christybbh的個人專頁

第一次食，見咁多人，中環又有尖沙咀又有，心諗都係普通茶記應該唔會難食得去邊？ 餐收$68，都幾貴窩！哇！ 難食到，蕃茄豬扒通粉個蕃茄湯淨係落鹽，鹹到唔會飲。喇沙雞翼米線，喇沙就勁淡，雞翼就係燶嘅….. 杯咖啡酸到飲唔落。。。平時我都冇咁挑剔，但呢間真係千祈唔好嚟。。。伏…查看更多

慕名而來嘅麻辣風雲🥵🌶️ 禮拜五夜晚真係好多人排隊，大家記得book定喲🤣 我第二次去就揀左禮拜六tea去食，就無咩人可以慢慢hea下😋😋🍞炸饅頭，外脆內軟嘅口感，蘸上煉奶好正啊，另外一個食法就係蘸滿酸菜魚嘅湯汁，酸酸辣辣好過癮🌶️🥰🥳🐟酸菜魚都好好味，叫左小辣，感覺酸味出啲😋 啱曬怕太辣嘅朋友仔👍🏻👍🏻📍麻辣風雲 (旺角)📌旺角彌敦道628號瓊華中心10樓🚇 旺角站E2出口…查看更多

10月份去左Hotel Icon 唯港薈嘅下午茶🥰 今次聯乘法國品牌嬌蘭，以蜂蜜作主題🤩🐝📍食物包括印有皇蜂標誌嘅馬卡龍、蜂蜜乳酪芒果奶凍、蟹肉魚子脆餅、水牛芝士配西瓜青瓜串、芒果摩絲拿破崙餅、當然唔少得鬆餅配奶油忌廉、紅桑莓荔枝玫瑰果醬及藍莓檸檬馬鞭草果醬，仲可以無限添蜂蜜乳酪雪糕，真係都正啊😋😋💰人均$417 連加一服務費用GREEN (尖沙咀)📌尖沙咀科學館道17號唯港薈地下🚇 尖東站P2出口…查看更多

成日都見到好多人排對，係上水有兩間分店添。我就幾鍾意奶蓋芒果，士多啤梨同提子味，飲落去唔會係有人工假甜，都幾足料，所以成日都飲另外都有試過髒髒黑糖奶茶，我覺得下次要叫少甜…查看更多

平時對芝士奶蓋冇抵抗力，見到旺中呢間排晒長龍嘅堅果奶蓋咁濃厚就梗係唔試唔得🤩每次經過旺中都必嗌，佢嘅奶蓋永遠都多過杯嘢飲，啱晒我哋呢啲最鍾意食奶蓋嘅人😙😙1. 宇治抹茶堅果奶蓋茶 $34 （宇治抹茶帶甘味，配埋奶蓋嘅甜度啱啱好😋）2. 伯爵朱古力堅果奶蓋茶 $46 （鍾意朱古力一定唔可以錯過呢個排名一位，佢嘅奶蓋係混埋堅果同朱古力真材實料😌）3. 四季春堅果奶蓋茶 $34 （嗰陣點呢個想飲茶主要解口渴，如果想追求特別嘅口味，呢個非必點🤔）4. 堅果珍珠奶茶 $37 （朋友帶咗少糖少冰，點知伏到爆炸，完全冇甜味冇奶茶味，剩係得淡淡的堅果加茶味，絕對唔值$37呢個價錢🥺）…查看更多

心心念念咗好耐嘅Muji Cafe 終於去左試啦🥰 尤其佢嘅二人份量梳乎厘奄列真係太吸引啦，去個陣大概11am，得一兩台客人，未食早餐但又唔係好肚餓，所以就嗌左份salad同呢個甜品😌1. 梳乎厘奄列 $108 （有舊light cream cheese 係隔離卑你夾住梳乎厘黎食，會無咁膩，同時提供蜜糖&朱古力醬卑你淋係梳乎厘上面😆 但個人覺得梳乎厘上面嘅焦糖已經夠甜，淨係輕輕加咗少少朱古力醬試下就算😙 呢個梳乎厘真係二人食啱啱好，唔係會好膩，真係好滿足啊）2. 南瓜雞肉沙律 $98 （南瓜好甜，雞胸肉好嫩，配埋酸酸甜甜嘅醋真係好夾，好快清曬，但略嫌份量有d少，justify唔到佢要$98🥺）食完之後，睇下佢提供嘅書hea下，走個陣已經午餐時間，好多人黎食同買takeaway添！😯 大家下次黎可以早d黎 hea下咁就唔駛同好多人逼啦😌…查看更多

