its.jap.jap.time的个人专页

九龍塘又一城有一間好食嘅美式餐廳～🥳 Weekday lunch有set值得一試！餐廳燈光微暗，環境少少嘈雜，但枱凳之間幾開闊，幾熱鬧🤓每枱都會有麵包，muffin, 每個set都有餐湯/沙律~ 法包面幾脆，muffin嘅話甜咗少少，但有好多合桃，味道都係一流🥰今次試咗佢嘅蕃茄忌廉餐湯，口感綿密，酸酸甜甜，都幾開胃烤雞肉凱撒沙律 Chicken Caesar Salad $138 （7.5/10）雞胸肉比想像中仲多！雞肉唔算太滑，但雞胸嚟講無乜油脂而唔「鞋」～🤓 沙律有好多沙律醬撈芝士碎，有少少酸過預期同埋沙律菜無想像中嘅羅埋生菜咁爽口，可能係滲得太多醬嘅緣故，少少可惜炸魚薯條 Fish & Chips $138 (8/10)份量幾充足，薯條同魚都熱辣辣，香口同惹味～ 🥵薯條唔乾唔硬，外面少少脆入面有薯仔蓉，如果粗啲會再出色😌 炸魚外皮唔算太脆，但好厚嘅兩舊魚柳，魚肉多而滑，無魚腥味，鍾意食香口惹嘅可以一試！烤雞墨西哥夾餅 Chicken Quesadilla $108 我無試到所以不予置評，外觀上嚟講有好多墨西哥香料同醬料，幾有異國風味嘅感覺🙈覺得吸引嘅去試吓啦！…查看更多

一路聽人講HeSheEat嘅甜品好食，終於揾日嚟到食晚餐～🤓旺角呢間餐廳係日式裝修，環境都幾光亮，有種清雅嘅感覺，幾適合傾計，不過食飯時間人都會比較多，都會有人排隊，無得長坐喇難得嚟到就想食多啲甜品，就叫咗一個正餐兩個甜品，上菜擺盤幾靚，正餐同甜品都唔錯，但未去到好驚豔，不過牛乳軟雪糕的確一流，下次可能外賣一下雪糕😜煙腩·白菌·温泉蛋芝士汁燴意大利鮮蛋麵 $95 （7/10）好好奇鮮蛋麵嘅味道所以叫咗個嚟試吓，會話同伊麵差唔多薄身，無意粉口感咁彈牙，但我自己都係鍾意彈牙少少嘅口感所以覺得唔太特別🙂 醬汁嚟講非常唔錯，鹹鹹地類似卡邦尼汁但唔會太濃，加埋温泉蛋都幾creamy, 但係鮮蛋麵唔算太索汁所以整體食落比較油膩，個人覺得少少可惜朱古力·Oreo 北海道5.0牛乳·軟雪糕芭菲 $66 （8/10）牛乳軟雪糕可以話實至名歸地好食😚 牛奶味好重，雪糕好creamy好滑，質地幾厚實，如果淨係雪糕嘅評分可以話接近滿分💯可惜係剩餘嘅芭菲就無乜特別，朱古力只係呈現喺面頭嘅朱古力粉同底嘅乾朱古力脆脆米同好甜嘅朱古力醬，oreo部份只係兩塊oreo餅撈埋cream夾喺中間嗰層，相比起雪糕會話無乜特別同有啲失望🙂‍↕️宇治抺茶梳乎厘班戟 $118 （6/10）梳乎厘班戟好彈，蛋味都好濃，有兩大pat紅豆醬都幾豐富～面頭淋滿綠茶醬，但綠茶味無想像中濃，反而其實有少少海鹽同芝士味，但綠茶撈芝士鹹鹹地同我想像中嘅茶香味有啲出入，有少少怪🥹同埋蕨餅唔知點解會有啲薄荷味，咬落似啫喱嘅感覺，反而無煙韌嘅口感，同想像中嘅味道有啲落差…查看更多

