回味毛蟲的个人专页

食過呢間幾次, 雖然係中午飯, 都係非常野味, 每碟小菜都十分用心做, 而且菜式名字得意(很用心去改名), 每次都好奇將Memu睇多幾遍由於Menu的相跟出來的賣相一樣, 所以我都少影相, 不過分享吓是次好吃的菜式, 大家就趁著結業前去試試吧張嘉佳秘製小龍蝦 (Nomal) $268 大約有16隻 (微辣, 個汁好野味,)繽紛素炒 $78滑菇牛柳 $78 (牛柳很嫩, 份量又多)乾煸四季豆 $78 (每次必點, 微辣, 好野味, 送飯一流)涼瓜老乾媽豬頸肉 $88 (十分爽口彈牙)招牌小龍蝦泡飯 $128 (轉了鮮蝦, 別看是泡飯, 有足足6碗的份量)椒麻雞(半隻) $68 (外皮脆, 內裏juice!!)蝦醬蒸豬頸肉豆腐 $88 (蝦醬剛剛好, 不咸, 豆腐是滑滑的, 這個送飯也一流)很可惜很可惜的是......有消息指他們將於2018年6月7日結業了, 如果呢個消息係假既, 不要怪誰, 他是希望吸引多人去吃吧。如果消息是真的, 也希望 卷福和他的朋友們再在香港別的地方開舖, 你們的用心製作, 係好多人支持架!!希望結業的消息是假的…查看更多

喜歡小店的親切，今天就幫襯了這家平日排長龍的店舖。三號風球下，食客少了一點，老闆很友善加開了一張摺枱，讓我們可在冷氣下享用晚餐。點了以下3款1. 手撕雞+咸脆豬肉 金邊粉 $27手撕雞很多又幼細、豬肉脆脆的不太咸、「粉」量很多2. 海南雞 金邊粉 $24海南雞很滑、老闆很捨得給雞翼、雞脾位等等多肉部份、「粉」量很多，兩個人都夠食。3. 馬拉盞炒通菜 $38份量又是比外面餐廳的多很多，菜炒得青綠又多蝦米。總計$89會繼續支持，希望咁平嘅價錢可以頂得到領滙的貴租！…查看更多

見兩間譚仔開在一起，只隔一舖位，便支持開方牛三哥叫了：腩肉$25 + 3小麻辣湯$1雞肉$25 + 3小三哥酸辣湯$2口水雞翼(3.5隻) 推廣價$23腩肉米線味道可以，有11片腩肉，份量足夠雞肉米線，三哥酸辣湯好味，樣子辣但入口不太辣口水雞翼敗筆👎得3.5隻，份量好細，雞翼肉黏骨，顯然無出水，又不入味！以三哥的努力，希望可以改善，否則原價$28會更加無人食～全單計$76元…查看更多

黃毅力先生是這裏的老闆, 這是名牌效應、也是信心保証! (前督察、水貨車行富利堡CEO)見到報紙, 知道黃先生為了抗通賬、為了宣傳自己的品牌, 由2011年1月17起, 1 個月內逄星期一至五下午茶時段, 免費飲金牌奶茶。買點是:1. 入餐廳淨飲奶茶都係免費, 沒加其他東西也可以走。2. 飲完1杯可以添飲, 無限次供應, 只要你個胃頂得順, 夜晚唔會眼光光 3. 員工絶不會慢, 望見你將快飲完一杯, 會問你要否添飲!是日專程走來, 希望嘗試那金牌奶茶, 下午四時許, 不用等位, 食客人數佔坐位一半和朋友嘗試了這裏的星洲炒米 ------ 但不可思議的事情來了!!食客(我): 要一份$30既星洲炒米茶餐女侍應: 如個你叫$30個餐, 份量好少, 依家你杯奶茶係免費既, 不如你加多$8蚊 (Total: $38) 淨要一個星洲炒米!食客(朋友): 點解無野飲仲要加多$8蚊? 份量差幾遠?女侍應: 多好多! 你杯奶茶已經免費啦, 仲叫餐多一個野飲做乜?食客(我): 吓? 杯奶茶任添任飲, 叫餐都只不過多一杯唶? 無分別囉, 而且可以叫其他野飲。(心諗唔想加$8蚊, 兩個女仔下午茶又唔食得多!!!)食客(朋友): 係呀, 我地只係食少少野就得, 最緊要試下你地杯奶茶, 日後可以叫朋友多多來品嘗麻, 我地唔要大份量星洲炒米啦!女侍應: 真係加多$8蚊會多d, 你地會食得飽d!!食客(朋友): 算啦, 加$8蚊啦 (攪到我的朋友不耐煩, 只希望食物可以快上)星洲炒米一上枱, 我同朋友呆左, 點解份量同出面茶餐廳一樣? 咁如那個$30既星洲炒米茶餐會否少得可憐? 分分鐘一個人都唔飽??再望餐牌, (見相) 其他野都好貴, 非一般既茶餐廳價錢, 黃生呀黃生, 你仲話要抗通賬?值得一讚的是, 這碟$38蚊既星洲炒米很足料, 無油, 炒得乾身, 份量和一般出面既茶餐廳一樣如果無免費奶茶, 我都會再去, 下次試下高級警官咖喱雞、牛腩飯 (睇下味道有幾高級!!)、魚片炒蛋三文治…查看更多

第一次到此店, 見到人山人海, 是美食信心保証指標, 於是幫親一下!最穩陣是買- 招牌珍珠奶茶 (回饋價大中一樣 $12)- 半糖- 選大珍珠由於天氣凍, 回家後用煲煲熱少少, 稍滾後即熄火, 發覺很美咪, 半糖已經夠甜, 煲滾後內裏的珍珠十分美味, 很好咬口!!!絶對直得再試, 在天氣凍時, 用此方法更加美味!!!不過, 大柸裝的Size比另一間"貢茶"的柸矮了2 cm! 同樣都係$12, 都係"貢茶"抵飲D, 美味D!…查看更多

生日快樂呀壽星女!早前在網上經網友的食評介紹, 昨晚便一家大隊去試私房菜見識見識及慶祝生日。這裡的收費以人頭計, 每位$165, 人多便份量多, 足夠有餘, 佢地會將你吃過的輸入電腦, 下次你再來便會有便新穎的菜式整俾你, 也可以order, 必定是九個一個湯一個甜品, 今晚沒有影相的湯是很好味的南瓜茨實湯, 及合桃糊, 一般不設菜牌, 所以相以下菜名純屬老作.. (但今晚各樣都好咸, 要注意啊!)日本素壽司拼黑芝麻果凍及沙律布包素肉碎荔枝七彩椒炒松子脆米通拼錦鹵雲吞台灣豆苗拼鮮腐竹蘿蔔冬菇麵根襄烤茄子椰菜花燜素魚蛋配烘法包, 糙米飯這裡的食物製作認真,可以感受到廚師花了心思令素菜不致單調,個人認為值得一試。須預早訂位, 不另收加一茶芥, 我見到幾圍都慶祝生日而自備蛋糕去切, 又見到歡送朋友而飲紅酒, 這裏不收開瓶費呢! 這裏地點不錯呀, 銅鑼灣利園山道口近豐樓上, 坐得很闊落, 由6:30pm開始坐到10:00pm, 都沒有人趕, 傾計一流, 聽聞佢以前只招待熟客, 要提早訂位, 但不是一早訂便有, 要留定名, 因聽說有些名人喜歡包場, 通常是三四日前才通知當天可否, 看我們的造化了!! hehe..…查看更多