入秋啦🍃 去村屋cafe感受下寫意嘅環境，終於黎到呢個超級隱蔽嘅ATMA😆 聽朋友推薦佢嘅烏冬，點知黎到竟然得麵包做午餐😂1. 黑松露醬野菜奶油漢堡 $60無肉嘅漢堡包，d醬配埋唔難食，但唔夠飽🙂2. 瑪麗玫瑰雞肉杏仁手工黑麥包沙律 $60個沙律幾清新，雞肉都好嫩，呢個都值得推薦😌3. 雙重起司莎樂佛卡夏$50超多芝士，拉到絲，好濃郁and好味😋4. 純素朱古力厚燒 $40係朱古力餡麵包😅好硬同乾，唔值40蚊.....5. Flat white $356. Dirty $35地址：ATMA (上水)上水上水圍文閣村46號地下🚗有錶位停車場🚇港鐵上水A4出口，步行約15分鐘⌚️ Tue-Sun 12-8pmClose on Mon😯…查看更多

今次黎尖沙嘴食港女下午茶🥳 Book唔到paper moon🥺唯有試下Amelia Hong Kong😌 不過當日個天灰灰暗暗就無坐室外 無睇維景lu1. Amelia Signature 3 layered tea set $580/2 pax： 有6件鹹點，10件甜點，2件scones配cream cheese同strawberry jam，仲有兩杯茶/咖啡；總括而言，鹹點嘅煙三位魚三文治同撻都好好味，但甜點我覺得得orea cream cake好味，最頂層嘅馬卡龍同貝殼蛋糕無咩味...😂 不過都好睇每個月嘅tea set menu，上個月嘅睇落吸引好多🤓2.玫瑰果洛神花茶 $40: 另外都嗌左杯酸酸嘅茶，提供埋茶壺，倒出黎都有四杯，好適合食完甜點解膩ga！3. 炸雞配辣椒醬及七味粉 $108: 好想食炸雞所以點左，不過好普通真係唔駛試😌…查看更多

本身都鍾意肉骨茶嘅我真係恨不得將馬來西亞同新加坡出名嘅都試曬😙 蘇媽嘅肉骨茶分開上真係好似一碗中藥啊🤣1. 百吉肉骨茶-豬腳彎 $48黎到先知肉骨茶碗size 同飯碗一樣😂 好彩肉都有4/5舊，都夠食，我仲加左$12 轉套餐有碗白飯添😗 我一定係撈飯食先夠滿足😙 不過略嫌呢個肉骨茶有d甜，我比較鍾意清甜會健康feel🙈 2. 椰香咖央多士 $28焗燶咗好彩都接受到，我好想買入面嘅醬翻屋企慢慢食啊，真係同花生醬一樣上癮😌3. 怡保雞絲湯河粉 $55呢個湯好清甜，河粉嗦埋d湯真係好入味，懶健康想無咁熱氣就嗌黎食啦😆4. 桔仔話梅水 轉套餐+$12 好抵飲，飲極都仲有一半，朋友仔更到落自己水樽慢慢飲🤪 酸酸甜甜好開胃！…查看更多

NOC Whampoa 海景cafe🌈平日黎到呢間空間感十足嘅Cafe，打算一路食嘢一路溫書，由於有落地大玻璃， cafe內裏亦光線充足，係呢度逗留半日真係好chill⭐️1. All day breakfast $148 （有薯餅，煙肉，牛油果三文治，炒蛋，番茄仔，蘑菇，所有都煮得啱啱好，好好味😋）2. Creme Brulee cheesecake $68 （上面有層焦糖，食落係軟林林嘅芝士蛋糕，好味😋）3. Iced Matcha $55 （正常水準😌）4. Iced White $48 （咖啡豆嘅味幾香，有驚喜😜）…查看更多

酒鍋抵食午市套餐🤩必定encore😌係openrice一早book定12nn食lunch，又安排左最近玻璃窗嘅位，目測有5-6張檯係最近睇海景😜 1. 黃金美人鍋 $78 （人氣之選，超級好味嘅胡椒鹹酸菜豬肚湯底😍 仲有花膠‼️連啲湯都想飲埋，真係好想加碗白飯撈嚟食🙈 煮到最後真係黃金色 好濃郁 好想再食😚）2. 足料蕃茄洋蔥紅蘿蔔豬展鍋 $59 （伏！一舊豬展都搵唔到🤣同埋超級普通，番茄味亦唔夠濃郁，後悔點了呢個🥺）3. 羅漢果菊花茶 （套餐附送，夠清甜解膩😌）…查看更多

sushi kyushu ichiba 寿司九州市場 🍣1. 蟹味噌甲羅燒 $68 （我鍾意呢度嘅蟹膏多過日本間磯丸水產，可能呢度無咁甜無咁膩😌）2. 九州市場海鮮丼 $198 （壽司一樣鮮甜，但圖文不符，有縮水成分🤨）3. 海膽壽司 $56 （海膽勁鮮甜😚）4. 蒜蓉燒蠔 $58 （個人覺得蒜味可以再重d就好啦😛）…查看更多