辣may的个人专页

呢間堯記店舖,前身轉過好多手,間間做唔長,當時開業真係替佢有點擔心,點知幾年前某日,不經意的叫了一碟招牌貴妃雞飯,真的不能不加入午餐必食名單上!我平時好少食白切雞的,但路過見d客人大多點雞飯,佢地有沙薑雞同貴妃雞可選,前者配沙薑,後者係落左好香既葱油,我第一次試食係貴妃雞,講真,當時見25蚊包埋凍飲.......心諗一定係冰鮮雞架啦!這是常識吧!點知,老闆唔知點解處理到d雞肉好嫩滑,好似新鮮雞一樣咁好味!幾年後既今日,水準仍然一直keep到,價錢來講,4年間只加得4-5蚊算係非常有良心之店!因為附近的茶記,已經由32蚊變成40蚊先走人,仲要唔包凍飲!而在堯記,你埋單加埋凍飲,基本上32蚊內就可以有好多選擇!成日都會諗究竟佢點做架!!除左雞,我亦試過京都骨飯,好大碟,d汁偏酸少少,不過加埋d洋蔥炒到好甜,又平衡返,d肉又好好味!佢地處理得非常好,唔會好鞋口,又唔會太雪藏味!仲有佢地既牛腩飯,亦係必試之選!因為真係好香,好林,好佩服老闆一家三口,膽粗粗之下開店,竟然為石蔭區街坊同打工仔帶來如此美食!佢招牌真係無改錯!我諗如此有香港味道既店,已經買少見少了!仲有呢,我有2個對餐廳環境幾有要求既同事,都唔介意同我一齊坐露天位食,就可想而知,呢間店既食物水準已經取悅人心多過店舖裝潢了!早餐黎講,佢地最抵食係3送麵(午市都照供應架!)包凍飲都係24蚊!唔好以為d送好少喎!如果叫外賣,係塞滿左成個盒架!!!老闆仲驚你唔夠營養,除左3種送仲比多幾條菜配搭,根本一般OL係唔可能食得哂架!除左野食,再講人情味,小店模式,老闆夫婦負責落單上菜,老闆負責埋水吧,仔仔就煮野,佢地好厲害,可以記得邊個客通常同邊個一齊來,有時會問: xxx唔一齊既? 仲有,有客人入來,佢即時問: 凍奶茶少甜腿蛋治係咪?  哇,對於客人來講,最窩心既服務莫過於此!老闆娘好有性格的,唔好睇佢接電話order時拜拜都唔講句,查實以佢地一把年紀,做野非常爽快!爭分奪秒,好忙之餘又可以邊做邊同客人傾計,建議想試食呢間茶記既朋友一定要試堂食!因為你會見到香港的人情味如此濃厚!有次行過問佢買幾包辣油,佢直頭話唔使錢送比我!所以話想到食,首選會諗起堯記!…查看更多

朋友生日,每年指定動作就係搵間好好地既餐廳食返餐靚野吹下水,當然由朋友選擇,我訂枱!在2日前訂,有位!唔算難訂!去到餐廳,燈光較暗,但編排既座位都幾有心思,佈置其實無咩驚喜,坐得舒服唔逼!本來有2人餐,但見食評有d必食野套餐無,所以最終決定散叫!先來一個頭盆沙律,香芒鮮蝦塔,好味!醬汁調較好配!蝦肉真係啖啖肉!醒胃,份量2個人食好夠!再來是餐湯,龍蝦湯,賣相ok,不過個人認為較"浠" , 同埋得一粒蝦肉,有點欺場感覺呢!同埋偏甜,飲完呢個湯,2個人都感覺有點飽了!覺得以廚師水準應該可有d進步空間!跟住點左每人一隻鮑魚,唔大隻,同酒樓賣的20幾蚊用陳皮蒸既差不多size,賣相其實麻麻,但不得不讚係個醬汁!黑松露磨菇汁,查實如果用來做湯我會比100分添!鮑魚上菜夠熱,有煙出,汁味夠濃,仲有一點美中不足,鮑魚唔入味,汁還汁既味道,感覺呢,如無左d汁,其實鮑魚係得40分!好淡口!因2個女人,食唔到幾多,無點pasta或飯類,主菜只點了炭燒日本豬鞍,全晚最滿意係呢味!雖然貴d,但係絕對值!每一啖都係充滿肉香既鮮味,質感好正!好滿足!連我呢個大胃王,乜都快快質落肚既人,都要細細塊咁切去細味!呢味真係超得!!不得不提,佢地有好多款啤酒同酒類選擇,價錢相宜,紅酒仲買一杯送一杯,好酒之人真係要試下!服務亦好好!每食完一味都會換隻暖立立又潔白既碟,仲有雖然逐道菜上,但上菜時間佢地控制得好好!大約一餐用左1.5小時完成!唔使催佢地上菜,又唔會飽到好緊要,呢一晚好滿足!!…查看更多

