Janice lol的个人专页

今日同朋友行街，行到攰攰地就搵野食！見咁多好評就決定黎哩間到食一食！坐位大，坐得都舒服！原來餐廳角落有一個細細旋轉木馬，勾起我不少童年回憶！我就叫左石斑魚柳配飯首先係個湯。個湯其實好香架，飲起上黎好滑好creamy，實係落左好多奶油姐，完全符合我口味石斑魚柳煎得剛剛好，個皮少少脆但係唔會太膿，因爲我好怕食膿野架咬落去首先係脆，然後就係魚肉的嫩滑。道菜的神韻係個汁，甜甜地，帶出左石斑本身的味道，所以有d似食緊日本鰻魚飯咁架🥰陪埋白飯一起食唔怕太鹹，好開胃架天氣熱，緊係叫杯凍檸茶啦！本來以為都係一杯普通既凍檸茶，點知一上桌，原來有好多檸檬架！！茶底仲好香添！唔似d普通茶記咁求其沖，呢度既檸檬茶好明顯係用高級的茶葉沖出黎，茶味好出，而且檸檬無苦味，證明係新鮮既檸檬茶！推薦！…查看更多

今日同朋友食飯，宜家冇得番家鄉，咁就唯有去食日本野吊住條癮！所以揀左哩間日式西餐廳！地方唔算大，不過勝在夠乾淨企理！環境開揚！而且午餐冇限時，同朋友傾到幾點都冇問題！午餐menu選擇好多，有意粉、薄餅、飯、沙律！想食咩都有！美國西冷牛扒配薯餅+沙律（$168）因為今日唔想食飯就點左哩個食！5成熟既牛扒保留左牛既鮮味、肉汁豐富，咬落啖啖肉又唔會覺得好難咬！佢提供埋個醬俾想食辣既野調味。最令我驚喜係個薯餅，本來以為係普通麥記薯餅，結果原來係紫薯薯餅～個沙律非常開胃！好適合冇咩胃口想食野既人做開胃菜！食完覺得唔錯！都算係一個同朋友吹水既好地方！…查看更多

紅磡置富都會呢間西餐環境唔錯，今日同班朋友溫完書，食番餐，坐低環境有格調，餐廳都算多位，坐得幾舒服咖，性價比幾高，算抵食，選擇都多咖。咁我哋就叫咗以下食物：帶子配牛柳（$148）帶子好大粒，食落有鮮味咖，有小小烤過的香草🌿味，不過得兩粒。牛柳叫7成熟，個師傅功力都高，控制火候到剛剛好，好好味，我地幾個食到停唔到口，配上幼滑薯蓉，呢個菜好值得試。蜂蜜味BBQ燒仔骨（$138）本身我自己唔太好豬仔骨，覺得好似冇咩肉咁。不過今日佢就俾左驚喜我，d肉都多，唔會一食就係骨。佢用左蜂蜜調味，令到燒仔骨甜甜地好好食！份量超大！我地最後食得勁飽咁走！值得過黎食！…查看更多

今日同朋友約左係尖沙咀見面～朋友話懶得諗去左厚福街，咁我地就揀左去食哩間—福岡漢堡台。哩間漢堡扒專門店之前睇人話係韓國黎既「過江龍」，CP值極高！所以就黎食哩間！個門面好企理乾淨，有落地大玻璃增加左空間感！我同朋友揀左個二人餐 ver.4菠蘿煙肉和牛漢堡扒芝士蛋蒜和牛漢堡扒芝士泡豚飯野飲*2首先芝士蛋蒜和牛漢堡扒，個漢堡上面都有埋芝士一齊燒！未整都覺得好正！本來一開始唔太識識點玩後尾發現原來有個鏟仔可以幫手鏟d肉上塊石上面一開始好手忙腳亂，不過慢慢就識點整！漢堡食落非常鬆軟，完全同平時食既急凍漢堡好唔同！唔好以為細細舊肉，睇落好少份量，其實自己燒燒下食落非常多漢堡扒仲配左個汁去調一調味！齋食都已經好正！再配埋個汁同蛋！好好食！食完個漢堡扒已經好飽，但我地仲有個芝士泡豚飯個芝士味非常重，芝士既甜味中和左泡菜既辣味！雖然好飽，不過我地都食得曬！因為好好食！食完曬之後，我地完全飽到郁唔到但係非常滿足！份量好大又抵食！絕對會再幫襯！…查看更多

