rickyhk7的个人专页

朋友聚會，想係葵芳呢度坐低吹下水，葵港個頭就多人又坐唔耐，就係葵芳廣場近村裏頭搵到呢間串燒小店。今晚毛毛細雨，快快腳入去掃code 落單叫野食啦。唔洗幾耐，串燒就黎到啦。第一round 就叫左牛舌、煙肉腸、牛柳粒之類試下先，味道都唔錯，街坊小店算係咁。跟住未飽咪叫多兩三款飯黎填下肚啦，個黃金雞粒炒飯幾好食喎，炒飯香噴噴，加埋雞汁食一流。再食埋另外兩款，肚滿滿了。朋友們如果想有個輕鬆聚腳點，可以黎呢度試下…查看更多

在上環的繁忙市區內，嚟咗一間由石硤尾搬過嚟嘅越式法包小店，每一日經過都見到姐姐落力咁推銷💪🏼💪🏼。上環太多食物選擇今日好不容易抽到時間嘗試呢間小店，小店內佈置咗一啲小擺設，同埋手繪嘅明信片，滿滿人情味嘅感覺。今次單點咗一份粵式法包（靚靚的店員🤗），同姐姐閑聊咗幾句法包已經準備好。脆脆嘅麵包入邊搽咗厚厚嘅鵝肝醬，加上扎肉片，豬手粒粒（連彈彈嘅豬皮），微酸嘅蘿蔔絲洋蔥碎，口感非常豐富。如果你唔想食頹飯、燒味飯嘅話，都可以嚟幫襯一下呢間越式法包小店😎👍👍…查看更多

今日星期五，無無聊又未搵到工開，就托架單車去到太和落，搵間可以側邊擺到單車既小店食個早餐。之前search過知道呢頭有間105餐室，跟住就去試下。開頭都唔知邊個開，入到去見到一個熟悉嘅面孔，（男性歌手）原來係三小姐班底開既。坐低跟住就叫咗一份早餐，沙嗲牛肉米粉火腿腸仔加多士，連埋熱飲都係$36 ，都算唔錯啦。沙嗲牛肉味正常，係牛肉有少少鞋，不過都還可以。食飽飽就精神飽滿，迎着毛毛雨，踩返個單車返上水啦。…查看更多

放工後慢慢走到深水埗，近期深水埗至通洲街 附近都開始重建，本應行去食越南蟹粉既，但又你要排隊，變相走左入去丸京幫襯。舖頭應該係新裝修，唔多人，坐低望一望Menu就嗌左碗招牌丸京拉麵試吓啦。等咗陣我碗拉麵就到咗啦，同相show嘅樣一樣，麵上面鋪滿左幾片叉燒肉，半熟流心蛋同埋少少筍絲。試一啖湯底，味道都好濃郁，夠熱，再試一試拉麵麵條，麵質算OK。薄薄嘅慢煮叉燒片好好食，我一啖一啖咁，就連湯都飲曬。去到最後比完錢，男侍應送到我出門口，我諗喺香港都好少有人會做咁細緻嘅服務😉👍👍希望佢哋繼續用心咁經營呢間拉麵店啦，我下次嚟我會試埋炸雞同埋煎餃子㗎喇。…查看更多

係大角咀好多唔同種類既食店，唔想餐餐都係豬牛雞:(:(，有時都想食light d , 但又唔想食大舖又凍又貴既麵包，食空氣又唔好食。係富多來呢度就有間細細的法包小店，一位主廚打理，加一至兩位助理，進入舖頭，記得攞返個細細既黃色號碼牌，等待叫號。佢整既法包十分足料，新鮮處理，可以選擇全條或者半條法包，配上淡淡既酸紅/白蘿白絲，碎碎的辣椒，絲絲的扎肉，小小肉鬆，非常好味。套餐可以加配 南瓜湯/蔬菜小碟，足以飽肚及回味。…查看更多

又到開心星期五，同朋友講左好耐想食下餃子，落到黎深水埗搵間小店試下。開面光鮮，係深水埗警署對面橫街，唔洗等入到去就選野食啦。本身我地都大食開，所以叫左幾樣野黎食，4人食左$385。叫左款秘製豬手，$28，份量就小左d,6-7片。兩款餃子，一份羊肉煎餃，一份韭菜豬肉餃湯上。比起我係大角咀食就細粒小小，兩款都ok,煎餃方面就係輕煎既，唔太脆身。湯上既就用左冬瓜湯湯底（可能因為消暑），不過不失。另外叫了一碟紅油抄手，超細粒，一般。麻辣醬皮蛋撈面 同 雞絲粉皮，唔錯結論：街坊小店 可以一試，性價比如果用份量質素黎計分，小小小貴過其他餃子店。…查看更多

今晚同朋友上左去食飯啦, 咁可能我LATE JOIN, 佢地又忙, 見唔到我入去. 到我坐低左, 都仲未有人過黎, 咁都唔緊要. 咁叫佢攞MENU叫野食, 叫左個雞扒蟹肉飯, 可能因為唔想浪費食水, 佢都冇俾水我飲.到個飯黎到, 個時我都唔係好肯定個飯係咪我想叫個樣, 咁咪叫呀哥仔過黎確認下啦, 我都未問完, 佢就話(係係係)跟住就走左去. 火火....咁姐係點呀, 再想叫佢過黎, 佢已經當我透明.咁我唯有心想呢個就係我想食個樣啦...........$8X 加10%, 雞扒飯一個....冇特別.…查看更多