Eater224的个人专页

山長水遠入到馬鞍山搵朋友食飯，佢話介紹我食好嘢。第一次嚟呢間餐廳，裝修好有特色，充滿泰國風味。6:30已經好多人排隊啊，等咗半鐘終於有位啦，兩個人太肚餓在三樣嘢，分別係喇沙蝦米線，燒春雞壤香茅薑黃飯，鴨肉生菜包。燒春雞出面脆卜卜，啲肉好滑好入味，不過我覺得最好食係薑黃飯，大概有2碗飯，d飯索曬雞油但食落口一d都唔油，超級香，另外伴碟既沙律酸辣酸辣好開胃，呢一碟好滿足啊。鴨肉生菜包既鴨肉，酸酸辣辣，有好多香料，好一d唔so, 不過d生菜得6塊，太少了又唔大塊。最後我地用鴨肉撈飯。喇沙米線個湯底有超香既椰子味，好香濃，睇得出落足料熬湯，米線索曬汁超入味。不過我覺得d料唔太多，d蝦細舊唔太新鮮，魚片同雞蛋無咩新意。…查看更多

自從搬屋後好耐無黎愉景新城行街，今日同友人去左鳥山名食野share食。一行二人一人叫左一樣煮食吉列黑豚豬扒定食豬扒好大塊，雖然食唔出黑豚肉同普通豬肉既分別，不過我覺得炸得剛剛好，豬扒唔會成口粉，而且有3款醬可以點，除左沙律醬同特色豬扒醬，仲一個辣辣地既沙律醬，一解油膩感。不得不提既系個定食餐同有幾個小食同味噌湯。個個海蜇好爽啊，最好食！下次單點一個海蜇～！醬油漬牛舌拉麵牛舌相對系薄切細塊既，但有好多塊。個湯系精華，我都飲左一半，飲完唔口渴唔系加味精。魚湯+豬骨煲成乳白色，好濃，好正。 拉麵就正正常常～章魚小丸子好足料～外脆內軟！最怕d 章魚小丸子無章魚成口粉…d 木魚碎好似唔使錢甘多到滿掉出個碟！ 如果d紫菜粉改成紫菜條就更加有口感啦！日式焦糖布丁甜度適中～ 好滑。餐廳服務不錯，職員不斷自動加水，下次可再試！…查看更多

永年最出名既係車仔麵大家都知，今日同友人除左食車仔麵見到有新照片一於叫黎試下happy share 叫左個扒餐，我地叫既扒餐有5成熟的牛排，意粉，羅宋湯，另外我地再加左今日靚湯，蘋果雪耳雞腳湯。牛扒好大塊，洋蔥汁好香。估唔到既係d意粉超好味，以為睇落去無咩色水好淡味，食落去蒜味好香，見到一片片蒜頭爆香，又唔好油膩！另外我都再追加燉湯，蘋果雪耳豬展，個湯好足料，可以見到雪耳已經煲到入口即溶，我好怕油膩既湯，呢個湯好清甜一d都唔膩。除左個扒餐，黎永年無理由唔食車仔麵！永年大碗麵追加鮑汁燜花膠！ 哇花膠大大條而且好厚！一入口滑溜溜，係滿滿既骨膠原啊～另外，牛筋同豬紅都係我每次必較既車仔麵送，一d 好難食既牛筋食落口就好似食像根咁...永年既牛筋永遠唔會令我失望， 一樣都係入口即溶！豬紅因為朋友唔食得辣 所以叫左走辣，上次試過都係有少少辣野味d！今日竟然在車仔麵檔食到中西fusion 菜，新奇又有趣！哈！…查看更多

疫情下已經多躲了在家多天，今日約了友人在沙田拿東西，肚餓當然要醫肚。永年總店在元朗，是出名的車仔麵老店，我與友人都各自點了一個永年大碗麵餐。呢個餐十分豐富。先講下招牌車仔麵有好多料，包括有大腸豬紅蘿蔔豬皮雞翼尖雞翼魷魚。豬皮和蘿蔔特別出色！豬皮同蘿蔔超淋，食得出熬了很多時間，不像其他店的豬皮只得爽沒有味道，我另外也加了牛肚，都好入味。呢個餐有紅油日本小黃瓜，另外也可以自選兩個小食，小食叫了韭菜豬紅和煎釀三寶。韭菜豬紅我叫了小辣，明顯地我清湯底既豬紅不夠韭菜豬紅的入味。要有少少辣先好食～餐飲我轉抹茶紅豆冰+$9。好足料啊！有好多粒粒紅豆，抹茶味重，不太甜。煎釀三寶的魚肉不是淡淡麵粉，堅料。友人都係叫左呢個餐，不過小食就叫左生菜魚肉同南乳雞翼。生菜魚肉的魚肉系丸狀都係足料! 南乳雞翼就卜卜脆，好入味。另外一提的是跟餐的黃瓜，個醬汁就不是麻辣味。友人餐飲就叫左樽仔奶茶，個樽好可愛啊！我地最後仲叫左甜品，雞蛋仔配軟雪糕，雪糕系黑白奶雲呢拿味。雞蛋仔就好脆，雪糕偏甜，有點重煉奶味。金餐食得好飽啊…查看更多

