sharon.wong.120的个人专页

我平時不太食蛋糕，食蛋糕基本都不會選拿破崙，因為一直食到的拿破崙，皮不脆，cream 很嘍。這家店的拿破崙真係翻轉我對拿破崙的刻板印象。我1月生日時買了個芒果網格拿破崙試，custard 好輕身，也很清新，食落沒有感到負擔，皮也很酥脆。我地三個人分，一日一餐大概食到1/6。（另外個1/6要第二天處理，但可惜皮就不脆了）。二月情人節也好不猶豫，買了他們的西餅。買了4款，食得出他們的蛋糕是高質的，但最喜歡都係拿破崙系列。而美中不足是太少水果在裡面，基本上沒有存在感。…查看更多

幾條友在深水渉一邊食完雞煲行去另一邊食甜品, 目標康瑞涼茶特式仙草百配。一去到真是嚇一跳，外面人山人海，一行六條友都要等頗久才有位。食物：特式仙草百配 $25等咗咁耐難免會有些期待，但整個甜品除了燒鮮草，其他配料都未免太精緻(細小)了吧。芋圓及地瓜圓沒有芋頭及地瓜味只有糯米味西米太細粒完全無口感珍珠得4粒...食不出個所以然仙草煙韌，唔會一下散晒，味道也濃郁是整個糖水唯一亮點。總結，作為一個台式湯水來說太不合格了。…查看更多

5月27日之前成日去荃灣西天橋經過大會堂，唔知間嘢mud來既，只是好奇點解有間cafe係咁既地方。經朋友介紹真食驚為天人的好食 👍食物:車打芝士汁鮮蝦意大利麵 $68每條麵條都包住芝士，麵條不算彈牙但又不會太腍。碟麵5-6隻大蝦，口感爽彈，應該係冰鮮蝦，沒有雪味，煮得不錯。個芝士汁又唔膩。飲品:另外，其實我仲點了杯蘋果蜜桃鮮打綠茶 $20 (半價優惠)，但唔記得影相，飲落挺清新不太甜。環境:充滿文青氣色，四處都放滿了書，有讓人想久坐的感覺，但lunch個時見到外面的人龍就...…查看更多

終於試到了俺流鹽拉麵，開幕到現在一直排長龍or 售罄，今天終於可以一試。食物: 俺流鹽拉麵$58+半熟蛋$10湯底-香港比較少鹽味拉麵，這個鹽味湯底飲落夠清甜，唔會得個鹹字。我一直都覺得鹽味最能帶出食材的味道。這個湯底贊。麵條-好失望，食落似鹼水麵，麵身偏硬 (我叫普通的啦)，勝在份量夠 (得個麵多)。叉燒-厚切一塊 (得一塊，多謝嗮)，“鞋”口。菠菜-一啖食嗮，無感覺筍-幾條，一啖食嗮，無感覺蔥-本人唔食蔥，走嗮題外話: 等入座不用等很久，但等上麵卻等了20分鐘，好明顯廚房人手不足。總結: 作為一個過江龍拉麵店來說，價錢不算太貴，湯底美味，麵身(本人)不討好。至於配料其實叉燒以外那些都算是便宜貨，是否可以不用這麼吝嗇放多少少……查看更多

葵廣豆花先生剛開的時候食過一次，已經覺得坑錢，上次買招牌豆花，話就話大碗，真喺得個碗大，豆花加料淨喺去到個碗既3分2。見今次新假期講到地瓜圓有絲又香咁正，就俾多次機會佢，但真喺差到無朋友。日期: 10月11日食物，綜合豆花，配大西米，地瓜圓，仙草先講主角豆花: 完全無豆味，一入口就散，差！大西米: 大佬，未煮透ga, 差！地瓜圓: 如果所謂既地瓜味喺我食到既膠味，sorry 接受唔到。仙草: 唔知自己食緊mud...總結: 無下次！…查看更多

連夾檸檬的器具都好別緻, 配蠔有兩種汁, 傳統的茄汁同醋。本人是比較喜歡傳統的啦＞＜$198 一打生蠔優惠需於訂位時候講明用 facebook 的198生蠔優惠 。 這裡一般是提供爽甜鮮味的Scottish Rock。每隻都肥嘟嘟的。飲品叫了無酒精的 Cinderella, 忘記是甚麼溝甚麼, 總知就是好味。加了$78要一個蠔湯，裡面有一大粒蠔，煮得剛剛好，蠔邊爽脆，蠔身爽滑。湯配上黑松露更添香味，可惜個湯本身打得唔夠細滑。Soup of the day.  有粟米湯味, 睇落似蘑菇湯... 一句講晒"唔知想點"本來想要炸蟹肉三文魚薯餅作頭盤，可惜賣晒。選了Felicita Salad, 清新的沙律配甜甜的沙律汁。個汁有d像罐頭水果糖水... 對我來說還好啦。主餐登場, 紐西蘭西冷, 五成熟, 燒得剛剛好。不得不講, 這裡的 Sirloin 比好多店的肉眼還要好。海鮮義大利飯, 海鮮多到令人呆滯:魷魚食得出唔是冰鮮, 不韌, 越咬越有鮮味散出來。有一隻小鮑魚, 又是出奇地有鮑魚味。唯一一個敝處就是隻蝦ｄ肉有點霉...總體來說, 這個 risotto 還是十分高分。如果可以的話, 真想再去食... 可惜銀包乾塘…查看更多