前排經過yoho想食個tea, 見開咗好多新餐廳就揾咗間入去試吓，點知食物質素比預期中好，仲要好抵食，下次會encore~🥰餐廳環境幾好，半開放式設計，但圍牆幾高，所以就算坐較出嘅位置都有私隱～餐廳內部有落地玻璃窗，仲有好多綠植，整體敞亮，自然風，tea time人流唔算好多，可以傾計傾得好舒服🤩叫咗個班蘭甜品嘅2人餐Tea Set，總共$88加一，包埋嘢飲，性價比一流😚班蘭戚風蛋糕 （8/10）典型嘅戚風蛋糕上面配上一球班蘭雪糕，戚風蛋糕切開係流心嘅，有微鹹嘅班蘭味，層次豐富🤩～戚風蛋糕唔係好厚實，比較鬆軟，所以唔會好飽；班蘭雪糕班蘭味好濃，雪糕本身奶味唔重，有少少雪葩嘅口感😍整體好夾味，鍾意食戚風蛋糕嘅要嚟試吓！泰式班蘭奶凍（9.5/10）好滑好彈嘅奶凍👍🏻🥳！牛奶味加班蘭味製作過程沉澱之下出現兩層，一層班蘭味重啲一層牛奶味重啲，布甸面仲淋有一層斑蘭牛奶，味道幾清嘅一道甜品，非常推薦❣️❣️❣️泰式奶茶（凍）&泰式奶綠（凍）大熱天時好消暑嘅飲品！有泰式飲品自帶嘅薄荷味，飲完即刻涼返哂❄️～奶茶係經典，茶味濃，會比奶綠甜少少。奶綠比較特色，茶味都濃，但相比起奶茶嚟講綠茶嘅味道本來就比較清，薄荷味都會更凸顯～…查看更多

好耐以前食過一次How To Live Well嘅lunch, 今次經過尖沙咀就食個dinner先～餐廳幾大，枱凳都疏落，係一個宜居同自在嘅環境🥰咁啱waiter帶去望窗位，可以好舒服咁傾計～🤩以前食過覺得都有啲貴，但可能宜家嘢食整體加咗價同市道差咗，今次嚟食發現西餐嚟講價錢都合理，同埋食物質素一流🥳，值得去食！Buffalo Mozarella Pizza 9” $118 (9/10)幾清嘅一個pizza, 簡單但好好味❣️Pizza邊唔燶但脆，蕃茄醬似自製，好甜同有食材嘅味😚Pizza上面有好多片蕃茄，啖啖都係蕃茄嘅酸酸甜甜，加上舖喺面薄薄嘅一層鹹香芝士令到層次豐富😜中間一大舊水牛芝士少少凍，彈彈地嘅口感，唔膩少少鹹，切開撈埋每塊pizza食份量都好足夠👍🏻明太子忌廉煙肉意粉 $148 （9/10）成個意粉都好好好掛汁！明太子係自己撈落意粉到，比想像中無咁濃味，但成個意粉嚟睇比例啱啱好！忌廉煙肉柴魚片撈埋明太子將明太子嘅鮮味提煉出嚟，唔辣但好香。意粉完全唔油，食埋成個都唔會膩，個人非常欣賞同推薦🐷🔥🤓Old Rubbish $43 (已-$15 by set) （8/10）意粉加飲品星期六日晚市都正價減$15，見到個名幾得意叫嚟睇吓🤣益力多撈橙汁同西柚汁，入面仲有啲西柚肉，比想像中無咁甜，反而幾refreshing嘅嘢飲。可能由於新鮮水果榨起有少少澀味，第一次飲微甘嘅益力多，都係一個有趣嘅體驗😂😂…查看更多

早排終於試咗好多人推薦嘅法式吐司吧呢間銅鑼灣cafe，驗證咗係名副其實嘅🤩！Cafe以藍色為主調，唔係好大間，我嚟食lunch嗰日唔使排隊，人唔係好多，氣氛都幾chill，可以慢慢坐傾吓計😙佢每日有唔同嘅chef’s special意粉餐牌，我地點咗兩個試吓，仲叫咗一個main menu嘅burger, 同埋一定要試嘅french toast!😍 今次無試佢嘅嘢飲，下次encore要試～Creamy Tomato Chorizo Pasta $118 （7.5/10）意粉係類似貝殼粉嘅形狀，挺身嘅口感、蕃茄淡淡微酸嘅味加cream融合埋一齊嘅味道幾特色，同一般嘅蕃茄意粉有啲唔一樣。意粉唔膩，但都幾大份，意粉亦比想像中飽肚😮Pan-Fried Gnocchi w./ Pancetta $118 (8/10)評味道奇實幾香，薯粉一粒一粒外皮微炸，脆脆地，入面就煙煙韌韌，少少似韓式年糕；再加上意式煙肉整體係比上面嘅意粉惹味嘅，外觀都幾靚～只係個人唔太鍾意食煙韌好似麻薯嘅口感，鍾意食嘅朋友覺得好好味的，所以評分係根據佢地嘅評價～🫣BBQ Pulled Pork Burger $138 (9/10)整體味道一流！BBQ手撕豬肉連埋洋蔥炒埋一齊，好入味，又唔會淨係得肉嘅時候咁膩。再加上紫洋蔥加沙律醬，成個burger有BBQ嘅濃味外帶有少少酸味，係幾清新嘅一個配搭😍同埋兩種醬加埋一齊但個包唔濕，都幾難得～沙律菜有少少微酸嘅醋調味，都唔錯❣️Molten Lava French Toast $118 (9/10)好出色嘅法式吐司！吐司面好脆，蛋香味幾重，有少少西多士面層嘅既視感😍每日嘅流心餡都唔一樣，今日係芝麻餡，個人覺得餡嘅味唔係好突出，雖然可能因為吐司上面大量嘅肉桂脆，焦糖醬同埋雜莓醬遮咗芝麻味🙈不過芝麻流心熱辣辣，連埋吐司都唔錯～…查看更多

