copperlui0214的个人专页

今日去咗大埔三門仔幫妹妹慶生～🎂 妹妹話呢度景好靚，又夠有feel，所以我哋就揀咗皇朝明珠餐廳慶祝。😌本來諗佢生日食中菜咁得意？但一去到即刻明晒！餐廳望出去個景，真係靚到癲🤯——我哋啱啱遇上靚爆日落，橙黃色🧡慢慢變成紫粉紅🩷，再加埋餐廳入面嘅粉嫩樹🌸，氛圍感拉滿，打卡無得輸！📸服務方面都要讚爆！啲姐姐哥哥好親切、識傾偈、見我哋坐戶外即問要唔要風扇，呵護到不得了。仲有最貼心係 pet friendly🐶🐱，啲狗狗有得坐專屬小凳仔，人仔咁，傾偈都會主動講下狗仔嘢，毛孩家長肯定好滿足！記得如果帶毛孩，最好早啲book位＋留意天氣，同埋要睇實小朋友同寵物，安全最重要，因為室外隔離已經係車路！至於食物方面真係諗唔到，款款超驚喜！👇🏻🐚新鮮扇貝：已經分好每人一碟，熟度啱啱好，粉絲＋配料香爆！🫓豉椒炒花甲芋煎米粉底：煎到似pizza底，沾豉汁食又香又有層次，好少地方有得食！🟨金磚豆腐：炸粉薄又均勻，每件size都一樣，乾蒜味又夠，超推介～🍍鮮菠蘿咕嚕肉：自家製汁，加新鮮菠蘿，肉質夠real，唔腍唔肥膏，絕對私心推推！🥬梅菜肉松蒸菜心：梅菜味道夠，菜心嫩唔老，底部啲莖都批走哂，好細緻～配梅菜啱啱好，好開胃！🥣木瓜雪耳糖水：最尾送糖水，一向唔鍾意但今次點知清晒！唔死甜，材料均勻，絕無人工化工味，好清甜又潤喉～perfect ending！小小溫馨提示：近海邊會有少少風，天氣再凍啲記得帶外套/褸；戶外會有蚊，記得帶蚊怕水/蚊貼，戶外準備好晒開心食飯！🦟❌皇朝明珠餐廳／三門仔新村地點：香港汀角三門仔新村（全年全日營業，隨時去chill打卡得！）日落湖邊＋餐廳粉紅樹 combo 打卡必去～生日大成功💖下次一定再黎！#大埔 #三門仔 #皇朝明珠 #打卡餐廳 #日落美景 #超有心餐廳 #petfriendly #中菜 #lifestyle #hongkonger #copperlui …查看更多

老老實實，呢間餐廳經過幾次都無食，一係多人排隊，一係唔係個個mood。但今日有mood，就算見到有少人龍都排，畢竟覺得總有原因令人去排隊嘅！😆好在我地排左無耐就入得，座位全清一色bar枱位，但枱底櫈底都有勾掛袋，所以唔算好迫，而且好乾淨，一坐低職員好快介紹左啲醬汁，點樣order,我諗佢地都熟到一字不漏咁講😆我地叫左個兩個餐，一個係經典漢堡+芝士漢堡餐，另一個就3隻味都要哂（經典、芝士、南洋青咖哩）。首先你又講吓呢間嘢最特別嘅地方就係佢嘅湯同白飯任裝，而且西蘭花係會無限幫你fill。佢想上菜嘅節奏就會由原味開始先，之後就芝士味，最後就會咖喱。佢個芝士除咗有塊芝士係漢堡上面之外，佢就會再加芝士碎喺上面，每一塊嘅量會係塊漢堡嘅厚度一倍！🧀我地坐個位睇得好清楚佢真係用新鮮肉整嘅漢堡，之後就上俾每個人嘅鐵板到，記得唔好燒咁耐，否則會過熟好硬。我地覺得咖喱係最哂塊漢堡，摭哂所有味。佢仲有個優點，就係好多醬汁，所以食原味都可以好多味，佢磨個芝士山個時都有叫你想影就準備手機。🤭我地食到最後得返啲西蘭花，但煎香哂去點汁都送到成碗飯！真係好好食！！！！未食過啲朋友建議食下，想食嘅朋友建議早啲去排隊！！…查看更多