一鳴開左新野啦！拉麵就食得多，見到佢系隔離開左題新的井食堂主打日式井飯，當日要試試啦。可能新開張，明顯地比隔離一鳴原店多好多人排隊，人總是貪新鮮的...我都唔例外，哈哈哈。等左一陣肚子已經咕咕聲，一坐低同友人黎到二話不說一人一個井！一上台已經視覺上及震撼，d料多到就黎倒瀉甘！四重火焰盛 $128四重火焰包括有火焰蟹柳，三文魚，帶子，左口魚裙邊同蛋黃。蟹柳就一般貨式，不過三文魚同帶子就好新鮮，大大舊。我最鐘意既係沙拉醬！！左口魚入口即溶啊！ 由於d料實在太多 侍應主動攞個碟仔比我地裝送，見佢做法咁純熟，平時應該好多客人問佢攞碟或者佢地都特登整呢個滿瀉既效果。蒲燒鰻魚帆立貝盛 $ 118鰻魚份量都好多，熱辣辣上台，而且鰻魚食落口好軟綿👍🏻個丼仲有好大粒嘅帆立貝 都係火焰。小店有小店的人情味道，我地一路食一路傾計坐左好耐都無黑面，而且侍應仲好主動幫我地加幾次水。…查看更多

黎到尖沙咀一代，唔知食咩好，行下行下轉角竟然比我地遇到越式小店！店內的裝飾好有特色，每枱都有調味架供顧客取用，而餐牌簡單，兩版一眼睇曬！我地見到船皇湯麵同撈麵系招牌菜，當然一試。今日大家都病病地，所以叫了走辣。船皇湯麵船皇撈麵都是$58,湯麵則可以選不同的面底。我叫的湯麵叫了金邊粉，原來湯底是十分濃郁的，好深色，少少湯底已經好夠味。每條金邊粉都沾上湯，好好味。而撈麵就系蛋麵，上台時沒有任何汁，靠自己攞台上的汁來撈，個汁像平時越式撈檬既汁，酸酸辣辣的。我較喜歡湯麵，呢個汁較有特色！不過見到廚房盤塊板見到豬潤賣曬，所以我地都是不到。那個豬皮大大條炸到脆口，好邪惡但好好食。串燒沙爹豬肉沙爹汁好香口啊，有好香的花生味，豬肉不會太乾，依然有肉汁。凍柚子檸檬梳打開始時無留意，一上台才發現那個不是杯而是一個碗，而且個碗有雪凍過，好得意。秘醬通菜秘制醬汁酸酸辣辣的幾開胃，不過$14通菜得幾條，一個人都唔都食，圖文不符...…查看更多

好掛住日本，好想去旅行，決定食日本餐頂住先。餐廳坐得舒服，侍應主動多次加水。我同朋友們叫了2個set，再叫2個小食。牛肉壽喜燒$116壽喜燒好豐富啊，除了牛肉壽喜，還有一個茶碗蒸，一粒生雞蛋，和青瓜積物。壽喜燒湯底甜甜的好好送飯，有好多配餐，牛肉對於我來說略肥。我地將牛肉煮熟後撈蛋汁食另一番風味。而我覺得茶碗蒸好滑，有蝦肉冬菇，好好食。咖哩吉列豬扒飯$108吉列豬扒的炸粉不會過多，脆口，而豬扒依然鬆軟多肉汁，不錯不錯。甜咖哩對於我來說剛剛好，朋友喜歡食辣，佢就過得麻麻地。蟹肉蟹膏玉子燒$86蟹肉蟹膏好新鮮好足料，漏晒出黎咁。而玉子即做，剪得剛剛好，還是軟軟的，不會煎得過熟或太生。一入口，蟹膏味道濃郁，好正，好食到蟹既鮮味。鐵板燒鹿兒島A4和牛$108我地坐左系鐵板燒開放式廚房附近，雖然油煙也不少，但聽到鐵板燒啪啪聲好香，忍不住叫一個鐵板燒試下。呢個鹿兒島A4和牛份量不算多，但燒得剛好。可以見到表面微微金黃， 大概七成熟 ，肉質嫩滑， 好多肉汁。而且加埋蒜片一齊燒 ，好香！…查看更多

