SomeoneLikesYummy的个人专页

同朋友嚟Pillowtalk 慶祝生日，因為佢有啲好特別嘅cocktail 同生蠔，餐廳氣氛浪漫，坐得好舒服。Welcome Dish｜日式蛋捲滑嫩細緻，蛋香自然，入口柔軟，是一個舒服的開場。少女心事 Sayonara像士多啤梨奶般甜美，適合喜歡奶酒和甜味的朋友。咸濕馬天尼 Kinky Martini我喜歡！飲落一陣Smoked Bacon 味，加埋Tabasco，鹹香微辣，層次分明，是一杯非常有個性的cocktail 。法式田螺多士 Snail Toast法式田螺配多士，出面少見。炭燒魷魚仔 Charcoal Grilled Squid魷魚仔炭香突出，有咬口，送酒一流。西班牙蒜油蝦 Gambas Al Ajillo蝦肉爽口，蒜香濃郁，配上的薄片非常香脆，是一款令人停不了口的小食。生蠔 Oyster新鮮度高，味道清爽，性價比高。Today’s Special｜香橙鴨腿配焦糖蘋果鵝肝鴨腿皮脆肉嫩，鵝肝入口即化，焦糖蘋果做得非常入味，甜中帶酸，與鴨肉和鵝肝形成完美平衡，味道層次豐富。炭燒頂級美國安格斯 牛板腱牛味濃郁，五成熟剛好。Apple Crumble 蛋糕事前與餐廳溝通想要水怪公仔，畫得特別可愛，香甜蘋果味。整體感覺溫馨。希望朋友今個生日開心，感謝餐廳的配合與心思。…查看更多

雞頸肉到提燈，每串都有驚喜走進火赤，彷彿置身東京街頭的小酒館，充滿日式居酒屋氛圍。店內以黑色為主調，燈光昏黃，除了 bar 枱，亦設有室外坐位，靜中帶旺，適合三五知己慢慢嘆串燒、飲清酒，談天說地。這晚點了幾款串燒和小食，每款都見心思，味道與火候俱佳：• 糯米雞肉棒：外脆內糯，米香與雞肉融合得宜，配上少少醬汁更惹味，令人一試難忘。• 雞頸肉：少見部位，肉質嫩滑又帶嚼勁，燒得香口，食完即想 encore。• 雞上髀肉：肉質嫩滑，炭香四溢，簡單鹽燒已經好出色，完全唔需要多餘調味。• 雞心：爽口不腥，調味恰到好處，入口有彈性，令人驚喜。• 提燈（雞子）：外層微脆，內裡爆漿，口感層次豐富，令人驚艷。• 法國水牛芝士煙肉卷：芝士濃郁邪惡，煙肉鹹香，咬落一刻超滿足，中間夾住紫蘇葉更添清新層次，邪惡中見優雅。• 燒鱈魚乾：外脆內香，微微焦香中帶點甘甜，是送酒一流的小食，愈食愈開胃。• 福岡秋葵：清爽解膩，保留蔬菜原味，配上木魚絲味道更突出，簡單但不平凡。• 蘆筍：燒得剛好，保持脆度，淡淡鹽味提鮮，清新怡人。• 醤油燒飯團：外層焦香，內裡軟糯，醬油味濃郁，有日式街頭風味，簡單卻令人回味。• 抹茶厥餅：作為收尾甜品，煙韌不膩，抹茶香濃而不苦，清新解膩，完美句號。火赤的串燒用料新鮮、火候掌握得好，部分罕見部位如雞頸肉、提燈等更添驚喜。整體體驗令人滿足，無論係味道、氣氛定服務，都令人想再訪。…查看更多

