kitty cat的个人专页

宵夜，叫左魚旦米加色($16)同埋生滾蟹粥($25)。魚旦米0既湯底唔知點解有少少酸味...怪~魚旦係普通街市貨色。蟹粥更唔掂，咩味都冇，d蟹冇肉，兼且好唔新鲜!唔合格呀!…查看更多

四個人叫左蝦腸、牛腸、蝦餃、雞扎、鳳爪。鳳爪ok, 其他都below average!!另外叫左焗豬扒飯，呢個反而超水準喎~同埋麻婆豆腐炆伊面，見個配搭幾新鮮~ 都ok, 係太杰lor!d食具已經好破舊，仲要好似冇洗過咁，反轉隻杯，裡面竟然有粒飯!埋單唔知幾錢....總之一定唔會貴啦~不過唔會再去了。…查看更多

四人order 了:醉雞-- 好香酒味，咪睇佢細細兜，其實份量唔少醬炒娃娃菜--幾好干燒蝦仁--蝦爽口，都唔錯兩個阿拉湯麵--一般啦，個人唔鍾意花生醬味…查看更多

食咸雞粥前一人整返碗牛腩米。我要牛根腩，男友就要肥腩。先試啖湯底，果然好濃郁呀! 相信佢冇乜味精，因為我食到碗底朝天，但都唔係幾覺口渴。肥腩我冇試，不過見男友三兩下都食哂，相信都有返咁上下水準。我0既牛根腩都非常唔錯，好夠火侯。有少少入口即溶0既感覺。美中不足係其中有一兩舊牛腩偏韌。…查看更多

叫左咸雞粥($25) 同蝦子撈麵($12)。蝦子撈麵唔得...麵底其實都唔差，不過又未至於好lor蝦子得好少...唔夠咸香。最搞笑係佢竟然落左少少蠔油! 似食緊蠔油撈麵多過蝦子撈麵...咸雞粥就掂喇，粥底好正，夠綿，見到一粒粒開哂花0既米~ 絕對唔係生粉水!咸雞都幾足，有雞味，又幾滑~ 出哂黃油咁，賣相都好吸引下~(味道4分係俾碗粥0既)…查看更多

街坊格局，相信呢度開左起碼廿年。魚旦(加色多青)做得唔錯，幾彈牙兼有魚味。不過唔知係手打定係來貨喇。十零蚊，算係交足功課了。…查看更多

招財牛肉漢堡︰唔掂，塊牛肉太淋太厚……同埋黑椒汁好杰，口感同食味都唔合格。薯圈︰呢個好在夠熱，ok，不過始終覺得Hardee's好d~橙汁特飲︰俾佢過關，感覺都算清新。…查看更多

近六點，0黎個晚飯前0既三人小聚。朋友點名話要0黎呢間。點了:冬陰公︰好濃，辣度適中，足料肉碎生菜包(選了豬肉)︰又係朋友欽點0既，冇特別，唔覺得肉碎加生菜起了任何化學作用，同埋唔夠酸~醃粉絲︰好醒胃，當中0既鮮魷好新鮮，驚喜之作最後仲每人奉送南瓜西米露一碗︰一般，加上之後仲有飯局，所以都係食左兩啖就冇食…查看更多

兩個人order左:(1) 三文魚刺身。一上桌真係俾佢嚇親。八件手掌咁大0既三文魚，質素可接受，但食左兩件已經唔想再食‥‥‥(2) 金菇牛肉卷。又係八大件。金菇同牛肉本身都唔新鮮，兼且個汁太甜。唔掂。(3) 蟹子沙律。size 係一個食湯麵0既碗，仲要堆到山咁高。味道唔差，不過都係果句︰少食多滋味。價錢係好平，但唔會有下次喇應該。我諗一大班人柴娃娃0既話都可以一試~…查看更多

天氣咁凍，最好食個熱辣辣0既早餐~要左個粥餐，有:咸瘦肉粥，料太少，粥底係幾乎一粒米都搵唔到0既糊仔咁。不過都ok 啦，平嘛。油炸鬼，唔係一孖，係一條﹗豆漿一杯。一字記之曰：平…查看更多