今日係shoping day ，同友人行到好攰個地方坐下girls talk. 友人建議去朗豪坊i creameria cafe. 星期六下午4點幾都full full 地 ，商場出面就有好多位，不過我地見係吸煙區同埋4點太陽幾都好曬決定都係坐入面。等左一陣終於有位，不過靠玻璃那邊西斜，都係曬曬地同好熱。我地叫左個set share 日本宇治抹茶海綿卷輕食。紅豆大大粒，白玉丸子本身無咩味但配埋紅豆甜甜地好煙韌。 栗子蓉好香濃既栗子味，將栗子蓉加埋雪糕原來好match！ 不過明顯地 友人唔識得欣賞。雪糕我地就選左兩溝，牛奶和抹茶味。牛奶味香濃滑滑，而抹茶則甘苦。抹茶獨特之處在於茶香中帶點甘苦，而牛奶味較甜，奶香中和抹茶既甘苦。不過講到我最欣賞一定係抹茶海綿卷。最外一層係抹茶味的海綿蛋糕，中間係抹茶忌廉芝士， 超級Creamy. 一d 都唔漏！飲品我地叫左mocha, 不過不失。 食下傾下不知不覺2個鐘。如果旺角行街行到好攰，呢度都係個唔錯既選擇.…查看更多

最近都係大埔呢頭揾食，之前經過見到間德國餐廳，就係牛扒對面，等緊位既時候，我發現職員攞住啤酒走去對面牛扒店，難道兩間是同一個老闆！？Anyway,來德國餐廳當然要試下德國出名既咸豬手啦！我地叫左德國咸豬手配酸菜及薯仔沙律$208，同埋香草醬煙三文魚意粉$128。德國咸豬手都好大份，淡淡肉。豬手皮燒到脆卜卜，肉質厚實，不會過老。配埋黃芥末醬，真係好野味不過好邪惡。另外薯仔沙律同酸菜唔好睇少配菜 都好好味，酸菜酸酸地可以中和豬手既咸味同油膩感。香草醬煙三文魚意粉則有點失色，綠色一堆，而且好多油。三文魚份量多不過一般。另外我地都叫左杯雪梨蜂蜜奶蓋，第一次見雪梨蜂蜜茶配奶蓋幾有趣。奶蓋味都好重，原來配埋雪梨蜂蜜甜甜地都幾好飲。…查看更多

之前經過見到鋪頭排隊排到轉彎位，今日6點去到好彩無咩人排。鋪頭最出面係落地玻璃，所以一眼睇曬内面既size， 環境空間坐得就逼少少。一行二人試左牛既吾同部位。一個係 牛柳位加洋葱油，另一個係西冷加蒜油。價錢方面就按牛扒重量而計。我地將要大概100g 切左出來都係13x,同14xg. 價錢可以接受落完order好快就上台。將d醬汁淋落去牛扒，起煙發出sasa聲，見到都留曬口水。本身以爲牛柳係會切成一條條，點知原來都係成舊去煎。牛柳方面，上碟后切開中間還是血淋淋紅色，我自己平時食開7成熟，就覺得太生。不過鋪頭其實都寫左提示，例如要7成熟都吾會煎到7成剛剛好，因爲塊碟超熱上碟后會再加熱牛扒。我見到中間血淋淋當然馬上立刻切開一塊塊係碟上滾動下，隔左一陣變曬色慢慢享受。我自己就覺得牛柳比西冷更加juicy，肉質軟腍。不過蒜油就比洋葱油香口好多。…查看更多

元朗要數最新同好味既放題，一定系大瀛喜～！ 個期真系好full 改左幾個日子終於成功bk到，好彩食物都無令我失望啊！食物好多元化，重點講幾樣我欣賞既地方1.榴蓮炸彈即炸，外脆內軟，有香濃的榴蓮香味，好creamy的榴蓮2.芝士鰻魚玉子燒多重口感啊，咸咸地既芝士配上甜甜地既鰻魚醬汁和玉子，無得彈3.喜壽司海膽新鮮，一點都唔哭同腥，加埋其他刺身，味道好夾。4.帶子刺身新鮮 彈牙 如果可以唔再厚切d 口感一定好正。5.珍寶大赤蝦超級大只啊～！蝦頭好大，好呃like,食落新鮮無雪藏味。6.芝士蘑菇瓤雞翼這個都有特色啊，淡淡肉，而且芝士蘑菇真系天生一對。7.醬燒海虎蝦醬汁甜甜地，配埋虎蝦，好想送飯。8.燒菠蘿食得太多 酸酸地好開胃 食完即刻有胃口再order一輪9.比目西京燒個皮燒到脆脆地，魚肉則滑。10.燒鰻魚平時燒鰻魚定食，半條都要70，80蚊。系呢度可以怒點，任食唔惱。鰻魚控一定不能放過。舊年黎過一次，發現餐牌轉左少少，無左黃金帆立貝但多左焗蠔。整體黎講，大瀛喜依然系元朗最好味既放題～！…查看更多