葵涌廣場大阪一意想不到的炸蠔及一口芝士葵涌廣場大阪一剛開業時引來一大堆人排隊的是貴得來有特色的拓餅。其實這間店的炸物是好食到無朋友。這次我就同價家姐買了滿佈海老拓餅, 炸蠔, 炸一口芝士及炸薯餅。食物: 海老(蝦)拓餅 $36, 就是好多蝦干的蝦餅, 質感是比較實的四洲蝦餅。如果有機會的話會想試埋烏賊拓餅。完全是試一下的心態炸蠔 $28/4, 完全喜出望外, 本人好鐘意食炸蠔, 所以有如此性價比高的炸蠔對我來說真是天大的喜信, 外脆內軟, 入面一d都唔乾, 蠔又唔鯹。已經買了好幾次, 還是會繼續幫襯。炸一口芝士 $26/6, 個炸皮同炸蠔的不同比較薄, 但配芝士剛好, 入面的芝士綿綿的, 當下酒菜一流。紫薯金栗薯餅 $16, 紫薯金香, 栗子增加了咬口, 個外皮炸得夠乾脆, 入面又保持到濕潤。有機會 (卡路里 quota 再試)。…查看更多

第二次去拉麵台風, 仲要叫到限定沾麵是要認真d 寫的。食物:魚介豬骨湯拉麵 ($78)紫菜上有魚介粉, 根據介紹首先試原味湯底，之後放三分之二魚介粉再試，最後將餘下的魚介粉攪拌一下再試。一上麵就先嚐一嚐湯底, 感覺比較像醬油豬骨, 加了魚介粉分別不大。兩大片叉燒十分入味又霖。另外值得一讚的是配料裡有筍 (拉麵又點可以無竹筍呢)。面條偏粗同硬, 不太吸收湯汁是一個敝處。限量沾麵　($83)比起拉麵, 湯汁比較濃, 麵比較粗, 配的是豚角而不是叉燒。價錢: 每人$78-83綜合意見: 性價比高的拉麵店, 餐牌上其實有行小字, "比一般拉麵份量多1.5倍", 即使我叫了少 1/3 麵, 還是食得好飽。但本人其實比較喜歡傳統的豬骨湯底或鹽味湯底。這裡的湯底 not my cup of tea. 但下次想食拉麵還是會考慮這間。…查看更多

這次等食飯等到好肚餓, 就在附近買個雪糕食下先。這間雪糕一向經過都覺得有點貴, 今日就豪一豪試下。四隻色分別有波子汽水, 士多啤梨, 抹茶及牛奶。波子汽水, 陣味假假地, 但本身波子汽水就是假的, 所以其實挺像。士多啤梨, 夾在其他味中間不太突出。抹茶, 挺有茶味但不夠濃。牛奶, 沒有奶味...事實上跟上個雪糕溶得太快 (好滑), 沒有時間給我分辨品嚐就一口氣把4隻味混著吞落肚。建議大家不要買多過兩隻味, 最後什麼味都沒有分辨出就吞試沒有什麼意義的。價錢: $50 是有點貴的...…查看更多

突然想食壽司, 可惜旺角沒有太多選擇, 經人介紹就選了朗豪的 Monster Sushi。我8點去到攞飛 J67, 當時叫到J25 有夠誇張的, 好在好多人走了, 當我們入去就坐時, 已經是9點, 點餐等送餐又多了半個鐘, 足足等了90分鐘才有o野食。之前聽說這家壽司不錯, 但一直興趣不是很大。等了這麼久, 當然對食物的期待也特別大, 這間店個門面一看就知是走花俏路線, 食材質素確實一般。好多一般壽司, 譬如吞拿魚劍魚腩都不夠鮮。 間店咁多人, 其實店的人手不太夠, 服務態度自然不好, 問佢o野 ignore o左我...最後兩個人 $400 埋單以這個價錢食到這個質素, 尚可接受。…查看更多

