sandyfun的个人专页

餐廳位於賭場，另一門口在酒店商場，所以呢個時候唔駛驗核酸，都聽住賭場嘅老虎機叮叮聲黎食飯。環境，如果鍾意靜就一定唔鐘意呢度，即使宜家賭客少左但都充斥住叮叮聲。服務，酒店餐廳服務絕對不會差。點菜後都好快已經上菜，唔駛等。食物皮蛋不過不失成吉思汗骨，好香好林，下次再食會encore木耳炒露旬，唔會太油，清清地，幾好蒜炒菠菜苗，冇咩特別水煮魚，叫左少🌶。我唔識得🌶嘅人都頂得順。食之前覺得係油浸魚，食落又唔覺油膩喎琵琶鴨，類似燒鴨，好味荔枝木叉燒，因為成枱人都食過樓上pearl dragon同樣餸嘅叉燒。感覺呢碟差啲。＃冇比較冇傷害 櫻花蝦海鮮炒飯，好乾身好足料，好味蟹粥，又唔係話特別好味和牛生煎包，好多肉汁，好味仲要宜家澳門人有75折優惠，超柢呀！…查看更多

疫情後大部分酒店都關閉自助餐，等左差唔多半年Urban Kitchen 終於開返，仲要澳門人75折，急不及待book枱。坐低冇耐就有人送上海鮮併盤，椰子茶，片皮鴨。。海鮮併盤有2隻龍蝦，長腳蟹，幾隻蝦，青口等，但老公唔食海鮮而我淨係食龍蝦同長腳蟹，咁淨低嘅就嘥左啦～食完送上枱嘅海鮮拼盤，可以同侍應講要邊啲，包括生蠔，會送上枱。除左沙律飲品照舊1杯杯1支支放喺雪櫃內，其餘都係得display 再要同工作人員講要咩，佢地會遞俾你。感覺好唔似食buffet。總括黎講，食物味道唔差但少左選擇，特別甜品，可能夜(last order 9:30我攞甜品時9:10)得返6，7款。…查看更多

呢幾年都喺路氹酒店嘅米芝蓮餐廳慶祝，今年老公生就去返8餐廳慶祝，唔知係咪因為疫情關係，感覺差左少少，但都唔錯嘅。環境一樣以金魚為題嘅裝修，一樣華麗，不過多左人，比以前嘈左啲。服務如果10分滿分，以前服務會俾10分，宜家值8分。食物1. 免費餐前小食~比較鐘意之前嘅金魚餃，精緻好味啲2. 化皮乳豬 ~ 無論乳豬同餅都好味，乳豬薄而脆3. 京式燒羊腩 ~ 羊唔蘇，好林。連伴碟嘅蓮藕都好味4. 新葡京東坡肉 ~ 唔油膩但好香，好味5. 米皇雲腿浸時蔬 ~ 個米湯好清都好味6. 桂瑤鮮蟹肉炒米粉 ~ 炒得好乾身，但已經太飽，所以食得唔多7. 免費餐後飲品甜品 ~ 葡撻一般，奶茶好香好有香港水準 (住過澳門先知有水準嘅檸茶奶茶難搵)…查看更多

2口子滯留喺澳門，酒樓飲茶又唔叫得多，最好就係到點心店，市面上嘅點心店質素參次而且坐得好迫，適逢威尼斯人做緊promotion 澳門身份証有7折，折左同街上嘅點心店差唔多。位置店舖有2個入口，1個喺賭場入易搵啲，另一個就非賭場入口，難搵啲啲，但就可以小朋友都入得去。服務真係令我意想不到，佢地可以做到，我飲完啖茶就有人黎倒返茶俾我。亦可能因為疫症期間冇乜客。食物2口子叫左6樣點心，份量都剛剛好個粥好棉，食左1粒佢嘅油炸鬼，忍唔住叫成碟當澳門市面賣嘅油炸鬼都要20蚊條仲要“UN”嘅，呢碟油炸鬼(原本3條)折左20幾蚊真係好柢粥當然要配腸粉，啲醬好有澳門地道質素，但鼓油少左啲生煎包用煲上，keep住溫度，入面係黑椒牛肉，好味燒賣同茶樓一樣好味雖然糯米雞變珍珠雞，但呢個點心值得推介，因為係糯米+紅米，口感一流，食完之後幾日又心思思想再食…查看更多

