hambite的个人专页

呢日行到黎APM，岩岩正午時間搵午餐，經過呢間tea time成日要排隊嘅Pancake，可能早未有太多人，決定入去食Pancake當正餐😁🥞煙三文魚牛油果班戟配沙律 $118喺門口比呢個餐點吸引左入去🤣班戟蛋味都幾重，加埋煙三文魚入口幾唔錯，旁邊有沙律，食落成份都有小清新感覺～成份都好飽肚🤣🍫熱朱古力 - 隨餐+8蚊一上枱已經見到個拉花靚🥰開心左🤣杯朱古力好濃郁，唔會好苦，朱古力控應該幾鐘意🤣☕️Iced Mocha呢杯凍Mocha我自己覺得正常發揮，無話有咩太特別～So far我係比較鐘意綠油油嘅環境🥰坐低喺度食野都好舒服～餐點我覺得唔錯，但價錢可能略貴了點，但地點而言都明白🙈呢間喺APM開左都好耐，尖沙咀都有分店，可以下次再戰🤣…查看更多

復活節假期還是留港消費，沒有外遊～這天來到元朗，原來都已經開幕差不多一年，人流比旁邊Yoho mall旺一點，可能這邊餐廳小吃都比較多。這一次試了試Peko Peko的下午茶：🍝蒜香白酒大蜆意大利麵 $98這個有濃濃的蒜香，有不少的蒜片😀大蜆圍繞著意粉，賣相也頗不錯😇意粉硬度可以，大蜆也鮮甜，但是意粉就沒有什麼特別，感覺就是用橄欖油拌了以外就沒，要跟蒜片一起吃。如果有多點黑椒，蒜蓉可能會更好。🐟脆炸紐西蘭深海魚柳拼脆薯條 $78這個魚柳炸得很脆很香，吃下去也不會太油，不錯吃。薯條就正常水準🤗🍔芝士脆雞大啡菇班戟漢堡配脆薯條 $88這個班戟漢堡有點驚喜😚，以前都是吃麥當勞那種偏甜的班戟，這個就是純粹的班戟，但配了其他材料比如芝士或醬料就不錯看，特別是大啡菇，頗Juicy的🥰環境都比較舒適，這次坐在窗邊，日光透進來，加上日系和木系的裝潢，感覺也不錯。要注意下午茶要3點半後才開始的，想試試的朋友就要注意時間~…查看更多

辛辛苦苦工作完，夜晚緊係要好好獎勵自己！今日去到左The ONE嘅Gram食野，主食，甜品都食哂，大滿足！士多啤梨流漿班戟 $118有得玩有得食🤣整體味道唔錯，唔會太酸，個班戟都夠軟熟，中間嘅夾心配上班戟同埋流心醬，咸咸甜甜，感覺都幾好☺️唔會太膩～鮮果乳酪梳乎厘班戟芭菲 $98一上枱已經覺得好靚🥰每層都係唔同口感，由上層棉花糖，雪糕，鮮果，食到下面忌廉，梳乎厘班戟，到藍莓乳酪，由甜到酸，好好味！而且鮮果好甜，成杯感覺係好清新好fresh，呢個正啊😆日本和牛漢堡班戟 $128食完2個甜品都係意猶未盡，決定叫多個和牛漢堡班戟！和牛很Juicy，平時配漢堡包食，今次就係配班戟，配搭都幾特別😄另外上面有d辣辣嘅肉醬，加埋一齊食好惹味！一次過食哂主食同甜品，真係好正😆下次決定再黎食過🤣…查看更多

