lillian kwan的个人专页

家庭聚會，之前已來過一次，家人喜歡一邊飲茶一邊欣賞維港景，所以book枱時要求了近窗，一行7人，餐廳安排了近窗長枱。我地叫左幾個set 的點心套餐，點心質素幾高，特別係蝦餃燒賣同埋鮑魚撻，好好食，性價比高，家人都好滿意下次會再來。…查看更多

星期日晚同朋友聚會，朋友想飲酒chill下，隨意book左呢間，見openrice無乜posts連晚市餐牌都無，本身無特別期望，但今晚我地都真心有驚喜！我地一到經理哥哥好好service!介紹我地晚市5 courses set dinner 有6折，酒或cocktail 仲可以買一送一！我地就每人都叫左dinner set,同每人一杯酒！一開波來左個麵包籃，餐廳有個自家制蕃茄汁俾客人點麵包食，出奇地好食！頭盤鮑魚醃青瓜都幾特別幾開胃，湯有得揀海鮮冬蔭功或者燕窩木瓜忌廉湯，我地揀左後者，木瓜味勁香同食到粒粒燕窩，好滑好好飲！之後就係個煙燻蟹餅，出場果陣用個玻璃罩罩住，一打開就有木燻嘅煙湧出來，啱曬俾人打卡，然後啖啖嘅蟹肉真心大滿足，份量好大！！食到呢度主菜未上已飽飽地主菜我揀左芝士焗龍蝦配龍蝦汁泡飯，個龍蝦焗到勁嫩勁好食，個飯都好入味但已勁飽食唔曬！朋友有啲揀左牛扒有啲揀羊扒都話好嫩好好食！最後係甜品！椰子雪糕真係驚艷到，勁香椰子味仲有粒粒椰肉！飽到上心口都食埋，個蛋糕都好大件好食，但食左兩啖已經食唔落🙉！最後仲有餐茶可以揀！埋單連加一飲埋酒係每人500，夜晚有維港夜景睇嘅地方，性價比真心高！會encore!但今晚星期日都係得兩枱客好靜下，希望餐廳做到落去！…查看更多

之前睇到youtuber真食評，推介呢間人氣泰菜小店，九龍城分店長期人龍，所以無去排，得知佢喺北角開左分店，即刻忍唔住試下！佢個燒牛肉真係超級好味，入口果下好食過高級扒房，d friend一入口都“嘩”都出來，而且性價比超高！！絕對值得回頭！…查看更多