Robot Q のプロフィール

最好味的超濶條麵。👍👍已經第二次去，本來今次想試其他食物，但念念不忘果碟不起眼的濶麵。濶麵本身已經好香，所以加任何會材都冇問題。上次食松露闊麵， 一匹布咁長，要用刀义切; 今次鴨肉醬闊麵; 冇野好講，總之係好好味。 唔好意思，我唔記得哂D名😅😅甜品原來都好驚喜，coffee sorbet， Afagato ~~~天寒地凍, 坐喺sofa, 同同事傾吓計，準備聖誕心情，嘆住太陽chill下，差D唔記得2:00pm要返番公司繼續工作.....…さらに見る

今日同朋友去完觀音廟，想食素，淨化吓自己，去咗呢間。朋友介紹過佢哋一直都會有派飯，甘就去支持吓善心老闆伙記做善事。D碗筷，枱全部都好乾淨喎~ 土瓜灣一間甘既店铺，衛生程度唔係講笑，比得上酒店。一坐低，D職員唔係問你食乜，係送上熱湯，粟米蘿蔔湯，E...好香甘清甜味既？原來落咗陳皮。雖然係送既，但一D都唔馬虎。我地叫咗兩小菜，薑汁豆苗，咸旦黃南瓜，一碗糙米飯share食。糙米飯好軟但又唔濕， 我估是為了老人家。鹹蛋黃南瓜好好味好惹味，根本就係小炒王嘅一碟餸，完全唔係食素食!D菜好鬼大碟，飽到我吖! 我下次再同多兩個朋友去，叫多D野食，好多餸都好似好好味甘。…さらに見る

星期六的早上，做完body check, 去咗朗豪坊呢間食個早餐，叫咗Flat White, Carrot Cake.原本這星期，工作疲累，天天下雨天，心情不好，胃亦開始有D痛，但當第一啖咖啡落肚，滿足感湧上，抹開咗一切悶悶的心情。商場大電視有廣告，又有Mirror，亦有好多外國人，超高的樓底，廻音，加上杯咖啡由香到果酸到滿口甘香, 好奇妙，就好似去咗外地旅行休息甘。Carrot好好味，上層奶油,合桃，入面一絲carrot,有誠意。很喜歡，謝謝。…さらに見る

疫情期間一定要支持小店,屋企樓下呢間咖啡店，我每月都會 幫襯幾次。佢哋轉咗新menu，又去支持下。 揀咗無激素豬扒，好嫩好好味， 食咗少少先記得影相。 再試下啲伴菜，嘩! 佢個九層塔菠蘿， 睇佢唔出係非常好味， 有啲搶咗豬扒主角嘅角色。推介~唔該店主出多D九層塔既食物!然後點咗個新出嘅雜苺麻薯窩夫畀我仔, 我見tiramisu好似仲好味，但仔鍾意食士多啤梨雜苺。最後一杯嚟杯dirty，奶夠凍， 影完相都未散曬，滿滿厚厚暖暖的咖啡油，之後凍凍的，甘甘的，多重口感。 我唔係好識飲咖啡，但我鍾意飲。滿足的一餐。…さらに見る

小朋友補習放學後，途經呢間平日排超長龍的店，居然今日冇人等!立即同我仔入去，叫咩好？我就為杯咖啡入去，我仔呢？入去後，寬落空間感，大家側身坐，望住幅深灰水泥牆，有種令人放空感覺，發下吽哣，飲杯咖啡，我既人生不外如此。為左我仔甘乖陪我嘆啡，叫左份燻三文魚羽衣甘藍waffle 一齊食，waffle質地有D似泰式薄餅口感，三文魚好多我仔好鍾意，加埋我抔Dirty,咁先係放假天。飲Dirty真係唔可以影相㗎!…さらに見る

上星期入了一間不近人情的咖啡店,這星期六又要等小朋友放學，所以再試這一間，他們的態度很好，我只叫了一杯咖啡坐了45分鐘，沒有趕我走，心想，原來九龍城亦有有人情味的咖啡店!他們的咖啡亦很有心機，最緊要令我舒服。…さらに見る

