是我喜歡的豆腐海鮮湯的味道。湯入面有兩隻蜆，兩隻都未開口。向店員揮手，無人見到。我就用碟裝起呢兩隻未開口嘅蜆，行出去同店員講聲。店員無回應，一手接左。我諗住可能韓國人，語言不通，所以先唔應。過左一陣，佢拎番我隻碟，原碟奉上。（如下圖）首先，蜆瘦不在話下，賣相不在話下。但我可以肯定，係格硬撬開口。我問店員，係咪撬開的。佢話係😅😅我話其實煮過，咁熱，都唔開口的話，就唔應該格硬開來食。佢望住我，只係話：廚房開。就完了。最後我冇食到呢兩隻蜆。店員過來話請埋單先..........埋單後我就這樣離開了。確定不會再來等二次。…查看更多

見到好多人話呢間要排隊, 同埋由於店員人數少, 所以要等得耐D先有得食, 於是我同老公決定搵日少人D就去拜訪一下! 西冷牛扒黑椒汁($118)就算唔點汁都幾JUICY, 火侯控制得好好, 7成就7成! 份量又夠大!蜜糖芥末焗雞配焗薯($88)雞件已切好, 方便入口。配埋特製的蜜糖芥末醬, 好惹味!跟餐有湯配蒜蓉包蒜蓉包好脆, 是剛剛烘好的! 札肉沙律擺盤好有心思, 札肉有醃過, 酸酸的好開胃!店內應該只有老闆一人一腳踢, 見到有人寫食評時對他好似有D意見。希望大家對小店多多包容, 體諒一下。…查看更多

突然想食西餐, 同老公拍拖黎食呢間樓上CAFÉ!一入門口見到好多PEPE, 絕對係打卡好去處。叫左2個意粉, 一紅一白! 超級好味!!!!! 我同老公食到停唔到口! 雖然叫做LUNCH SET, 但係份量其實好多! 飲埋杯熱情果茶, 完美句號。STAFF全部都好友善又有禮貌, 埋單時簽卡諗住簽多少少俾貼士以表心意點知店員碌完卡, 名都唔洗簽就搞掂但我地一定會多多支持呢間咁高質既隱世café! …查看更多

第一次食, 知道係artist開的, 諗住有信心保證… 環境同擺盤都好靚, 雲石台面亦好吸睛, 方便大家打卡。不過食物質素有待改善…花雕嫩雞麻香拌麵 $62嫩雞沒有花雕味, 雞多骨而且好紅仲有好多血。拌麵有多麻醬好杰, 但完全沒咸味, 好奇怪, 好似漏左落鹽/ 落豉油。好似在食無味的花生醬.....自選車仔麵餸的份量較少, 味道都係偏淡。**拌麵同車仔麵都有送碗湯, 但碗湯有一陣怪味, 問左職員, 佢地話係豬骨湯… 味道好奇怪.. 我人生都未飲過呢陣味… 恕我唔識欣賞…乘風破浪鹽酥雞  $45最好味是鹽酥雞! 炸得好好 唔會好似出面好厚炸粉咁, 值得一讚!建議加番調味 同改善一下湯品的味道.... 否則好難再來第2次............. …查看更多

用外賣APP叫外賣, 本身唔識呢間餐廳, 見訂價都高, 但APP有優惠, 所以就諗住一試。本身諗住外賣番屋企, 通常都冇咁好食, 點知… 好驚喜!!吉隆坡傳統蝦面($128)超級推介! 蝦夠彈牙之餘, 蝦湯十分濃郁, 可以肯定係用左好多隻蝦淆製! 十分推薦!蜜糖蒜蓉炸單骨雞翼($58)份量算幾多, 同埋即使凍左都依然好味, 蜜糖同蒜蓉味各自都好突出!上海麻辣黑毛豬扒擔擔面($138)老公話麻辣都幾香, 不過可能凍左少少就杰左D。下次有機會一定要堂食試下! 相信一定仲好味!…查看更多

同老公覓食, 見到呢間米之蓮牛腩米! 入到去發現原來有下午茶喎! 清湯腩個湯底真係幾清, 不過以下午茶份量黎計, 有幾舊牛腩, 唔肥唔瘦, 岩岩好! 特別一讚係隻雞翼係即炸既! 好香好熱辣辣! 出奇地高質! …查看更多

第一次黎食，見到有lunch set 都幾抵食！門口仲有露天位，吹住風好涼爽好舒服！慢慢坐都幾好feel今日是日餐湯係粟米湯擺盤幾靚carbonara 配凍檸茶好足料 啲菇炒得好香好好味 索晒啲汁野菌risotto野菌味好濃 啲汁收得剛剛好 啲飯粒粒分明杯mint lime soda好吸睛坐足一日都好舒服好chill食得一乾二淨！好滿足…查看更多

食過咁多間章魚小丸子，只有日船係最最最最好味😋😋😋原味章魚小丸子係我既至愛❤️個店員好好人咁幫我加多啲啲木魚😍木魚加個沙律醬，熱辣辣咁食真係好正！性價比超高！不過唔知係咪落啲子薑落重左手，薑味濃咗啲啲，如果冇薑味就最好啦👏PS. 見到有人會加Wasabi食，我就冇試過啦，因為好似唔係好夾咁😅…查看更多

呢間泰國野新開左一段時間，一直都想同老公黎試下。撞啱下午茶時間，見到價錢勁吸引，就即刻二話不說咁入咗嚟啦。我叫咗泰式扎肉湯河，扎肉只有兩片，相比之下，河粉就好多。但湯底冇乜味道，所以叫佢俾啲辣椒我哋。即使老公俾左啲雞我加餸，我都食唔晒啲粉。🙈老公叫咗泰式雞絲湯河，雞絲反而多過札肉。不過又係因為冇乜味，所以佢落到成碗都係辣椒😂龍眼冰就正常，青檸水就似清熱酷溝水。雖然當然呢個價錢已經好抵食，冇得要求咁多。不過即使價錢平，應該都唔會再嚟食第二次下午茶。下次可以試下午餐或者晚餐，應該會好啲！…查看更多

平時次次都嚟呢度食下午茶，今晚就同老公黎試吓呢度嘅晚餐。原來晚餐選擇都幾多！我因為唔係太肚餓，淨係叫咗一個雞翼撈公仔麵。個雞翼撈公仔麵一黎到，比佢嗰個顏色嚇親！🙈以為係非常之鹹！但原來雞翼就夠夠味，但但汁撈落去個公仔面度嘅時候，就好淡口。老公食dinner set，係豬扒飯配雞串。平時好少食豬扒，但係呢度真係整得好好食！豬扒係外脆內軟架！👍🏻👍🏻👍🏻老公揀咗配薯仔，係一整個焗薯俾你嘅！雖然細細地但係都幾好味，好過食飯！難得有心嘅茶記！大家可以嚟到試吓下午茶或者晚餐！包你話正😋…查看更多