我不是食評家的个人专页

平日哩間天吉屋都大排長龍，今日唔知做咩冇人等位，同朋友兩個人直接入去坐。喺個位到可以見到一班師傅喺入面煮食物，一定要夠衛生先夠膽俾人睇光光個廚房，讚枱面嘅茶水唔係普通嘅紅茶綠茶，係牛蒡茶。除左牛蒡茶之外，牛蒡漬、蘿蔔漬、沙律都係無限任食。右邊兩罐就係漬物。我本身好怕椰菜味，但落咗哩個柚子汁之後又覺得幾好食喎我叫咗哩個叫天幕御膳，店員介紹話有三個食法：1.點中間個汁，就咁食天婦羅2.加白飯同天吉屋秘製醬汁，變成天婦羅丼3.加魚湯變成湯飯值得一讚嘅係哩個魚湯唔係一早上，到你需要嘅時候同店員講，店員先會上，咁就可以Keep到個湯係熱辣辣嘅我最初見到餐牌話可以無限添飯，心諗咁大桶飯仲有人加飯咩？打開之後先發現其實冇夜放嘅，哩個份量岩岩係一碗飯左右，唔會浪費。日本野真係做得特別精緻，用紫蘇葉包住魚柳再炸成天婦羅，三重顏色、三重口感有一個唔好嘅地邊就係天婦羅太大舊，明白大大舊擺出嚟比較好睇，但好似放底嘅洋蔥天婦羅，如果可以分成幾件細嘅就好啦重點嚟啦！我朋友叫咗最平嘅AllStar丼，估唔到得到一致好評！首先佢有齊咗多樣天婦羅，樣樣都想試嘅朋友非常適合，其次就係佢隻蛋，係流心蛋，竟然可以天婦羅！大家都知炸物係要好高温去炸，而流心蛋就唔可以煮太熟，熟咗就唔流心，要做到外脆內流心真係少啲功夫都做唔到！同朋友兩個都話以後會再幫襯，成餐飯都好滿意，店員又有禮貌好笑容，仲成日問我哋要唔要加飯加沙律，非常主動。如果要為天吉屋打分，100分滿分我會俾滿分100分！…查看更多

因為最近好多敏感話題，結婚真係唔知派咩餅俾人食，派美X、東X堂又怕得罪人，派聖X娜又怕朋友嫌cheap，真係令好多準新娘好頭痕！今日我公司有同事結婚派餅，就做咗一個好好嘅示範！各位準新娘、轉工嘅朋友，派餅真係有好多選擇。今次我同事揀咗哩間，西樹泡芙。有好多口味，我就揀咗藍莓，最初以為就係藍莓同忌廉，點知一入口乳酪嘅味道立即攻撼咗我味蕾，估唔到可以咁好食！之後我上網偷偷睇吓個價錢，又唔貴喎，雖然我屋企附近冇分店，但我肯定之後都會突登去幫襯！P.S除咗有泡芙仲有窩夫選擇，更方便入盒。…查看更多

最近發現咗間台式餐廳，喺朗豪坊入面，坐位舒適闊落，裝修設計簡約年青，但價錢竟然係街坊價！我同朋友叫咗一大堆食物，但都只係三百幾蚊咋，真係食到飽到唔郁得牛腱心，即係牛展，好大塊，好厚麵底有得揀關廟麵、米粉、刀削麵，未食過關廟麵所以試下，都唔錯，另外湯底都好清鹽酥雞滷肉飯，味道好正，不過肉太多有越食越膩嘅感覺😂老闆太有良心啦，可唔可以放多啲菜，放少啲肉？花枝丸，椒鹽味道，ok芝士肉鬆雞蛋手抓餅，一開始食有少少甜甜地，但食食下係咸嘅，同樣餡料太多，肉鬆可以放少啲😂老闆肉鬆唔洗錢咩？手撕鹽水雞，唔錯成餐飯我最最最滿意係哩兩杯，左邊脆脆布丁歐蕾奶茶，超～好飲；右邊鴉片黑糖波波鮮奶，都好正！總括來講，所有野食都唔錯，不過就有少少偏咸同偏多肉，適合肉食性同重口味嘅朋友，另外飲品超正，我下次仲要試埋其他先得！…查看更多