直接去片以下係brunch嘅簡單分享：餐前香檳 & 頭盤：Henri Giraud Dame Jane Sparkling Rosé 真係超正！果香好突出，飲落清爽又有層次。Natto sourdough with brown butter infused with Fukuoka soy & Saga brown cheese 👍🏼👍🏼👍🏼納豆酸種包，抹上以福岡刺身醬油與佐賀熟成芝士調製的牛油，牛油的柔滑與芝士的濃郁互相襯托，醬油的鮮甜滲透其中，形成鹹香、奶香、焦香交織的多重層次。牛油超好食Fuji salmon with rich, milky fish broth 魚湯都係重點，奶香順滑，鮮味濃郁。鮮味濃郁House-made green tea somen 綠茶素麵滑溜，帶淡淡茶香，清爽舒服。主菜：Chicken : Local yellow chicken breast & soy-glazed leg meatball with truffle, mushrooms & peppery Sichuan jus 黃雞胸肉嫩滑，肉丸濃味，松露蘑菇香氣濃。四川醬汁微辣，味道活潑。Murray cod:鱈魚肉質結實鮮甜，火候恰到好處，保留魚本身嘅清香。Lemon cream酸香，broccoli purée滑甜，清新滿足。甜品& 甜酒：Genmaicha & Caviar 👍🏼👍🏼👍🏼米香清新，裹住脆海苔，內有Q彈糯米團同餅乾碎，魚子醬畀少少奢華感，好玩。Citrus蜜柑雪葩、蛋白餅、蜜柑啫喱，酸甜清新，結尾完美收結四季梅 ほうじ茶梅酒👍🏼👍🏼👍🏼茶香互相呼應，甜品的米香與魚子醬的鹹鮮，配上焙茶梅酒的果香與茶韻，鹹甜平衡，和風十足。Petits FoursFinancier：新鮮出爐的金磚小蛋糕，上面鋪上Granola一齊焗，外脆內軟，牛油香濃。Blueberry cream cheese：配Financier一齊食Elderflower juice：花香微甜，清新解膩。DALLOYAU'S DA CHOCO 芝麻脆皮朱古力，香濃酥脆。服務溫暖而風趣，侍應不但細心講解菜式，更主動交流飲食心得，令這個午後時光倍添難忘。…查看更多

10月 R字尾嘅月份＝生蠔季節！見到有 $9 一隻蠔優惠，約埋蠔友即刻衝去試！ 餐廳主打生蠔同海鮮，款式多元，質素有驚喜，環境舒適，服務有心思，整體體驗滿意。 🥂 白酒忌廉煮青口 Mussels with wine and cream 青口煮得啱啱好，肉質飽滿彈牙，忌廉醬香濃但唔膩，白酒香氣提升層次，配埋 芝士蒜香包 一齊食真係一流。 🧄 芝士蒜香包 Cheese & Garlic Bread 外脆內軟，蒜香撲鼻，加上芝士鹹香，簡單但好味。 🍞 法式鵝肝多士 Foie gras with toast 鵝肝香氣濃郁，餘韻留喺口腔，配上黑醋和多士，食材有誠意。 🦞 紐西蘭螯蝦 Scampi 肉質爽口彈牙，鮮味突出，簡單調味已經好出色，食得出食材新鮮。 🦐 西班牙紅蝦 Carabinero 有「世界最好食嘅蝦」之稱，蝦膏濃郁鮮甜，蝦身厚實，蝦味爆棚，真係超正！ 🦪 生蠔四重奏 今次試咗四款唔同產地嘅生蠔，各有特色，蠔味層次分明： • $9 Oyster (🤪 無問係咩名)：爽身、海水味重果種，size 相對細，但味道一樣出色，$9 價錢真係好抵食！  • Gillardeau：法國經典蠔，爽身，海水味適中，蠔味濃郁，穩陣之選。  • La Reserve：爽口之餘帶微微金屬味，層次感豐富，口感獨特。  • Namibia：忌廉感重，海水味濃，餘韻強烈，適合重口味蠔迷。🍰 巴斯克芝士蛋糕，店員特別喺碟上畫咗可愛公仔，仲寫上「friendship forever」！真係好有心思，令人感動又加分！ …查看更多