話說朋友前排結婚揀左我地曾經黎打卡嘅地方 - 小白鷺餐廳The Lake House👰🏼‍♀️由細到大住大埔成日搭火車經過都覺得好靚,到小學黎過參觀,再到大左同朋友黎,睇到佢地裝修同轉型到愈黎愈靚!🥹呢到除左係餐廳,仲可以係活動場地同婚禮場地💖最鐘意嘅另一個原因就係佢地場地有養住幾隻貓,有隻仲好親人!🥰🐱呢到嘅服務非常好,有啲野舊左想佢地換都即刻做到!完全無黑面或者唔耐煩,而且好專業!當日天公很造美,回暖仲要無落雨🥹影出黎啲相勁靚!💖💖💖💖💖到夜晚佢地仲有好多裝飾燈又係另一番景色!最衰唔方便放新人啲相,如果唔係仲震撼!🥹呢到雖然係草地同湖邊,但我想話無蚊!但當然少少大自然嘅野係總會有,但當日真係唔覺有😳不過建議大家做足防曬之餘最好就係帶定蚊怕水!🦟咁樣著得幾靚靚幾熱都唔怕啦🥳當晚野食我無點影相因為做姊妹走黎走去，但食左少少發現佢地中菜都勁Fushion!仲要好好食！一口份量剛剛好唔會哂！#婚禮準備 #婚紗攝影 #婚宴場地 #婚禮靈感 #婚禮 #婚禮場地 #小白鷺餐廳 #大埔 #thelakehouse #wedding #taipo #lifestyle #hongkonger #copperlui …查看更多

尋日約咗朋友敘舊，揀咗大家都就腳嘅Pause It餐廳，真係白吃不厭😋！食咗好多次，每次都又有新驚喜～雖然Pause It就係旺中一間大街舖，但內裡一啲都唔嘈。食物主打fusion，配搭新穎得嚟唔怪，坐得舒服又chill，係同朋友聚會嘅理想選擇✨。價錢可能比其他同區餐廳貴少少，但都值得！佢哋嘅咖啡超多選擇，仲好飲到爆！拉花每杯都唔同圖案，之前飲嘅時候覺得真係靚到唔捨得攪散啦～☕️🧡今次我哋三個女仔點咗：安格斯封門柳、意大利雲吞、牛油果意大利飯，飲品就有英國梨冰茶、梅子西柚梳打，仲有一杯唔記得名嘅飲品😆有啲食評：－意大利雲吞味道ok，但可以再濃啲；慢煮雞就偏一般；牛油果飯似福建炒飯😂😂😂－封門柳最正！叫咗medium well（七成熟），炸牛蒡！勁好食！！！！！！－推介必試佢哋拉花咖啡，好睇又好飲～Pause It唔係成日爆場，多數都walk-in得，不過建議book位穩陣啲！📌店舖資訊Pause It地址：Shop G11, 17 Nelson St, Mong Kok, 香港招牌菜：芝士黑松露薯條、黑炭咖啡、竹炭咖啡、炒蛋牛油果多士、全日早餐營業時間：一般中午至晚上（建議出發前致電查詢）鍾意影相飲咖啡嘅朋友一定要去試下，食物同飲品都冇伏，去幾多次都令人冇失望！💯👏#旺角 #pauseit #cafe #咖啡 #咖啡拉花 #theforest #lifestyle #hongkonger #copperlui …查看更多

