維珍妮亞的个人专页

好耐無寫食評！食過兩次呢間之後決心要上黎Openrice留言！第一次去到「三橋」時新開張無耐，當時未有放題，同埋３位朋友食過後都已經讚不絕口！點知事隔兩個月有次再經過該商場見到佢轉做放題！即刻通知好友踩場試食！最抵讚既係 啤酒 汽水任飲..............厲害！刺身種類雖然唔多，但劍魚腩、馬刀貝呢Ｄ卻有供應！讚！果真係外脆內多汁既炸蠔呀！！超正我可以話係為左佢Ｄ炸物而來，Ｄ炸粉好薄，所以食落口感好好～佢係我食過放題裡面最好食既軟殼蟹！其實係幾好食，不過一人最好吃半件好了...超飽肚基本前菜多種壽司任君選擇，由其火炙類，整得非常好食！多款卷物～(任食兩小時)星期一至四 5:30入座$138, 7:00入座$158, 8:30入座$138星期五至日5:30入座$148, 7:00入座$168, 8:30入座$148(另收加一服務費)以後唔洗專登出油尖旺一帶同人逼食放題LU~~…查看更多

真係好食到不得了!!小辣野味!!有分小中大size,但我地去到食既時候只係得返"大"是但啦~都唔係貴~$178~3個人去食,食到好飽賣單都只係234!每人都只需78元,確實係又平又好食!相信好快又會再黎食…查看更多

我地一行五人係十分之幸運等左十分鐘就可以入座！因為我見比我地遲黎既人等成半個鐘首先，我地原先係諗住食佢對面果間「糖Ｘ府」，但見呢間無食過又咁多人，不如試下！1.Classic tiramisu2.西瓜雪花冰3.綠茶紅豆木糠布甸4.紅豆栗子夾餅其實仲有第五樣:心太軟,因為太好食既關係,我地忘記左影相......之前成日周圍食心太軟食到驚左,但呢間真係好好食!睇得出佢整得好有心機!美中不足既係由落單後要等廿分鐘先有野食....明白既~即叫即整係耐D~~期待下次再去！…查看更多

第一次黎食，味道方面係唔錯，但並唔係好特別，我認為整體分數只有68分。而且碗飯對於女仔黎講係啱啱好，但男仔就實唔夠食呢......所以52蚊呢個價錢係屬於中價吧~牛根牛肉館飯 朱古力雪香…查看更多

哇！真係非常之好食！一黎價錢唔貴，二黎佢專登做到個份量啱返一個人食，所以可以試到幾款食物！牛肉串燒$8雞肉串燒$8雞翼串燒$8蝦羔炒飯$39呢四樣野食都真係十分之正！搞到我今個星期又想再入西貢食＞.＜…查看更多

聽過人話，食pizza最正既係"PizzaExpress" ，經過一試之後，果然名不虛傳，而且佢既價格同某pizza連鎖店差不多，但我個人覺得，"PizzaExpress" 正十倍！…查看更多

其實仲有幾樣野無SHOW出黎，因為最多只能放八張相我同友人去食九點半價時段，我地八點半到，都已經排晒長龍！入得座都九點三左右，算啦～好食無計！首選沙嗲鍋，另一邊揀咩鍋都無乜所謂(我淨係鍾意佢咁杰既沙嗲)而且佢D配料醬都好正！實在好多選擇去戲肉喇～～九肚魚：你要小心Ｄ放落去，因為一熟左你唔即刻整起身就會溶化左！雲吞、水餃、魚皮餃：估唔到Ｄ雲吞既蝦係大大粒！果然一Ｄ都無欺場！雞公子：鍾唔鍾意食，各隨喜好吧～炸腐片：＜推介＞你放一半落鍋，浸一下就可以食，本身熟～好香口啫啫魚麵：＜推介＞正確黎講係啫啫蟹子魚麵，真係食到一粒粒蟹子！包心芝士丸：呢個就無人地講到咁好食喇～我覺得裡面似忌廉加水多過似芝士～花膠仔：＜推介＞有張紅紙仔度做特價$18，估唔到咁好食！好林好痴牙！牛骨髓拼牛柏葉：＜推介＞牛柏葉好入味！我只係放清湯果邊！幾款特價海鮮：＜推介＞唔記得左咩名，但$18蚊，大大碟又好食！特價肥牛：$18蚊，雖然唔係好靚果Ｄ，但絕對唔係好CHEAP果D賣單係＄３４９，賣單時個侍應仲話我地兩個人食左七個人既份量，我都知我地兩個叫重左手，唯有整熟食剩打包返屋企～難怪稻香咁多人去打邊爐！我都想近期內再去多次！…查看更多