澳門比較少美式熱狗店(可能我唔知啩)，唔知幾時bookmark左，今日趁得閒就試下。位置處於好旺嘅官也街唔當眼嘅小巷入面，但門口掛左隻大龍蝦，好易認，營業時間唔長12noon~8pm,跟據店內通告last order好似係6pm食物選擇唔多:龍蝦包，帶子包，蝦包同混合包，小食有薯條薯角，飲品有樽裝茶，支裝汽水同啤酒。我就選左龍蝦包+$22配薯條/薯角同汽水/茶龍蝦包啲龍蝦係即叫即驚，雖然雪藏嘅，不過加埋醬料都唔錯，唯獨是個包底可以改善，由宜家餐包改做熱狗包;薯條就即叫即炸再曬上鹽，好味，不過太多食唔哂2位老闆係後生仔，非常有禮貌同親切，空閒時會走出黎傾下計…查看更多

3個女人一個墟，3個女仔約食飯最需要可以坐得耐又靜嘅地方。Cafe Zense位於銅鑼灣廣場後面某大廈樓上並不顯眼，但勝在有室外室內座位方便吸煙人士食住煙傾計。飲品多啲選擇，有酒，有茶，有咖啡，有沙冰;食物少啲選擇，但都足夠有前菜，主菜同甜品，味道都比得上大型餐廳。特別推薦蜜糖雞翼同埋西班牙海鮮飯，呢2樣都好食服務態度簡直一流，服務員好有禮貌，又唔會催促要攞返張枱，見我地啲水飲哂又會補返唔怕我地繼續坐落去…查看更多

呢間爐端燒其實唔錯，第一次試佢個放題。價錢方面: 午餐百幾，非常超值，因為平時一個set lunch 都要百幾200蚊，但要星期六，日先有。晚餐300幾，就唔可以話好柢，叫做中等啦～因為冇乜貴價食材。食物方面:選擇唔算多，有前菜沙律,sashimi, 壽司卷物，湯飯麵，天婦羅，當然有串燒啦～另外可以加錢追加一啲貴價魚同sake but depends on 當日供應量。最後加送豆腐雪糕服務態度:酒店餐廳，服務當然唔會太差亦唔算話非常好。…查看更多

今日落大雨又想食沙律，所以去左新葡京嘅cafe lunch。餐廳位置卡新葡京B2,出一邊是中式嘅粥麵，一邊是西式Cafe。入座時8成滿，唔駛等位，侍應直帶入坐。叫左個 Caesar salad+latte.首先，侍應會攞住籃餐包供選擇，我選左呢款啡色外表古怪嘅餐包。點知食落係好軟好味之後再上嘅係Latte跟一壺焦糖，好貼心，因為本身叫嘅係普通Latte,但會附上焦糖。最後就係沙律，菜好新鮮，沙律汁亦好味。埋單用AE有9折，仲多過會員卡…查看更多

南灣區屬於澳門商業區，多幢商業大廈及賭場包圍住，所以呢區中午搵食亦唔難。今日忽然想食日式午餐，所以去左和花亭。和花亭有10多款午餐選擇，其中3款係壽司~2壽$78，1款$88。由於今日唔想食卷物同魚生，所以叫左呢set $78。首先黎嘅係前菜 ~ 醋浸燒三文魚，唔錯，幾開胃；麵豉湯~本身都唔鐘意飲，所以no comment ;烏冬~食哂壽司同前菜先食，所以好淡亦都好飽，所以食淨一半。之後再上壽司，5件壽司都燒過，都新鮮幾好食，另外3件三文魚刺生附一片檸檬，都新鮮好味。再上多杯咖啡 （咖啡，奶茶，檸茶，檸水任選其一），都濃郁，唔錯。埋單$78+10%=$85.8，以呢個價錢黎講都算柢食嘅。服務方面，我食時2：30午餐時間到3點，所以啲工作人員都準備中場休息或清潔，冇乜服務可言。…查看更多

舖頭位於沙欄仔，屬於澳門舊區住宅區，都幾難搵。門面並不吸引，店內只有2張摺枱，多數人外賣攞走，十六浦行過去不遠但要轉幾個彎。望住牆上面嘅餐牌，不同種類嘅腸粉同粥，叫左各傳媒推介嘅蔥花蛋腸粉，見十幾蚊唔好意思，再叫多個黃沙蜆肉粥。個腸粉15蚊好大份，鼓酒甜醬芝麻醬任落，夾起腸粉好軟好滑。黃沙蜆肉粥，好多料，有好多肉丸同蜆肉，食落冇乜味精味。咁熱天氣，食哂成碗，不過腸粉食淨啲因為真係太大份啦～下次一定再試埋有配料嘅腸粉。…查看更多

食完飯忍唔住返轉頭去呢間好出名嘅豆腐花，舖頭名並不顯眼，裝修係傳統豆腐舖。成間舖得3款食品~豆腐花，豆漿，豆腐。叫左個豆腐花加奶，自己再加啲糖水。好滑，略帶豆味。。好食，$8.5，論價錢，味道同回憶都值得一試。（可惜，豆腐花相upload 唔到）…查看更多