首先我叫咗個石鍋羊肉飯，賣相都有啲差， 好似俾人食咗啲咁，我覺得放啲配菜落去可能會好睇啲。然後我屋企人叫咗個燒青魚飯，入面啲腸都未清理乾淨。不過重點係，我個石鍋飯，入面除咗有羊肉仲有豬肉同牛肉！唔好以為落重啲醬汁撈埋一齊炒，人哋就分唔到你係咩肉，一食就知啦！我本身咩肉都食就話冇所謂，有啲宗教嘅人係唔食牛就唔食牛，唔食豬就唔食豬，你咁撈埋一齊炒扮羊肉，即係開害人破戒啫！我覺得係非常嚴重嘅問題！極！級！負！評！…查看更多

今次講嘅唔係食評，因為我根本食唔到間嘢入面嘅嘢食。是咁的，我11月嘅時候，預約左平安夜嗰晚嘅晚餐，到平安夜嗰日朝頭早我諗住打去confirm一下，點知佢就話cancel左我個預約，原因係因為嗰晚嘅餐牌同以往嘅唔同咗，價錢貴左，同食物都唔同左，變咗半自助餐。但係奇就奇在當初我又預約得到，而且我都預咗聖誕係會貴啲嘅，都冇諗過佢會喺原先個餐牌，但佢就問都冇問就cancel左我個預約，我覺得好冇禮貌囉，而且都好似好睇唔起我咁，幾百蚊食唔起咩？真係火都嚟埋！搞到我當晚要臨時臨急再搵其他餐廳預約。已黑名單。…查看更多

其實上水酒樓一般都係水準比較差，所以我冇抱太大期望咁入去食，點知叫咗幾樣，佢每樣都係我心目中嘅水準之上，好有驚喜呀！小籠包外貌普通，唔算好多汁，但總算啖啖肉都濕，唔會乾爭爭。黑松露帶子餃，入面係啖啖嘅蝦肉，就好似蝦餃上面加咗帶子同黑松露咁。薑蔥牛肉雲吞撈麵，冇加其他醬油，有啲淡，但冇味精好健康。藥膳雞腳，味道有啲似老火湯，藥材味唔係太重，但煮得唔會太淋，又唔會太硬，口感好好。點心紙上有魚皮，喺香港好少地方有得食，諗住買來試吓，點知佢話冇，有啲失望。以往喺上水飲茶，都冇乜邊間好食，依家終於有一間唔錯嘅點心舖，以後會多啲幫襯。…查看更多

同事突然話一齊去食好西，就盲蹤蹤咁跟住去，去到個商場入口，我眼都突埋，感覺好舊又唔衛生，仲一陣陣臭味，真係嚇都嚇死我，我一邊擔心今晚個餐，一邊扮冇事咁跟住行，行到盡頭就見到哩間美味小炒王。哩間野比起商場入口睇落比較乾淨，不過通風真係差左少少，不過食物方面令我另眼相看！我哋八個女仔點左十幾個餸，我敢講係每一個都好好食！因為有同事唔食得辣，我哋就叫左BB辣，最初諗住食辣野叫BB辣會變淡失色，點知佢竟然煮到香濃而不辣，勁呀！我同事話最愛，必叫咁話，我覺得都好食，但仲有更好食嘅😂😂😂平日唔多食菜嘅我表示好食，一次過食左一星期嘅份量(不過都唔係好多咋)雞翼隻隻都大大隻又厚肉，抵食因為我話想食辣子雞，同事想食辣子大腸，老闆就話兩樣炒埋一碟可以計平俾我哋蒜泥白肉超多蒜泥😂食完面嘅豬肉仲可以撈埋底嘅青瓜，我哋成碟清得乾乾淨淨！口水雞嘅雞肉唔肥，麻香都好重。哩個薯條最搶手，酸酸地幾開胃。真心唔明點解佢嘅皮蛋黃會咁大，啖啖都係黃，正到爆我覺得最好食係哩個水煮魚，真係真係好香，好夠味，最抵讚係底下嘅薯粉，煮得剛剛好，唔會淋又唔會韌，perfect！如果身邊有朋友唔食得辣，但又想導佢入辣道，可以黎哩間美味小炒王，俾佢地接觸一下辣野嘅香濃味道，愛上哩個味再慢慢一級一級辣上去…查看更多