呢排食意粉多，打算今日去食返餐中式少少嘅晚飯🤣喺元朗出沒，喺元朗廣場後面行下行下搵到一間食生煎包小籠包😇店鋪入面裝修都幾中式，唔算話好大，但中間有兩張瓷器嘅櫈，都幾得意🤭🦀蟹粉小籠包 $80/4隻熱辣辣上黎，一打開蓋已經香噴噴🤗新鮮蒸好拎出黎真係好香😆小心翼翼咁夾佢上隻匙度，用筷子整開少少d湯汁已經流哂出黎，勁香🥰食落去都好有蟹粉味，入面嘅肉，蟹粉同湯汁加埋一齊食，皮薄餡靚🐽原味生煎包 $20/ 2隻見每一枱都會叫生煎包，我地都叫左兩隻😆佢出面嘅黑芝麻好香，咬落去個皮仲係脆，唔會好厚😀入面嘅湯汁都好多，成個都好味😋🧇手工豆沙鍋餅 $28食上海菜嘅話我通常都食高力豆沙或者豆沙鍋餅，呢度嘅豆沙鍋餅都幾得意，我平時食嘅係煙煙韌韌嘅多，但係佢呢個都幾脆😛當然中間都有煙韌，而入面豆沙嘅份量我覺得岩岩好，特別係我自己唔鐘意食太多豆沙，唔會太甜，唔錯😁🥛低糖豆漿 $8食生煎包慣左都會配一杯豆漿，呢杯係低糖豆漿，唔係太甜，都係個健康嘅選擇😇…查看更多

早幾日約左班老友聚，就揀左尖沙咀呢間西餐，見係新餐廳開左無耐，想試吓😆🦞龍蝦海鮮海龍皇湯意大利麵 (2人份) $299上菜果陣真係好吸引！龍蝦大大隻，龍蝦肉好彈牙😆仲有好多唔同種類嘅海鮮😚湯底好濃郁，將附上嘅麵包浸埋落去湯底食真係好好味😊意粉幾得意，佢唔會話好淋或者漲哂，食落有d似油麵咁有𡁻口😆🐟新鮮三文魚扒配香草忌廉汁 $198三文魚皮煎到酥脆，一口咬落去好正🥰三文魚肉都好嫩，食落去岩岩好😀另外配上嘅薯蓉都夠幼滑，同埋香草忌廉汁都好夾👍🍟芝士薯條 $40個薯條炸得好脆，可以再點埋芝士醬，一咬落去芝士超滿足😆有時我鐘意芝士醬多過芝士焗薯條，因為焗嘅話試過遇到薯條淋哂，依家咁就唔錯😁餐廳開左嘅K11 Musea foodcourt旁邊，地點都幾方便易搵，下次可以再黎試下其他食物😉…查看更多

今日去開尖沙咀，又食得多西式，決定去試下印度菜😆估唔到尖東都有好多印度菜餐廳，今次食嘅呢間味道都好🤤🤤🥔Bambaiya Dahi Puri $79呢個都係幾開胃嘅前菜，每一個炸嘅麵團入面都係有薯仔粒同甜酸醬，外面再淋上乳酪同埋少少辣粉😆我自己覺得幾開胃，外脆內軟，酸酸地少辣，唔錯🥰🍄Mushroom in Pepper Garlic $95另一款小食，磨菇切細件，再用特製嘅胡椒加蒜頭整成嘅醬料一齊炒，食落去有少少半煎炸效果，味道好濃郁，勁惹味😆🧄Garlic Naan $45🥘Cheese Butter Masala $119黎食印度菜當然要食我至愛嘅Naan，呢款係加左蒜蓉一齊整，香脆煙韌，再加上咖哩超級惹味，忍唔住口都食左3塊🤣🤣🧀Malai Paneer Tikka $115呢個係類似燒烤串燒做法，喺青紅椒之間，加左用奶酪整成嘅一件件好似豆卜嘅食物，夾住黎食感覺好特別，口感幾豐富👍🥭Mango Lassi $59印度菜必試飲品，芒果同奶酪整成，飲落酸酸甜甜，非常清新☺️🥤Masala Coke $44呢杯好似可樂但實際係杯特飲，甜，酸，辣都有，非常特別🤣🤣總括而言係好食，見到餐廳仲有其他特色嘅菜式，下次再黎食過！…查看更多

