YomasLai的个人专页

本身疫情食到而家，但最近來請茶面果d 亞姐串過碼頭咕喱，本身d 枱已經唔大，要同d陌生人手踭對手踭逼住坐，到有人走咗！我3 個人問可唔可以泊埋隔離張枱？大家都坐返舒服啲又好擺野食d! 果亞姐竟然串我叫左5 疊野咋！點解佢唔諗住我會想加單？本來我習慣快快脆脆落咗第一轉，跟住諗住再加第二轉咁叫，佢講完我即刻唔想俾生意佢再做！佢老闆請著佢真係倒楣！我想講餐廳係會樓轉有人嚟就會有人走！其實講嘢唔使咁串！九龍城點心又唔係得你一間，好食都唔會再返轉頭，咁受氣。…查看更多

好耐冇去Times 食飯，有日買嘢咁啱行過，又換咗商場嘅coupon，即管不妨一試！晚上特別多人排隊入座，但係流動都好快！排10 張飛10分鐘，唔使都可以入座了！本身想食排骨山！但要等30 分鐘，所以放棄了，希望下次有機會試！最後ordered 新加坡大蝦喇沙摻摻，真心吾太鹹，冇味精，連湯食完唔會覺得好口渴！真材實料！另外叫左海南雞飯拼白胡椒肉骨茶，肉骨茶湯濃味帶清，而且好夠熱，呢點重要！海南雞一般，冇乜大驚喜，朋友介紹南洋白咖啡好飲，但也是一般，下次會想試拉茶！斑蘭咖也多士，同椰子雪糕係拼$用coupon 叫！也很不錯！多士脆薄入口即溶埋單$242 ！真係超值…查看更多

香港西式素食店小之又小，最近因為某種原因必須吃素食一段時間，老實講，選擇非常非常少，老公網上面搵到素年，由於係無飯夫婦最近只是食車仔麵冬菰同酸齋，豆卜既我！2話不說第二日即刻去朝聖，見到menu 唔使諗即刻來一個經典漢堡包餐加韓式不可能拌飯唔該我覺得個炸番薯條真係攞滿分，因為係心靈上已經填滿左空虛！當你食過真正嘅牛肉或者豬肉如果食新豬肉其實係完全唔好食好蘇味，但係今次個漢堡包涵一d都唔蘇而且仲好Juice！應該唔係新x肉果類但唔知係乜東東呢！重點在唔食素嘅老公，對佢個韓式拌飯也讚不絕口！由佢當初聽到色素滿頭大汗嚟到好滿意咁就走！證明下次又可以encore …查看更多

本身諗住食西餐，但屋企人想試吓咕窿捐罅既美食，見食評很不錯，即管一試！之前WhatsApp 溝通好菜單！香芒沙律大蝦球4件（芒果新鮮，好開胃）砂鍋大魚頭豆腐湯（住家感覺）薑蔥大肉蟹一只（上菜唔太熱暖，薑蔥太少)八寶鴨一隻(內裡讓左糯米，蓮子栗子）上湯浸時蔬（家常小菜）大蜆燉蛋（平平融融）士多啤梨骨（呢個非常出色）送甜品布甸總數＄2043…查看更多

本身諗住揸車嚟食燒味飯，點知摸門釘，兜下兜下見到間越南餐廳，差唔多10 點冇堂食，泊低架車即刻衝入去睇吓先，今次叫咗我最愛嘅蟹膏湯濛，生牛肉河加個小食墨魚餅，同埋叫咗兩杯特飲，見到佢個Menu真係好想試咖啡，可惜因為係晚餐驚瞓唔着！下次一定要晏晝過嚟！整體來講餐廳感覺乾淨，而且待應嘅服務真係超出預期，首先唔係每間舖頭都主動提供飲用水，而且都唔知幾多年喺呢類小店度食嘢，冇人走過埋嚟問我要唔要加水！但今次有個侍應小姐問我同先生需唔需要加水，呢一個體驗令我好深刻，店舖嘅係青檸檬水！咁熱嘅天氣簡直清泉一樣其實我哋叫嘅都係招牌菜所以味道非常正宗亦都似預期，呢個唔使多講，重點係個墨魚餅！煎香都感受到非常之彈牙！如果去呢度食嘢都建議一試🫢埋單見到原來外賣有八折！如果所有主菜都可以配飲品成套餐！咁樣就會親民同經濟啲，始終地點喺土瓜灣舊區！價錢吸引仲可以吸引到唔同階層嘅人嚟試了!…查看更多