呢日同同事一齊衝出公司結界🤣，直奔一間隱世懷舊冰室食lunch！😋公司附近啲餐廳已經食到心淡，又冇乜選擇，好彩有車梗係想衝遠啲搵新嘢試啦～呢間餐廳超有old school feel！露天同室內任揀，隔離仲有車位，但數量唔多，基本上揸車先方便入到去。呢度位置都幾隱蔽，入面冷氣開到足，環境夠乾淨，感覺係upgraded版大排檔～洗手間仲勁乾淨又有梘液，呢個細節超加分😭服務質素令人驚喜，全部員工態度都爆親切！看似老闆嘅男士超有禮貌，完全冇「唔憂做」嘅感覺，仲有位姐姐，食緊飯都主動幫我哋介紹menu精選，好貼地又有heat～話晒都係老字號，親民指數爆燈！👍🏻呢餐我哋點咗兩款飯share：- 必食椒鹽豬扒飯🥩：豬扒煎到香脆，雖然咸咗啲，但配埋白飯就sooo good！椒鹽絕不吝嗇～- 鰻魚炒飯🍛：炒得夠香夠力水，鑊氣足，雖然鰻魚味唔太搶，但整體都唔錯，飽到爆～- 飲品方面就有黑牛同雪糕涼粉冰🍹，全部都用碎冰，好飲又夠冰感！近年要搵到正宗碎冰仲有味道嘅真係超難，加分加分！聽講佢啲地道小食都勁受歡迎，超多外地朋友特登搵嚟食，連內地遊客同其他區啲人都會專程開車過嚟搵呢種懷舊滋味～🤪如果大家趁假期有時間，絕對可以book齊朋友一起嚟試下，體驗下香港d地道大排檔氛圍！👭👬室內冷氣爽爆，天氣晴朗嘅話坐露天都正！相片入面就係盤香噴噴炒飯，開心share同事飯聚一刻～🍚📸#上水 #懷舊冰室 #榮昌茶座 #椒鹽豬扒飯 #鰻魚炒飯 #黑牛 #雪糕涼粉冰 #lifestyle #hongkonger #copperlui …查看更多

呢日男朋友話帶我去食burger🍔,講到好吸引咁，我就睇下佢去邊！點知係一個food court….我當下諗，下？九龍城廣場有咁好咩個food court,但佢講到咁我就信佢啦。一去到見到都有條小人龍，心諗咁堅架咩？menu上面選擇唔多但好似全部都幾吸引🤩好岩我呢啲選擇困難既人。。。佢地最多人食既係慢煮手撕豬漢堡配椰菜沙律，仲要限量供應，而剛好排隊落order時前一個想叫，收銀姐姐就話賣哂，所以我地只可以叫其餘兩款，兄弟孖芝堡 同 爆炸雞漢堡配辣辣蛋黃醬及生菜。佢地包裝好美式，經典個個孖芝勁juicy!!!!!!!!!完全估佢唔到，仲要個漢堡扒係新鮮免治肉！呢個好好食！個辣雞一啲都唔辣，但似係鮮炸🥩！仲加左啲好似串燒落個啲辣粉，勁香口勁好食！！！！！！！！！！而個薯條都食得出個新鮮炸🍟！！！不過呢日我食既應該炸耐左，而且好多細條，所以硬左少少，但佢落個薯條調味粉超好食，所以救到唔少分！野飲叫左杯青檸梳打🥤，啲薄荷葉勁多勁香，仲原支梳打俾我哋慢慢飲，太正！！！！而家佢地仲開左葵涌分店！款式好似仲多啲！🥹大家有機會一定要去試！#band&bros #burger #fries #mojito #kowlooncity #lifestyle #hongkonger #copperlui…查看更多