今次放工黎到銅鑼灣，去食一間人氣漢堡店😆最近見到社交平台都有人分享，就決定黎試下😊位置都幾方便，就喺時代廣場後面😆🐮和牛漢堡 Tasting $77今次唔係想食好多野，下午茶食得多左🤐所以叫左個Tasting size~個餐有拼埋薯條，好快就上菜😊我幾鐘意佢呢個漢堡😆和牛係好Juicy，肉味都好夠! 有餐廳加落去嘅醬汁，仲有新鮮蕃茄同生菜，好Fresh😉成個咬落去個口感同層次豐富😇薯條都熱辣辣炸起😆正🤗🥦素漢堡 Combo $125呢個都有驚喜，上菜時已經見到佢好大個好豐富，芝士，洋蔥同醬已經見到都覺得好吸引🤣素漢堡嘅肉食落去都幾得意幾唔錯，佢口感有少少似食腸仔肉嘅感覺，好有趣，味道上都有d似肉味咁😆加埋其他配料都幾唔錯，值得一提個包，應該係有用牛油烤過所以都好香口🤤🥥Iced Coconut $49今次想飲d 清少少嘅野，叫左杯椰子水🤣未試過，不過食完漢堡飲又覺得幾舒服🤣總括黎講都好食😛下次黎開銅鑼灣想食漢堡可以再食😆…查看更多

岩岩喺日本返黎，又掛住日本野，但又想食得惹味D，Why not both🤣 今晚決定兩樣都食，黎個日式韓式都有嘅晚飯🤗🧆明太子章魚燒 $46／10粒普通章魚燒食得多，加埋明太子又比較少😆粒粒都好飽滿好大粒🤗即使拎到返屋企仍然脆口，入面又有彈牙章魚，出面加上明太子醬同紫菜，濃味又香口岩哂我😁🐮韓式牛肉炒粉絲 $43呢個都真係好足料🤤，一夾起已經齊哂牛肉，粉絲同其他配菜🥰味道黎講都幾唔錯，唔會太油或者漿住口，仍然有口感👍😚🐖泡菜豬肉炒飯 $46呢個係一打開，泡菜味已經湧埋黎，超級香噴噴🤩上面塊煎蛋係超搶focus🤣又圓又大超開心😁同炒粉絲一樣係好足料，而且超惹味，有洋蔥有切片菇同豬肉，口感十足，又唔會太辣，好食！🦀忌廉蟹肉餅 $22三塊蟹肉餅拎到返屋企都仍然脆身，一分開佢入面餡料已經超多🤣夠creamy，而且都夠蟹肉味，咬落去外脆內軟，滿足😁總括黎講成餐都好味，所有食物都係即整出黎，返到嚟再係熱辣辣有煙😍最驚喜連炸物都脆卜卜，店員服務友善有禮，價錢亦都幾實惠，夠大份，性價比都高😉可以再翻Take試下佢其他越式食品同刺身😚…查看更多

大圍嘅圍方開左好耐，一直都好多人，最近終於搵個週末去左，輕鬆逛完，突然諗起附近有間有名嘅小食店，充滿港式情懷😁🐟燒賣 10粒／$12見到佢係領展早幾年舉行比賽中嘅魚蛋燒賣組拎金獎，一定要試下佢嘅燒賣😆價錢完全係抵到飛起，12蚊有10粒🤩粒粒都大大粒咁，魚肉燒賣餡料十足，而且煙煙韌韌🤤🍆煎釀三寶 5件／$20已經好一段時間無食過煎釀三寶，揀左我最愛嘅茄子，青椒，紅腸😆雖然唔係即刻炸起，但可能因為有個爐烘住所以仍然熱辣辣☺️！茄子食落多汁軟淋，加埋果塊魚肉真係無得頂🤤大大塊連埋茄子一齊食，仲有青椒都係🥰煙煙韌韌！價錢親民，選擇又多，性價比高，真係難怪鋪頭前一直都有人排隊光顧😆…查看更多

又黎到大角咀搵食😆今日黎到呢間串揚店，見到餐牌樣樣都吸引😍就決定要個便當樣樣都試下🤣🐙套餐前菜 - 八爪魚、麵豉湯食個前菜已經好有驚喜😍八爪魚超好食，師傅切到細細粒，撈埋特製醬料，有d似係平日食螺肉嘅醬汁加左落去八爪魚粒度🥰超好食真係😍😍夠凍，有咬口，甜甜地少辣，好開胃！麵豉湯勁多料🤣我未見過一碗麵豉湯有咁多白蘿蔔片，但已經好淋，加埋湯唔會太咸，呢個又係好好味😆🐮和風牛肉便當 $108一上枱已經好開心🤣因為真係勁豐富！有芝麻雞翼，和風牛肉，吉列蝦，吉列紫薯餅，刺身，仲有一碗飯／烏冬😍串揚店當然去試左炸物先！吉列紫薯餅炸得勁鬆化，又唔會太油，而且餡餅豐富，加左紫薯粒令薯餅更有口感👍👍👍其他嘅吉列蝦，芝麻雞翼一樣出色，炸物超好食！刺身新鮮肥美，和風牛肉配飯一流😆我一個人都食到勁飽🤣另一個Highlight✨️係見到同事嗌吉列豬扒飯🐖，店員送上芝麻同芝麻磨棒可供磨碎，再自行加入豬扒汁👍😍無諗過呢間小店咁高質！而且吉列豬扒飯餐只係$78蚊連前菜，真係勁抵！總括而言，味道很好，份量足夠，性價比高，值得下次再戰，要再黎食堆招牌嘅串揚！…查看更多

