Florayaug的個人專頁

當日透過Openrice book左1300，與同事共膳我一坻步已經向侍應表示 我訂左位，佢完全無理我，只係為我同同事量體溫。侍應招呼過我前面2位顧客帶他們上2樓，期間係完全無同我地溝通過，咁我地咪企喺原位等安排。然後5分鐘後，個侍應喺梯間蹲低半身，向我哋招手示意我哋過去。個刻心諗：原來你覺得我哋係可以心靈感應 唔出聲都知道係2枱都一齊上2樓⋯⋯😑由於間餐廳係每日set lunch都唔一樣，一埋位個侍應就話等佢換番個today’s menu。 侍應放低張menu 同時就話：today’s lunch set is chicken. 望完成份menu都無雞食⋯開始不惑之際，侍應又同我哋講佢拎錯左menu。更精彩既係，佢再拎下一份menu係食豬扒既，然後我對侍應表示：I don’t think this is the right one...? 佢再一次拎走menu再換，換左份食魚既menu，我真係再忍唔到 心諗你係玩嘢定唔識字？做野點解可以咁俹簁？ 我：Are you sure this is the right menu for today’s? 佢：Yes. 我：And today’s lunch set should be chicken as you told?佢：Yes.我：So can you point out where’s the chicken is from the menu?佢當刻先真正望下自己拎比我哋份menu，發現真係拎錯左🙄首先我再三確認我無聽錯當日係食雞餐，即使該餐廳侍應屬非華裔人士，無理由餐牌上寫fish/ pork/ beef/ chicken 都唔識分？？咁重邊有能力應付lunch hour大量食客？完全不能理解完全無諗過食個晏要換成3次餐牌先揀到野食，期間係一句唔好意思都聽唔到…查看更多

當日去到該址，經理安排的座位並沒有按社交距離措施，每枱至少相隔1.5米。眼見不少食客與食物未上枱前已經除掉口罩，甚或部份食客用膳過後仍然沒有戴上口罩，四處走動以及高談闊論，在場員工看見亦沒有勸阻。食物賣相相當反胃，首先是一籠完全未食過嘅漏餡叉燒包⋯⋯食過咁多年叉燒包，都未試過食一籠係個包完全無包實啲餡然後再上一籠無味豉椒蒸鳳爪，其賣相極為嘔心，好似比其他食客食剩湊埋一籠咁⋯⋯最後甜點選擇了薑糖紅棗糕，無薑味已經係預料之內，仲要煙韌到食擦膠咁，𡁻勁耐都𡁻唔爛千其唔好去食，㑀中之最。…查看更多

首先一讚就係，一入到店內度完體溫，發現店鋪還提供紙袋好讓食客放置口罩用，好窩心嘅安排！除了方便顧客，其實同時亦免卻員工要處理食客遺下口罩的風險一共點了5款食物，全部都好好味員工以及食物水準都好好！需要額外一讚嘅係老闆勁細心，我只係望一望頭頂個冷氣，老闆竟然發現到，問我係咪大風之後重幫我熄咗部冷氣 香港人加油！…查看更多

由於公司於附近，都食過幾次食過第一次都已經充分感受到餐廳放慢板既節奏，但基於欣賞餐廳環境清雅，沒太過分在意 然而，接著光顧幾次亦相差無幾，同時亦體諒只有一名侍應所以上餐時間較長 -惟一次跟該侍應普通傾計中，他反怪責是因為食客食lunch太早所以餐廳應付不暇⋯⋯ 該餐廳開12:00，我與友人於1230達到，實不解何謂「太早」😅 而平心而論灣仔屬商業區，lunch hour亦不是本人能夠控制，該職員將忙碌的負情緒歸咎於食客身上令本人十分無奈😅-然而，最近一次光顧是本人最失望的一次當天約下午1時坻達餐廳，侍應人數比早前多，一共4位當日餐牌上有幾項選擇未能提供，故令不少食客失望 當天要求將蕃茄辣汁換成其他選擇更遭一口拒絕，我反問原因 更指出早前用膳作出同樣要求亦沒有問題。其職員無禮一口拒絕，沒有解釋原因😅 同時，上一次為本人處理的職員聽見，即馬上向我表示向廚房轉達要求。落餐飲重好笑，我與友人要求一杯凍檸茶及熱咖啡敷衍了事的該女士應卻回應只有可樂及雪碧汽水，我反問侍應為何每次用膳都有，今天就未能提供？同時亦眼見其他台食客枱上有凍檸茶😅 -用過餐湯後，等待了超過40分鐘仍未有主餐上，只剩下10分鐘用膳時間，終於忍不住詢問有關安排，同時身邊顧客都開始表達同樣問題。 上餐後，更發現其炒意粉與白烚意粉無異😅 出餐時間長達40-45分鐘，其後敷衍了事的主餐令在場所有顧客都無奈至極。-餐廳管理方法實在有問題，令人十分失望。原先怪責顧客過早（12:30）到餐廳用膳，但後來改了一個餐廳認為「合理」的用膳時間（13:00）職員比早前多，效率、態度以及食物質素卻大大下降😅敢問顧客如何適從？-結論：絕對唔推介，受氣都飽晒 …查看更多

與男友偶爾找到這間泰國菜，一出升降機門口已經被店舖環境所吸引走進餐廳內，無論室外或室內環境同樣雅致員工都好有禮貌點了燒豬頸肉、冬蔭功湯，蟹肉炒飯同馬拉盞通菜每碟份量與一般泰菜餐廳比較都多，味道都好正宗一定會再去食！…查看更多

與友人於午市時間偶爾發現這新餐廳我們都選擇了 豬手飯份量絕對能夠令男士飽肚，餐前還有湯，味道正宗，份量亦恰好環境亦十分舒適，樓底高令食客沒有逼夾的感覺絕對會再來！…查看更多

首先是座位安排問題，當客人要求一個唔係職員分配既位置，即刻有面色睇。當日與友人於平日較早時段，即18:00留座慶祝生日，知道不會只叫2個菜式，故作出該合理要求。而下單後等候菜式期間，職員以眼神以及不斷議論紛紛，實在令我倆感覺不好。一共下3道菜式，1杯凍飲，另加有1款甜品3道菜式等候30鐘後一次過上，份量以及味道都可以接受。用餐過後，我示意侍應可以上甜品，該甜品為「芒果配棉花糖多士」。等候上甜品一共40分鐘，我於等至30分鐘時候曾作詢問，侍應回應因為個多士要焗所以需時較長。再等多10分鐘，甜品終於上，一個「焗左40分鐘既多士」上到飯枱，原來係凍既。認真而論，若果不是朋友生日，我絕對不會花40分鐘無事做等待甜品。本人明白亦體諒餐廳或人手有限，但該餐廳絕對有大量空間改善：1. 若果職員於下單時提醒客人等候甜品大概時間需要多少，就可以令客人自行衡量等候時間，免去客人花上完全不能夠理解既時間去等候。2. 此點更為重要，就是員工之個人態度以及操守。首先是因為座位問題被黑面對待，店鋪始終是於商場中之食肆，食客對服務有一定程度期望。再者，員工先稱該晚booking好full，但我倆於餐廳120分鐘直至離座，都唔見所謂的「好full」。然後到甜品，若果真係如員工所講多士即焗所以要等，何解上枱後發現多士係凍呢？ 其實若果直接坦白講廚房唔夠人手，等候時間會長少少，或令食客更易諒解。惟該員工謊話一而再，再而三，令本人十分不滿，有辱智商之嫌。極期望餐廳正視問題並作出改善之策。…查看更多