timachan的个人专页

放假懶得自己煮諗住同屋企人叫外賣叫熊貓外賣真係非常失望所有食物賣相都唔錯的但味道就真係唔得菠蘿油加凍檸茶要$42個菠蘿包得少少牛油完全少少鮮牛油既跡像都冇而且個菠蘿包有勁大浸雪味，咬左一啖就已經吐左出黎扒餐要吉烈豬扒冇比醬都算啦果條腸係食過最差好似一pat冇味既麵粉咁一啲咬口都冇以後不會再幫襯唯一可取既係杯凍檸檬茶係幾好飲仲有佢套外賣西式餐具幾靚不過其他野真係完全唔得有半份早餐都擺唔落口應該唔會再叫了…查看更多

冬冬地就最想食中菜，同女朋友行完街係銅鑼灣有咩選擇? 我地就揀左鳳城。之前午市黎過飲茶已經覺得不錯，晚市就第一次試。兩個人叫左半隻乳豬、大馬站煲同煲仔飯乳豬會比埋手套你用手食，特別好FEEL，而乳豬唔太肥而且好入味，抵食蠟味煲仔飯D蠟味全部少肥而且好香，最後要係底飯焦靚，食完勁滿足…查看更多

我最鍾意任食任飲，一個價錢食幾多都得，唔使下下就住就住，計住食左幾多，朋友推介呢間手工涮涮鍋，話價錢唔貴又有水準，於是即管試試!佢分2個時段，6:00PM同8:45PM，我同班FRIEND就揀左8:45，每位$288另加一，有3個鍋揀，我地揀左個麻辣卜卜蜆，蜆都幾多同新鮮，每2人一份牛同手工拼盤，牛係高檔既牛頸脊，夠晒牛味，拼盤食物種類多，有太極菇、黑松露蟹肉餃，芝士三色丸等有成七、八款，呢兩款雖然無得追加，但分量都唔少，食晒已經飽左8成，至於可以無限追加既食物，有蔬菜同一D食火鍋必有食物外，仲有好多特式野，例如紫薯芋圓同水晶包，真係好少見。另外真係要讚下飲品方面，咪以為得汽水飲咁單調，佢有可樂沙冰，又有不同既台式奶茶同水果冰茶，而且全部任飲，絕對係誠意之作!…查看更多

喺灣仔食晏其實真係好貴，平時食開＄5、60已經好肉赤，但同事唔知點解無啦啦話要食好啲，我哋就周圍搵啲好嘢食。行到過去譚臣道見到呢間小店，門口唔係話好大，但見到裝修就知價錢未必一定系平，再睇一睇一個lunch around＄100對於我哋呢啲打工仔來講已經好貴。不過同事既然想食好啲就試試佢啦，見佢個Menu有日文就知道系好嘢，我就叫咗個四色魚生飯，佢比平時嘅魚生飯有一個特別之處就係有好多蟹肉，而且三文魚子都好多，食落去啖啖肉非常滿足雖然價錢貴左少少，但下次都會再試。…查看更多

前牌同表舅父講起，佢同我介紹話長洲開咗間新嘅打邊爐，主力係食醉雞同埋胡椒豬肚湯。陳呢排凍凍地，當然要去試一試啦。呢間店大部份嘅座位都係路邊，夏天就話炎熱，但冬天打邊爐就真係風味一流。兩個人去食叫唔到太多野，叫咗半隻醉雞鍋，一黎到已經比一大浸藥材味同埋花雕味吸引着，非常香。我哋仲叫咗一碟魚皮，肥牛，唐山菜同埋我主打推介嘅帶子餃。帶子水餃每隻都係即叫即包，一邊充滿着帶子肉同埋少少豬肉，配埋醉雞湯底真係非常滿足，嚟到必試！…查看更多

喺灣仔返工咁耐，每逢一覺得自己病病地或者病咗，就會嚟呢度食粥。呢度除咗粥之外成日都仲有湯飯啊嗰啲選擇，但我多數都淨係食白粥因為夠下火，咁大個人淨係食咗白粥邊夠飽啦？所以我通常都會叫埋腸粉。食腸粉最緊要就係多醬，呢度啲醬放喺枱面任你加，對於鍾意食醬嘅朋友來講真係一大福音。同事叫咗個鹹肉糭，佢話非常紮實，大隻夾抵食，如果下次冇咁唔舒服都一定要試試。講番我個白粥，其實白粥到到煮都差唔多，最緊要就夠錦夠米香，呢到兩樣都做得唔錯，算對我呢個病人有個交代。…查看更多

一年一度媽咪生日，都要諗去邊度食嘢，不過多數都係會去灣仔君悅酒店，因為佢哋係會員。本來諗住去池伴燒烤自助餐，但係上面好似已經唔做buffet ,所以就落咗去coffee Shop。本身想去啱啱裝修完嘅tiffin試吓，但係媽咪話啲椅唔好坐，而且佢唔食生蠔，所以就去coffee shop。對上一次去coffee Shop食buffet ,已經好似係一年之前，今次去到啲嘢食完全唔同晒。最驚喜嘅係連招牌菜海南雞飯都有得食，而且海鮮數量亦都好多，真係食龍蝦同埋刺身都已經值回票價！加埋鵝肝同埋燒牛柳，真係食到反晒肚！…查看更多