Open rice search 到mikiki 新店，見到個晚市餐牌$88 就有大碟酸菜魚，特登嚟朝聖試吓！計過數兩個晚餐再加多一碟餸都要$300，最後叫咗個228套餐，套餐主菜有酸菜魚，小菜可以在Menu上面揀一樣，今日揀咗口水雞，仲有小食兩碟可以選！加咗$6要烏龍茶！味道非常之正宗，而且唔會因為將價就貨偷工減料，附近有間出名燉湯川菜好出名！但個酸菜魚真係好難食！估唔到呢度咁出色！而且分量充足魚片新鮮而且夠厚身，我諗呢個餐兩個男人就啱啱好，我同老公食就一早投降了！真係太飽！重點係我地唔係食得太辣，口水雞雖然係雪雞，但味道唔辣好嘢味，另外逢一至五夜晚六點後入車場只要係食肆消費$100，就可以泊三個鐘頭！怪唔之得叉電嗰啲位排長龍…查看更多

今日母親節一早訂咗枱，本來開開心心諗住同媽咪食餐飯，點知訂咗個錯地方，從來未去過一間酒樓要咁差，全部員工都係懶懶閒！以下係我嘅實體經驗：大概母親節一星期前，已經想找一個人流比較少比較舒服嘅地方同有長期病患嘅媽媽出去食餐飯，因為媽媽口味偏向中餐，估計可以訂位，實冇死啦！訂位聽電話嗰個問我5:30定7:30，咁我就話7:30 5 位佢話OK，過咗兩日諗住搵佢哋間酒樓網頁睇吓有咩餐食，點知原來佢哋冇網頁！我都覺得好奇怪，點解咁簡單官方嘅餐牌都搵唔到？咁我就再打返電話去又係聽電話嗰個就WhatsApp咗個餐牌俾我，分別係母親節嘅套餐同埋一個散叫餐牌！而我亦都問得好清楚當天係咪可以散叫餐牌！對方話係咁我就冇預早兩天落訂為咗母親節套餐可以平$200（因為母親節個套餐唔係咁啱心水）好啦！到達時已經見到門口好多人等，心知不妙！去到等等等等，大概20 分鐘後我問點解訂咗位都要等咁耐？確認訂位嘅時候唔係有兩個時段咁即係食飯有限時啦？咁唔訂有咩分別呢？跟住個知客求其指住近大門口人哋上菜嗰張枱，叫我哋五個人坐！我話坐四個人都有問題仲要坐五個人？嗰陣時已經八點幾唯有硬着頭皮唔坐繼續等因為都唔知去邊度食，好啦安排到張枱，佢個散叫餐牌唔係WhatsApp俾我嗰張換咗另外一張價錢貴足一倍藍色散叫菜單，當時已經冇曬mood,只想快啲食完快啲走，唯有叫返母親節套餐➕一個小菜，落咗單之後個夥計又走來話冇壽包！咁我哋問可以轉乜嘢佢話只可以轉桂花糕，根本呢個完全唔啱食，好啦你哋經理喺邊？一個粉紅色頭髮嘅人問我有咩事，就一五一十同佢講，佢話位係要等㗎，我哋散叫菜單日日都唔同㗎！我就問咁你地點解唔update我？唔啱食我最多可以唔嚟啫，跟住冇壽包又話只可以轉叉燒包俾我😰，最後重要忘記幫我哋落個小菜。成餐飯講返重點味道5分滿分我比2 分，可以放得入口唔算難食，但$2000幾一餐飯食到我成家人塊面黑過穫底！一張食物相都冇影，因為唔想幫佢賣廣告！自問都去過唔少餐廳寫過唔少食評，呢間真係完全唔推薦。…查看更多

今日想介紹一下呢度dog friendly,門口有大風扇，帶住毛孩有瓦遮頭唔洗曬住，確實不錯，來之前知道呢度有個打卡影相位，可惜長時間有人自拍，直至到離開都未有機會影到相，比較失望！今次係食午餐，食物質素正常，但份量相對嚟講比較少！男士可能要嗌多個先夠！價錢亦都中規中矩。有一樣嘅比較優勝就係停車場，夠大夠闊而且每個車位都有叉電，來嘅當天係Saturday!但係都冇爆喎！呢個比較優勢！weekend 可以考慮再次visit😀…查看更多

堂食去返10點，平時坐到密密麻麻既呢度，今日竟然比我比包場，上次幫襯係晏晝，枱同枱之間有隔板但係非常之近，今次坐到卡位而且近打烊冇人，疫情下食得安心！店舖所有點心水準都很平均，價錢就普通中規中矩，今日點咗七個點心，可惜掛住食有幾個都冇影相，最出色係灌湯餃….通常灌湯餃一夾開就散晒，但係呢度整得好實淨！裏面嘅鮮蝦新鮮，湯底鮮味唔係味精湯！牛肚係我嘅至愛，非常之爽！沙爹汁味道適中！脆皮蝦腸亦都係必叫㗎！入口鬆脆，食得出係即整優點門口仲好多車位！晚事平日9點左右過嚟，基本都有位泊！揸車人士可考慮…查看更多

