mydiarycom的個人專頁

前排去咗佐敦行街，行到攰就決定去食一碗熱辣辣既拉麵😋🥢濃厚雞白湯拉麵 🍜．依個係期間限定既味道⏰👀． 慢煮雞腿叉燒同慢煮雞胸叉燒，肉質都好嫩滑唔鞋口🤤🍗．湯底特別加咗清甜既素菜湯包括薯仔、洋蔥等，令到湯底更加豐富，口感更加層次分明🌿🍠．但湯底仲有唔少既改善空間，湯底比較油膩，但係濃郁度唔太夠，感覺唔係好夠味，希望店家能夠加強湯底既濃郁度，令依款拉麵更加完美🙏👨‍🍳…查看更多

那杯早餐紅茶 ($20)🍵．依杯紅茶入口之後可以感受到茶葉既苦澀同甜味，仲有d焦香🍵．杯上面既圖畫好可愛，係爵爵同貓叔既聯乘設計，令飲茶變得更加有趣🐱．依杯紅茶唔單止帶嚟味覺同視覺上既享受，仲係一種放鬆心情嘅方式🍵…查看更多

銀咖哩——🍛係一間以日式咖哩為主打既餐廳，本身已經食過好多次，但食依款咖哩飯真係第一次🤔🥢富士山咖哩飯 ($99)🗻🍛．咖哩汁既味道唔算好濃郁，但係好多汁💦，夠撈晒成個飯🍚．配菜有：吉列豬扒🐷、雞肉腸🐔、奄列、流心煎蛋🍳同漢堡扒．吉列豬扒同埋漢堡扒稍為乾左少少🤌．最令人驚訝既係，依個咖哩飯真係超級超級超級大份量！重量達到1.5公斤！🤯．一個人根本食唔哂😫，建議可以同朋友分享👭，非常適合同朋友黎挑戰一下💪銀咖哩——🍛係一間以日式咖哩為主打既餐廳，本身已經食過好多次，但食依款咖哩飯真係第一次🤔…查看更多

以前食爆谷通常係因為睇戲先食，但依家就算睇唔睇戲都會有時想買返包黎食下🍿😋🥢士多啤梨味爆谷🍓🍿($66)．爆谷睇落好似好脆身，好似幾吸引🍿．但係我食落去之後，發現味道同我預期嘅「🍓士多啤梨味」唔同．佢係一種又鹹又甜既味道，完全無任何士多啤梨味😕．依款爆谷有一個好困擾既問題，就係佢好痴牙😬．仲有一個問題係，依款爆谷上面既粉紅色會甩落d手指上面，我唔知係咪因為添加色素既關係所以先會咁，但係真係有d令人不安🤔🤷‍♀️．價錢方面：佢比同size普通焦糖味貴多$30💸，性價比都唔高🤔…查看更多

🥢爆蛋雞肉飯 ($57)．米飯好均勻咁鋪係碗入面，上面鋪滿左一層雞絲同咸菜，再加埋一隻完美既煎蛋🍳．成碗飯就好似台版既親子丼😂．蛋黃係流心既，當我插隻匙羹落去，蛋黃就即刻流晒出黎😋．將d 蛋汁同雞絲撈埋一齊之後，令我食唔停口😋．美中不足既係，🍗雞絲唔夠嫩滑，同埋雖然有蛋汁，但係成個飯都係乾左少少🧐…查看更多

每日食晏最煩惱就係唔知食乜好😵‍💫，但無論如何都想健康為主💪🥦🥢煙三文魚煙肉炒菜無米飯🍚($70)．依款炒飯用左椰菜花飯，佢係一種低卡、健康既食材，唔單止可以令炒飯更清爽，仲可以令整道菜更健康😋．依碗炒飯既主要味道黎自煙燻既三文魚同煙肉🍖．煙燻左既三文魚好鮮美，煙肉既鹹香味亦都岩岩好👌．整道菜既口感好豐富，每一啖都可以品嘗到唔同既味道👅如果你鍾意健康美味既炒飯，咁依款「炒飯」絕對係一款唔少得既菜式🤤…查看更多