舖頭位於大三巴左近，都預左係做遊客生意，但諗住攞得米芝蓮應該唔會咁離譜啦～點知都中招，又或者係我唔識欣賞啩。位置好偏僻，舖頭好細，所以要搭枱，同埋侍應會喺你一入舖就企喺隔離問你想食咩 (好有香港澳牛feel)問題並唔係出於食物方面，明碼實價，餐牌喺牆及枱面，麵食廿幾蚊起，全餐淨餸小$50，中$9x，大$148。由於我比較貪心想試多啲款式，就叫左個細全餐。。。咁豆腐係招牌貨，又真係夠滑嘅。。。其他餸就一般啦…不過價錢唔貴所以都接受到。問題出於哪呢？就係飲品啦…本來我想叫支裝維他奶，咁侍應話有，有豆奶。。。咁我以為一樣，到上枱佢話先話只得自家製豆奶。咁我覺得算啦～差唔多啫。飲落冇豆味，同超市賣嘅pre~pack裝冇分別。。。都算啦。一直佢都冇俾單我，都算，可能見太多人搭枱唔夠位啫。。。點知到埋單，先知支豆奶要$24支。。。貴過所有飲品包括支裝啤酒。再望下個餐牌，豆奶係蓋住嘅，咪即係明呃遊客?但我都算半個當地人呀～怪就怪自己冇問清楚豆奶幾錢同問佢地攞單，奉勸大家想試就要留意啦…查看更多

之前睇到介紹已經想試，今日去開黑沙環就搵下。位置~對於生活於氹仔路環嘅我，呢間餐廳非常偏僻兼難搵。在舊區嘅工業大厦群中再轉入小路，見到一間完全不起眼嘅舖頭，就係呢度啦。雖然偏僻，但好滿座，即係代表唔差啦～地方唔大，澳門餐廳黎講叫做比較迫lunch set menu選擇不多也不少，大概3，4款烏冬拉麵+3，4款飯，每款都是$100內，另有一個週年慶套餐，只限假日提供。。。我相信我會搵個週末去試埋。我選擇左和牛溫泉蛋飯餐由沙律到湯到飯。。。真係冇得彈首先，沙律嘅菜係佢地自家種植，真係好新鮮好味道。之後，係面鼓湯，平時我唔太鐘意飲，但呢個湯唔係太咸我竟然飲哂。最後係主角:飯，牛肉冇乜特別，蛋流心做得不錯，飯係最好味，每粒飯沾住粒粒唔知係芝麻定其他，但真係好味最後，俾錢奉上免費甜品，係一夥雪芭（好似細雞蛋咁），好清新，少少草味又少少甜味。。。（張相upload 唔到）離開時又要搵車啦…因為嗰度叫的士都難…查看更多

喺澳門返工鐘意週圍搵唔同嘅lunch，今次搵到呢間拉麵哩埋喺後巷但令人回味。位於議事亭（即係噴水池）往大三巴方向，嘅一個門口入面嘅小巷，所以非常隱世。店內選擇不多，有拉麵，咖哩飯，小食。。。主打蝦湯拉麵我就叫左海龍拉麵，有半隻糖心蛋，2片肉，湯不太濃但可以喝到半碗雖然冇蝦但蝦味很濃。…查看更多

永利皇宮剛開幕時同老公食過晚餐自助餐已經覺得感覺非常良好，但由於比其他酒店貴就一直冇再食但會推薦朋友食。今次父母由香港黎探我地，老人家夜晚唔食得多，所以帶佢地食午餐buffet。環境~永利皇宮裝修一直都好評，而且訂位註明要求窗邊。。。外邊間斷會有音樂噴射表演，配合埋餐廳配備嘅音樂，係一個非常好嘅感受。不過，注意番下晝好曬，最後係調位去返中間位置坐嘅。食物~海鮮，沙律，湯，熱食，甜品。。。每樣都好食。我自己特別鐘意豬肉乾，同出面買嘅有得揮。另外就係麵包，平時buffet 當然唔會食呢啲易飽肚嘅野，但個樣太靚忍唔住攞左幾款，又真係好食喎之後甜品，好大個corner, 好多款式，特別一提係佢嘅雪糕，一定要留肚食，試左香蕉味、士多啤梨雪芭同椰子味，真係人手做服務~大多數侍應都係菲律賓人，但好多都識講少少廣東話。另外，每位服務員都好有笑容好helpful 。價錢~$268+10%，同香港自助餐比較當然係平啦，澳門就間間差不多價錢，所以值嘅。位置~皇宮位於路氹最入位置，所以非常唔方便，只可以搭酒店shuttle bus去到。…查看更多