平時去旺角睇醫生都會黎呢間,其實佢地D野好好味!又近睇醫生既地方,午餐雖然50蚊,但有扒有薯菜有湯有野飲,每次用餐都覺得令人難忘,而杯即磨咖啡亦好正!!!在旺角以呢個價錢食到如此高水準既野食的確難得!最推介係咖喱雞,照燒雞扒+薯菜,廚師應記一功!每次食午餐A都沒有失望的!每次都一碟砌得好靚,賣相正!不過佢班侍應服務認真要檢討,完全街市婆經營,幸好係佢有不少自由行生意,如果本地人相信無幾多人會翻叮!1.安排座位好亂,仲會公然在顧客面前大吵大鬧,好肉酸!2.坐低後因冷氣太勁唔比轉位,好死惡!3.聽到佢地耍D遊客,話炸脾要等半小時!炸咩呀?真係半個鐘隻脾仲食得?仲要落單唔同客講喎!4.有客問有無WIFI,回應係: 無呀!食飽好走喇!多人等位呀!今時今日咁既服務態度真係拍爛手掌,不過我仲會幫襯,係因為D野食得同價錢相宜,周邊無幾多間選擇,同埋廚師無罪既,但去食既朋友記得戴定耳筒,唔係會聽到佢地好似街市咁嘈架喇…查看更多

實在太後悔沒有早在五月幫襯時寫食評,估唔到半年內幫親左三次,看來真係因為佢,食buffet食上癮了!200幾蚊,在香港已難找到一間又有新鮮海鮮,活魚刺身,飲品任飲既餐廳吧??確實真係被我地找到了!!5月第一次相隔好幾年後再幫襯,對上一次該有十年了,估唔到喜出望外,有麵包蟹食6月再戰,多左d新款既熱盆,我黎講至愛係銀鱈魚同長腳蟹11月生日再來......竟然係有片皮鴨同大閘蟹!天婦羅都好得!尤其d蝦!超鮮甜呢!想不到每次來都有驚喜!侍應收碟好快,服務貼心!每次想拎野食,都會細心講解d食物,令你容易選擇,環境唔嘈吵,d人排隊又好有秩序,多本地人幫襯,臨走經理都問d野岩唔岩食,佢地會檢討自己d品質,以後都好難再去第二間食buffet了!…查看更多