間鋪既名叫做「甜記」，我本身仲以為佢係賣糖水之類🍧但原來佢係賣餃子，而且我發現原來依間鋪既餃子都算幾好味wor😋，真係唔應該只係睇住個名就咁快下定論🥢栗米芝士雞肉餃🥟 ($44)．可以揀煎餃定係湯餃，因為想食清淡d，所以我就揀左湯餃．湯底可以揀：蕃茄湯同埋雞湯🍲，今次我就揀左雞湯，佢既味道唔會太濃烈，但係都幾滋味既👌．d餃睇落好吸引👀，餡料入面既雞肉都幾滑🍗栗米亦都幾甜🌽，整體黎講味道算係唔錯👍．唯一有d可惜既係佢入面既芝士味道唔夠突出😔，只係有d微微既芝士香氣🧀．唔止餃子好食，店家亦都提供左d辣菜脯🌶️(圖5)，可以配埋餃子食，味道好正架如果你有機會經過依間餐廳，唔好錯過啊！😋…查看更多

．之前去左神戶，食完晚飯先見到依間鋪，但見到原來香港都有分店，所以諗住返到黎香港一定要試下😍．2月10號🗓️銅鑼灣開左新分店，好開心岩岩只係開左幾日就上左去食🤩．依邊景觀非常開揚，坐窗邊既話可以坐擁無敵大海景🌊，店員同我講話依樣野係中環分店無架😆因為第一次食，所以首先想叫個套餐試下先，因為勝在乜都有下😏🥢嚴選極8品套餐（一人前）($598)．🍴包括前菜、特選燒肉7款（神戶牛西冷、特選肩胛薄燒、腰脊蓋肉、牛板腱、臀肉心、上肩胛肉、特上鹽牛舌）、燒野菜拼盤（4款）、湯品（蛋花湯）、食事（冷麵）同埋甜品（時令鮮果奶凍）．前菜-🥕白蘿蔔同醃潰野菜非常開胃-亦有刺身，包括和牛、甜蝦、帶子，🐄和牛既牛味濃郁，海鮮非常新鮮同鮮甜🦐．🥩特選燒肉7款-店入面既神戶和牛🐄係得到「神戶肉流通推進協議會」既認證🏅，全部神和牛都係能夠出口既最高質素級別-除左神戶牛之外，其他牛肉都達到A5既級數👍🏻-上碟既時候店員介紹最佳既食用次序，講解非常專業同帶到畀客人唔少有關和牛既知識-每款和牛都有建議返客人點唔同既醬料，非常講究🗣️-醬料包括：日本醬油、岩鹽、胡椒、檸檬汁、芥辣、燒汁-神戶牛西冷：入口即溶，油脂食起上黎好清爽唔油膩😋-特選肩胛薄燒：入口即溶，肉味濃🤤-腰脊蓋肉：有豐富既油花，肉味濃郁🐄-牛板腱：脂肪比例分布平勻，肉味軟嫩🤤-臀肉心：肉質結實，相對其他部位無咁油膩，好有咬口💪-上肩胛肉：本身已經上碟前廚房已經搽左少少燒汁，油脂較重，入口順滑😍-特上鹽牛舌：牛舌建議加上檸檬汁咁食，幾有咬口🍋👉🏻推薦：上肩胛肉👉🏻建議食法：除左牛舌同埋上肩胛肉外，我全部都係點芥辣，估唔到點芥辣係超夾牛肉小插曲：．本身想食完再另外叫多份上肩胛肉，因為實在太好食😋．但店員建議我地食晒成個set先再叫💡．因為如果叫一份肩胛肉既話有成7-10塊，怕我地食唔晒😮．依到店員服務真係好好，好以客為本，希望客人可以有最好既進食體驗💛．燒野菜拼盤-有冬菇、兩片南瓜🎃、兩塊青椒🫑、洋蔥🧅-冬菇切到好靚，上碟好似食物模型🤩-南瓜幾甜、青椒微甜、洋蔥都係甜甜地一d 都唔辣架wor😮-依種野菜質素食得返日本當地食既七成水準👍🏻．