Vicky_116的个人专页

因為突然間想食泰國嘢，就近近地搵咗一間😌位於沙田區嘅泰國菜🇹🇭🦐環境幾好，地方闊落，都坐得幾舒服🍹未坐低就見到有一兜蝦片係檯🦐覺得餐廳有前菜附送，服務幾好，幾窩心😌不過正當我食咗兩塊諗住手機落單嗰陣發現⋯⋯原來係要收$15🥲🥲雖然我都唔介意收$15，但係餐廳冇事先同客人講明要收錢，逼個客硬食，感覺就唔太好😢😢同埋事後發現餐廳職員係會預早擺定係檯（未有下一檯客入座前已擺定），完全冇嘢蓋住兜蝦片，好多塵，好唔衛生🤢我都唔知兜蝦片係檯擺咗幾耐🤢🤢🤮除咗呢樣要俾👎🏻之外，其他都不過不失，服務態度都唔錯👍🏻生蝦都比較抵食，一碟有10隻🤤原來除咗辣椒、蒜之外，配埋苦瓜食都幾特別，幾fresh，可以一試🤩👍🏻第二樣推薦係芒果糯米飯🥭雖然價錢好似比起其他貴啲，但勝在佢即叫即整，啲糯米飯係即刻蒸，上檯仲熱辣辣🍚芒果亦都好甜，仲好似俾足一個芒果🤤🪄…查看更多

🍷🍢日式樓上串燒居酒屋🍻🐥環境氣氛唔錯，坐得幾舒服，餐廳入邊嘅燈光啱啱好👍🏻好適合約埋一班朋友嚟一邊飲酒傾偈，一邊食串燒🍻餐廳有啤酒、紅酒、果汁、汽酒等等嘅選擇～雖然個人覺得有啲串燒未及其他串燒舖頭惹味，但係都有幾樣嘢好想推薦俾大家試吓🤤🪄特別係餐廳嘅食材好新鮮👍🏻👍🏻👍🏻超級推薦🤤👍🏻鍾意食鴨舌就一定要食！好厚肉！好爽口！正！超級推薦！！🤩👍🏻啖啖肉！！！肉質好幼嫩！！外脆內軟！🤤問完職員先知原來雞蠔肉喺大髀附近最滑嘅部份，全隻雞先得兩舊！非常珍貴🥹鍾意食魚嘅，都可以試吓餐廳嘅白鱔、鱈魚🐟都好推薦🤩👍🏻食得出好新鮮，都係啖啖肉，唔係雪藏魚👍🏻餐廳有兩款厚揚：一款係普通，另一款就配上明太子～我個人覺得明太子厚揚比較特別啲、豆腐配上明太子，味道會比較出，好食啲😋但係呢個魚乾就有少少失望😢味道係唔錯嘅，不過唔知係咪燒耐咗，所以略嫌有啲硬，可以練吓牙力🥹😬…查看更多

超中伏😤！如果你好鍾意食泰國菜，我完全唔建議食呢間！我又再一次咗係啲foodie度😓😭😫事緣好朋友生日，諗住食好啲，見到評價都幾好，又有生日牌提供，所以就諗住帶朋友過嚟慶祝下🍾點知⋯⋯係一個超級唔好嘅體驗🤦🏻‍♀️1. 餐廳服務、甜品售罄預早兩星期book定19:30食，亦remark咗希望餐廳會係我哋叫甜品嗰陣幫手加個生日牌🌸食飯前一日，餐廳都有打電話俾我話OK，仲諗住讚吓餐廳幾細心🥹但係當日餐廳19:40先俾到我入座，我一坐低已經想叫定甜品先，點知全部售罄🙂🙂🙂但我滿懷希望餐廳有幫我留起🥲🥲我問職員：唔該，請問係咪冇晒窩夫啦？職員拎部機出嚟話：下，system叫唔到咩？（等我仲以為有機會叫啦😍但我多口講咗句）我：因為我見到寫住售罄🥹職員：咁即係冇囉（完）🙂🙂🙂其實嗰下已經唔太開心，但一場嚟到就費事走，希望佢啲嘢食搭救啦🥹🥹但都係空歡喜一場⋯⋯😑😑😑2. 價錢貴、食物質素未如理想好唔抵食嘅拼盤😤😤😤除咗牛，其他都係普通嘅配料，但係就要$250嘢食又唔新鮮，啲蝦黐晒皮、啲菇有臭味、雞肉又好韌，都唔知自己食緊乜🥲全個拼盤可能最好食係舊菠蘿😀😀仲諗住生蝦都唔會伏，但我又錯啦！🤦🏻‍♀️啲辣椒粒太多，完全食唔出佢啲醬汁味；啲蝦頭又炸到硬哂，一啲都唔脆😑冬陰公濃汁虎蝦麵，淨係食到辣味，食唔到冬陰公嘅酸辣香味🤦🏻‍♀️唯一覺得好食少少嘅就係呢碟蟹肉牛油果他他😅因為好多嘢都售罄，連椰青、青檸梳打都冇😀所以唯有叫個鳳梨梳打試吓，都係好普通，而且都係冇乜鳳梨味🥲3. 員工服務態度欠佳入座前，明明book咗位，亦都已經夠哂鐘入，但職員就叫我係門口等🙂埋單時，一位男同事等緊部機出單，就突然殺出另一位男同事，以為佢幫手執檯，但佢只係過嚟吹水😑😑😑隻手淨係拎住我檯面個碟，然後兩個職員就係我張檯隔離傾偈😓「喂，今晚食唔食宵夜阿」，「唔食啦」，「⋯⋯⋯聽日呢？」⋯⋯⋯試下認真少少，尊重一下客人？我哋仲未走架🥲咁嘅服務都要收服務費，真係唔係好想俾🙂！！！請大家考慮清楚先嚟食，唔好中伏！！！…查看更多