本來在呢區返公,平時lunch見佢閒閒地都近百蚊一個餐,只因為一次有同事生日先食過,但因為時間唔夠,只能點d簡單d又快上菜既pasta,感覺唔太值..........雖然service唔錯,味道都可以!不過過百元一個lunch好似有d過份!直至上星期,老公剛巧經過樓下接我放工,諗下有咩食之際,佢提議不如試下呢間pub....我即時覺得都好喎!唔知晚飯會唔會有驚喜呢?一入去的確有d驚喜,那時是7點未到,入面一個人都無喎!!出面餐牌仲係show lunch 餐牌有點莫名其妙,但老公仍好有興趣,結果坐低左......原來佢地晚飯同lunch都係同一種餐牌,分別在晚飯沒有set,沒有餐湯同野飲,都合理既!於是請侍應介紹下有咩拿手好菜原來招牌菜係豬手.....咁我地二話不說叫一個豬手,再來鑑於上次見同事食意大利奶油飯好似好得,係等得耐少少,見晚餐時間較多,就試下一個大蝦三文魚意大利奶油飯啦!之後怕太溜,order多個巴馬火腿配沙律!2.5個人3樣野應該夠哂!(計埋肚裏呀b ^^)第一道菜好快,係salad, 哈蜜瓜好甜,好爽口,配巴馬火腿真係一絕,賣相仲好吸引!salad亦不馬虎,好大碟,配醋好開胃....第一道菜已感覺無入錯黎喇!食緊salad途中亦好快上第二道既奶油飯,賣相仍然好吸引.....飯既份量唔多,但因為奶油成份多,較溜,所以佢地應該考慮過呢點所以set得細份量d,2個人幾經辛苦先食哂!但係飯軟硬度好適中,奶油味超香!!!好彩有salad剩,無咁溜!原來叫呢2道菜係一絕的!互補不足,haha!食完飯同salad無耐就黎主打既豬手,份量有點嚇親,真係好大碟!!!!!好驚人!以前出街食類似檔次既餐廳,閒閒地一隻豬手既set要160幾,而toscana只係賣178......配菜同醬汁份量,garnish都係一流!(老實講好鐘意佢那配菜的3個蕃茄仔,有枝葉連埋的)感覺好超值!但建議要有3-4人先好叫呢道菜,我地幾經辛苦先食到7成,仲要加埋肚裏面個b幫手吸收^^仲加埋有半小時既包場,好浪漫好有格調呢!之後都黎左2枱人,似係熟客仔!以呢個價錢,食意大利菜,一點都唔貴!可能因為開在屋村區掛!整體感覺係物超所值,比起幾百蚊一個人食自助餐更有價值,會再翻叮!!…查看更多

聖誕無咩目的食乜,同老公&好友,諗住去影燈,但緊係醫左五臟廟先啦!老友介紹呢個位好似有間日本野,但上到去,老友話好似轉左手,不過肚餓關係,唔理喇,見價錢ok喎!入去試下先!完全唔使等位!正到爆!order左四合一salad, 賣相好得喎!朋友點左sushi,都係超班,賣相靚之餘,仲好好食!以我品嚐日本菜咁耐,一定會試下佢地d厚燒玉子既,唔試由自可,一試即encore! 無論熟既程度,質感,熱度係99分!!!! (唔比100分啦,免得佢地自滿XD)間野既串燒仲幾出名,每人整左一寸燒豚腩.......哇......天啊!真係有種相逢恨晚既感覺無意中,見到話只要在店員面前上FB按LIKE會有小食送,梗無執輸啦!結果都無失望,好好味喎!3個人,食左有7-8樣野,有SALAD,SUSHI,甜品,串燒,玉子等,仲每人一杯野,埋單平均每人150蚊,仲要聖誕節唔使等位,真心抵到爆!!希望多人D幫襯啦!…查看更多

由佢開張,發圍到搬大舖,由以前會肯花d時間(15-30分鐘)企度等位,到家下只會叫外賣,其實一直都有幫襯佢的!不過先講返服務,真係差左好多,相信同區有幫襯既都覺!服務員唔掂!堂食催命符咁,我都知你座位少,等緊既人多,但係張枱又唔大,野食又只係食到一半就逼你落飲品單,搞到張枱無位放,無餐安樂飯咁.......所以由堂食轉左外賣都有一段時間...唔知係咪唔憂做,事頭婆又去左新舖,最近接電話既人都好差!領悟力又超低!有時落單都有d火滾,重覆4次,佢都係聽唔清!鬼咩,又搞d什麼來電等候,講幾粒字又窒下,落單落到一肚火!食物味道大致都keep到,無乜退步,最正係佢d醬汁,好夾,沙律質素係keep到由開業到家下既水準!仲有要讚係最近佢地人手多左,送外賣準時左,以前真係夠膽死order 12點半,但1點半先到!d野仲係會凍哂囉!幾個月前出左新餐單,貴左好多好多,以前一個午餐加果汁都係33-34,家下要38!加左10% up!(開張時才28-29)同區好多外賣仲係做緊25-30,所以近幾個月都少叫佢了!希望佢地真係比個心出黎做,態度improve一下,keep返d熟客啦!…查看更多

