一直想約朋友食返餐海鮮, 於是上網搵, 睇到位於屯門三聖既泰海鮮好多好評, 決定成班人去食.十二個人叫左十碟野, 我地食海鮮為主, 果然無令我失望, 當日每人平均消費$320左右,性價比算高, 因為的海鮮好鮮甜, 又大件. 超讚!下面幾款係我覺得好食既推介!白灼九節蝦見到個名好特別就叫黎食, 原來呢種蝦唔係周圍食到, 我都係第一次食. 口感好彈牙爽口, 唔似平時食開既蝦, 肉質比較實. 蝦殼都比平時既蝦硬小小, 但剝起黎反而方便左, 唔需要剝好多次先食得.豉椒蟶子皇配煎米粉底蟶子平時都會食, 但咁大件既蟶子都係第一次食. 蟶子食落好鮮甜爽口, 加埋豉椒炒更加帶出蟶子既鮮味, 而煎米粉底吸收晒豉椒同蟶子既汁, 食落鬆脆又唔會覺得必食豬扒個豬扒同個名一樣, 必食! 平時食既豬扒炸到口感好乾, 但呢間既豬扒先油炸再用秘製醬汁快炒, 食落唔乾而且仲保留到肉汁, 相信事前對塊扒做了不小功夫. 令加了洋蔥和魚仔乾食落更香口.…查看更多
