siuyee2023的个人专页

今日難得過慶祝紀念日，一於要揀呢一間餐廳，我Mark咗好耐㗎啦！佢位於永光9樓，夠晒就腳，一入到去已經俾佢啲擺設吸引住，有流星機啦同埋好多關於酒嘅擺設，好有情調喎！ 我哋頭盤就揀咗呢個蒜頭法包，第一次食，感覺都唔錯，好香蒜味，又夠熱！ 主菜就梗係要呢個澳洲龍蝦啦，佢係原條上㗎，係真係成隻龍蝦，超誇張！ 半隻都有成隻手咁大㗎，個賣相擺設都好靚！ 甜品就要揀呢個甜甜蜜蜜嘅疏乎厘，充滿着招香，仲要鋪住我鍾意食嘅士多啤梨！ ❤️呢間都幾高質素，整體都唔錯👍…查看更多

終於都考完晒試，交晒所有project，係時候要對自己好啲，揀咗好評如潮呢間舖頭，喺旺角市中心地點夠晒就腳👍我哋兩個個女仔嗌咗泰式烤牛扒溫泉蛋丼飯share 食，牛扒好大塊，加埋特色醬汁加芝麻，肉味好香，夠晒腍，再跟埋溫泉蛋嘅蛋汁，成個飯嘅份量都好夠！我哋兩個人share食都已經有七成飽😂不過未夠喉，因為見到佢個餐單太豐富啦，我哋再嗌多咗個串燒拼盤同埋燒扇貝！ 價錢一啲都唔貴，串燒拼盤好足料，自己最鍾意食係明太子雞翼，好欣賞佢哋個心思，入面釀滿明太子，兩者嘅味道好夾，其他串燒同埋翠玉瓜等等都好好味👍燒扇貝都係好大份，扁頭鋪滿晒蒜蓉同埋香蔥芝麻，份量好大，味道又好惹味，食完好滿足👏😆…查看更多

聽朋友講呢一間茶記都好正，啱晒踩完單車入嚟搵好嘢食。 見到個餐牌都好豐富，我哋唔算太肚餓，所以叫咗個沙嗲牛肉包同埋卡邦尼意粉！ 又有驚喜喎，個沙嗲牛肉包好吸引，沙嗲牛肉好多，鋪滿晒成個包，爭啲唔夠位裝咁滯😂 上枱亦都係好熱辣辣，個汁係好加分，成個包我哋share食，好Yummy！ 個卡邦尼意粉都係好出色，煙肉個份量好多，掛晒汁，好好味，咁樣嘅價錢都係幾十蚊，真心比好多西餐個質素高幾皮👍另外試咗佢哋嘅樽仔奶茶，好得意，細細個嘅樽，但係原來唔係剩係得奶茶揀，可以揀咖啡都得，個奶茶都係好出色，茶味好香，茶同奶嘅比例好好，又唔會偏甜👍整體嚟講，呢間茶記都係好出色！ 👍…查看更多

屋企咁啱有人生日，佢哋話提議生日飯要食中菜，咁就揀咗呢個網上面有好多好評嘅打冷餐廳，都幾旺場喎，嘢食都幾高質！ 最欣賞係呢個焗魚春，係坊間好少有嘅，同埋佢好夠鑊氣，另外呢個西蘭花炒龍躉都係好好味，西蘭花中和左龍躉嘅油膩，啲龍躉肉肉都好大塊，好滑身！ 佢哋嘅啤酒都做緊推廣，我哋就嗌咗啤酒同埋凍檸茶，凍檸茶都好大杯，整體嚟講份量都好大，性價比都好高，不過我哋叫咗個蛋糕去，始終都收咗切餅費，如果可以免切餅費就會更加錦上添花啦…查看更多

馬會俾咗啲優惠券我，喺呢間餐廳食嘢，可以有啲折頭，咁一於幫襯下！ 嘢食幾高質喎，叫左個卡邦尼意粉，服務好好，好有笑容，除咗有嘢食之外，呢度仲有嘢玩，有足球機，或者係模擬賽馬，都幾好玩！放假食嘢兼可以放鬆一下，推介👍…查看更多

麥當勞最近做緊好多推廣，自己咁啱就job 咗呢個親子會，有好多嘢送喎，有好多迎新禮物，之後買餐亦都會送薯條等等，但登記優惠都會可以喺app度睇到。 今次除咗幫襯咗親子之外，另外仲買咗個巨無霸包，份量好大，薯條熱辣辣脆卜卜，好味！ …查看更多