在大約半年前黎過呢度食都記得唔錯,跟住今日諗唔到食乜,就同大少講不如呢間..........大家話YES, OK!一踏入門口,感覺好嘈,初時無為意咩人講野,後來先知原來係D侍應太得閒,個個係度吹水,係3-4個人停哂手傾計!咁好啦,坐低後,叫肥哥哥黎寫ORDER,講明XO醬腸粉走沖(我家大少不吃沖).....魚蛋粉同埋腐皮蝦卷(呢個食過好味,所以呢次都叫返)等野食時,3個侍應吹緊水,叫佢拎2杯茶,都要講完先遞過黎!乜野鬼服務黎架???不如你拉閘比你慢慢吹!跟住惡夢黎了,先來係蝦卷....外面熱,但入面個心係凍的!好明顯係雪櫃拿出來又未翻炸夠時間.好彩6件有2件係咁,之後都有室溫既,無错,係室溫,唔稱得上係熱的!味道其實無乜變,由佢照食!到XO醬腸粉黎喇,竟然有洋蒽?? 叫侍仔黎,問佢咩事?唔係講走沖咩? 佢答得好妙: 我以為你地唔要青色野就OK了!.......無錯,連青椒都走埋囉!但又唔走D洋蒽喎!兼我地唔係講走青,係講走蒽!咁佢企左陣,毫無打算換,仲走左去........最後熠佢返來換,佢仲彈一句: 睇下經理點啦,唔知肯唔肯換架! 哇,咁你睇下我地食唔食同睇下我比唔比錢囉!跟住肯換喇,超難食,未食過XO醬咁不知所謂的,最後食剩一半算,由我地一路入黎,個收銀女人係咁同同事吹水,好似當自己在屋企咁,大姐,我唔知你有幾多老世,話哂都係連鎖店掛?係咪咁失禮D客,一D都唔尊重D客呢? 全間店都係佢把聲囉!嘈到忍唔住拍左條片! 個收銀誇到...見無乜客,好似海棠春睡咁上半身側訓係張收銀枱伸哂懶腰,哇!真係趕哂客囉!無可能再幫襯了!不知所謂的服務同管理!聽摺啦!…查看更多

朋友生日,佢平時對食都好要求高,問佢想食乜,佢話想食呢間,本來看comment都有d怕,睇落d野食好似好新派咁喎,d堆堆砌砌,層層叠咁,初時諗唔知接唔接受到,後來見有個甜品combo,心諗,正餐唔岩食,鐘意食甜野既我,至少都有份甜品可以叫丫,就訂枱了!估唔到座位唔太多既餐廳,預一星期訂枱都無問題!咦,係咪真係咁好評架?? 入到去,門口招牌不花巧,裏面佈置舒服簡單,白色為主,枱與枱之間唔算好近,加上少少音樂,至少傾計都唔怕比人聽到,幾舒服,侍應好nice,好好笑容,招呼真係非常好,正式有求必應,haha!真係多謝哂咁好既service!睇過餐牌,2個人都決定叫set dinner,另加90蚊各一客鵝肝,因為有睇過呢度食評話要必試鵝肝,就即管試下了!先上第一道菜係溫泉蛋,蛋既質感好好,唯獨無乜味,偏淡,唔知係咪法國菜要由淡至濃味咁上菜呢??不過salad伴菜比起其他食評既較為多,菜份量係蛋既4倍,較為豐富,可能晚餐關係??有d意想不到,不過d菜salad醋唔多,所以都食淨少少,不過留返個肚食下一道菜都好再來是煎鵝肝,老實講,本人甚少食真正既鵝肝,多數都係鵝肝醬,夾餅干既鵝肝醬片之類,所以呢道菜一上,加上d味道,即時食指大動!一入口,哇,好味到唔知點形容,仲加埋個醃製既梨拌菜,少少帶酸既醬汁,淨係呢味已夠比100分了!!!!!真係有d唔捨得食咁快,細細啖咁慢慢品嚐再來是餐湯,有朋友話其實飲完個湯都有7-8成飽,仲要推介一定要試磨菇湯,果然無講錯,大食既我,平時就唔食餐包既,點知又抵受唔住個餐包咁外脆內軟既誘惑,食哂個包,加埋個正到痺既磨菇湯,咁大個女,真係好少出去食飯會用期待心情去迎接下一道菜的haha!!!主菜黎了,因為同朋友share,所以2道主菜都品嚐到,先來係鱈魚扒拼帶子黑魚子,魚扒外脆內嫩,哇,去食日式既銀鱈魚燒食得多,未試過法式既煎鱈魚可以美味到咁!!!!!!底下係墊左類似豆蓉同蕃薯蓉咁既paste(唔好意思我唔算食家真係食唔出係乜架),味道好夾喎!初時仲驚死唔夠飽,所以另一主菜係叫左大蝦+自製濶條麵! 個麵好薄身,質感幾好,汁唔算太溜,又唔會好杰,蝦黎講相對普通d,得2隻咁大把,但肉質好新鮮!呢碟我覺得較唔抵了餐飲都沒什麼期望架,雖然係夜晚,都想試下佢地d咖啡係點,咦喂,超得喎!!好香呀!飲哂仲想要多杯添!(真係掂到夜晚眼光光左個幾鐘先訓著XD)總結黎講,呢間野真係無黎錯,生日會叫埋隻佬再來!實在要大力推薦!雖然380蚊位,但係質素黎講,好過食BUFFET囉!…查看更多