前幾日到訪大圍一間幾出名嘅cafe—E For Egg! 佢閒日teatime 1430-1800嘅tea set包埋嘢飲，食得飽之餘價錢好合理，算係性價比幾高🥰🥰餐廳係木系裝修，設計簡單，餐廳位置唔係好大，枱面較細，如果人多啲應該都要等幾耐吓先有嘢食。啲甜品望落去好吸引，但係今次嚟度都係決定試主食先！😋至於跟餐嘅飲品，我地叫咗一杯熱綠茶一杯凍嘅鮮榨橙汁，味道都唔錯，可惜嘅係杯嘢都幾細杯，飲兩啖基本上就飲哂🫣🙂‍↕️All day breakfast $78 (8.5/10)All day嚟講唔係好大份，但係當晚餐嚟講都夠哂飽，營養都好豐富🐷有炒蛋，香草腸，黑醋沙律，炸南瓜餅，焙茶窩夫。個人覺得窩夫好驚喜，焙茶味好濃，窩夫係實心，入面係我鍾意嘅少少韌韌地嘅口感😋炸南瓜餅無乜炸粉好好食，少少似可樂餅嘅脆面，入面難得地保留到新鮮南瓜嘅甜味，嚟到要試喇😍Double芝士豬柳盒子吐司 $58 （9/10）吐司面烘得啱啱好，外脆內軟，吐司盒子入面填滿咗香滑嘅炒蛋，面頭有鹹香嘅漢堡扒，芝士同埋再多啲少蛋，最後淋咗啲蛋黃醬同芝士粉，整體好惹味，麵包控必試🥳😍 配菜有薯角同埋黑醋沙律，全餐營養均勻😂…查看更多

琴日要同人慶生，壽星指明想食手工意粉，咁就book咗銅鑼灣呢間好多人推薦嘅手工意粉cafe. 餐廳好近銅鑼灣站，喺一棟舊樓嘅2樓，上去嘅樓梯有啲窄，都係適合後生少少嘅small party上去一路傾吓計一路慢慢坐喺梳化慢慢嘆嘢食😋卡邦尼手工圓粗麵 $138 （9/10）手工圓粗麵口感煙煙韌韌，好過癮，同埋非常掛汁！🔥成碟意粉係無汁剩喺底嘅，所有汁都係黐喺意粉上面。卡邦尼汁芝士味偏濃，配上好足料嘅煙肉粒，鹹香味令人忍唔住不停食落去🙈（私心覺得再creamy少少同埋無咁鹹就perfect喇自家製龍蝦汁蟹肉手工寬條麵 $178 （8.5/10）寬條麵比想像中薄身，意粉嚟講無圓粗麵咁驚豔，但都係好食嘅💕！龍蝦汁嘅味好濃好鮮，蟹肉好多，撈埋汁成個意粉好重海鮮味！鍾意食海鮮同意粉嘅必試😙Tiramisu $78 (9.5/10)Tiramisu真係又靚又好味！比想像中大份，但完十全唔會太heavy😋咖啡味唔太淡但唔苦，作為甜品嚟講啱啱好，成個甜品由四條用咖啡浸淋嘅手指餅中間夾住咖啡cream整成，cream打得幾light又滑，仲有少少custard嘅口感，令tiramisu唔會散開🥰同埋！QR code落單嘅時候可以加蠟燭！算係2個人慶生都分得哂嘅蛋糕🤓…查看更多