窩夫迷見雜誌介紹因而立即衝去試之報告這間店開了好一陣子, 我從偶然會落去旺角, 到現在完全唔多去旺角的現在才把心一橫去初嘗。（因為之前只有綠茶味甜品的話, 吸引力咁大）背景: 鐵板芒果抺茶鬆餅 + 御前芒果聖代食物:鐵板芒果抺茶鬆餅 (大喜歡)一上台就在鐵板上淋抹茶 (先來個視角效果),任由抹茶被窩夫吸收, 因為有鐵板幫助蒸發多餘水份, 窩夫裡面又之於太濕。抹茶及抹茶窩夫味道偏苦 (就是抹茶那種味) 加上鮮甜的芒果雪糕...大喜歡!芒果雪糕食落好重芒果味, 有點像 Gelato 但比Gelato 更滑。理想中的芒果雪糕味道, 但對於比較喜歡重奶味派的就應該會比較不滿了。御前芒果聖代聖代就是要享受每層不同的樂趣, 一開始就是抹茶餅乾, 芒果雪糕及芒果肉。抹茶餅乾夠鬆脆但沒有甚麼調味。裡面放香甜的芒果肉, 應該是呂宋芒, 一貫的香甜是也。之後是脆米及奶凍(好像是), 奶凍挺滑。最後是紅豆及抹茶 mochi, mochi 有點苦, 但因為得最上的部份有雪糕, mochi 只能配紅豆吃。建議 mochi 移到較上層配其他較甜的配料, 譬如雪糕或加d cream。價錢: 每人$70 甜品這樣東西, 貴了點但都好吸引!!!綜合意見: 如果有錢 + 唔會肥, 會想日日食。…查看更多

7月15日 去試旺角間火箭主題果汁店背景: 叫了一杯籃莓+梨+青提子, 一杯番石榴+芒果+百香果果汁趣點: 客人要先去拿取一個火箭, 選擇自己想要的果汁星球章 (要選擇三個), 再拿給店員。現榨果汁做好後, 店員會配上各混合果汁的營養標籤。飲品:就是一般果汁, 沒什麼特別。有點不滿的是, 好多果汁其實都要另外價錢。原本雜誌寫的$28一杯(三種果汁), 根本就很難配搭出來...有點被騙的感覺...綜合意見: 試一次好了, 我自己在家都會作綜合果汁飲, 沒有必要特地去買。…查看更多

星期日行了5個鐘書展, 餓到2046咁, 難得出省(港島)就去食試下開了很久的一蘭拉麵。以為開了咁耐應該不多人排隊o掛, 去到門口果然沒見到人 (就奇) 排隊的地方在另外一邊門入去... 已經有20多人在裡面。之前，我食一風堂，豚王，台風，一蘭第一次試，湯底香而不膩，真是會讓人忍不住飲湯的美味湯底。一蘭所選用的幼麵，令每條麵沾滿湯汁地送入口, 就是有讓人不停食下去的衝動 (就是麵的份量太少了...)。最後加了一個抹茶杏仁豆腐，很滑, 杏仁味不是太重, 配上有點濃的抹茶剛好。事情很完美，除了價錢以外，一個湯底+2塊叉燒~ $89...配料$12-$14 一份, 追加麵一份 $19...作為一個拉麵, 我覺得太貴了...但太美味了, 所以我還是會再去...看有無空位的指示燈每位人客都有自己食麵的私人空間, 無人會理你食相啦。第一次食,原來麵真是得麵，除了叉燒以外...所有配料都要另外加$，我就建議大家加定蛋及木耳水是冰涼的配熱辣辣的拉麵剛好，但如果有麥茶更好。天然豚骨拉麵配一蘭秘製醬料+2塊叉燒~ $89...上完菜就落簾了~ 自己一個安靜又嘈吵地進食淨食麵完全唔夠...男生要預加1-2個麵底, 一份麵太少的。…查看更多

背景: 選了流心蜂蜜+雪糕雞蛋仔。食物: 所謂流心意思喺放了蜂蜜爆珠。本人就覺得幾有趣。之前試過原味雞蛋仔，覺得一般，蛋味唔夠香，蛋漿亦太甜 (基本上淨喺食到甜味)。如果淨喺講雞蛋仔本身，我就比較喜歡媽咪雞蛋仔。雪糕就喺一般雪糕。價錢: 原味雞蛋仔$15，流心蜂蜜雞蛋仔$24，雪糕雞蛋仔$40。現在d有質素雞蛋仔都喺這個價格，要食好嘢都喺要付出gala，不過雪糕雞蛋仔多兩球雪糕就貴$15-20，唔太抵。總結: 會再幫襯，但要有多d錢先… …查看更多

星期五晚熊貓去食 K-POT 部隊鍋，總之一句唔會再去。背景: 美國尊上牛肉套餐放題同人參雞湯底食物:個湯底完全無味，清水一盤。牛肉，豬肉切到紙咁薄，漉兩漉就唔見嗮d肉(另一方面來講就是唔怕唔熟)。魚就是冰鮮魚。雞落咗去熬湯無食到(講真d豬牛都差到咁，仲點咁食雞)。其他配料就去配料區任攞，有一般丸類，菜及交特色的熊仔魚板，韓式魚蛋，韓式豬皮還有韓式公仔麵。但大部份配料都頗難食，唯一覺得好食的是韓式魚蛋。最後甜品可謂是日焦點，店內有 froyo 機讓顧客可以任食。而 froyo 的味道就跟外面的 froyo 店差不多。價錢: 每人$236 (唔知點解給我們打折), 放題來講唔算貴，但同一個價錢絕對可以食美味得多的晚餐)…服務: 後生個個經理服務態度唔錯，會留意你要唔要refill 牛肉，其他店員就咁收咗你個空碟就算。環境: 還好，唔算太擠。洗手間尚算清潔。綜合意見: 請我都唔去。…查看更多