尖沙咀區，午餐時間人頭湧湧，想寧靜又食得安全，第一時間諗起呢到，先由定位開始，接電話嘅員工禮貌一流，用餐嘅時候每一位員工嘅服務水準都一流，以客為先相信好多餐廳都遺忘咗，但係呢度食嘢俾$230完全覺得自己係一個五星級餐飲服務，對比我喺半島酒店食飯！我會俾呢度100 分！相信好多人都可以喺呢度搵到lunch嘅Menu, 所以都冇特別拍照，上枱全部都係熱辣辣，餐湯主菜非常之暖胃，而且食物味道及新鮮度充足，簡單一個南瓜湯，原汁原味，三文魚亦都唔太鹹！龍蝦瘦身啲，但意粉炒得超好食！埋單先通知第二個餐有七折，呢個非常之驚喜！亦都會再嚟！…查看更多

知道出尖沙咀早一星期已經喺網上預約1:30 lunch time,睇Menu有凍有熱叫，都係日式嘅套餐，凍食主要係沙律，青豆，糖心蛋，菠菜！熱食選擇都算多豬，牛，魚，雞都有適合唔同人嘅口味，最後跟一個飯團或者烏冬！可惜QR code點餐嘅時候,非常之多食物sold out !本身以為很多選擇嘅Menu，最後都係冇乜得選擇🙄️⋯⋯…查看更多

今日想同毛孩一齊出門，搵個近近地嘅地方飲杯咖啡，記得之前喺IG見到呢度幾靚，就打電話去查詢及確認是否可以毛孩同行同泊車情況！店員話最近停車場在啟晴邨🙄️點知泊車行過嚟成25分鐘，好彩天氣都唔係太熱！如果唔係來回行成個鐘真係要$&@#，講返食物！餐牌選擇唔多，價錢亦都普通！食物質素普通，咖啡老實講唔好飲！好淡！情況有待改進，落地玻璃外面向一大片動土沙漠，景觀大殺三方！個人覺得起碼要再過多一年半載先再來！當所有配套準備好應該會有好大嘅轉變，重點唔知點解高級住宅商場係冇停車場？？究竟係店員唔清楚🤔定真係冇而家都係一個迷…查看更多

老公找到乳豬卡邦尼意粉，話想去試吓！gogogo!可能平日人流唔多餐廳亦都唔滿座，去到門口先order付款，之後夥計會送到面前！飲品全部都係樽裝，我叫咗個檸檬伯爵茶（薄荷葉）期待好特別，原來係凍檸茶😆食物水準不錯，本人就點左冬陰功意粉，味道濃郁亦都唔算太辣！老公就點左凍奶茶可惜佢話好甜！另外亦都加咗雞翼！講真食物質素真係唔錯價錢亦都平！所以特登揸車嚟幫襯都值得！商場最低消費兩小時！滿$300有泊車優惠！可以夾兩張單！一期消費亦都可以！建議有小動物嘅可以去一期，因為有間寵物用品店，一定買夠免泊車😆…查看更多

因為疫情嚴重，想同爸爸4 人去間人少少酒樓飲茶，之前爸爸好喜歡銅鑼灣禮頓道嗰間鳳城，上網見到九龍灣都有，而且地點應該唔係太多人！早2 天預約了！裝修算係比較新派，而且食物也很精緻！水準不錯，而且招呼也比很多酒樓好很多！這點強烈推介及重要，12 個點心加炒飯！當中櫻花蝦燒賣同龍蝦湯鮮竹卷非常鮮味，口感十足！味道也掌握得很好👍本人比較推介！而且炒飯亦都炒得好乾身！好少茶樓仍然做到！呢個我亦都推介！松茸螺頭湯就普普通通吧！$78 元呢個價錢，我覺得唔叫都冇壞！埋單$844！星期日商場只有兩小時免費泊車！這點比較失望！想吸引人流應該以消費單去計算，增加免費泊車時間！利申（後來在商場消費加埋飲茶超過$2000）…查看更多

呢個Beans在沙田已經好想試，可惜地點唔就腳，而且每次都要排隊，所以都冇機會今次剛好喺德福開咗店，去完銀行咁啱唔使等太耐立即試吓！見到佢個lunchMenu$都非常優惠！而且選擇都好多！11點至到6點嘅午餐，仲可以去邊度搵😂如果lunch Menu唔鍾意仲可以全日all day breakfast!啱晒我晏起身呢啲懶鬼，今日ordered 黑松露軟殼蟹意粉加凍美式咖啡！水準滿分！味道很creamy 而蟹亦很juice 一定唔係炸起放咗好耐！係即整！咖啡又唔苦澀！外面很多美式咖啡！根本苦到唔可以入口，$100 有找！非常值得！期待下次來try all day breakfast!唔怪得咁多人排隊！…查看更多