星期五早上，都約了和上環上班的朋友早餐，每個星期都由他決定吃什麼。這次他帶我來這間位於蘇杭街的清靜小店，他說午市經常爆滿，還好早上沒有太多人，可以安安樂樂地吃早餐。我點了一份煙三文魚牛油果吐司上邊還有一隻半熟蛋，加一杯凍檸檬茶80幾蚊，以早餐來說其實都幾貴。不過當我見到厚厚的牛油果醬時，我就覺得一啲都唔貴了，因為熟得剛剛好的牛油果是很難食到的，配上煙三文魚簡直是人間美味，而且店入邊人多清清靜靜咁食一個早餐真係有錢都買唔到，仲要係上環添…查看更多

以前係觀塘區返工好似冇乜嘢好食咁，食來食去都係工廠飯堂，又或者係茶記。但自從九龍東發展越嚟越蓬勃越來越多寫字樓進駐開始多咗好多各式各樣唔同嘅食物，尤其是係工廈上邊有好多鮮為人知嘅好嘢食。如果係觀塘區返開工都會知道駿業街係一條食街，除咗係球場隔離嘅熟食中心之外，四周圍都有唔少餐廳食肆。今日放工同幾個同事想靜靜地食餐飯傾啲嘢就梗係search下依排有咩新餐廳啦，因為好多都俾我哋食過晒冇乜新鮮感之後就搵到依間啦。你間餐廳開張唔係好耐，主攻係意大利菜同西班牙菜，見到餐牌上邊嘅選擇都好多，同事都係決定俾我發板。第一次是我哋想叫多啲野去share食，首先係一個紅菜頭汁藜麥沙律，藜麥本身就已經好健康口感亦都好特別，加埋酸酸甜甜嘅紅菜頭汁非常之咁開胃，有同事之前原來冇試過藜麥因為唔係度度都有得食，試過之後發現原來個味道咁得意。之後我哋叫咗幾款西班牙小食，有肉腸、有西班牙火腿拼盤、同埋有個蒜蓉煮蝦。西班牙火腿拼盤有好多種唔同嘅火腿仲有埋黑橄欖添，用來送酒就最好不過，我每種火腿都試咗一塊，感覺同759嗰啲簡直冇得比，香得來唔會好鹹，而且陣陣嘅風乾未喺口入邊久久都難以散去。之後試咗一個是日餐湯，係黑松露雜菌湯，經理拎到埋嚟嘅時候都未上枱已經聞到好大陣黑松露嘅香味，飲落好滑好香，廚師用黑松露一啲都唔小氣，每一啖都充滿着黑松露嘅香氣。講開黑松露，因為同事係黑松露嘅終極粉絲，所以佢點名要叫手工黑松露雜菌意粉，通常係出邊食飯叫意粉都冇乜誠意好似百德阿姨咁，而到嘅手做意粉就非常有特色，意粉外型比一般正常闊條麵闊幾倍，但係食落一啲都唔硬，口感非常煙韌，而呢一種咁闊嘅意粉好處係可以沾到更多黑松露醬汁，令你每一啖都感受到黑松露帶比你嘅衝擊。…查看更多

到九龍城多數為的是食泰國菜，其次就是打邊爐。由廿年前到方榮記，到今時今日九龍城的火鍋店已愈開愈多，選擇多得令人眼花撩亂。同事選擇火鍋頭的原因是有廂房，就算食得興起都唔怕嘈到人。人未到時我們先點了幾道小吃，分別是拍青瓜、鴨舌、鬼馬油條及炸雲吞。拍青瓜 -  味道酸酸的非常開胃，口感爽脆作為冷盤的它沒有一盤餐廳不夠冷的通病，用作開胃小吃非常不錯。鴨舌- 本人不吃鴨舌，不過朋友說夠入味，賣相也不錯。鬼馬油條 -- 本人由愛的小吃，炸得香口而且蝦膠彈牙，令人不禁接二連三地放入口。炸雲吞 - 皮薄而且涵多，脆卜卜夠香口，佐酒一流。我地揀左花膠雞湯底，打邊爐前先呷一口湯，雞湯不太油，配上花膠可以話係天作之合，女士們忍唔住飲多兩碗。而邊爐配料當中，最出色的當然是手切牛肉，新鮮而且牛味夠，輕輕一灼就已經可以放入口，入口溶化，搞到我食極都唔停。除此之外，我地仲叫左隻鮑魚，切片後用黎淥就最fit!!!!…查看更多