特別的日子，要去特別的餐廳🥰適逢紀念日，去左尖沙咀呢間鐵板燒享受下美食😆呢間曾經有米芝蓮推介，又可以欣賞維港靚景，果然無令我失望😆兩個人叫左兩個套餐，一個牛一個海鮮，師傅好好服務，預先同我地介紹食材，亦都推薦我地可以和牛同櫻花蝦炒飯夾埋炒，會更惹味😙鐵板牛柳套餐 $368鐵板海鮮套餐 $368🥗🍣前菜 - 沙律、刺身、麵豉湯、茶碗蒸、冬瓜刺身超肥美🥰🥰特別係三文魚，又夠凍，超好食😆沙律都好新鮮，好開胃😁麵豉湯同茶碗蒸都正😄據說蛋係用蘭王蛋😍另外冬瓜係凍食，但口感同味道都一流🤩🦐🐟鐵板海鮮 - 帶子、大蝦、魚三款都好正！帶子超大粒，咬落又嫩滑😍大蝦超級爽口，而且切好哂上碟，食起黎方便好多！魚都係數一數二食過嘅好味，夠滑，而皮都比較脆，又充滿住師傅特製醬料，正😆🐮鐵板牛柳 師傅將牛柳切成細件，然後燒至7成，待應介紹住每款配料，有芥末，黑椒，蒜片等等🥰牛柳好淋，而且肉汁肉味豐富，預先調味下，純粹食牛柳都好好食，加上脆到好似薯片嘅蒜片，將味道同口感昇華去另一個層次😍😋😋😋大推！🐮🦐和牛櫻花蝦炒飯師傅將2個餐嘅和牛同蝦加埋一齊炒，食落好有口感，飯亦粒粒分明，配料豐富😋😋🤩🥣甜品 - 南瓜紅豆湯呢個甜品唔會太甜，但味道好好😄紅豆綿軟，好好味😊整體而言係超正😆環境舒適一流，服務態度好好，師傅都會一邊整一邊同客人傾計交流😆好開心好滿足🥰🥰🥰絕對會二訪！！…查看更多

成班同事最近去大角咀搵野食，突然想食西餐，行行下黎到呢間意大利餐廳😁午市時間好多人，等左一陣就入座。裡面環境唔錯，如果夜晚黎應該幾有情調☺️🍅蕃茄湯湯都幾濃郁，唔會太酸，值得一提係佢嘅麵包，口感好似片裝蛋糕，但唔會好乾，出乎意料地好食🫢🐮燒西冷牛排 $98 (套餐連湯飲品)一上枱已經好香，見到排上嘅烤紋都覺會得好食🤣店員主動拎住一大支黑胡椒，然後直接轉轉轉，落喺牛扒上面，更加香🤤🤤食落去肉味好夠，唔會好韌😝配菜嘅薯蓉亦夠幼滑👍好食！🍛海鮮燴飯 $108 (套餐連湯飲品)呢個又係上枱好香，海鮮湯已經浸滿哂意大利飯👍佢都好足料，有蝦有帶子等等，意大利飯口感濕潤飽滿，海鮮湯味道濃郁，好食🤤🤤🤤🧀Tiramisu 大家最後都每人加左甜品☺️佢嘅Tiramisu 都唔錯，咖啡味都重，如果再幼滑一d就更好🤤🤤整體而言性價比都唔錯，店員服務都積極友善，可以值得再黎食過，再試下其他主菜！…查看更多