最近去咗荃灣曹公坊一間泰國小店——，地舖位置唔算大，環境比較狹窄，樓底又矮，坐得唔算太舒服，但一入去見到佢哋用咗好多綠色植物做裝飾，感覺幾清新，氣氛都唔錯，係嗰種街坊feel但又有少少泰式風情，唔會太浮誇，幾貼地。講返食物，今次試咗幾款菜式，最驚喜竟然係！🔥🐟 泰國炸魚皮：辣得過癮，香脆到停唔到口！一上枱已經聞到香味，炸得超級脆，唔油膩，入口即化嗰種脆感真係好正！雖然佢有啲辣，但係唔係死辣，係有層次嗰種，辣完仲有啲香料味喺口腔度回甘，食完一塊又一塊，完全停唔到手！如果你本身鍾意食辣又鍾意香脆小食，呢個真係必試！我自己食完仲想打包返屋企睇戲配住食，夠晒爽！🍲 冬蔭公湯：足料大盤，酸辣平衡，蝦膏香濃！呢個湯有誠意，佢入面有好多菇菇🍄，仲有幾隻超大蝦，蝦頭仲有蝦膏，啖啖鮮味！湯底酸辣味好平衡，唔會太酸又唔會太辣，仲帶有啲香料嘅清新味，飲落去唔會膩。呢個冬蔭公湯真係有驚喜，感覺好似喺泰國街邊食到嗰種地道味。🐔 海南雞半隻 & 🦐 泰式生蝦：正常發揮海南雞半隻就比較普通，雞肉唔算特別嫩，但都唔差，配醬都ok。泰式生蝦方面，味道正常，冇太大驚喜，但新鮮度都夠，唔會有腥味，算係合格之作。🍗 沙嗲雞：醬汁好味，雞肉嫩滑沙嗲雞都唔錯，雞肉唔乾，醬汁係重點，濃郁但唔會太甜，有花生香但唔會太膩，拌飯一流。雖然唔係話超驚喜，但係係穩陣之選，值得一試。🏠 環境小結：地方唔大，但有心思講真，地方真係唔大，坐得比較逼，樓底矮有少少壓迫感，但佢哋用咗好多綠色植物做裝飾，令成間舖唔會太侷促，有種小清新感覺。唔係打卡型餐廳，但係有種街坊溫馨感，適合同朋友輕鬆食餐飯。…查看更多

位於跑馬地載德街嘅「壹玖捌叁」，唔止係一間港式餐廳咁簡單，而係一場味覺與視覺嘅雙重享受。由裝潢到菜式，每一個細節都見心思，難怪成為唔少人打卡之選。花雕蛋白配白泡唔止係一道菜，更似一幅畫。白色蛋白如雪山般靜靜地坐喺藍白陶瓷碟中央，頂部一抹橙黃花雕醬，像夕陽落山前最後一絲光。周圍鋪滿粗鹽或碎冰，似海岸邊嘅浪花，襯托出蛋白嘅潔白與柔和。細細睇，仲有啲小花、小葉、黑豆、甚至一隻細細隻嘅蟹，像係一個微型生態，將整個海岸場景搬上枱面 🦀🌸🧂。味道方面，花雕酒香唔濃烈，反而係淡淡地滲入蛋白之中，入口滑溜，唔膩。白泡輕盈，像係空氣中飄浮嘅細霧，唔係主角，但令整體多咗一份層次。呢碟菜唔係要你「嘩」一聲，而係要你慢慢望、慢慢食，然後喺心入面輕輕咁讚一句：「靚。」佢唔係嗰種令人即刻記得味道嘅菜，但係你會記得佢嘅樣，記得嗰種靜靜地、唔爭唔搶嘅美。係一種唔講嘢但有存在感嘅風格，像係一個唔出聲但好有氣質嘅人。流心鹹蛋黃芋角外面睇落平平無奇，一咬落去，流心奶黃爆出嚟，鹹蛋香同芋蓉夾得好靚，唔會太膩，食完仲想再叫多隻。墨汁魷魚餃係蝦加魷魚嘅餃，配啲墨汁，幾有創意，口感豐富，墨汁冇搶味，反而令成件事有層次。黑糖馬拉糕配椰絲牛油好食，只係其他太出色，佢就變得冇咁突出。不過椰絲牛油加得啱，有少少驚喜。但被其他食物比下去🤪整體嚟講，呢餐係有記憶嘅。唔係每道菜都驚為天人，但有幾樣真係食完會記得。唔浮誇，唔造作，係一餐有誠意、有心機嘅港式創作。…查看更多