大約前年開始發現呢間野存在,之後如是者每月都食1-2次,頭1-2次有order過豆乳定甜豉油,一直都覺得質素係可以接受,尤其價錢唔貴,百多蚊任食,之後到與蕃茄湯底相遇,從此就沒有再試其他湯底喇幫襯牛陣都係黎旺角呢間,貪散水方便,又唔多人,服務員都後生仔女,手腳快!都幾有禮貌,同埋佢地承諾order湯底後3分鐘會連同2碟肉上枱,從無甩底!真係佩服佢地d管理喎!可能因為咁成日都去幫襯!等位黎講,甚少等多過20分鐘,好快!牛肉雖然分grade,但另一半鐘意食豬腩,無論選咩grade,豬肉都沒分別的,所以一向都係選最平o個種,已經好足夠!配料方面,預左以牛豬為主,又試過食其他類似模式既放題火鍋,所以唔會expect好多選擇,不過佢地魚丸幾好味,菜好新鮮,至少幫襯咁多次都覺得洗得算乾淨,而我最愛係d芫茜同蒜茸!配埋d豉油同麻醬,正到爆呀!(麻醬要分開另一碟,主要用來點牛肉)通常佢set左個半鐘,其實如果時間分配得好,又唔好食下玩下電玩,通常1個鐘必定夠飽,然後3個字主攻雪糕,跟住埋單坐多陣消化下,完全無問題!侍應都甚少催我地走,可能我地食得快,大約1個鐘多d都比佢收走個鍋,仲有咩好催丫!最緊要合作,唔好比人覺得你霸住個位唔想走姐haha!蕃茄湯加埋2支jolly,埋單320,算幾抵!…查看更多

今日放工約老公食LUNCH,佢介紹呢間,平時佢返公耐唔耐都黎食,介紹我咖喱好得!今日咁岩午餐有咖喱雞,好香口,唔太辣,雞肉黎講雞翼多,煮得好林,都OK!另外叫焗豬扒飯,豬扒肉質唔錯,汁亦都整得好好,唔太粉,34蚊包埋湯同野飲,抵食又好味!…查看更多

好耐無試過,今晚無咩IDEA食咩,同老公就決定去返呢間食....仲要係特登搵路搵返出來....哇,失望到呢...見到餐牌D價錢都幾恐怖,都明白食材加左價,加價好正常,亦預左部份係同佢交租,也無可厚非,但成個MENU貼D新價錢搞到一岩一忽咁,好肉酸!好明顯好多價錢改過,好心出份新既MENU啦!跟MENU叫左2個套餐,43蚊,一碟送加一個菜飯,WELL,菜飯水準沒下降到,算係安慰....但碟送...嚇親,得3舊鎮江骨,汁就多,可能怕D客唔夠送都有汁你撈下掛,我好辛苦先分配到4舊仔點送一大碗飯...份量少到呢..大佬,話哂你收人43蚊,乜其他野都無囉!另一套餐係金落菇肥牛卷,難食到....葵涌廣場小食店9蚊串有4舊都好味過佢100倍囉!但佢又係賣43蚊,得4條短CHI CHI,我老公比我辛苦D,因為要將4舊超難食的肥牛卷分配一碗飯度囉!根本唔想再叫野飲了,侍應態度亦超差,對遊客都係粗聲粗氣,人地話埋單,佢在收銀處只係粗聲粗氣講2個字: 這裏.....示意遊客自己拎單去埋....真係嚇親好彩我食哂D鎮江骨先飛隻蚊仔落左D汁度,拿拿臨爬完碗飯走人,同枱對面2個遊客叫左梅菜扣肉同炸唔知咩魚,扣肉肥到呢....根本LUR多過食囉!見2個女仔食得苦口苦面,唉....唔明點解呢度咁多好評,今時今日咁既價錢,可以話貼錢買難受!無再下次了!(實在太嚇人,無理由拎得出部相機影相,走都走唔切了)…查看更多

