yikacole的个人专页

荃灣多好野食係人都知，但講到去飲茶你又會點揀，原來有好多人都會專程入荃灣再轉車上川龍村飲個早茶，望住大帽山個山景，唔通真係會精神d？今次跟住班行山友黎到，打算飲完個早茶就往錦田方向行上大帽山茶樓有2層，所有點心都係自己拎。呢度最特別既就係，一有新鮮點心出爐手快有手慢無，所以大家只要有岩食既點心就要快手去攞啦，比起推車仔既酒樓依種形式更滋味多款傳統點心，亦有特色點心，例如鵪鶉蛋燒賣都超級足料，每枱更必點西洋菜。我地嘆夠茶食飽點心就出發…查看更多

今日去左中環食晚飯，位置都幾方便，地鐵站出黎行2-3分鐘就到。今次叫左兩個唔同既set dinner, 一個係主打食生蠔，一個就可以隨心D自己揀。 首先前菜就即刻黎3左蠔，上面配左唔同既sauce，分別係海草啫喱,白醋三文魚子同埋香草忌廉。 3隻都好好食，同就咁食單食生蠔最大既分別就係多左一種唔同既口感，例如海草啫喱，除左食到生蠔本身好JUICY既感覺之外重會食到一個食日本野既感覺係度，真係好特別。而另一個前菜就係香煎牛仔柳配黑松露泡沫，一黎到就聞到黑松露既味，配埋外皮煎香左但肉身重係好嫩既牛仔柳一齊食都真係幾唔錯。餐湯就係鮮蠔周打忌廉湯同磨菇湯，平時多數係飲周打蜆湯，今次變左做蠔之後個湯重解甜左，湯入面重有原隻蠔係到。到主菜菠菜焗龍蝦配酥炸墨魚汁蠔。龍蝦焗得岩岩好，食得出龍蝦肉好嫩同好彈，蠔亦都炸得外面好脆但係入面又唔會亁。另一個主菜係脆煎甘鯛魚配南瓜汁。個魚皮炸得好脆，脆到真係好似薯片咁脆，但係神奇既係魚肉重可以好嫩。兩樣一齊食既口感真係好好。到最後甜品係焗蘋果芝士撻配雪糕。個撻皮好酥脆好好食，就算舊雪糕放係上面都無影響到佢好脆既口感，做得幾好。…查看更多

今晚同老公去左日和茶舍，今次試下佢地既火鍋。上到黎打邊爐仲有7折, 套餐晚市料理8折, 又幾抵,點完菜侍應就推一車醬料比我地自己揀，包羅萬有，唔夠隨時再拎。湯底就叫左椰子雞湯、沙嗲湯底，飲一啖椰子雞湯已經好濃郁的椰子味，入面勁多椰子肉，我爭d當左佢真係湯水咁，想一飲再飲，而沙嗲湯底就濃味得黎，一d都唔辣👍🏻岩哂我呢種唔食得辣的人。最欣賞佢地既肉類有頂級和牛牛頸脊、上級胸腹肥牛同埋西班牙橡果梅頭肉。和牛牛頸脊肉質鮮嫩而不油膩, 至於上級胸腹肥牛，油脂含量豐富，油花均勻, 相當唔錯。最後梅頭豬肉都ok，口感肉質非常細緻、脂肪充滿橡果香、軟嫩多汁帶甜，非常美味。食得出用料相當高質!!另外仲有三寶丸分別係墨丸、牛丸同埋包心豬肉丸，當中墨丸真係有驚喜，真係會見到墨魚肉，爽口彈牙。牛丸口感紥實。包心豬肉丸真係要小心，老公一咬多汁到流出黎, 相當JUICY。呢間店其中一樣出名的就係餃子，所以叫左佢的時令餃子，食落先知道原來係2種餃mix埋一碟上，入面分別有菇菌肉餡、芹菜肉餡，真係幾好味。餐廳無論裝修、壁畫、食物、服務都相當用心, 值得再黎!!…查看更多