哇哇哇 九份十分又開分店啦 之前試過其他分店的也覺得不錯 越開朋友系上水食飯 當然來試下。我發現呢間分店好多元化 西式沙律又有，叫餸食飯又有 台灣地道小食又有 連酸菜魚都有～先來一個沙律，溫泉玉子牛油果凱撒沙律。玉子撈埋沙律菜好creamy,牛油果熟透，好好味。再來一碟三款的鹽酥小食，包括有雞粒，魷魚so同埋雞髀骨，上碟大大舊，食落入面都真材實料，唔會好多粉。最特意系可以任點台上的粉，勁多口味，我發現最好食都系原味，姐系椒鹽，真係天生一對啊。仲有鹵水拼盤，包括有雞翼，豆腐，蛋，牛肚。鹵水汁好香香葉八角味。送飯一流。由於之前試過其他菜都ok,於是我地帶住點期望叫左碟酸菜魚...嗯...得個咸味...還是內地的好食點，呢個不推介。另外我地都叫左杯水果茶同orea沙冰。水果菜好足料，新鮮的水果有多重口感。…查看更多

大埔有好多小店，呢間拉麵店都用心製作的小店。裝修好日系，開放式廚房令到客人 可以欣賞廚房的製作，而且坐得近又可以同師傅傾幾句。別看那餐單上只有3款的拉麵可以選擇，這正是我欣賞小店的特色之一，能夠只有數款菜式而客源不盡，證明店鋪是專心做麵！先講下拉麵，我叫左豚肉原味湯底。湯底米白色，香滑而不油膩，要把豬骨熬成這樣的顏色相信一定要長時間的慢火熬製。如果喜歡再重口味的客人可以選擇加$8改做特濃湯底。每碗拉麵已包含木耳絲、蔥、蒜、筍片、溏心蛋半隻和紫菜一片。可以選擇蔥蒜的數目，而且麵底軟 普通和硬不同硬度，可以按自己的口味調節。我這次選擇了普通硬度，岩曬我口味。溏心蛋好入味，橙黃色的蛋黃是香濃的蛋香味。每次黎我都覺得必食店主自製的芽菜伴菜，少少辣咸咸地，真系好好食。好彩今日我早黎食，7點後已經見到門口有隊龍。…查看更多

茶語我地一行二人叫左兩個餐。鹽焗雞絲肉燥飯 $59跟餐有好多雞肉，是滑滑的雞腿肉，是用經典的鹽焗雞粉醃制，有點咸送飯一流。酥炸豬扒肉燥飯$59另外一個餐是酥炸豬扒，豬扒不厚但勝在大塊，而且好Juicy 外脆裡面有好多肉汁而肉燥方面，雖然跟正宗台灣的肉燥味道不一樣，但同樣符合香港人的口味唔會過肥，有一粒粒的肉碎。不得不提的是那配菜芽菜，少少辣，好入味。我竟然覺得這配菜拿來送飯都一流。鹵水拼盤 $43貪心的小狗好想試曬幾樣小食，所以叫了拼盤，拼盤有雞翼，豆腐，雞腎，雞蛋。豆腐和雞蛋不算入味，但雞翼雞腎都好重鹵水味。蜜糖花枝丸 $27這個小食好邪惡下，份量唔多但已經好邪惡。花枝丸彈牙，外脆內軟，加埋蜜糖一流！跟餐我地叫左一位凍珍珠奶茶同熱的胚芽珍珠奶茶，爆多珍珠，有成半杯。不愛太甜的我，那熱的胚芽珍珠奶茶沒有加糖剛剛好。珍珠好濟，呢餐食到我地好飽，要散步去返火車站搭車。…查看更多

下個月先去越南旅行，一直心思思想食越南餐，好明顯我的身體很誠實很想去旅行。同友人訴哭後佢約左系荃灣食越一。越南PHO即是粉。餐廳主打越南粉，當然先來一個生牛肉粉！牛肉上台呈現半鮮紅色，因為我不習慣食得太生，所以浸一浸 生熟程度剛剛好。牛肉的分量都算多，d粉滑溜，湯底有薄荷等香料，好有特色。另外也叫了豬頸肉紙米卷。豬頸肉燒得剛剛好，本分我好怕豬頸肉整得好油膩，但餐廳的做法令到豬頸肉逼出多餘的油份，使豬頸肉爽脆得來之餘還能保持肉汁，紙米裡面的粉絲和粉皮好多，我的小嘴分開幾口咬又會散，唯有一啖放入口。食一舊已經好多好飽～～第一次試越式咖哩牛腩 原本以為會好辣 但只是微辣 反而有點點甜味， 牛腩夠淋，蒜蓉包夠脆，真系好想要碗白飯撈汁 可惜已經食唔多。再來一個柚子鮮蝦沙律。蝦唔算大同新鮮，酸酸微微，不過不失。…查看更多