undd的个人专页

之前一路幫襯 TST 間「正壽司」，覺得質素好穩定，從無失手！聖誕知道要結業，真係好失望，好在佢門口寫明二月搬去將軍澳，所以今日一心去比較新店水準。裝修比以前仲好，不過好似全卡位／梳化位，無左迴轉帶!辣味三文魚軍艦：可能新店師傅未熟習，紫菜上枱時唔夠以前總店脆卜卜，不過味道同以前一樣!蟹棒壽司：同以前一樣，好味！火炙左口魚裙邊壽司：一直係我唯一 encore 的壽司，不過今次唔知係咪師傅搞錯左口魚，燒完一滴魚油都無，咬落無晒魚油香....天婦羅蝦壽司：最好味，新鮮炸起，不油膩！鰻魚壽司：入口即溶的感覺，必試!!三文魚壽司 vs 三文魚腩壽司：明顯三文魚腩係正好多（但個人認為舊店的普通三文魚壽司已做到新店的三文魚腩壽司的85%！）…查看更多

見到之前 d comments 好似好差，都唔係吖23 Dec 晚都好多人排隊，staff 都幾忙，但好有禮貌，尤其黑衫的經理級！老實講，食物質素就丼吉好食D，sauce 都多D 又有專人講解，呢間就得兩款汁，要自己問 staff 去確保無用錯 sauce烏冬同飯都好普通，周圍日本食肆都食到的質素啦....炸物個人認為龍鯏鯽 (魚) 唔錯，好滑帆立貝好大粒，但一咬就同個炸皮分離....黑豚就一般，尤其凍左係好難咬開...唯一大缺點係坐位，坐近玻璃𥦬就經常被出面D行人指指點點....我明白間公司想吸引多D人入黎光顧，可惜幾 disturb 下....而中間就更加差，每張 table distance 太近了，仲逼過大家樂/仙跡岩....…查看更多

傍晚六時許, 經過附近一帶的海鮮店,興樂最興旺又經濟, 所以排隊一試!!!排前面的是3 個人, 無衝突, 所以排左10-15mins 就有近海的二人位!!!6:45pm 已經出現人龍 (只此興樂, 好奇怪, 隔離拍蒼蠅似的....)疑似老闆娘的人為提高效率, 未坐低已經叫我們落單,$158 任選四款 (如前食評 enclosed 的 menu!!!)Order 左蒜蓉蒸扇貝、薑荵炒蟹、豉椒炒蟶子、椒鹽鮮魷 + 2支 Coke老實說, 一分錢一分貨, 食完唔會有「嘩嘩聲」的感覺蒜蓉蒸扇貝: 六隻有四隻 size 好細, 味道一般薑荵炒蟹: 即到即食, 但唔係好夠熱, 又無箝供應....可以不試!豉椒炒蟶子: 唔夠爽口, 但份量都幾多!不過最 unexpected 好的是"椒鹽鮮魷", 炸粉厚薄適中, 熱騰騰, 值得試!!!!!可能坐係近海的位置, 燈光環境加埋好有風味,埋單兩個人四款海鮮兩支 Coke = $174!!!!四個字: 物超所值!! btw, 結帳時未到8pm, 但人龍有增無減, 想試的朋友要早點去排隊!!…查看更多

原本一向都好喜歡板前壽司, 所以連帶都會去板長壽司食!!!記得大約由2008年10月開始推出 「$3三文魚壽司」真係好吸引,經常食-- 不止堂食, 外賣, 去到機場都食!!!!因為三文魚的質素無因為價錢而下降, 真係好滿足!!!可惜板前(長) 愈來愈 mean, 先後 cut 左外賣及機場的優惠,現在連堂食都限住一人五件??仲要d三文魚細左薄左又有筋.....唉!!!會唔會為左慳 $7.5 「(4.5-3)*5」而優先考慮板長呢....唔好當d消費者無腦的, 好嗎??相反, 消費者唔會坐低淨食三文魚壽司, 一定會 order 其他食物!!一係一早 cut 左整個 offer, 唔會有不滿, 明白做生意的難處現在保留 offer 下 cut 晒 quantity, quanlity, service 又唔係好過人, 反效果出晒黎....無必要都會少食!!!Focus 返 apm 呢間板長, d staff 的態度一向麻麻地, 可能人手不足啦, 樣樣野都要等!1) 明明下一張就到, 佢話執緊, 都要等 5mins2) 想 order 揮左好耐手都無人經過.....3) 食完成餐無人會幫你加水, 催促下都只能有多一杯茶btw, 上次坐係 bar 枱, 師傅洗緊野, 相距一米, 都彈左d 水過黎,坐正師傅前面那位真不敢想像......至於我, 都唔敢仔細看, 大菌食細菌, 拿拿聲食完走!!! …查看更多

已經光顧左三次！好好味，不過可能太多人光顧，唔夠鐵板，等候時間較長，少Ｄ耐性都唔得....試過黑椒牛肉飯同黑椒三文魚飯！個人認為牛肉飯較惹味！另外，有一晚行經apm地下近 agnes b 位置已嗅到好香的黑椒牛肉味了！！！整個商場都充斥呢陣香氣！…查看更多

知道五折變七折之後，都係忍唔到，照去光顧。勁多人排隊，難怪和花亭減少折扣...之前最鐘意呢度的柚子鹽火灸三文魚，而家無左，order 左新野，就係柚子鹽火灸系列 ﹣鱆紅魚、鯖魚和秋刀魚三隻柚子鹽火灸之中，秋刀魚的鮮味同口感係最好同最夾，已經成為我的 favorite 了！…查看更多

星期一去和民食日替定食，12:39pm order，食左前菜，等到 1:05pm 先有得食星鰻....不過等下都值得的，因為條星鰻天婦羅新鮮炸起，熱呼呼的，好長，好似食極都唔完咁！其他天婦羅都唔錯，尤其冬菇天婦羅驟眼睇好似好細碟，唔飽肚，但食落都幾濟下...由於見到芒果雪糕新出，所以係極飽的情況下叫了一個share 食P.S. 趕返工的朋友就唔好 order 喇！…查看更多

由於有 HK Disneyland 全年通行證，所以於入住酒店當晚到晶荷軒用膳。（有八折優惠）先點了一個頭盤「煙薰鴨胸」，是整頓飯最令人回味的！口感極佳，再配它的醬汁，一流第二個是「海鮮湯麵」，驟眼看很普通，不過帶子和蝦沒有偷工減料，值回票價。另外兩道菜也好味，有水準，不過下次會轉 order 其他菜。…查看更多

很久沒有到這裡了，必叫的「蘿蔔絲酥餅」和「小籠包」保持一貫水準！蘿蔔絲酥餅外脆內濕，熱烘烘的，必定 order!另叫了「紅油牛肉拉麵」，中辣，很惹味！還點了「菜肉雲吞湯」，皮滑，湯又清香，不錯！…查看更多

一心諗住去食五折下午茶，點知去到見到新裝修完，下午茶優惠由五折變左做七折...以前五折就必食既，而家七折就可以試多Ｄ其他食肆了！所以去左第二度醫肚了…查看更多