蛋花湯-好有兒時媽咪煲既蛋花湯既味道😳．🍜冷麵-麵係用拉麵，但食落好似蒟蒻麵，質感彈牙、煙韌😋-店入面有湯既食品都係用牛肉黎做湯底，好有鮮味🤤-加上泡菜，令到個湯底帶有微酸👍-所有野加埋一齊口感好清新，岩晒岩岩食完燒肉，可以清下口腔入面既油膩感😌-依個真係好驚喜，無諗到咁好食，本身睇個樣以為普普通通😮真係食完一啖又一啖😋．時令鮮果奶凍-今次時令鮮果係藍莓🫐，但我覺得較為酸左少少😔-奶凍口感非常順滑，奶味都幾香😍由於食完以上既野之後太好食，所以決定encore!😋🥢和牛冷麵 ($72半份)．可以揀半份或者全份，全份既話個價錢係$138．可以畀客人咁樣選擇真係好貼心😊，因為食完燒肉再食全份既話真係食唔晒😋．基本上成個味同上面講左既「冷麵」係無咩分別，只係加多左d 和牛🥩．和牛雖然係放係冷麵到食，但肉質一樣出色，食得出都係靚牛😍．同「冷麵」一樣咁好味😋🥢牛舌．依款牛舌係厚切，已預先剪開✂️．因為牛舌要全熟，咁樣會易燒d🔥．店員建議我地每邊燒一分鐘，然後再重覆幾次．唔好煎晒四邊，因為咁樣會睇唔到究竟舊牛舌熟晒未🤔．幾有咬口，又幾多汁wor🤤．埋單之後，每台都可以去扭蛋機扭一次，有唔同既獎品🎉．我就抽中左「烤野菜拼盤（5款）一份」🫑🎃🧅．張優惠券可以用到今個月月底🗓️．有得食又有得玩都幾過癮😮裝修．景觀開揚，擁有無敵大海景🌊．店主想成個氣氛都營造出平民既感覺，想人人都可以品嚐到高質素既牛肉🥩．連洗手間都一絲不苟，感覺真係好似去左日本旅行，女洗手間有埋綿花棒、牙線、除臭噴霧、漱口水等清潔用品，依樣野就算係其他過江龍都做唔到😃後記．「石田」係依間鋪店主既姓👨‍💼．原本佢原來係唔想係海外開分店，但有人三顧草廬之下希望佢間鋪黎香港發展，於是石田社長就試下黎香港發展，所以可以係香港都食到，真係好有口福呀😋．神戶嗰邊就已經交左畀佢個仔接手生意，而香港依邊就係石田社長全權負責💼．咁岩嗰日仲可以見到石田社長👨‍💼．原來因為銅鑼灣間鋪新開，所以佢就特登黎香港，嗰日我食既食物全部都由石田社長親自監督架🍽️．即使廚房既師傅係香港人，但係佢地全部都會經過石田社長既指導，即係由點樣切割部位等等，之後先會畀客人食🥩．今次我食依間好滿意，由其岩岩去完日本返黎一定有比較，但食物質素都可以做到日本七成水準，我覺得算係好好😃…查看更多

原本諗住食其他野，但係無位🥲於是沿住條街一直行，就搵到間食牛肉麵😋🥢元洲三寶牛肉麵 🍜🐂 ．湯底：個湯底好有藥膳既味道，見到湯底咁深色，就知道佢好足料去餚😌．原本係牛肉+牛筋+牛舌，依家牛筋改左做牛丸．牛肉：淋身易咬，好嫩滑😋😋．牛舌：好有牛味，又唔羶😆．牛丸：口感彈牙，足滿肉汁，一啖咬落去d 肉汁爆晒出黎🤩．麵：揀左粗麵，都算掛汁，同彈牙😋😋食嗰時見到老闆，同佢傾計，佢話好多人覺得諗起牛肉麵就等於台灣牛肉麵，但佢就想做一隻港式牛肉麵🍜🐂如果想試下同台式牛肉麵唔同既感覺，可以黎依到試下😏…查看更多

