RickyCheng9992的个人专页

2月26日去了尖沙咀禪八日式餐廳食午餐，間舖都開咗好耐，諗住咁耐重生存到應該唔錯啦，叫咗個日式漢堡扒定食，諗住呢啲咁簡單嘅野應該唔會中伏啦，點知都係唔掂，未食齋睇個樣已覺唔掂，食落口漢堡扒啲肉好似蒸孰咁，乾淨淨、鞋烚烚，完全無肉汁，上面隻蛋重衰，烚孰咁，全孰完全唔係日式整法，呢啲喺普通快餐店食嘅都應該唔會失手嘅野佢居然可以整成咁，個餐重要成二百幾，真係揾鬼食啦！其實香港啲餐廳唔可以怨無生意，啲野又貴又難食，啲客唔黎唔出奇架！…查看更多

由以前返工附近食lunch，到而家屋企附近食，食咗紅螞蟻/一品螞蟻不經不覺都廿年，一向食品質素唔錯，黃大仙呢間更加成日黎幫襯，但感覺份量愈來愈少，款式又唔太多選擇，好似今日叫呢個去骨海南雞飯，得咁少雞，個底重要擺啲蘿蔔、雞翼骨黎long起，加埋個凍齋啡成$70個餐，有啲唔抵，雖然今日香港餐廳普遍偏貴，但希望能有改善！加多啲唔同款式，份量大返少少，大家幫襯得都開心啲啦！重有分店愈來愈少，唔想見到最後無埋呀！…查看更多

見佢出晒名，6/13去西環食下啦，一見個餐牌，居然煲仔飯要飯焦要加錢，唔係煲仔飯一定有飯焦嘅咩？唔緊要，我唔like 飯焦，但叫完兩個飯唔駛5分鐘內就上，我覺得唔係即煮，叫咗一個排骨煲仔飯，一個黃鱔煲仔飯，唔算熱辣辣，排骨味道唔錯，黃鱔就麻麻，唔入味，最唔掂嗰樣，就係餸同飯好似互不相干咁，完全唔似煲仔飯囉！同酒樓蒸飯無分別，咁嘅價錢（兩煲合計成200），完全唔駛諗有下次！虛有名氣，是但一間煲仔飯好食過佢！…查看更多

22年5去了滿天星食飯，我叫了吉列豬扒蛋包飯，朋友叫了鰻魚蛋包飯，食完之後感覺一般，甜品叫了雜莓pancake, 甜品還可以，但蛋包飯真係唔得，最後兩人合共食咗八百幾， 嘩，完全唔掂，無下次呀！個飯200幾，有無搞錯，初時諗住蛋包飯會有一定質素，可惜大失所望， 蛋唔滑，吉豬皮還皮（麵包糠），豬扒還豬扒，甩皮甩骨咁，連一些小舖都唔比唔上，重話自己係過江龍？而甜品就還可以，但唔係抵食，只係比蛋包飯可以接受； 而環境又唔係太坐得太舒服， 但唔明重有咁多人排隊等位，why?…查看更多

呢間餐廳食物唔錯，焗飯或小菜都ok, 性價比還可以，但職員待客態度有問題，當日我一個人去食，先係唔俾坐卡位，咁我之後轉去坐另一張枱啦，個袋放側邊，坐咗陣又話有人要坐，叫我拎開個袋，唔該都無聲，態度奇差，下次真要諗下重去唔去呀！…查看更多

我們一行七人。啲餸味道ok。但份量超少。每樣每人只有一件。來個蓮藕剪肉餅居然得六小件。我問他們為何得六件。他們說因為係例牌！！！但我們是計人頭收錢喎。咩理論黎？另外啲碗碟都唔太乾淨。所以唔會有下次。…查看更多