今日係我同我老公嘅結婚紀念日，我哋慶祝第一站就係呢間餐廳。餐廳佈置簡約，燈光柔和，非常舒服。我哋先叫咗兩杯沙冰，一杯係雜莓乳酪沙冰， 另一杯係香蕉乳酪沙冰，杯沙冰性價比真係好高，40幾蚊，d沙冰堆到成座山咁高，入口足料， 一啲都冇揸流攤。個餐湯係南瓜湯，好濃郁嘅南瓜香味。而主菜就叫咗卡邦尼煙肉Risotto, 個Risotto好正宗，米煮到黏而不軟，口感硬中帶稔，卡邦尼醬好Creamy 而又有香濃芝士味, 非常好食， 非常滿足的一個午餐😋…查看更多

餐廳以鹿做裝潢，門口有一幅特色牆可以拍照打卡，環境清靜，枱同枱之間不會太迫，適合情侶或三五知己聚餐聊天。一坐低就送上餐包，淡淡香草麵包沾上油醋汁十分可口。見生蠔有優惠$10/隻，叫左半打試下，生蠔比想像中大隻，海水味不算濃，十分抵食。烤墨西哥單骨雞翼$78 - 適合鍾意食辣既朋友，外皮烤到好脆身，整成單骨亦都方便食。蟹肉甲羅燒意大利飯 $158 - 平時甲羅燒通常就甘食，今次配上意大利飯感覺幾得意，意大利飯煮得好creamy,甲羅燒好多蟹膏蟹肉，可以先試左個飯既口感再撈埋蟹膏蟹肉一齊，另一種味道。荔枝菠蘿藍蝶花梳打$40- 顏色賣相好靚以為味道麻麻，但飲落又幾好飲又清甜有果味，但記得要攪勻循個底先好飲～…查看更多

平時黎開上環都係嘆咖啡☕️休息一下，今次發現原來呢度轉左做LLB Bistro, 環境不錯，外面仲有幾張高枱，眼見都有唔少外國人，感覺好休閒。由於唔係咁餓所以叫左少少野食試下，先叫左壺洋甘菊花茶，洋甘菊花茶味道較清香，比例岩岩好唔會太濃味，而且店員仲不停自動幫手refill水，仲有傾兩句，店員服務值得一讚～之後叫左碟松露芝士薯條，一上枱就已經聞到陣陣松露香味，而且薯條仲係勁熱😍加埋芝士不得了！ 最鐘意熱辣辣嘅薯條，因為呢個時候嘅口感係最好，唔會太冧仲脆脆地！睇相個個都食egg Benedict， 又試下。 一份egg Benedict 會有2件再加一碟細細既水果沙律。 份量都幾多，Egg Benedict 一切開就流曬d 蛋黃醬出嚟。打卡最岩，個畫面好治癒😆。底層既包都相當脆，蛋漿令到底層個包再林少少之後再食就最好味！仲有份小小水果沙律跟埋，相當豐富。而且呢碟水果沙律用嘅水果都好新鮮，而且係切到一粒一口相當方便。最後再叫咗個蟹肉意粉，蟹肉鮮甜而且份量控制得不錯，每一啖意粉都能夠品嘗到蟹肉的鮮甜。頂層嘅菜我建議撈埋一齊食，少量嘅配菜，提升整個意粉的口感。真係好又發現到一間比較隱蔽嘅餐廳，人流唔算多環境又唔錯呢個價錢性價比算高。 …查看更多

今日有同事想食特色菜，所以放工之後我地幾個去咗尖沙咀諾士佛台呢間樓上鋪。餐廳以墨西哥菜為主，環境舒服有氣氛，好適合同事聚腳。我哋三個人主要叫咗三款菜色。 頭盤係白酒煮蜆，雖然菜式叫白酒煮蜆，但係睇英文係青口黎架。原來老闆係外國人，所以翻譯上有小小搞笑🤣都係睇返英文menu好啲。呢味菜冇用到白酒，係用左傳統嘅辣蕃茄汁煮青口。青口好入味，有少少酸辣，非常開胃！之後有生蠔，生蠔非常新鮮，有少少海水味，入口鮮甜，推介。最後叫左個Rib eye，牛扒五成熟煮得剛剛好，油花豐富，中間有明顯的油脂，口感軟腍，肉質鮮嫩。飲品方面我叫左杯Hello Berry，飲品由三種Berry 組成。唔單止外形美觀，味道亦都好好！…查看更多

