Decir的个人专页

剛剛開既時候試過，都尚可。但都同大阪差一段距離。今日再試。嘩，以為唔再黎，留番quota去大阪食冇咁嬲。叫左整條豬軟骨拉麵。條肉好肉冇燒過咁。98%係豬肉，2%係豬肉。um。。。軟骨呢，似軟骨似豬軟骨既物體麵冇。湯死咸。冇味。落晒七味粉都冇補於事。過左日本人監收既日子，質素直線下降。搵唔到一啲日本大阪既味道，啲啲都冇。得個招牌同店名似囉。呢個價好唔值，不如去西九Food Court食拉麵仲好。性值比超低。…查看更多

見都幾多好食評，咁就去試下。坐低叫完野食先細心望下周圍，店舖比較細，大慨有四分一空間係開放式廚房，見到都有抽油煙機既。但係陣油煙味實在太煙，對一個食客黎講，實在不能接受。野食都叫左，唯有耐心等食，睇下係唔係驚為天人。食物質素唔係唔好，但又未致於超級好好食。一般啦。出到門口，空氣質素明顯好好多。但頭髮同埋成身上上下下都係油煙味。其實食物幾好食都假，食完成身味又真係卻步。建議真係搵人攪攪個抽氣，陣油煙味真係趕客。…查看更多

諗住食餐晏仔，叫兩個常餐姐，沙嗲牛淡到只係少少黃黃地，完全冇味，未食過咁難食。地方又污衊，啲隔板好似未層清潔過咁，好多漬。餐具痴痴粒粒咁。小店都要好食先會有客架麻。冇下次。…查看更多

以前不嬲有幫襯上品，今日行過就再去食，點知非常失望。首先講食物，我地叫左一碟本地肥牛，鱔，四寶丸，魚皮餃，午餐肉，雞肉，菜，麵等等....本地肥牛 -- 一d都唔新鮮，完全冇牛味，呢碟係中size, 都唔平架成$368架，得13件又冇味....午餐肉薄到你唔信，又唔好味其他食物一d都唔好食，質素同出$100任食打邊爐一樣。我黎上品打邊爐，就係想食好d, 但真係好失望。兩個人食左$800，已經7折左，因為7:30前埋單。其實上品屬於貴價邊爐，以前服務好好，好有禮貌，但而家完全冇服務，食咁耐都冇過黎加下湯，仲對我地黑口黑面，好似我地做錯野咁，但好奇怪，個瘦削男侍應對其他客好好招呼，我開始懷疑我唔應該著牛仔褲去上品。埋單俾錢多謝都冇一句......講真冇下次！…查看更多

剛入去既時候, 服務環境都OK, 可能因為時間太早, 我地book 左 6:30食.一黎叫左刺生, 見個賣相都幾好, 諗住今次冇簡錯啦.....點知惡夢就開始啦....1) 點左既食物成日都唔出, 成晚就係坐響度 tick 野食, 等野食. 點十樣野, 只黎3, 4 樣. 未試過食放提要食成3個幾鐘. 2) 服務好差, 當日有一個男侍應, 見佢成日就企響電腦前面, 叫佢又唔理, 台面既野又唔執. 我地問佢火鍋料係點計, 例如冬菇寫"1" 究竟係一份定一粒, 佢用好不情願同不尊重既語氣同表情答我地..."冬菇一舊咪一舊lo"....我地只係唔想浪費食物而問清楚, 但換來咁既服務態度. 最後個男侍應唔知因為事響食客面前大大聲發脾氣, 唔係一次, 佢發左幾次, 最尾發脾氣走左, 冇出現過. 另外仲有一位男侍應, 但佢一直都只見佢企埋一面冇做野....全晚都只係靠一班侍應姐姐...辛苦晒3) 當晚環境嘈都癲, 唔知點解成餐廳都係小朋友, 係得幾歲個d, 我以為自己去左兒童樂園........4) 我地個晚食放提火鍋加陶板燒, 點知D牛肉細到離譜, 每一塊都細過干炒牛河D牛肉. 而陶板燒既生料好少, 得牛同豬.....早知唔加一舊水玩陶板燒...太無謂喇.5) 火鍋...個蕃茄湯底反而有驚喜, 都OK. 但生料都係唔多選擇, 我地tick 既野, 同黎既野食完全唔同......6) 刺生, 燒物個D冇咩特別, 亦唔可以話好食.總結....HKD298 plus 10% per head, 咁既價碼, 非常唔抵. 論食物, 價錢, 服務其他日本放提好好多. 再加上呢度跟本冇服務, 仲要受氣又浪費時間, 食到, 肚氣....Black listed....冇下次 …查看更多

有次weekend 去食, 佢地用車仔面紙tick 野食既.點知 tick 咩野就冇咩野...先講個湯 - 冇味, 好似清湯:(油面 - OK la魚蛋 - 唔彈, 淋既豬皮 - 硬:(菜 - OK la真係好難食, 我唯有落多d 辣油. 唉..自己食杯面好過. 一定冇下次.…查看更多

阿叔好勤力, 成日都開檔. 又好口.雞蛋仔好足料, 裡面係實心既, 唔會好似其他咁得一半有料, 另一半空心. 食落似蛋糕仔, 蛋味好重.…查看更多