PLAYT 咖啡廳主打全天候自助餐，今次親身試過午市 buffet，真心覺得係一間「性價比高」又有誠意的酒店餐廳。一入場，唔使諗，直奔甜品區先！🍮🍫雪糕櫃係焦點之一，Moutai (茅台)、開心果、榴槤三款口味真係夠晒癲！茅台雪糕有淡淡酒香，唔會太濃，啱晒想試新嘢但又唔想醉；開心果香滑得嚟唔膩，榴槤就重口味 fans 至愛，香味勁爆，入口即化 🤤。仲有朱古力噴泉🍫、即製窩夫🧇、蛋糕🍰、布甸🍮，款式唔算誇張多，但每樣都見心思，唔係求其砌出嚟嗰種。🥗🍞🧀 食完甜品，返轉頭慢慢 explore 冷盤區。麵包款式唔少，外脆內軟，配埋火腿、芝士，簡簡單單已經好滿足 🥖🧀。沙律吧都唔錯，菜新鮮，醬汁唔會太 heavy，食落清爽 🥗。🦐🦪🍣 海鮮方面有蝦🦐、青口🦪、蜆、蟹腳🦀樣樣齊，全部冰鎮得宜，鮮味唔輸晚市。最驚喜係泰式生蝦刺身 🇹🇭，酸酸辣辣好醒胃 🌶️，蝦肉爽口唔腥，幾有特色。日式刺身🍣雖然唔算多款，但三文魚、吞拿魚都有，切得厚身，唔會一夾就散晒 👍。🍲🐓🥘 中式燉湯係我心水之一 🍲，當日飲到花膠雞腳湯 🐓，湯底清甜，材料足料，飲完真係有種「補返條筋」嘅感覺 💪。其他熱食就中西合璧，有燒肉🍖、焗薯🥔、意粉🍝，味道唔錯，唔會太鹹，啱晒唔想食得太 heavy 嘅人 🧘‍♀️。整體而言 勝價比高 值得試…查看更多

睇澳門猛男show 睇到我熱血沸騰 尖叫過後 非常肚餓過咗嚟醫肚🍞 餐包 & sourdough breadThe rolls were warm and buttery, while the sourdough had a nice soft texture. A great way to start the meal.餐包夠熱、超軟熟，牛油香濃；酸種麵包外脆內軟！🍳 "Ovos Rotos" 64°C egg with bacalhau, fried potatoes and smoked sausage 64°C雞蛋配馬介休、香炸馬鈴薯及煙票腸🐟The slow-cooked egg was perfectly creamy, paired with salted cod in fillet form and crispy fried potatoes. A comforting and flavorful dish.溫泉蛋流心滑嫩，馬介休魚片鹹香十足，配上炸得香脆的薯仔，整體味道濃郁有層次。🍟 "Batata Trufada" Homemade truffle French fries with truffle mayonnaise自家製松露薯條配松露蛋黃醬Crispy on the outside but smooth like mashed potato inside. The truffle mayonnaise made it even more addictive.外層酥脆，內裡綿密如薯蓉，松露蛋黃醬香氣撲鼻，令人食到停唔到口。🐥 "Galinha à Portuguesa" Macanese coconut chicken with turmerie sauce and black olives澳門椰汁雞佐薑黃汁及黑橄欖 🍛Tender chicken in a rich coconut-turmeric sauce with black olives. The flavors were bold and aromatic.雞肉煮得嫩滑，薑黃椰汁醬汁香濃惹味，加上黑橄欖的微鹹，風味獨特。🍚 "Arroz de Pato" Baked duck rice with Portuguese sausages葡萄牙香腸焗鴨飯 The duck flavor stood out beautifully, and the rice was moist and infused with smoky sausage. A hearty, satisfying dish.鴨肉香味濃郁，米飯吸飽鴨油同臘腸的精華，軟熟入味，係一道充滿滿足感的主菜。🍾 Passadouro Branco 2023A fresh, citrusy white wine that balanced the rich flavors of the food.帶有清新柑橘香氣的白酒，正好平衡菜式的濃郁味道。🎀 A delicious blend of Portuguese and Macanese cuisine, full of bold flavors and well-executed dishes.融合葡澳風味的精緻料理，每道菜都做得用心，味道出色，值得一試！…查看更多