依間主打沾麵，亦都係我最喜歡既沾麵店，每個月都最少要食一次😋見住佢初初黎香港唔使$100食到依家要多過$100😵佢曾經拎過米芝蓮獎項，亦曾經有三間鋪係中環、鰂魚涌、銅鑼灣，依家只係得返中環同埋鰂魚涌😫中環質素唔算好穩定，但有機會可以食到超水準😲鰂魚涌質素穩定，我每次食幾乎都係一樣味道，重點係我試過係日本再食，都係一樣味😲🥢周月沾麵 ($108/另收加一) ．餐牌雖然有其他野食揀，但每次我入到去都只係會叫依款，因為依款係最好食😋．沾麵有100g - 300g畀你揀，唔使額外加錢👍🏻．沾麵亦有涼麵同埋熱麵選擇❄️🔥．沾汁可以揀濃／淡．我每次都會揀依個組合：濃＋涼麵，至於g，會視乎嗰日係咪肚餓，但今次就揀左300g😋．麵 ：飛水做得唔錯，因為麵乾身先可以容易掛汁👍🏻．麵質彈牙，有少少麵香👍🏻．沾汁：醬油底，味道鹹酸，好香魚味🐟，表面亦有一層帆立貝油，鮮味十足👍🏻．對於依個口味，好兩極，有d人覺得鹹酸味道非常奇怪，而且又油膩😵．但我就好鍾意依到既鹹酸味，令人食慾大增，又夠鮮味，而且第二間食唔到，好怕佢連鰂魚涌都執埋就要特登搭車落中環食🥺．沾汁入面有筍同埋炭燒黑豚肉🐽．炭燒黑豚肉：豚肉偏肥，有時甚至係九成肥😵，但吸收左沾汁既味道之後，味道濃郁😋．溏心蛋🐣：並非全流心，但非常入味😋…查看更多

天氣咁凍，好想食d 辣野暖下個胃😋😋知道依間有上海菜，而上海菜係有辣既野食，所以就行左入去食啦🥢😆．份量：依間d 野夠晒大碗，我一個人食一定食唔晒😂．在場亦都見d 人係一班人一齊share 個麵黎食，所以真係非常抵食🤑．湯底：個湯底係偏辣既，所以如果唔食得太辣，可以叫小辣🥵． 餛飩： d 餛飩都幾鮮甜，幾好味😋😋😋…查看更多

依間鋪頭主要用煲仔飯做主題，前排凍凍地，真係好岩食煲仔飯！🤩🥢油鴨髀鴛鴦腸煲仔飯 ($98)．佢聲稱係首創用備長炭黎整煲仔飯，因為依個原因亦都要等大約廿分鐘先有得食，不過店員一行埋黎打開蓋嗰下，真係好香😮😋．鴛鴦腸姐係臘腸同埋膶腸，臘腸唔乾瘦，比較多肥肉，肉汁幾鮮甜😋．油鴨髀、臘腸、膶腸都唔係死咸，好有油香，佢地既油香更加滲入晒係d米飯到🍚．有秘製醬油同埋豬油可以按自己口味添加，加完豬油之後，令到成個飯更加香，同埋d飯粒粒分明😋．飯焦係煲仔飯既靈魂，依到d 飯焦係痴滿晒成個底🤩，唔似出面有d鋪係得好少飯焦或者係完全無飯焦．不過價錢黎講係有d 貴，但係份量黎講我一個女仔食就有d 飽過頭🤣．裝修：依到既裝修有好多港式元素，都幾得意，例如有好似霓虹光管既牌、有關功夫既野（降龍十八煲、化骨綿爪）等等🤔…查看更多