❤️‍🔥❤️‍🔥性價比高串燒🍢🍻夜媽媽睇完show 周圍都收哂舖，難得仲有串燒食🥹即刻衝入嚟食🍻環境舒服😌店員都好有禮貌👍🏻👆🏻原條蒜蓉燒茄子🍆熱辣辣，又超多蒜，燒得啱啱好，啲肉一撕就甩😋推薦！！❤️‍🔥👆🏻蒜蓉燒蠔🧄、白汁芝士燒蠔🧀🦪兩隻蠔都好新鮮，好足料～燒完之後啲蠔都係滑捋捋🤤👆🏻燒雞泡魚乾🐡好多串燒舖都係燒到硬哂，好多練牙力咁😅但今次終於可以保護啲牙😁燒到啱啱好，唔會太硬，好有咬口！😋推薦！！❤️‍🔥👆🏻鹽燒牛舌芯🐮👅超級好食！！最鍾意食又彈牙、又有嚼口嘅牛舌鍾意食牛舌嘅一定係揀牛舌芯🥰雖然價錢相對貴啲，但真係好食好多！❤️‍🔥超級推薦！！❤️‍🔥👆🏻雞軟骨、雞腎、虎皮尖椒、韭菜、翠玉瓜🌶️樣樣串燒都係即叫即燒，上檯都係熱辣辣，超好食！推薦大家嚟試下🤤❤️‍🔥…查看更多

❌超級失望，唔推薦！🙍‍♂️🙍🏻‍♀️❌因為見到啲評分好好，又有foodie推薦，所以就滿心歡喜嚟試下😚點知⋯⋯😑😑😑‼️首先，環境衛生唔太好，未坐低已經覺得好污糟😓員工冇清潔好先俾客入座，一諗住坐低就見到張櫈有頭髮、有用過嘅牙籤同芝麻⋯⋯😅另外，雖然舖頭好有特色咁將啲紙巾吊係半空🧻方便客人，但係就吊咗係我啲串燒上面🥲部冷氣機啲風一路吹，感覺個布袋啲塵就一路跌落啲嘢食到🥲‼️其次，服務態度見人見智啦😀員工安排咗我哋坐路口位，因為我哋得兩個人，所以佢哋就拉開咗張連檯，導致路口位細咗。隨後，就有女員工大聲吆喝話「喂，咁逼點過，佢哋泊返入啲啦」！雖然唔知係咪話緊我哋阻住佢，但係啲客人面前，其實係咪都唔應該咁大聲呢？🥲然後隔咗一陣，我哋食食下，啲員工就埋嚟推我哋張檯😅感覺上真係唔太尊重⋯⋯‼️最後，就係啲串燒😓串燒嚟講，係我哋覺得最唔好食嘅一間🥲超級普通，而且唔熱，又冇味🥲舖頭係有一樣貼心嘅服務❣️但一啲用都冇！雖然增設每檯有一個爐一路燒熱啲串燒，但其實一啲用都冇😑😑連個爐都熱唔起，啲串燒都一樣係凍冰冰😅😅😅‼️而炸饅頭$18就得2粒，但係就一啲都唔脆，好似一早炸定，然後整返熱嘅口感😓而串燒就冇得揀辣，全部都係自己落辣椒粉／孜然粉，所以就咁食係一啲味。簡單嚟講，我哋覺得舖頭只係幫手燒熟啲嘢食俾大家😭咁多樣嘢食，我唯一可以推薦嘅只有*藤椒魚皮*，的確係幾爽口🥹…查看更多

🌱✨沙田新開業 小清新café☕️🍃🦥如果想靜靜地坐低嘆杯咖啡☕️做下嘢～小妹都幾推薦✨清新文青嘅裝修風格，適合大家嚟chill一chill，休息下😌小妹今次係同男朋友嚟慶祝生日，係呢度打卡都好靚架😍📸✨意式香草焗雞翼🍗- 大大隻雞翼，脹卜卜，外脆內軟👍🏻雞肉非常嫩滑，裡面仲鎖住好多肉汁🤤✨黃金忌廉軟殼蟹意粉🍝- 軟殼蟹都幾大隻，炸得啱啱好，唔會油淰淰✨- 手工意粉，較硬適中，幾有咬口👍🏻鹹蛋黃遇上忌廉，再加上蟹籽混合，非常惹味🤤✨川辣菠蘿雞肉薄餅🍕- 新嘗試😍薄脆批底，口感香脆😋- 一上檯已經聞到一陣香噴噴嘅川辣味👃🏻食落有種好熟悉嘅感覺～就係譚仔嘅麻辣湯底，食完條👅仲麻麻地架！值得嚟試下🫶🏻✨經典酒香提拉米蘇✨- 手指餅鬆軟濕潤，充滿濃郁嘅咖啡酒香味☕️再配上香滑不膩嘅忌廉👅都好值得一試👍🏻🦥由2/1起，至31/1仲有優惠添～只要嗌意粉、薄餅、主菜一份就可以半價享用一份甜品🍮及一杯無酒精飲品🍸（我都係去到埋單俾錢先知道有折🤣🤣）…查看更多