老闆請食韓燒，上網搵到哩間平昌多好評，就去訂座喇，訂座期間喺OpenRice 見到五人同行一人免費優惠，為咗唔好蝕抵，我哋四出搵第五個人一齊食$188一個人，我哋都冇抱太大期望去，上到去見到裝修都幾特別，係懷舊風。場內侍應有啲聲稱自己係韓國人，不過聽講哩類韓國餐廳都要員工扮韓仔韓妹，所以真定假就唔知，但有個女仔真係真係好似韓妹，就算係扮，都係扮得專業扮得似最抵讚嘅係食物，哩個價錢有蠔有扇貝有鰻魚，豬肉牛肉款式多，質素都好，不過每轉分量唔多，要叫多幾轉先夠食。…查看更多

啱啱睇完場戲成夜晚十點，四圍舖頭都閂晒門，就哩間山頭火未閂，門面睇落又唔錯，就入咗去食喇。入到去睇下餐牌，都百幾蚊個餐，有碗飯仔同麵，心諗應該唔會太細，食得飽嘅，點知原來飯細麵都唔大😂😂😂飯就係一個飯團咁大，麵就大少少，加埋等於兩個飯團咁上下😂百幾蚊唔算好貴，但比想像差咗少少，不過好在食落又唔差，醬油麵味道正宗，三文魚飯嘅刺身份量都唔少，值返係到，但如果個麵真係可以大少少就好啦😂😂😂…查看更多

三和係我住喺上水二十幾年裡食過最好吃嘅餐廳，超感動，終於有間有水準嘅餐廳出現！平時同幾個朋友出嚟食飯多數唔係去大埔食就係出旺角食，今次因為有啲事，我哋選擇咗喺上水食，仲要我上OpenRice 是旦揀咗幾間多好評嘅比佢哋揀，竟然揀咗間雞煲😂幾個女仔去街市食雞煲，成場真係得我哩一枱😂😂😂三和雞煲嘅位置就喺平日朝早興記嗰個位，一入嚟右手邊行到最入就係，最初唔知真係搵到我死死下。雞煲有好多味揀，我見好多人話椰子味同豬肚味好食，朋友唔食豬肚，我哋就叫咗椰子雞喇。店員會話俾我哋知要煲幾多分鐘先可以打開食，好細心。夠鐘一打開個蓋，哇啲椰子味飄晒出嚟，食落唔止表面有味，係連埋入面都有椰子味，每一啖都係😋佢個芝士丸都值得一讚，唔係平時食開白色方形上面一點點橙色嗰隻，係表面好似燒過嘅嗰隻，芝士味特別香濃，而且佢唔似得外面啲人雪到啲芝士硬晒又出水，佢咬開真係流心香滑芝士嚟😍真係冇得彈話三和係全上水最好食嘅餐廳，絕對冇誇張！…查看更多

今日去悅來酒店工作，之後跟同事在樓下吃午餐，這邊好多餐廳，花多眼亂，我們在門口看到這家餐牌食物種類繁多，就進來這家南洋工房吃了。食物外表看來都很吸引，特別是日式食物。我點了芝麻雞加蕃茄烏冬，跟想像不同，芝麻雞真的佈滿了芝麻，而且很香芝麻味，吃下香口也不油，很讚！蕃茄烏冬看來油油的，不過吃下不覺得油，而且有粒粒蕃茄肉，真材實料，味道濃郁程度可以把這個湯底改成餐湯賣了，真的真的真的非常好喝！（重要的要說三次）這餐很滿意、很滿足。…查看更多

今日Lunch同事話帶我食恐龍，我都有啲疑惑，然後一落車嗰吓，我真係哇咗一聲！立即走去門前左拍右拍，滿心期待咁入去食嘢。但跟住我入到去就開始覺得伏伏地喇......內部裝修原來只係一間普通茶餐廳，而且衛生程度就...普通茶餐廳囉，你懂的...真心幾失望吓。咁唔嚟都嚟咗喇，我照坐低叫嘢食，當然都係得茶記嘢食喇。我同事就話要燒味飯喇，佢話今日冇燒味，咁同事又叫A餐雞扒飯喇，佢又話賣晒，咁同事又叫上海麵喇，佢問我同事要咩上海麵，我同事話餐牌上嗰個雪菜豬扒上海麵，咁個人又問佢即係要咩麵？係唔係要生麵？人哋都講咗要上海麵啦，生乜鬼嘢麵啫，咁我同事就話要上海麵、唔要生麵，重複咗幾次之後佢話：冇上海麵......真係火都嚟呀！另一個同事就問佢，你哋咩都冇嘅？佢就好寸咁話，好生意咪咩都冇囉！咁餐牌上面咩都賣晒，我同事就是旦點咗啲餐牌冇，但正常茶餐廳有嘅嘢，又俾佢叫到喎咁同事問佢咁叫法係唔係唔跟餐所以冇嘢飲？佢最初話係，之後話唔係，然後又話問吓人先......新嚟？最後到真係食評喇其他人嘅好唔好食我唔知，我哩個外表OK，味道一般，不過牛腩係凍嘅，要放入熱湯解凍先食得。檸檬茶嘅檸檬一早爛嘅，冇檸檬味，茶又苦，熱飲金屬杯仲要冇耳仔，好唔方便，總括嚟講，金玉其外，敗絮其中！最後，食完之後大半日，我仲覺得好口渴，應該幾重味精吓。…查看更多