喺新城市行咗陣街，食晚餐諗唔到食咩嘅時候經過1期4樓，見到呢間平時晏晝大排長龍嘅點心舖無人排隊，就即刻入咗去食🤩～佢嘅dinner menu同lunch完全一樣，點心種類都一樣咁多，人均食到飽連埋茶錢都係大概$80，新城市嚟講算係好抵食喇！添好運都有唔少分店，沙田係比較近期開嘅。餐廳以綠色為主，入面裝潢同茶樓差唔多，只係佢晚市依然做點心😍夜晚比較多老人家喺度，由於唔係太多人所以比晏晝靜招牌叉燒焗叉燒包（3個） $35 （9.5/10）招牌果然係招牌😍😍叉燒包上嘅時候係熱辣辣嘅🥵叉燒包上面嘅酥皮少少甜，作為成個包嘅點綴；叉燒好多，唔肥但又唔韌，令成個包好惹味，嚟到就一定要食！洛神花米網紅米蝦腸 $48 （8/10）紅色皮嘅腸粉，入面包咗一層炸到脆脆地嘅米紙，米紙入面有蝦肉同埋蔥。腸粉皮薄，蝦肉幾爽（不過再多啲蝦肉會再好味啲🙈）腸粉用咗洛神花醬而唔係鼓油，腸粉唔油之餘有淡淡嘅洛神花香，係幾特別嘅配搭☺️土魷馬蹄肉餅飯 $42 + 白灼西生菜 $28（7.5/10）熱辣辣嘅一個傳統酒樓蒸飯，無飯焦，肉餅好香同唔硬，唔油膩而且調味啱啱好，可惜係肉餅比較細塊😔飯嘅量就好充足，多啲肉配飯會無咁寡。菜就正正常常喇，加咗健康啲🥹…查看更多

今日嚟到荃灣終於試咗ufufu! 餐廳地方唔算好大，都幾開揚，但閒日夜晚唔係好多人所以環境都幾舒服，日式西餐加甜品都算食得幾過癮呀🫶🏻恒生卡8折後都算幾抵食，晚餐西餐嚟講4個人人均唔過$150九洲漢堡扒法式吐司 $158 （8.5/10）幾有趣嘅fusion, 甜同鹹嘅嘢同一碟，不過就無乜fuse到兩種食物，純粹好似甜品正餐前菜擺埋一碟。不過食物質素好，漢堡扒整得幾淋好香肉味，雖然肉汁就無乜，但味道唔油膩又香口，幾推薦嘅一道菜。仲有唔少沙律菜做配菜。法式吐司加埋蜜糖同士多啤梨，幾清甜同簡單嘅一個甜品😋帆立貝明太子忌簾意粉 $128 （7/10）辣辣地嘅明太子加好掛汁嘅意粉，醬汁味道一流🥰可惜嘅係意粉量可以多啲，同埋帆立貝得兩粒，亦都唔係好彈牙🥹照燒親子雞薄餅 $118 （7/10）有蛋有雞有京蔥同好多芝士嘅pizza, 只可以話每一樣食材都整得好好食，芝士好香但唔油，照燒雞肉入味，蛋都煮得啱啱好。但撈埋一齊就唔係好夾味，好似同時食緊好多樣分開嘅菜式咁😂🤪草莓物語芭菲 $88 （7/10）牛乳雪糕好香牛奶味，士多啤梨都清甜，最底嘅脆脆都幾夾味，但係就都幾多cream吓，得中間係雪糕，同埋士多啤梨可以再多啲，因為除咗幾片士多啤梨同少少士多啤梨醬就無酸甜嘅水果香了🥹😔八女抺茶芭菲 $88 （8/10）最上面一層cream,中間厚厚一層八女抺茶雪糕名副其實地濃，抺茶控一定要試🤩最底嘅紅豆粒，白玉同綠茶啫喱加埋雪糕作調劑係夾味嘅，不過唔算好有特色。會話抺茶軟雪糕好值得試，芭菲嚟講中規中舉🫣…查看更多

今晚想食甜品😋，就去咗一間又有甜品又有正餐嘅地方食晚餐～可能大圍呢間分店比較偏，人唔算好多，但係木色枱凳加埋光亮嘅舖面，幾闊落之餘亦幾簡潔同乾淨。不過員工唔多，服務上就普普通通晚市基本包自助沙律，湯同嘢飲，可以自己去攞，沙律有幾種基本醬料任君選擇，個人就揀咗胡麻醬🤓沙律同羅宋湯都係正常發揮，作為前菜都幾開胃五重芝士粟米雞扒意粉 $68 （7/10）五重芝士聽落會好膩，但係其實食落去反而係粟米味重啲，甜多過鹹，都幾好食🫣不過意粉醬無撈到落去意粉到，導致唔太掛汁。但係五重芝士粟米醬嘅味係好食嘅，同埋炸起嘅雞扒又脆又香，整體嚟講唔錯🔥朱古力心太軟配3.6牛奶軟雪糕 $68 （9.5/10）係一直以嚟食過最好食嘅心太軟！朱古力味好濃，軟雪糕好香牛奶味，加上心太軟真係好熱辣辣配埋雪糕，凍同熱嘅組合，兩種極致嘅融合真係好好好好好食🤤美中不足係如果心太軟嘅蛋糕皮再脆薄多少少就錦上添花喇🌸芒果迷城 $52 （8.5/10）芒果雪葩，呂宋芒果，芒果醬，西米露，椰汁，星星加水晶，用料好豐富。西米露大大料，好有咬感，椰汁好香。同埋芒果酸甜，雪葩清甜，絕對滿足到芒果控嘅期待🧸…查看更多