今日hea行搵野食，終於去左旺角超高人氣既 <Grind Size>（窮撚賣咖啡）朝聖！😛今次食咗佢哋超有名嘅辣蟹轉手捲麵 + 意大利雲吞，再配埋兩款特色飲品：荔枝檸檬茶同蜜糖檸檬烏龍梳打，齋睇名都已經想流口水啦！🥰第一道菜係意大利雲吞，我本身就勁鐘意食Cappelletti，佢哋嘅version真係高質sooo good！🥟 超多汁，仲有麵包送埋，啲汁唔怕浪費，中間仲有真蟹肉碎，唔係蟹柳絲，真心有誠意！🔥至於辣蟹轉手捲麵就...有啲小失望啦。辣味幾ok，但蒜太多，除咗乾蒜，仲有蒜片同蒜粒，成碟都係蒜味，食唔出蟹味有啲sad🥲飲品方面都幾有特色：烏龍梳打超chill，解膩一流；荔枝檸檬茶就荔枝味香到爆！🍹環境都幾乾淨，店員後生仔都行casual style但又唔失禮貌，整體感覺幾ok😂。價錢就覺得以呢個質素，可以再平啲就更完美啦～🥲🥲小tips：如果你想麵類有變化，例如意粉換手捲粉，上餐前講一聲，最多加少少錢，就可以試多款味道！😝地址資訊：GRIND SIZE（旺角通菜街10號地舖）地點：香港旺角通菜街 營業時間：全年 11:00-23:30 人均消費：約$200旺角通菜街，真心係食得又行得嘅好地方，快啲mark低去試下啦～💃🏼#grindsize #窮撚賣咖啡 #cafe #fushion #pasta #旺角美食 #旺角 #lifestyle #hongkonger #copperlui …查看更多

呢日因為唔想返屋企食飯,臨時就去搵食!諗起一直想試､每日路過都好吸引的餐廳,終於入去The Point Pizza & Pasta啦!😆餐廳係一間casual又型格嘅fusion西餐Cafe,門面同燈光夠晒氣氛,入面有cocktail bar,酒精飲品選擇多多,啱晒朋友聚餐chill一chill!我地今次點咗2人晚市套餐—蘑菇湯､油封鴨意大利飯､煙三文魚溫泉蛋pizza🍕,再追加咗 Strawberry ice cream float + Mango tango 呢兩杯特飲｡其實本身已經唔係太肚餓,但原來成套嘢份量超多,唔餓住肚真係唔夠嚟對付!😂由頭試到尾:蘑菇湯勁creamy,唔似罐頭湯咁淡,濃郁口感超好味😋! 到主角pizza,有煙三文魚🐟､三文魚籽🟠､溫泉蛋🥚,芝士拉絲､忌廉香滑,打卡一流之餘好味到不得了,食完仲想encore! 油封鴨腿意大利飯都好驚喜,好少地方有油封鴨食,鴨肉好嫩唔乾,剩低少少飯真係餓唔落去｡ Strawberry ice cream float & mango tango都超refresh,到最後只係食唔晒,真心抵玩!環境方面值得讚:燈光低調有情調但又唔會太暗,枱之間闊落､唔嘈唔迫,坐得夠晒舒服;員工好有禮貌兼服務夠主動,收碟快手,食得又自在｡⚡️小貼士:平日下午可能都多人,要預位唔使等;menu裡面有好多cocktail選擇,鍾意飲野嘅朋友可以去試下!(推介!)▶️The Point Pizza & Pasta 地址:The Point - Pizza & Pasta (尖沙咀)尖沙咀彌敦道100號The ONE 4樓L409號舖營業時間:星期一到日 11:00am – 10:00pm 假期小聚､情侶約會､閨密打卡都幾啱!西餐控､Pizza迷必試!🍕🍗🥂#thepointpizzaandpasta #UCreator #打卡美食 #CAFE #Foodie #假期推介 #西餐廳 #Pizza #pasta #我想試下整甜品 #lifestyle #hongkonger #copperlui …查看更多