今日係母親大人既生日所以就決定買壽司黎賀一賀佢！之前其實都食過千之咪，因為質素有保證，所以今次都決定繼續幫襯千之味既黎食！我今次就叫左一個壽司盛盒再加帶子刺身外賣壽司盛盒B (總共25件）$258有25件 2個人食就啱啱好！哩個盛盒有齊曬我最愛（三文魚 蟹籽 甜蝦 加洲卷）三文魚好好食！夠鮮甜美味！甜蝦最驚就係有股海水味 千之味就處理得好好，一D腥味都冇，蝦既鮮甜味出曬黎！加洲卷都唔錯，料夠味好！帶子刺身（6件）$68帶子用檸檬汁調一調味，又鮮又好味！食落啖啖肉！食完我同我母親大人都非常滿意！一定會繼續幫襯！…查看更多

今日天氣真係好熱 約左朋友係大圍等 咁我就去左哩間小火焰餐廳食完飯先再搵佢之前幫襯過觀塘個間 所以見順便就試一試大圍哩間前菜：迷你明蝦蕃茄沙律（$18）份量都唔算迷你，一個人食啱啱好D蝦都幾大隻 18蚊黎講都算好抵食小食：因為d小食真係好平一款都係$10-15蚊左右所以忍唔住叫左兩款1. 脆香牛油雞翼（$10)一碟兩隻 食落都幾香口 有牛油味2. 甜辣韓式炸雞（$10）哩款小食真係大推！佢一份大概有4-5隻 一上枱 新鮮滾熱辣配埋佢隻甜辣醬 味道啱啱好 唔會辣到食唔到 但係又好刺激胃口大推！！！主菜：明蝦水冷面（$78）其實食完前菜同小食已經開始飽⋯⋯不過好彩叫既係冷面天時暑熱 食凍冰冰既冷面直頭係透心涼！佢既配料有蛋 蘿蔔 青瓜 同蝦 車厘茄⋯⋯⋯黃綠橙紅睇落都幾開胃⋯所以都仲食到大半！材料豐富 配料吸引！78$黎講算好抵！野飲：紅柚荔枝梳打（跟餐$28）夏天就好想飲d酸酸甜甜既野飲 所以就叫左哩杯梳打一上到黎 好大杯 望見都已經好爽飲落又係酸甜解暑 正！…查看更多

我一向都好鐘意食台灣野最近聽朋友講尖沙咀有間食台灣野唔錯既就諗住去試下個地理位置都幾易搵 係加拿芬廣場對面就係 入到去地方細細 裝修都幾有心 post左d台灣相 乾淨企理 （好想去旅行）我叫左一個古早味肉燥飯（49$）肉燥飯平時最怕就係唔夠肉燥 飯多過肉燥 好彩哩間d肉燥俾得好足 碗飯好大碟 最後係食唔曬49$一個飯黎講都算平！一杯小麥胚芽奶綠（跟餐+6$）之前未試過小麥胚芽 都唔錯！我之前怕個肉燥飯唔夠飽 就叫多個黃金茄子（$25）哩個真係好好食 佢其實似炸天婦羅茄子咁 用面粉炸茄子 最後再加肉燥做topping 我平時最驚食天婦羅就係太多面粉太厚身 哩一間只係薄薄地一層 個粉一D都唔厚 熱辣辣食個陣 外脆內軟 再配上肉燥汁 口感一流！我食完所有茄子先食埋個飯最後埋單都係80$ 但係就食到好飽！係尖沙咀黎講CP值超高！值得推薦俾人食！…查看更多

今日同朋友出去荔枝角D2 Place 行街咁就係附近搵野食下見哩間FAB kitchen 好多好評 咁就去食哩間間餐廳行簡約路線 用黑白色做主題色我幾鐘意佢牆既壁畫 畫左唔同食材上去 簡單大方得黎又靚食野方面 我就同朋友一人叫左一個set 佢係煙鴨胸配沙律+中式烤焗豬柳我就叫左南瓜栗子沙律+煎盲鰽魚前菜方面做得好出色個煙鴨胸同阿根延青醬好夾青醬帶走左煙鴨胸個油膩感而南瓜栗子沙律食落開胃主菜方面盲鰽魚好好食 煎完個皮好脆入面既魚肉又嫩又滑 魚既鮮味保留左而烤焗豬柳食落真係食得出有花心思係入面 一d都唔馬虎 烤焗完既豬柳冇韌既感覺 食落啱啱好 又冇煎咁熱氣 又有清蒸既咁單調個人黎講最鐘意個煙鴨胸沙律+盲鰽魚食完曬仲有個小小既cheese cake 為哩個午餐畫上一個完美既句號…查看更多