今日有啲早食飯，就趁無乜人嘅時候嚟咗Butlery食晏。平時有機會要等位，同埋因為佢多人嘅時候上菜比較慢，所以有時都要等得幾耐吓。餐廳枱同枱之間比較近，多人起嚟都會有少少嘈。不過今日就無呢啲問題，同埋呢度勝就勝在主食同甜品都好好食！所以要encore~Lunch menu會包一個湯或salad 同埋基本嘢飲，加$25 有朱古力/雲呢嗱/士多啤梨嘅milkshake黃菜頭柚子沙律 （跟餐） (7/10)講真紅菜頭就都仲常見啲，黃菜頭真係唔多見，不過食落去同紅菜頭差唔多味，都係甜甜地。沙律菜正正常常，車厘茄新鮮，柚子沙律醋令成個沙律無咁寡，整體不過不失🫶🏻安格斯牛肉芝士漢堡拌薯條 $148 (8.5/10)牛肉好香，雖然有少少overcooked，如果再生多少少會多啲肉汁同無咁乾，不過瑕不掩瑜，芝士啱啱熔喺面，熱辣辣，配埋醬汁好好味😋 薯條就更加出色，啱啱炸起非常香脆，加埋少少黑椒同鹽提味，係一定要試！🔥朱古力奶昔 +$25 (8/10)好似沙冰咁嘅口感但無咁凍，入面驚喜地有好多朱古力脆脆！味道係好飲嘅，只係個人覺得有少少太甜，無咁甜會再好味啲～🤤Tiramisu Pancake $122 (9/10)Butlery 招牌梳乎厘pancake，好軟熟同好香蛋味，軟身但唔會完全變做泡狀，一定要食多幾次~ Tiramisu咖啡味唔係太濃，但香滑嘅奶油，咖啡cream同蜜糖加埋pancake嘅蛋香令到成個甜品唔膩之餘仲令到人好想食落去😋🫣…查看更多

以前喺沙田都食過呢間泰式邊爐，之前見啟德都開咗間分店就嚟試吓！閒日有lunch set一人鍋都幾抵食㗎～啟德呢間環境幾舒服，落地玻璃可以見到啟德體育園，可惜嘅係宜家體育園附近仲有好多工程進行緊，所以風景大多係地盤。Staff嘅態度幾好，第一次食嘅話會介紹各種泰式醬汁，serve嘅水有少少檸檬同青檸味，幾refreshing🍃 重點係！蝦片任添！佢嘅蝦片脆卜卜同埋有少少少香料嘅辣提味，嚟到緊係要添多啲！呢度出名嘅係佢嘅秘製冬陰功鮮蝦湯同埋椰奶雞湯鍋，佢仲可以揀慢燉牛板腱清湯鍋，但食過嘅朋友話唔推薦。個人唔太食得辣，冬陰功湯對我嚟講辣咗啲，所以椰奶雞湯係上上選！椰子味香甜，湯底好鮮，絕對可以當湯飲～仲要佢refill湯係加湯唔係加水嘅！可以放心飲😍一人鍋套餐可以揀肥牛，牛板腱或者黑毛豬腩肉，如果驚唔夠食可以加錢要多啲肉，基本係100g，對我嚟講都夠哂喇，因為每個餐仲會附有蔬菜拼盤，蘑菇，潮洲豬肉卷，泰式船麵河粉，同免費嘅可樂。餐廳都有一啲其他泰式特飲，不過我今次就無試喇今次叫咗美國嚴選牛板腱套餐(100g, $108)同埋西班牙黑毛豬腩肉套餐（100g, $98), 豬同牛都係正常水平最後不得不提一定要試嘅甜品：招牌椰皇凍$58😋椰皇凍好滑，份量好多，椰子味濃，夏天食好消暑！仲要一定要試吓刮一刮椰皇內皮上面嘅半透明椰肉，好似啫喱咁硬少少，口感好爽！加埋甜品就係大滿足喇🤤🙈…查看更多