今日同事生日，我哋一行八人去咗美味屋食，店員睇落似印巴族裔，但可以用廣東話溝通。我哋叫咗四個餐、七個小食、八支飲品，埋單都係$457，老闆仲唔收我哋零頭，平均每人都係五十幾蚊。飲品唔係講緊咖啡奶茶檸茶檸水，係超市10幾20蚊支嘅果汁。咖哩配洋蔥餅，一片薄餅都成碗飯咁飽，抵食👍🏻我最推薦哩個燒雞，真係好香，不過比較重口味，鍾意清淡嘅人未必啱食。壽星女就最鍾意哩到嘅餃子，佢話每次嚟都必食！唔乾身，但餡料菇比肉多，我個人就麻麻地，鍾意清淡嘅試哩個吧。即叫即炸，炸魚球，香口得嚟又唔油，但要擺一陣先好食，因為真係好熱😂😂😂聖誕期間仲有聖誕氣氛嘅餐紙👍🏻不過出餐比較慢，Lunch食會比較趕，要注意。…查看更多

天氣凍凍地想食碗蛇羹，就行去舊虛買啦，上年我跟阿媽喺大埔食過，都係60幾蚊就有一大碗，點知哩到買要90蚊，貴好多呀～～～本來想買幾碗返屋企一人一碗，而家只好買一碗大嘅分三份食啦😂😂😂媽媽鍾意加檸檬葉，所以叫佢加咗好多，加咗之後蛇羹唔會腥。蛇羹都算足料，三個人食免強都算夠食，唔錯！…查看更多

哩間麵檔我細細個就食過，自從附近開咗第二間麵檔之後我就冇再幫襯佢啦，今日另外間麵檔冇開，我就幫襯佢一次喇。先講吓點解要改食另一間，唔係因為佢唔好食，而係因為佢成日好快賣晒，叫咩冇咩，又賣得貴，店員態度又差，所以先改食另一間，其實哩間嘢食唔差，加上上過報紙雜誌紅咗，就臭串啲囉。咁我好耐冇食，就睇吓餐牌先叫，見到單拼28蚊，就叫咗一碗雞翼米加汁，點知佢就收咗我50蚊，找返6蚊俾我，50-6=44，我就奇怪，點解28蚊變咗44蚊呢？我就問吓店員個麵幾錢啦，佢話34，咁我就問返佢攞10蚊，最初煮麵嗰個唔肯俾返10蚊我，話睇住我俾40蚊嘅，態度亦一如以往咁差，但我好清楚自己俾咗一張50蚊，企得好硬，頭先收錢嗰個先俾返10蚊我，真係一肚氣。有冇覺得奇怪呢？我唔係叫外賣，但佢就用發泡膠碗俾我，原因係因為我過枱食囉⋯⋯只係隔離枱，咁做真係好唔環保，同埋好冇意義！（要反佢白眼！）食落同以前一樣，牛腩汁湯底同一般牛腩汁唔同，色水好深，冇牛味，湯頭好甜，我自己唔鍾意咁甜，但佢就紅在哩個甜味牛腩汁。雞翼有兩隻全翼，所以收得貴都算值嘅。但其實哩間嘢食我欣賞之處唔係在於碗麵，而係佢哋嘅辣椒油！真係好香，而且係好食到有得買，亦唔平，細細樽68蚊。真心間嘢唔係報紙上講得咁好食，最緊要係店員態度差，而且非常唔環保，所以我係唔推薦大家去幫襯。最多就係去買樽辣椒油返屋企慢慢食囉。…查看更多