為了等小朋友放學，2:15pm 入店，點了Flat White + Earl Grey Roll cake， 問店內職員取wifi, 佢叫我自己出門口睇， 之後2:45pm搵人嚟叫我走, 話净飲有限時45分鐘， 我話我有食野，但佢話蛋糕唔計， 本來好舒服嘅一個下午就係一句說話，破壞咗店舖內牆身貼上的slow living氣氛!! 食了半小時趕人走， 唔好叫自己為專業的咖啡店， 非常非常之失望！…さらに見る

今日行經長沙灣，諗住tea一tea,叫咗份烤雞，一份pizza,分別$58 & $68，tea無包飲品，問下有冇水供應，問咗兩次都冇，可以叫支裝水.....但，我地又見人地有個杯裝住D清水又冇要比錢既個支水樽喺枱面，好奇怪，唔緊要，叫buy one get one drink囉。先嚟1/6隻烤雞，份量ok,第一、二啖唔錯，愈食愈覺咸同好香草味太重，跟餐薯仔得香草味冇薯味，但雞肉夠滑。再黎木板上既pizza,比把餐刀，切唔到個底啊～切切下....塊木板仲走隻好細細隻蟲仔出黎😰希望咁高級既餐廳，可以喺呢D咁細微地方有進步。…さらに見る

聽朋友講話西九龍中心新開左間賣熱狗漢堡包既店舖, 今日下午終於去試左.我地兩個人叫左一份原味熱狗餐, 一份蘑菇芝士漢堡餐. 嘩, 個漢堡一黎到, 大份到oY, 我諗有成5吋甘大甘高, 但我居然食得晒, 塊安格斯扒好Juicy, 加埋d蘑菇好好味 朋友份熱狗都好正.好鍾意間餐廳既裝修, 係深水埗區好少有, 佢地仲有outdoor, 真係估唔到. d侍應都好親切, 唔怪得外國人都有幫襯佢地! 我下次要去試埋佢地d意粉, 見隔離枱食得好似好滋味甘.…さらに見る

行過灣仔, 想坐底食個下午茶, 唔知去邊好, 行下行下見到有間Cafe.店內service好好, 好似兩公婆run緊甘, 叫左件多士, 賣想好好, 一件朱古力旦糕, 好味, 最抵死旦糕面加左兩粒心心, 哈!!仲有我杯cappacinno....果隻貓樣....我真係kit一聲笑左出黎, 佢用朱古力醬整, 隻貓仲好醜怪..... 但好warm~~~ 我鍾意呢d自家作~ …さらに見る

今晚悶悶地, 想食意大利飯, 去左呢間食, 雖然我兩三個月會去食一次, 但而家先寫食評. 佢個黑松露菌湯好creamy同香, 碟帶子意大利飯好好味, 帶子剛剛熟, 正~, 仲有我一向最愛既燒豬手, 唔油條但皮好薄好脆~~~…さらに見る

行 Time Square 行到累累地, 今次唔去 Starbucks 喇, 去試下 Agnes B 有幾好味?E...原來 Agnes B 既咖啡係 illy 供應架? 諗住試新野既心情, 有少少失望. 好在 illy 咖啡一向都好飲. Waitress 仲好有誠意甘介紹每一款 cake, 好nice~件 Melanie cake 有好重朱古力, 最岩我呢d朱古力怪!…さらに見る

叫左一份羊扒帶子set lunch, upgrade叫左杯Green Tea Coffee份羊扒叫時要7成熟, 黎到血淋淋只有5成熟, 都唔緊要, 我都接受到... 但一刀切落去....切唔開....有好多筋, 比左男友幫我切開晒佢, 放入口, 咬左3分鐘都咬唔到, 夾硬吞落肚. 大家千祈唔好叫呢個餐呀!! 但杯Green Tea Coffee就好正, 面頭既係用新鮮忌廉打起, 仲好滑, 綠茶味又剛好, 正~ …さらに見る

個漢堡最底果塊面包係濕既，碟磨菇松露意大利反又有d苦。下午2:00pm去，lunch set又冇，tea set又未夠鐘，所以散叫，埋單兩個人$260，我覺得甘既價錢d野食絕對唔值....…さらに見る