見開張無耐，同友人去食晚餐，見有個$36既餐就叫黎試試～我叫左生牛肉檬粉；朋友叫香矛豬扒檬粉佢一黎就黎左兩個生牛肉檬粉:(都算。。。比Ｄ時間轉返岩～但到我食完我果碗，飲埋杯野，我朋友果碗都仲未到！吹左佢三四次，次次都話整緊，但遲黎過我地既隔離台都食完賣單喇！好心就出好Ｄ價錢請返多Ｄ人手啦！講返食物味道～個湯好濃，濃到我懷疑係落左味精，我係一個食得濃味既人，都有Ｄ頂佢唔住～生牛肉都算比得多，起碼唔係兩三塊咁老土～馬鞍山獨市黎講，除非你好想食檬粉啦，否則都未必會再去～…查看更多

蘑菇雙層芝士漢堡飽 $27(單價)無得頂!!牛肉味好濃!!而且佢芝士味會留係口腔一段時間!!$27蚊一個包同M記比起上黎係貴左少少,但絕對值得既!!呢間Burger King裝修得好靚,全部椅都係皮座~~坐得好舒服~如果馬鞍山都有間就好喇~~…查看更多

慶祝中秋節，一家四口(帶埋愛犬)，去到海皇漁港食晚飯！住開呢頭既人都知道，就算平日去呢間飲茶都排隊排到嘔！所以我地食晚飯都早少少到～六點半左右等左十分鐘就有位～安格西牛柳粒 $68 雖然唔貴,但D牛柳粒少到不得了....慳返D錢叫第樣乳豬拼盤 $88D乳豬脆到不得了,一入口就溶!!如果全碟都係乳豬就好喇蘭花帶子珊湖 $88無乜特別,唔係好好食,但又唔難食,過得去吧~海虎班 $168正!!魚滑唔在講~而且夠斤兩架!!海蝦芝士伊麵 $158芝士味濃,雖然唔係龍蝦,但味道方面似夠龍蝦芝士伊麵!加埋一$627,3個人去酒樓食飯黎講,算係咁啦~~…查看更多

其實我從未食過德國菜,所以無得比較邊間好d~起碼我第一次食,感覺十分良好!!1.德國豬手：一定要叫啦！無得頂！2.雜腸：味道都唔錯3.豬肉牛肉球：雖然有少少鞋，但點埋Ｄ醬食一流！4.沙律：唔好叫......除非係沙律當飯食5.薯餅：有Ｄ碎濕濕既感覺，唔見意叫呢個6.牛扒：最唔抵食就係呢個！又貴又鞋，叫錯野:(總括黎講呢間野係值得推介！…查看更多

黑朱加力真係.......無得彈!!!!$42 一D都唔貴!!!將D cream搞均,飲落更加滑而且每飲一口都有朱古力碎食個口到!!直情好似食咁朱古力咁呀雖然係黑朱古力,但一D苦味都無~好易入口!!我想快D再飲到呀~~~~…查看更多

見到咁多人去食,而且個賣相都幾好,琴日就衝左去LU我點左個"朱古力秋香" $355分鐘左右就有得食!YUMMY!!無我想像中咁淡朱古力味!而且D冰磨到好綿!!食落口完全無食到一粒粒!有機會下次試埋其他味先～～…查看更多

上網睇到有四十幾個GOOD食評,專登早幾日BOOK定位,琴晚同朋友去食!成晚食野都好似"趕狗"咁!!服務又差!!未食晒碟野個侍應就同我收走佢!!D野食根本就係垃圾食物!!淨係得"一口豆腐&七味雞翼"好食D之外,其他全部都係垃圾食物!我地6:30前入場,加埋一都要$153,咁既價錢我去扒房食塊牛扒都好過佢!!樓上青葉我都食過,雖然差唔多,但食物水準都好過佢!唔會再去~!…查看更多

有次經過去買碗糖水,聽聞過波仔既糖水又大碗又好味所以走去試下~去到廚窗見到有好幾款糖水好吸引,再望下下面個價錢牌$10！！而且佢個膠碗仲可以放入微波爐！真係既大件又抵食呀！而且裡面Ｄ嬸嬸仲好有禮貌(好有媽媽感覺)～下次有機會就試埋佢Ｄ飯盒！推介:芝麻糊 / 椰汁紫米露…查看更多