唔知由幾時開始，香港既澳門食肆由如雨後春荀盤愈開愈多。朋友話去呢到食晚飯，本身都冇乜期待，點知最後就喜出望外。首先要講一定係澳門名物花甲蟹煲，由當件係澳門台山水佬榮仲未出名果時已經食緊，花甲蟹煲得唔得我隔住個芒都睇得出。而澳明仔呢個花甲蟹煲都相當出色，花甲大隻、肉厚而且冇沙，鮮甜。蟹夠大隻，肉實，上等貨色。加埋有豬骨同蝦等等，淨係食個花甲蟹煲都已經飽左一半。另外講到另一個澳門名物，豬扒包一定榜上有名，估唔到呢到主打打邊爐都竟然有豬扒包食，當然要會一會佢啦。豬扒醃得夠入味，而且又鬆軟，配上洋蔥絲實屬佳品。最後不得不提既係佢有水吧，可以飲大大杯凍檸茶同奶茶之類既茶記飲品，對於我呢個凍檸茶之鬼黎講絕對大大加分！…查看更多

食越南野呀我都可以話係非常有經驗，當年係越南公幹啦日都食唔同嘅越南食品，返左黎香港之後成日都忍唔住要去食下越南野，但唔係每一間都帶到比我真正嘅越南風味。女朋友話搵到間好嘢，要帶我去試一試試一試是否真的好像胡志明市。 原來品越呢就唔係傳統嘅越南餐廳，而係糅合咗新派東南亞料理各國風格嘅新派餐廳。我哋叫咗碟串燒，沙嗲醬嘅味道唔太鹹甜甜地好開胃，食多幾轉都唔怕滯。 食越南野呀唔識越南雞翼就等於你唔識食，我哋當然要試一試佢啦。牛油雞翼好意做得唔好，因為要用好多好多油先至可以整得出乾身嘅牛油雞翼。呢度嘅牛油雞翼恰到好處，加埋蒜蓉調味牛油有香，一客四隻真係好想自己一個食晒佢，可惜女朋友都爭住食但又想試吓其他嘢，所以都係忍住先！ 我哋仲叫咗個吞拿魚木瓜沙律，呢個配搭我可以講係史無前例，前所未見，非常創新。吞拿魚微微燒過，配上帶啲泰式風情嘅青木瓜沙律，既酸既甜又有啲辣，味道非常有層次而口感亦都帶俾你一個多元化嘅享受！…查看更多

其實平時好少去旺角，今日有啲事要去雅蘭中心，搞完之後已經到晚飯時間就去咗pokka cafe試下。頭盤首先要咗個雞肉黑葡萄沙律，沙律嘅配料全部都放係個進度，賣相好靚而且啲菜都好新鮮，加埋秘製嘅醬汁非常開胃，我最鍾意就係果塊炸到脆晒嘅煙肉，香脆好食到飛起，因為我最鍾意就係食煙肉主菜就要左一個慢煮蟹肉意粉，大廚用長時間去煮蟹，將佢啲精華煮晒出嚟再燴落啲意粉度。每一條意粉都吸收咗蟹肉嘅精華，海鮮嘅香氣完全佈滿左每一條意粉，食落去就好似將成隻蟹吞落肚咁，震撼我每一顆味蕾。一個完整嘅晚餐，最唔少得嘅當然係甜品啦。我見到餐牌上邊有窩夫，二話不說就揀咗佢，香脆鬆軟嘅窩夫，配上凍冰冰嘅雪糕，一冷一熱簡直係最佳拍檔。除此之外我仲叫咗杯咖啡，呢杯並唔係普通嘅咖啡，而係等一個人咖啡，就係之前電影等一個人咖啡個杯等一個人咖啡。一邊加入左玫瑰花，每一啖都有好多玫瑰花香，作為呢個晚餐完美嘅結束可以話係不二之選…查看更多

星期一當然要對自己好d，收工去食個勁既burger好好賞勵下自己啦！成日都聽朋友介紹Burgeroom，嚟到人都幾多，不過好快就有位啦。洋蔥圈炸得幾通透，洋蔥好甜，作為餐前小食真係好唔錯。食burger當然愈heavy愈好，今日會一會佢個鵝肝漢堡，鵝肝同牛肉味道好夾，加埋既感覺好豐盛。鵝肝煎得夠香，而且唔乾，一咬落去成口都係油，極滿足。…查看更多

我真係好中意打邊爐，而雞煲可以話係當中既最愛。成日去大埔都係食陳漢記，今日朋友就介紹黎呢到食雞煲，都可以一戰！我地有人唔食辣，所以叫左一個麻辣同一個醉雞，滿足晒每個人既所需。我自己本身中意食辣，但聞到隔離煲醉雞都忍唔住要坐過去，因為d花彫實在太香，而且仲有大大粒「紅祖」，夠晒補身，雞肉夠滑夠入味，唔錯唔錯。打邊爐點能夠唔食牛？我地一口氣叫左肥牛、頸脊同牛腩，我自己就最中意頸脊，牛味香又唔韌，食多兩碟都仲得。而豬紅亦係見到必點之選，因為唔係到到都有得食，佢嘅豬紅都幾爽口，唔會一patpat，水準唔錯。…查看更多