我諗身為香港人，應該都去過香港迪士尼啦🏰 以前朋友啲小朋友細個時，我仲有年卡，一年去幾次回返哂本，真係童年回憶！但啲小朋友慢慢長大，我哋又開始忙，結果都好少再入去😭😭今次係幫人慶祝生日，特登買門票🥳🎂 每次一入迪士尼就好似瞬間離開現實世界，返返童年嘅感覺！未去過嘅Frozen園區，今次終於試到❄️☃️！啲設施又新又有驚喜，真心好玩，同朋友齊齊爆笑😂😂晚餐揀咗我最愛嘅翠樂庭餐廳，食又正，最開心係可以提前2個月book位，同埋預先話定慶祝生日，佢哋會送上蛋糕＋Disney角色陪你影相慶祝，夠晒high！💖角色真係超親切，每次都開心到極！記住： 建議早兩個月book翠樂庭餐廳，因為真係長期爆滿🥹！ 而家門票都唔平啦（成人HKD548），有年票回本就perfect，冇都要把握機會啦，唔知佢幾時又加價😂😂😂最好嘅Ending係留到夜晚睇煙花🎆🥹，就算無煙花，夜晚嘅迪士尼同旁邊酒店都係超夢幻，氣氛完全唔同，chill又浪漫，超適合影相打卡！想體驗返童年魔法？即刻約朋友book返入去啦🔥—— 香港迪士尼樂園 地址：香港大嶼山香港迪士尼樂園度假區 開放時間：10:30-20:00 門票：HKD548翠樂庭餐廳（香港迪士尼酒店內） 建議提前2個月預約 有生日驚喜＆角色影相機會！#lifestyle #hongkonger #copperlui …查看更多

呢間千燒居係fushion既居酒屋，有意粉有串燒，全部都即整，我地快食左個煙鴨胸意粉同肉眼扒意粉，全部野都係即整，同埋個肉眼扒整得好好食，唔係全熟😍😍😍入面好腍！！！！煙鴨胸一口大小，又係勁好食。。。。佢用燒汁做底煮意粉好好食。。每一條都掛住哂啲汁！！！串燒我未試，希望下次有機會食！另外服務態度都好好👍🏻重點好平。。。👍🏻👍🏻👍🏻👍🏻大家不防去試下。#Fushion #居酒屋 #chill #隱世打卡點 #hkfoodie …查看更多

真係要特別多謝呢間茶店嘅職員。 招呼我嗰位女店員好好人，好有耐性，介紹產品好貼合我嘅口味同興趣，仲免費畀咗啲餅我食🥹🥹 整飲品嗰位女仔都好好人！ 好似而家大家喺枱前幫飲品影相已經變成必做動作😂 我啱啱拎出電話出嚟影相，佢即刻拎枝乾花擺喺我杯飲品旁邊，話咁樣影相會靚啲😂 又真係啱，呢張就係我嗰張相（茶凍＋雪糕）😆，好好味！仲要多謝有人幫我影相，影得我咁瘦😆@gongfuteahouse#gongfuteahouse #kaitak #teajelly #icecream #lifestyle #hongkonger #copperlui…查看更多

今日幫屋企人慶祝生日，你屋企人住喺泰cool附近所以book咗呢度，而我哋通常都會帶埋狗狗去，因為狗狗都係我地嘅屋企人，所以一般都會揀Pet friend嘅餐廳。呢度環境好大，外面設有吸煙區位，但係我哋無人食煙，而且好熱，所以揀咗入邊一啲鳥籠設計嘅位順便打卡！呢度嘅嘢食全部都好大碟，所以order嘅時候，記得要慎重考慮份量。唔逐一介紹，大家睇相啦。味道方面都唔錯，但泰式野黎講真係完全唔辣，我成家唔食辣都覺得無辣，想食辣既就可能要考慮下。職員尚算有善，都鐘意動物，會主動同動物客人玩，仲有貓店主，但聽聞走失過一次之後就唔鐘意俾人摸，好在今日佢心情好，我摸左佢好耐🥹🥹走既時候職員都好主動同我地傾計講我地隻狗狗。😊但應該仲有好多客唔知pet friendly既餐廳係可以動物入室內，係客人問題呢樣，唔關餐廳事，但希望pet friendly既餐廳可以更盛行，大家可以人寵相融。#泰cool #petfriendly #泰國菜 #寵物餐廳 #九龍灣 #香港美食 #lifestyle #hongkongers #copperlui…查看更多