用乾花精緻佈置嘅花花餐廳，環境溫馨浪漫，嚟呢度慶祝生日，真係超有儀式感✨🦪 生蠔雙拼• 日之雪花：肉厚多汁，滑溜溜，帶有清新的瓜果甜味，入口清爽。• 銀堡壘 Ostras Del Castillo：同樣肉厚飽滿，入口濃香，堅果與青瓜味交織，層次豐富。🥖 前菜暖身• 暖笠笠餐包，外脆內軟，啱啱出爐最正。• 蕃茄湯順滑濃郁，暖胃又舒服。• 巴馬火腿沙律配上甜甜菠蘿，酸甜開胃，清新醒神。🍝 香煎鵝肝黑松露意大利粉Pan-fried Foie Gras with Spaghetti in Black Truffle Cream Sauce鵝肝外脆內嫩，入口即化；黑松露忌廉醬香氣撲鼻，完美包裹每條意粉，每一啖都係享受。🥩 澳洲一級牛肉眼扒配燒汁Grilled Australia Rib Eye Steak with Gravy牛味濃郁，預先切好，方便分享；配上香脆焗薯同焦香焗蒜頭，燒汁與蒜香完美融合，令人一試難忘！🍰 檸檬蛋白批 Lemon Meringue Pie酸甜平衡，碟上寫上「Happy Birthday」，為生日夜添上滿滿儀式感。🍹 檸檬薑蜜 & 青檸藍碟花茶顏值與味道兼備，清新解膩，完美作結！…查看更多

屯門卓爾廣場厚興瑜記手撕雞係全港首間堂食店，環境寬敞，坐位舒適，唔會逼促，係一個可以慢慢食嘅地方。店員服務好有心，唔止幫老人家送餐到座位，仲會主動查問麻辣湯底夠唔夠辣，令人感受到濃濃人情味。麻辣滑雞米線雞肉份量足，米線軟硬適中，食落有口感，麻辣湯底夠香夠惹味但唔會太刺激。黃酒雞煲水晶麵就偏向溫補路線，湯底有黃酒香氣，配埋紅棗杞子，暖身又滋味，秋冬天食特別啱。飲品方面，樽仔奶茶茶底有香氣，唔苦唔澀，甜度適中；柚子蜜水晶奇亞籽清爽解膩，飲完有種清新感。店舖仲有會員制度，加入後可以享用coupon優惠，$20就食到下午茶，性價比高，啱晒街坊或者返工族。整體感覺係一間貼地、親民、有溫度嘅小店，唔浮誇，食物有誠意，服務有心機，值得支持。…查看更多

二人套餐性價比高，份量足夠又驚喜，特別是醬料選擇豐富的北京填鴨。餐廳主打粵菜、京川滬菜，環境舒適，交通方便。今次試嘅二人套餐非常抵食，菜式包括雞絲粉皮、杏汁白肺湯、半隻北京填鴨、紅燒豆腐、白飯及桂花糕。杏汁白肺湯味道清香，湯底濃郁，令人印象深刻。北京填鴨係亮點之一，除咗傳統甜醬，仲有酸梅醬、桂花糖漿、胡麻醬、哈密瓜等創新配搭，食法多元又有趣。雞絲粉皮爽滑，胡麻醬味道突出；紅燒豆腐偏清淡，適合口味清新人士。整體份量足夠，兩人食已經好飽。…查看更多