呢間車仔麵嘅人情味真係幾高嘅，同埋佢哋開得都比較夜，有一次收工收得比較夜， 10點幾先返到嚟葵芳，成個葵涌廣場都係得返呢間仲有開，收工再食返一碗熱辣辣嘅車仔麵，咁就完全心滿意足啦！ 不過值得一提嘅係，如果比較夜先食嘅話，有好多餸菜有機會都冇咗，今次我就試唔到自己最鍾意食嘅咖喱魷魚，咁都冇辦法啦，唯有等下次🥲…查看更多

喺荃灣附近住咗咁耐，要帶狗狗出去一齊食嘅選擇都比較有限。咁適逢其實依家嘅天氣都唔算太熱，咁就一於帶埋狗狗出街啦😆揀咗呢一間喺商場嘅餐廳，其實已經唔係一次去㗎啦，都去咗好幾次，次次都係帶狗狗坐出面，雖然天氣冇夏天咁熱，但係坐出面都幾翳焗，好彩佢哋嘅風扇係有凍風出，呢個就比較錦上添花！ 食物方面，喺OpenRice訂，有八八折，不過食物質素就未算太好，偏鹹同埋偏油，咖啡就正正常常，不過主子坐得開心，有得出街街玩就心滿意足了😍🥹…查看更多

呢間嘅章魚燒，喺葵涌廣場真係數一數二，次次嚟親都一定會排晒長龍，但係佢哋嘅服務態度真係比較差，我見啲職員都做到忟忟地，雖然食物係高質嘅，亦都幾抵食，自己最鍾意食嘅就係原味大阪燒，不過服務態度有待改善！ …查看更多

呢間燒味飯都幾出名㗎，勝在價錢夠抵呀嘛，依家仲要開埋兩餸飯，不過兩餸飯就略嫌個份量唔算太高，飯就多，餸菜嘅份量就比較較少，所以加大啲份量就會比較好！ 雖然係咁，但因為價錢實在太低，所以晏晝都成日見到人來人往排晒隊…查看更多

雖然米線真係我嘅至愛，但係呢一間嘅服務態度真係好差，我明白都一定係唔可以要求太高，但係我始終都係有消費，姐姐啲態度有啲呼呼喝喝🥲 仲要餐具有次黐立立，唔算話太衛生乾淨🥲 食物再高質都冇用…查看更多

呢個品牌開到周圍都係，綠茶高質保證有質素，呢日平日嚟，冇乜人，環境幾舒服，買咗杯熱綠茶咖啡鮮奶，雖然價錢都偏貴嘅，不過勝在用嚟打吓卡咁囉。拎咗上去商場嘅頂樓度飲，配埋個環境天氣，唔太熱有啲涼風，其實都幾舒服嘅！ …查看更多

每逢週末，要帶毛孩出街嘅話，想搵一間舒服又性價比高嘅餐廳，首選就一定係南豐紗廠呢一間，價錢好抵食，而且點心嘅選擇亦都好豐富！ 自己最鍾意食嘅就係呢道蝦餃，皮薄餡靚，最重要係個蝦夠晒大隻，茶水嘅選擇亦都好多，茶味好香濃！ 值得一提嘅係佢除咗好多唔同嘅點心之外，都有好多碟頭飯食，唔夠飽嘅朋友可以嗌乾炒牛河，楊州炒飯等等⋯都係唔錯嘅選擇！ 另外亦都好欣賞佢哋嘅服務態度，嚟得呢度全部都係有帶狗狗嘅朋友，姐姐完全唔驚狗，有陣時亦都會同狗狗玩，夠晒人情味…查看更多

呢間墨西哥卷都唔錯，不過就略嫌佢嘅價錢比較貴，如果要再加多啲唔同嘅菜式就要再另外加錢，所以性價比亦都唔算太高，不過就喺葵涌廣場度墨西哥卷嘅選擇比較少，咁喺冇乜選擇嘅情況下，如果想食墨西哥卷嘅，就唯有揀佢了😪…查看更多

好抵食呀，每次夜晚要食甜品就一定食呢間，最鍾意係佢哋可以自己揀配料，鍾意食芋圓嘅亦都有好多唔同嘅選擇，例如有焙茶圓，包心芋圓，唔鍾意食芋圓嘅亦都有好多唔同嘅選擇，例如楊薏米，爆豬等等，全部加埋我最鍾意嘅淡奶，正！…查看更多