Milex Mimi的个人专页

今時今日仲可以咁差嘅服務態度！ 我以為澳牛出咗名㗎啦！估唔到呢間港里茶餐廳一樣！ 我自己身為香港人我都好奇怪，問過夥記攞個餐牌睇佢叫我，自己睇個檯面 最慘佢基本上呢一個四人座位,每一邊呢就係只貼一張 ，細個一半A4 size嘅餐牌!! 再＋上啲字係好細隻 我呢啲有老花嘅點會睇到呀 ！！ 咁咪問個夥記 畀一張早餐餐牌我睇, 兩個都唔肯提供!! 只係繼續叫我睇餐枱 我結果要趷起身行過對面位， 仲要搬開 嗰個枱面嘅 食物餐具先睇到！！ 係咪好精彩呢🤪痴線 ！！打印餐牌成本有幾貴啫? ！當你好貴都係六蚊一張影印。你仲要細個一半A4 size，你一次過打印一張都可以擺放到四個餐牌啦. 你六蚊可以打印到四張餐牌咁都唔肯投資 ， 夥記佢仲要個樣好厭煩 當你問佢攞餐牌 ，香港茶餐廳 多得呢啲咁嘅餐廳服務 想好都難啦！ 唔好怪人北上消費 😩最後試咗去所謂嘅招牌沙爹牛肉 ，非常普通， 唔需要專登走去試 ！奶茶完全唔合格， 求其自己買即沖嘅都好飲過佢另外蛋治又係唔合格, 炒蛋：雞蛋冇味 ,炒得太碎.菠蘿包個皮 用鐵匙羹都敲到kwok kwok聲, 證明好硬，不合水平👎服务差，食物质素不合格，不会再幫襯了。。。…查看更多

今次有驚喜😜見到之前嘅食評：對服務態度,行政，出菜时间， 各方面都有所劣評！但係今日親生體驗：相信店主可能有留意到食評, 完全改善曬！ 侍應生改為一班年輕後生仔女, 服務態度好好, 今日攞枱順利, 等點心時間合理, 沒有混亂嘅情況,亦都沒有漏單 多謝店主 有所改善🙏還有食淨少少點心亦都沒有 罰錢 另外一提之前，有人話 排骨鳳爪唔夠淋，唔好味，相信店主亦有留意到，已經改善👍三十幾款點心，我覺得 最差就係個雞扎 ，建議店住不如剔起雞扎，既然整得唔好味！其他 炸嘢甜品一流 炒粉同個炒飯亦都是一流， 無謂畀 雞扎一個點心拉低個評分👍咁嘅質素埋單168蚊 性價比非常之高！又有無敵維園境 同親朋戚友gathering一流😘…查看更多

慕名而來專登買一盒海南雞飯仲加咗十蚊加雞！！結果非常失望 唔知係咪 忘記咗我加咗錢加雞，嗰份量少得可憐 ，就算當冇加十蚊原本雞嘅份量都少得好誇張，食過味道好一般 ， 我隨時喺奇趣燒味舖啲雞都好食過佢， 最慘啲飯唔係油飯又硬，以後都唔會再幫襯！ 之前睇社交平台 啲人又話排長龍又盛， 赞到不得了 應該係收咗錢寫！仲有個冬瓜泥湯不知所謂 呢間海南雞專門店 肯定係blacklist之選…查看更多

個小炒王非常好味呀！！送酒送飯一流呀👍😋 大人小朋友一定啱食😊個生炒椒鹽骨，味道剛剛好，不會太鹹，好惹味。羅漢上素，味道不錯，用料新鮮，不會太多味精。當然佢蒸海鮮都有一定嘅水準 ！整體而言，個人覺得佢都算係坪洲頭一二名好味嘅餐館 絕對值得一試 😍…查看更多

老闆態度好好！好有街坊嘅感覺，食出坪洲人情味嘅街頭小食 值得一讚個炸番薯超好味過炸粉開得好好，個雞神腎好入味，好有滷水味，食起嚟又唔會話炸得好乾，剛剛好。睇得出老闆對炸嘢好有研究…查看更多