叫左個雜錦刺身定食。前來一小盅日式蒸蛋，估唔到又幾好食喎~ 好滑又香。麵豉湯，都係咁啦，飲左兩啖。蟹子沙律，一般。漬物係一小碟醃蓮藕，爽口兼帶少少辣，幾好。刺身都係一般。有三文魚、吞拿魚、八爪魚、帶子同埋另一種不知名0既魚。其中最出色係帶子。好肥美鮮甜，幾乎唔捨得食。白飯一碗。橙兩片。最後仲有兩粒雪米磁。雪到成舊石咁硬‥‥‥要等一陣先食到。同行0既同事叫左個燒唔知咩魚定食，我試左d，幾好喎~ 下次會叫呢個。又平d呢~呢度serve 0既玄米茶都唔錯~食到飽飽，計埋茶錢加一，九十蚊倒啦。lunch 都食得過0既~…查看更多

綠色0既外表，紅色加白色0既內涵。個包真係有綠茶味架，唔係得個樣。好多cream 呀~ 紅豆加忌廉都幾match，至好就係佢唔太甜，食哂一個都唔覺漏。…查看更多

一向不喜歡西式食品~ 又唔係覺得唔好食0既，但唔知點解次次食完都有同一想法:食碗十蚊雲吞面好過﹗朋友有五折卡，今次終於難逃一劫。因為當日booking已full，一行四人晚上7點半walk-in，居然等左成個幾鐘。我冇乜留意menu，朋友們好似order左:(1) chicken ceaser，全晚我覺得最好食0既一道。(2) 一個拼盤，有兩種味0既ribs，炸洋蔥圈, etc.ribs: d肉好似霉霉地咁，兩種口味冇咩太大0既分別。(3) Potato skin，熱0既時候都ok 0既。其實佢可以改名叫potato stick~ 會更適合。(3) 鮮茄蜆肉寬條麵(我改0既)，口味都幾清新(淡)。(4) 兩款大堆頭0既甜品，只知道一款係cheese cake，一款係choco cake，又雪糕又caramel咁。四個人都食唔哂。(5) iced lemon tea x 2半價，每人都要百三蚊。…查看更多

好開心見到呢度有蠔仔米線~即時坐低整返碗。油麵(default) 改左做米粉。蠔仔都幾飽滿，米粉口感唔錯，唔會話淋哂。不過腥左少少，要落多d胡椒粉補救。整體來說都唔錯，值得一試。不過同我心目0既蠔仔米仲差一段距離。其實香港邊度有有水準0既蠔仔米食呢? 大家知道0既話麻煩話我知丫，萬分感激。…查看更多

廿八日凌晨三十分，同男友兩個人諗住食個宵夜。0係幾番查問之下，終於搵到間舖~呢度夜媽媽都仲好熱鬧，問下伙計，原來呢度收四點。兩個人拿拿臨坐底，即刻落order~叫左:(1) 魔鬼魚湯底，寫明係「時價」，一問下先知原來約八十蚊。二話不說即刻落單。本人極力推介﹗湯底十分鮮甜，加上酸菜，非常醒胃~ 而鍋0既魔鬼魚魚塊更加係無得頂﹗鮮甜嫩滑，絶對值回票價有餘。(2) 羊片，一片片薄薄0既羊片，冇乜羶味，十分鮮嫩，必食﹗(3) 手切本地肥牛，一入口就知係靚貨。肉味濃。好﹗(4) 五花腩，又係出色之作。肥？唔理得咁多喇﹗(5) 鱘龍魚片，鮮甜、脆肉。(6) 野生竹笙，吸左湯0既精華之後，又是另一美食﹗不過唔見得同食米線時0既竹笙有何分別~(7) 金菇，個人認為係打邊爐必備0既﹗不過份量少左d，$20得一包街市買0既包裝金菇咁上下。(8) 唐篙，翠綠，份量足。(9) 可樂兩枝兩個人0係食左晚飯0既情況下都可以全部清碟! 差d飽到訓唔著~品流一定係複雜架喇，最好有男士同行啦。…查看更多