今日同朋友一行幾人黎到荔枝角呢間貓Cafe做貓奴🤣 一入餐廳店員會叫你著鞋套，防止將出面嘅菌帶入去比貓貓，好貼心❤️入到去有大量貓貓🐈🐈🐈🐈！店員話有50隻貓貓😍都係由貓舍領養返黎😊餐廳以木系為主，整個氛圍都好舒服☺️一坐低就同貓貓玩左一陣，然後就叫左4人套餐☺️邊玩邊食！我覺得漢堡同肉醬千層麵都好食👍野飲都比較特別，唔錯！🤤然後就繼續同貓貓玩，又同朋友傾計，真係好開心😆下次一定會再黎！…查看更多

今次約朋友喺天水圍聚下，又想食西餐，搵到呢間喺悅品天秀酒店旁邊嘅餐廳，就黎試下☺️🍲香煎帶子南瓜意大利飯 帶子有少少燶左😅賣相失色左少少🥲但肉質可以，意大利飯好creamy，滿滿嘅南瓜忌廉汁味，但如果意大利飯再淋身d就好，口感對我黎講有少少硬🙈🍤鮮茄忌廉大蝦扁意粉我覺得呢個幾好食，鮮茄忌廉汁好濃又唔會太酸😁大蝦煎得幾香口，肉質都彈牙嘅，唔錯🥰🍕夏威夷風情薄餅芝士鋪到滿哂成個pizza，切開拎起一件都有拉絲效果🤣我覺得批比較薄，比較鐘意食厚批煙煙韌韌多點😆…查看更多

上星期去了將軍澳Popcorn行街，見到呢間Odelice，正值晚飯時段，二話不說就衝入去，畢竟係IG上時常見到但又未食過嘅法國菜餐廳😆🥰法式小館雙人套餐 $758見到餐牌上呢個套餐已經好吸引，兩個湯／沙律，1個前菜，2個主菜，1個甜品😁職員推薦話呢個餐本身散叫都要過千，依家7百幾好抵食，咁就試下！🥗湯 ＆ 沙律今日嘅是日精選餐湯係Creamy嘅菜湯😗同埋溫泉蛋露荀沙律🥰 我自己幾鍾意沙律🥰特別入面有露筍，好新鮮😆另外沙律底有檸檬汁，酸酸地好開胃😊入面都有蛋沙律，好好食🤗🍖前菜 - 主廚拼盤有煙三文魚、意大利火腿、炸黑松露蘑菇球 、鱈魚醬、蛋沙律等等，最好食係黑松露蘑菇球😝炸得好香脆！鱈魚醬好有驚喜，好似薯蓉咁😚成個拼盤都好好食🤤🦞主菜1 - 馬賽龍蝦海鮮鍋大大個海鮮鍋😍裡面有青口、蝦、蜆肉、盲槽魚、小八爪魚，我哋仲加咗80蚊升級做全隻龍蝦🤩🤩🤩鍋裡面係蕃茄湯底，第1次試番茄汁配龍蝦，原來好鮮甜，又夠juicy😋成個鍋充滿住海鮮，好足料，必食推介❤️❤️🐷主菜2 - 脆皮燒豬腩擺盤好靚，外圍係橄欖蕃茄沙沙，入面有4件豬腩肉😚皮被燒到好脆身，肉質都岩岩好，好甘香😋另外亦有蕃茄沙沙配住食，酸酸地嘅味道，啱啱解咗油膩☺️🔥甜品 - 火焰橙酒可麗餅、雲呢拿雪糕呢個可麗餅好有驚喜😍店員會喺你面前，用火點著啲橙酒，然後淋落去可麗餅上面🤩橙酒嘅香氣揮發曬，好香❤️可麗餅上面亦都有橙肉同雪糕，成個甜品就有甜味同酒味，好好味😍完全係視覺同味覺上嘅享受，十分推介👍值得一提係我叫左杯凍法國Varlhona朱古力，佢朱古力真係超級濃郁，但係唔係太甜🤣朱古力控可以一戰🔥總括黎講，環境好舒適，店員嘅服務態度都好好，食物亦都係好好味 - 特別係個甜品😆😆😆有機會會再嚟食過！…查看更多