鮮有過黎土瓜灣食野，今次有朋友推介，特登過黎幫襯。呢間餐廳剛剛裝修完，環境好企理好乾淨，坐都坐得好舒服。首先係呢個花膠烏雞湯，如果想飲湯的話，記得book枱果時一定要Order定。呢個湯啖啖精華，連雞骨都煲到好林，好夠火喉！同朋友都係勁中意食海鮮的人，所以今晚的餸菜都係以海鮮為主。首先是胡椒濃湯浸大蜆。估唔到個濃湯咁好飲咁香甜，有胡椒的香，亦都有大蜆的鮮甜，依家諗返都好回味。跟住就係雙蚌炒露荀。兩種蚌都好新鮮爽口，加埋黑松露的香，直頭一流，不可不試！蒜蓉蒸帶子：帶子大粒都呢！啖啖肉，好鮮甜彈牙，加埋吸晒肉汁的粉絲同金菇，真係一流！另外呢個炒蟹同蝦多士都嘩左一聲，隻蟹啖啖肉之餘，仲要爆膏，而個蝦多士就脆得黎唔油膩，好味呀！總括黎講，今晚的食物質素一流，環境舒服，招呼周到，已經推薦左俾啲親戚朋友啦！…查看更多

之前已經聽過呢間coffee shop, 行過銅鑼灣睇到佢喺間傢私舖樓上開左分店就試下，一行入去看見裝修簡約，純白的色調，行平實舒適風格，帶點清新的感覺。Starter揀左無花果羽衣甘藍沙律，份量多，啱哂同人share食，無花果好鮮甜，用來做沙律味道好特別！另外叫咗個煎肉眼扒，煎到5成熟，外面有青蔥牛肉汁好惹味，裏面好juicy, 完全鎖得住肉汁，好味😋我揀咗松葉蟹肉飯，蟹炸得好香脆，可以連殻食，配埋蟹籽和溫泉蛋撈飯一流👍🏼👍🏼👍🏼甜品控既我點會唔叫甜品呢！order咗竹炭戚風蛋糕配芝士奶蓋，蛋糕好鬆軟，重點係芝士奶蓋好滑好smooth, 同蛋糕perfect match, 仲有芝士脆脆配搭芝士奶蓋，鹹鹹地又有少少甜，質感味道好得意！平時好少飲咖啡，睇到menu有好多選擇，唔知揀邊款好，店員就逐一介紹不同咖啡的特色和味道，我叫咗埃塞俄比亞既手沖咖啡，咖啡師係開放式的bar即磨即沖，一陣陣的咖啡香氣四溢，味道上帶著柔和的果味，醇厚度豐富，保留了咖啡的香醇原味，正呀！下次試下其他款既咖啡先。…查看更多

成日lunch hour 經過都想試，終於搵左個同事同一齊去 我地叫左碟前菜，有泡菜，蘿蔔同青瓜，味道不錯開胃最岩，個份量都唔少，2個人一碟都夠share ~ 之後主角黎啦「牛繁三點盛合」三款牛分別係：特上澳洲胸腹肉， 中落牛肋肉，上級牛五花，三款牛都相當唔錯，而我最鐘意既係牛五花，肉質最鮮嫩😍每款牛都有個牌仔列番個名出黎Tim👍🏻👍🏻 啤酒配燒肉，完美既配塔。 再黎試試牛以外既食物，登登登！！就係燒海鮮😍燒尤魚 勁大條，要剪剪剪，店員都好細心見我地有困難 過左黎幫手剪剪😆 差d俾我搞到一舊舊。 so far野食都唔錯同環境都唔錯， 臨走前店員亦會遞上香噴噴既噴霧俾我地噴衫。香噴噴離開🤣 員工服務態度相當不錯，成日都過黎幫我，值得一讚…查看更多