從來都無諗過工廠區原來都可以有間米芝蓮級數既餐廳😮 所以一於去試下😏麻辣魯肉飯 ($50)．麻辣味既魯肉飯我又真係未食過，仲要平過普通既魯肉飯少少😮．入面用左八個鐘燉煮既魯肉，食得出d 魯肉真係好淋同幾香😋．而且仲加左新鮮既花椒同埋乾燥辣椒🌶️，一打開個蓋已經聞到好香，食落口都夠麻，同埋唔會超辣，麻同辣都平衡幾好👍．不過我麻麻地d 酸薑🤔．同埋雖然d 魯肉好香，但食落始終已經d 辣椒味搶左d 魯肉香味🤔．不過食落係幾過癮，同埋覺得依個配搭係幾破格既😌…查看更多

吉列牛定食🐮 ($148)．定食包括：吉列牛🐄、胡麻醬椰菜絲沙律伴碟🥙、醬汁（蒜蓉mayo、甜酸燒肉汁、日式芥末）、白飯🍚、麵豉湯、胡麻醬車厘茄🍅、胡麻醬豆腐．吉列牛：-上碟嗰時已經將牛肉切成大約十件🔪，而外層就加上左麵包糠黎炸-由於本身已經炸左所以已經有三成熟，然後要靠自己將D 牛放落爐仔到自己控制想幾熟🔥-D牛肉都算係幾嫩口，加上麵包糠，就變成外脆內軟🤩-但係牛味唔算好出，而且舊牛肉放上個爐仔之後，D麵包糠唔係好痴得實🧐-但係咁樣又食又玩，係幾過癮wor😛．醬汁：最鍾意既係日式芥末，非常開胃😋咖哩忌廉牛肉烏冬🍜 ($88) ．一上菜嗰時只係見到白色忌廉同蔥花，D忌廉多到有少少驚嚇，見到嗰時擔心會唔會好漏🤨．咖哩加忌廉竟然食落係唔漏同時口感亦都好滑，而且係唔辣既😋．用上粗身既烏冬，非常彈牙😋鹹蛋薯條🍟 ($45) ．上菜嗰時仲有大大粒鹹蛋連埋，證明真係好足料🤩．味道唔算好鹹，好香口😋…查看更多

其實點解齊柏林熱狗店🌭會叫做「Zeppelin Hot Dog Shop」🤔，我成日經過都諗究竟同Led Zeppelin依隊樂隊有無關係🎸雖然全香港都有好多間齊柏林熱狗店🌭，但係成日經過都無點叫黎食，因為佢通常都淨係做外賣而無得堂食，但我就比較鍾意有堂食既餐廳🍴加上，好少食熱狗🌭，對上一次可能係食ikea既熱狗餐，不過今日突然想食熱狗，見到佢有個set，於是就叫左黎食🤪士林原味熱狗 ($32) ．有：包、黃芥末、酸瓜醬、茄汁、燒烤汁、匈牙利腸、芝士粉🧀．包🥖：唔會太淋，軟熟度岩岩好．醬🧀：D汁好平均，唔會搶左其他汁既味，亦都唔會多到滴出個包外面攪到成手都係醬．腸🌭：條腸係脆皮咬落好多肉汁，食嗰時要小心D，如果唔係就好似我咁唔小心係個口到漏左D肉汁出黎．估唔到又幾好食，我依個唔多食熱狗既人都岩食，果然係「針對香港人口味而設的本地熱狗品牌」🥰 (跟餐+$15 有薯餅&野飲)薯餅．貫切返佢做美式野，係美式薯餅，姐係食落有一粒粒既薯餅會畀你食到嗰種．食落唔會太油膩，不過不失😗回憶(圖4) (跟餐再另+$10) ．回憶係乜野？原來係港式奶茶🥤．支野飲份量有d 少，幾啖就飲晒lu．奶同茶幾平衡，不過不失😗…查看更多