難得出一次觀塘，就周圍搵下有咩野好食 今日就決定去食下台灣野 好似好耐冇食咁哩間哈豆咁多個like 就諗住去試啦其實我平時好驚上工廈 因為成日都搵唔到個出入口 好彩成業工業大廈易搵入到去 地方都幾大 坐得闊落舒服Order就要自己寫落紙 然後出去俾錢買野食既我係蕃茄牛肉湯面同肉燥飯到掙扎最後揀左店長推薦既路邊攤小香腸肉燥飯（套餐：$56）黎食 因為聽人講話蝦仁卷好食 我就加左8蚊既黎食咁就可以又食台灣香腸又食到蝦仁卷野飲我就揀左黑糖珍珠鮮奶茶野食黎到啦 睇落都幾開胃 又有蛋又有菜 仲有肉燥 香腸同蝦仁卷我就梗係試左香腸先 個香腸上面有d類似爆蒜既配料加埋一齊食就令到成條香腸個口感提升左一個層次 差d就一下子食曬d小香腸 飯都唔記得食然後就試個肉燥飯 個汁配落幾好食而我最鐘意既係個蝦仁卷個蝦仁卷有d似天婦羅 但係又冇天婦羅咁多面粉所以個人黎講係好鐘意哩個蝦仁卷值得encore最後都係7、80蚊 抵食！！…查看更多

今日去搵朋友 行到餓餓地就去左間啱啱新開既鋪頭（最主要係門面好吸引，係周圍都係石屎，突然有間鋪用左大量植物裝飾）見價錢都叫合理就去試下一入到去，果然係我最鐘意既decoration成個人感覺都好relax我同朋友一人一個lunch set，分別叫左香煎鱈魚同肉眼扒好，上菜啦！首先係西蘭花餐湯我個人都幾鐘意，夠creamy之後就到主菜（香煎冰島白鱈魚檸檬荷蘭汁配薯菜）一上到黎我都有d嚇親 份量好大呀個白鱈魚煎得啱啱好 再配埋個汁食開胃得黎又唔會覺得好膩佢低層仲有荷蘭豆 感覺都幾新鮮同有誠意我朋友個款係（澳洲有骨肉眼紅酒汁配薯菜）睇個菜名都知係紅酒汁 配肉眼一流個肉眼叫左5成熟 食落嫩嫩地 都幾好食我自己就鐘意白鱈魚多D 可能因為我最近食得太多肉 突然鐘意清淡dD店員都好nice 個裝修真係幾靚 感覺好green打卡一流（我同朋友影左好多相）所以值得encore! …查看更多

今日去九龍灣探朋友就揀左哩間用熊仔黎做主題既餐廳間餐廳面積好大，仲要好多熊仔公仔做擺設，有熊仔去旅行既畫、刺繡，睇得出個餐廳都係有擺心機落去做熊仔主題 唔單止咁 佢地仲有個熊仔既兒童專區可以俾d小朋友係個到玩地方寬敞舒服 唔會逼店員好有心帶我同朋友坐左係隻熊隔離仲話俾我地聽隻熊叫咩名野食方面 我地叫左個二人餐（$298 for 2)前菜：紅蘿蔔湯+包+法式香草牛油焗田螺主菜1: 安格斯牛肩扒配薯菜我地叫左5成熟牛肩扒 個扒食落嫩口都要讚埋個薯菜 好脆好好食主菜2: 芝士焗蜜桃汁去骨雞腿飯本身食完個扒個口有d乾哩個時候雞腿飯就到啦蜜桃甜甜地又多汁配落同雞腿連芝士飯一齊食好正仲要份量好大 我食左一半已經飽飲品：黑熊同白熊特飲（可樂+朱古力蛋糕/ 雪碧+雲呢拿雪糕）好可愛！！符合緊成個熊仔主題！個雪糕仲要夠凍（由前菜食完個主菜 個雪糕都冇咩點融 可以當埋甜品咁）甜品：心太軟幾好食 用心太軟黎幫哩餐畫句號簡直完美！店員仲要個個都好nice 我同朋友周圍任影唔嬲 又會問我地d野啱唔啱食 又會推薦我地食咩總結：值得一黎…查看更多