由開業15定17蚊齋食小鍋另加送3蚊一味,去到今日21蚊另加送5蚊,收費與所得完全不相乎,可以話越來越求其!以前食2送小鍋,23蚊左右埋單,送都幾多,但而家,D丸5蚊3粒,排骨係唔新鮮既,最近比較多吃是豬軟骨湯飯,主要貪個胡椒湯味好正,不過呢排去食,D野唔熱,SAI左個胡椒湯囉!!!碗碟方面,可能經營耐左,好多都崩口,又洗得唔乾淨,服務方面更嚇驚,D員工招你埋去就好落力,但寫野執野,叫都唔做,有時要叫2-3次!抹完張枱仲係污糟既!仲有可能裝左電視,D員工個個顧住追劇!都唔理你地要落ORDER!咁既服務真係唔掂!唔明點解可以擴充到咁多間舖囉!希望佢地可以提高一下服務質素!…查看更多

平時搭車都經過呢間,又曾經買過門口的齋老味....都幾好味,同事找我吃生日飯,我話不如呢間試下,因為散BAND時大家返屋企都好多車搭!約左7點入去,得2-3枱人,可能平日都預左既,未齊人,先叫左拼盆....咦!得喎!雖然擺在一起,D味沒有混埋,好好味!4個人到齊,ORDER每日特價28蚊一款菜色.係茄子鮮腐竹!哇,又香又好味!!!!再來叫個2人餐,無錯,2人餐加埋拼盆同一個特價菜已經好夠飽,2人餐有3個送,細細碟,2個飯同埋一碗夠4個人仲有得添飲既湯!3個送,其中一個小炒王,少少辣,好夠味,另一樣西檸鴨,呢個就感覺差D,味道唔錯,但賣相似西多士,也切得偏大件,幾溜,如果切細舊D就完美喇!最後一碟係荔芋唔知咩酥,呢碟勁得!好好味!個賣相呈卷狀,又新鮮又香口!仲有紅豆沙送!4個人每人只係50鬆D,一個齋宴晚餐,真係唔錯,況且都好耐無食過咁高水準既齋菜,不妨一試!!!…查看更多

曾經在7月經過又肚餓,盲中中走左入去試下,見佢地方唔大,得幾張枱,招呼又幾親切喎!仲要係泰國人主理,識廣東話,就試下啦!真係一試難忘,第一次吃,order左:馬拉盞炒通菜 - 味道剛剛好,好香,唔多油,好好味!!!!拼盤 - 見50幾蚊,心諗應該唔會太大碟掛,因為出面食拼盤差不多近百,都係夠3-4人食,一上菜,嚇親,份量好勁,有d後悔早知問下有幾多啦!同媽子夾手夾腳先博命食得哂,好得呀!蝦餅最讚讚讚!咁大個女未食過咁爽咁香既蝦餅!粉好少,應該真係用好多蝦去整!泰式金邊粉 - 乾身,好味,偏甜,配菜夠多夠香,一試難忘,最正係舊青檸,一定要榨d汁落去!2口子一個lunch都係百幾蚊,食到捧住個肚走,真係話過要再來一次如是者,在國慶終於等到呢個機會......今次多左人食,可能dinner關係啦,但好彩有位喎!唔使等!我地同上次order的差不多,只係唔要拼盤,轉左一款鹽燒鯽魚.......omg! 一上菜已經聞到好香,好好味咁,一咬,又多沖又新鮮!果然無叫錯,雖然等得耐d,但值得呀!!!!!!叫埋野飲,埋單大約250蚊有找,真係唔想試其他泰國菜喇!實在令人回味無窮!…查看更多