今日去左一個好有主題ge餐廳，叫麵麵。一入去舖頭就好似置身於漁船之中，連頭頂的燈飾都好似個漁網咁，好有趣。聽左店員嘅介紹，店舖以自家的魚麵作主打，所以今日就叫左個海膽手工拌麵黎試一試。上枱的海膽份量好足又肥美，而且味道鮮甜，價錢都唔算貴，Set Dinner只需$138，就可以食到一大塊新鮮海膽！而拌麵的魚麵就用左粗魚麵，店員解釋粗麵的麵粉含量較幼魚麵多，所以比較容易吸附醬汁，做拌麵一流！食落粗麵口感較腍，加上鮮磨的山葵和醬油，鮮香中帶小小刺激，非常好吃😋另外佢嘅配菜都好有心思，有加左海苔ge薯蓉，感覺更清新；中間係柚子醋黑木耳，酸酸甜甜非常開胃；最左邊係浸過梅汁ge去皮番茄仔，味道清甜！店長亦都非常友善，俾我嘗試左佢地自家製嘅辣椒醬。辣椒主要係由魚肉及蝦干混合而成，不算太辣，亦有海鮮嘅鮮味，用黎撈粗魚麵，非常惹味！好想買一樽返屋企🤣呢間係一間好用心的小店，非常值得推介！…查看更多

今日和同事想輕鬆一下，放工一齊泥左呢間非常有格調ge日本小店。呢間舖頭位於小街內，寧靜又舒服。坐低同同事叫左小小壽司和熟食。店長好友善，幫我介紹左幾款值得食嘅菜式，非常貼心。經店長介紹，我地第一道就大膽叫左一味鱈魚白子。大家有所不知，其實它就是鱈魚的精囊，有豐富蛋白質，係店內高檔貨，口感滑嫩，入口即化，絕無魚腥味，非常新鮮，值得推介。之後叫咗幾款壽司食，有赤笠子，眼仁奈，吉備奈子，黑鯥，海膽大蝦。都係有店長介紹，我地先識order。材料全部都好新鮮，好鮮甜彈牙。赤笠子表面搽上柚子醬汁，有小小微辣，肉質好結實彈牙。眼仁奈，魚身好有膠質，味道鮮美。吉備奈子面頭放上洋蔥，令壽司口感變得清爽。黑鯥肉質較結實，加上壽司師傅的調味，食落有股炙燒的香氣，十分特別。黎到我至愛的海膽大蝦，海膽肉色金黃，味香好甘甜，口感紮實，略帶海水味，陪上鮮蝦的彈牙口感，非常豐富，好想要多一客呀。全部壽司都好新鮮，yummy yummy最後當然唔少得梗係吉列金星豚！吉列金星豚果然名不虛傳，口感外脆內軟，就算係炸過的金星豚肉質依然保持鬆軟，脂肪分布均勻，肥廋適中。齒頰留香，回味無窮。好滿足呀呢一餐！做野辛苦梗係要享受下啦！下次再黎！…查看更多

There are a few location of Lei Garden Restaurants in Hong Kong but this one is not Michelin starred. This is the only Lei Garden I had been to as it is conveniently located at Time Square.I like how you can make a reservation even on a weekend dim sum lunch. Waiting for a table on a weekend can be such a nightmare in Hong Kong. Make sure to request to be seated in the main dining area when you make your reservation, the back room area is not nicely set up and did take away the dining experience.Dim sun lunch was decent quality. Lighter and more delicate in taste. Nothing make me go wow but quite enjoyable.Service was OK, can be more attentive.…查看更多

Both goose and pork was of superb quality. Roast goose was well marinated and retains the perfect balance of meat and fat. The plum dipping sauce goes really well with the meat and elevated it to the next level! Roast BBQ pork was probly some of the best I've had! I have no other words than you must try it when you come here!One star off for the price! Yeah the portion was not big for HK$250! I guess you pay the extra for the nice decor too.…查看更多

I have lived in HK for almost two years and haven't tried this place yet because there is always a line out the door. I came here on a Friday afternoon at 4pm and still had to wait in line. As The name implies the place is famous for roast goose. The goose was juicy and flavorful. However there was a little bit too much fat and the mouthfeel was off. Price is reasonable considering how popular this place is. The soya chicken was surprisingly good. I would also recommend the egg noodles with goose fat drippings. The cold marinated goose is ok and would not order that again.…查看更多