今日同朋友食夜晚飯，佢話最近熱氣想食得清淡D...咁好啦 我地就諗住食下素，養下個胃⋯⋯於是就揀左哩間新式素食⋯⋯平時D素食鋪都好似好中式咁，哩間餐廳就同傳統既完全唔同！佢係用紫色做主題，D枱枱凳凳又好別緻，拎黎打卡一流！好啦 點菜之前梗係要睇睇open rice 有咩推薦。我地點左最熱門既香芒牛油果苜蓿手卷、素大哈炒金邊粉、黑松露鮮蔬炒飯同印度薄餅。香芒牛油果苜蓿手卷（$38一件）手卷一直以為點都要有飯先係手卷，結果哩個就用左苜蓿代替飯，食落有dd爽口再配埋芒果同牛油果，食落好fresh! 下次再去絕對要叫多兩件人女素大哈炒金邊粉（$98）隻蝦好好食 我同朋友一人一隻金邊粉食落小小辣黎調味爽口又好食黑松露鮮蔬炒飯（$108）食落好濃既黑松露味同平時既炒飯唔同印度薄餅（$25）哩個平時係要配咖喱食，不過我地個日唔想食咖喱就單點哩個黎試下（睇人推薦話好食）結果，真係好食！！奶香味重，加上夠熱，食落一D都唔會覺得溜。店員仲好細心見我地冇叫咖喱 俾左沙律醬我地點tim! 個人黎講最鐘意既係牛油果苜蓿手卷同牛油薄飯最後+埋兩個人都係食左200幾蚊！超值之選！…查看更多

今日同朋友行街，突然好想食牛咁就搵到哩間評價幾好既石燒店就諗住試下 哩間鋪頭一入去就自助售買好有趣 平時香港都好小見買完就拎收據同店員講 就可以安排入坐因為去個陣唔算夜 所以都好快就入到去坐地方都算寬敞企理 個位夠大裝修都傾向日本風坐到入去一開始職員叫我地帶圍裙Hahaha 好彩有 我幾驚整污糟我件衫然後去自助既沙律吧（有柚子醋同胡麻醬揀）湯就有面鼓湯（材料好用心 食到入面有菇）飲完湯 食完沙律 重頭戲終於黎啦！我點左牛柳200g ($110)好細心 個牛上面有廚房紙遮蓋我等左陣先揭起 驚仲有彈油一揭起 番牛都仲有血 我就拿拿聲切到一塊塊然後+埋d粉紅鹽 黑椒落塊牛柳 等佢慢慢熟中間就出去自助吧*筆*飯同拎調味料（烤肉醬）飯係珍珠米 有海苔粉調味（哩樣值得一讚）牛柳真係好食（先有粉紅鹽同黑椒調味，之後仲有烤肉醬配飯）好食！哩一間值得再encore!!食得飽又唔貴！…查看更多

早兩日我朋友生日約食飯佢話想食日本野 我就醒起有同路人share過哩間新開冇耐既食店諗住去支持小店地理位置幾好 一出太子站再直行幾分鐘就到鋪面唔算細 坐落都幾舒服一睇個menu嚇親40蚊一個飯 真係有d擔心小店咁平頂唔頂得住租我同朋友一行三人 叫左一份蟹籽沙律 一份玉子燒一碟中吞一份細既雜錦刺身兩碗刺身丼同一碗雞肉飯雞肉飯同刺身丼份量非常多！絕對飽肚又好食！最想讚既係雜錦刺身（有海膽 三文魚 甜蝦 帶子等）三文魚厚切 海膽我平時都好怕食到有腥味哩間既海膽唔腥仲要係鮮甜好食個種中吞鮮味 不過可惜佢冇大吞可以俾我食但係$28兩件 真心抵服務態度非常好 個日鋪頭收十點 我地坐到九點半 其他客人都走曬 服務員仲好好態度幫我地斟茶全單盛惠$488 （每人消費大概$162左右）咁既服務 食物 同價錢！值得一去再去！P.S. 個日有幸見到老闆 係個好nice 好有熱誠既靚仔…查看更多

因為工作關係又黎到 九龍灣平時都冇咩機會去mega box 今次有朋友推驚去哩間同路店幫襯我叫咗蕃茄烏冬，再加一個甜品。蕃茄味濃同烏冬爽好又彈牙！最正始終係個甜品，甜品我哋揀咗冬甩配雪糕。個冬甩個皮夠脆，啲焦糖醬加埋啲雪糕，又鹹又甜😋。不過我覺得最冇得頂，係隔離有一個花花造型嘅紫薯cream！簡直一流！…查看更多