餐廳好受歡迎，差唔多要提早一個月先訂到lunch🍽 食飯前一兩日可以要同餐廳點定菜，到時一坐底就準備開餐，所有食物都係即刻新鮮製作😋- - - - - - - - - - - - - - - - - - - - -餐單 📋蝦多士 🌟🌟🌟🌟炸蝦醬骨🌟🌟花雕雞油蒸馬友🌟🌟🌟🌟🌟椒鹽鮮鮑魚🌟🌟🌟薑蔥焗肉蟹煎腸粉 🌟🌟🌟🌟🌟招牌焗少爺豬扒飯配煎雞蛋🌟🌟🌟🌟🌟 蝦多士🍤 炸蝦醬骨🍖蝦多士熱辣辣，比起出面食嘅厚好多，一咬落去就感受到啖啖蝦肉，蝦味幾濃。佢有配甜酸醬，個人認為點咗反而會蓋過原本蝦味，可以唔點醬。蝦醬骨重蝦醬味，稍微偏鹹，肉質都厚實。花雕雞油蒸馬友🐟椒鹽鮮鮑魚海鮮勝在夠新鮮，條馬友好滑，重花雕味，差啲想飲埋啲汁。鮑魚夠彈牙，鮮味十足。薑蔥焗肉蟹煎腸粉 🦀隻肉蟹好大隻，蟹肉鮮甜，腸粉入哂蟹味，好好食。好少見用海鮮煎腸粉，估唔到又幾夾，幾surprised。招牌焗少爺豬扒飯配煎雞蛋🐖個焗豬飯真係好大盤，應該夠七八個人食。上面鋪滿芝士，滿滿嘅拉絲，仲會配埋煎蛋，一啖有齊豬扒，炒飯同煎蛋，絕配！成個飯蕃茄味都重，唯有挑剔位係個飯都比較淋，因為好多汁係上面，我個人就幾鐘意😝餐廳好細，得幾張枱，所以都坐得幾迫，服務就同普通酒樓差唔多，不過勝在食物方面相當滿意，值得推薦。如果想訂位，午餐建議早一個月打電話，晚餐就要早三個月打啦…Read More