同朋友食飯，朋友揀咗尖沙咀呢間好似韓國屋仔的餐廳，紅磚牆配木系傢俬，氛圍溫馨，真係好似走入咗韓劇入面嘅家庭廚房。天氣開始涼，見到菜單有石頭飯就即刻心動，點咗韓式牛肉石頭飯，朋友就揀咗純豆腐海鮮湯。韓式牛肉石頭飯石鍋夠熱，牛肉份量足，配料有泡菜、芽菜、菠菜、生菜、脆肉瓜同隻蛋，加埋韓式甜辣醬撈勻，飯焦香口，層次豐富，食落幾滿足。純豆腐海鮮湯湯底唔太辣，豆腐軟綿，蝦同蜆都夠鮮，飲落暖笠笠。套餐仲包埋泡菜和傳統甜品  - 益力多。整體係一間貼地又有溫度嘅韓國家庭料理小店，適合三五知己聚餐，感受一下韓式家常的味道。…查看更多

餐廳環境好有泰國花房feel，綠色同鮮花點綴，仲有新鮮玫瑰喺枱面。冬蔭功湯：香茅同辣椒味一上枱就扑鼻，湯頭酸辣醒胃！大蝦、秀珍菇同草菇超足料，配料新鮮，辣度啱好，唔食辣嘅朋友都ok！茄子肉碎魷魚沙律：茄子軟腍入味，配上鹹香肉碎同爽彈魷魚粒，酸酸地醬汁好開胃！辣椒香氣提升層次，配料組合好有心思，味道甜酸辣平衡，作為前菜真是一個完美選擇！炸魚青芒沙律：好大碟，超震撼！原條魚切件炸到金黃酥脆，外脆內嫩，配青芒、洋蔥粒、腰果、青瓜粒、青檸、香茅同辣椒，酸辣醬汁惹味，配料心思細膩，食落刺激又過癮！蟹肉炒飯：飯粒乾身，粒粒分明，帶濃濃鑊氣同蟹肉香！蟹肉絲同炒蛋鮮甜滿分，配料簡單但用心，突顯鮮味，份量夠二人share，食完有種泰國街頭風味！呢度有泰國風情，菜式份量同用料都好足，尤其係佢哋喺食材同配料嘅心思。餐廳仲有免費Wi-Fi，邊食邊上網打卡超方便！…查看更多

小同聚會，通常都會揀返屋企附近，今次嚟冇打邊爐，淨係叫咗啲小菜，都滿意。• 咕嚕肉：酸甜平衡得唔錯，炸漿唔厚，肉質有彈性。仲有新鮮菠蘿一齊食🍍• 小炒王：鑊氣足，材料夠豐富，味道偏鹹但好惹味。• 紅蔥頭油淋雞：紅蔥香味突出，雞肉滑，油香但唔膩。送酒最啱👇🏻• 脆皮炸大腸：炸得夠脆，冇腥味，配啲辣椒鹽幾好送酒。• 椒鹽鮮魷：炸得香脆，魷魚唔韌，椒鹽味唔會太重。整體嚟講，啲餸有鑊氣，價錢合理。下次可以試埋佢啲火鍋。…查看更多

灣仔船街，靜靜地藏住一間叫 Flagship 嘅小店。門面低調，入去坐低好好食餐飯。香煎章魚鬚章魚腳外脆內嫩，香氣撲鼻，咬落去彈牙但唔韌，配埋羽衣甘藍同黑醋蜜糖醬，酸甜中滲出鮮味，三文魚子點綴得恰到好處。千層脆窩夫油封鴨脾招牌之選，鴨皮香脆，肉質滑林唔乾，配菜色彩繽紛，流心蛋一切開就流晒出嚟，焗蒜頭香滑，洛神花醬酸甜醒胃，配埋酥脆窩夫一齊食，層次豐富。焗蒜頭太好食，最後食晒。大閘蟹糕燴飯壓軸登場，蟹膏味濃，每啖都係精華，Risotto 軟硬適中，唔會太腍亦唔會太硬，啱晒口感。整體嚟講，呢餐食得好滿足，食物有心思、有味道。…查看更多