今日黎左間喺大埔既Fushion扒房食晚飯,上網見到佢地既裝修同野食都好有格調,所以想黎試下同打下卡🥰呢到位於大埔舊墟直街9號粵發大廈地下1號舖,門面都算幾靚,可惜呢日落大雨,所以book左位都早左好多去,因為有摭都濕哂想搵個地方避雨🥲好啦,menu我無影哂,佢有2個dinner set揀,然後當然都有散叫,我地因為唔餓,就order左一個1)Beef Wellington with Black Truffle 3 Foie Gras黑松露鵝肝威靈頓牛柳 2)Truffle Fries松露薯條3)Rose (Mint, Strawberry, Milk)(好似)黑松露威靈頓牛柳呢個擺盤係有啲驚喜既,個酥皮好薄呢個一定要讚!但個牛柳熟多左少少,同埋唔夠新鮮無咩牛味,不過我都知Beef Wellington真係好難控制得咁完美,同埋佢菜有黑醋都ok啦,所以100分我都俾80佢｡薯條就無咩特別,係有茄汁同松露醬,野飲就正常啦,似strawberry milkshake咁｡服務方面我覺得算幾好,唔會催我地落單,都會主動加水,叫得唔多都唔會黑面,對每一枱客每一句都好溫柔唔會hea做｡地點好易搵,太和站落車會近啲｡#西餐廳 #打卡美食 #大埔美食 #Foodie #假期推介 #fushionfood #扒房 #威靈頓牛柳 #松露薯條 #lifestyle #hongkonger #copperlui …查看更多

去開白石角既朋友應該唔會陌生雖然唔係咩新鮮野但都好值得介紹俾大家因為呢度個景好靚,絕對係打卡地方!Tom Bar & Grill 寫明係Thai cuisine,但其實佢都有其他既西餐,例如意粉､pizza同burger等等｡今日食左雞+豬+牛串燒,夏威夷pizza,Signature burger同strawberry mojito｡我想講看似好普通,但樣樣都勁新鮮,串燒都岩岩好,完全唔會過熟過生!另外唔洗講既就係佢地係pet friendly,同埋佢地既夜景係靚既!食完飯係出面散步打卡都係好好既選擇!#白石角打卡 #白石角美食 #白石角餐廳 #西餐 #薯條 #漢堡包 #美式漢堡 #Burger #CAFE #打卡美食 #fushionfood #fushion菜 #lifestyle #hongkonger #copperlui …查看更多

呢間餐廳出名食fusion Korean food,Walk in係無可能有位，今次好難得地訂到位仲要唔full客。一入到去，環境好靚，好多藝術畫，有牌子既裝修家品。佢地廁所都用勁香既香薰蠟燭點住，好有feel!然後好surprise既係，Waitress只係識英文，但佢地好主動去介紹，勁nice, 唔會摧我地，仲叫我地慢慢睇。另外有一個男仔係雖一識中文既waiter/bar tender,佢都係超細心同有耐性，我地勁滿足，食到中間，佢地突然送上3shot ginger ale sake,我麻麻地，但薑味好香好濃係有新鮮薑汁！呢樣野真係好surprise!成個過程好舒服，好relax，到走個刻啲員工都好nice咁同我地拜拜，服務一流！野食方面我地叫左3樣野實際名我唔記得了呢個係大約芝士無花果既野呢個勁好食！仲要切好片好易一小口咁食，個汁好似黑醋咁，酸酸甜甜，配芝士一啲都唔膩！然後係呢個五花肉，同啲醃蘿蔔定kimchi?估唔到勁夾！個五花肉煎到岩岩好！勁好食！！！！！！完全唔會太油或者太乾！全部食哂！然後呢個海膽飯，真係一流！好推薦！佢啲海膽、紫菜同蝦子俾得好大方！真心好食！！！！！！！！呢間餐廳各方面我都好滿意！大家想去記得要book左位先！…查看更多