minklam的个人专页

餐廳入面有一個女人同一個男人態度十分差，都仲未食完只係放一放低筷子同個朋友傾計，個女人已經趕住收走臺面既野食同野飲，好似想你快啲食完快啲走，咪阻住曬，但果段時間唔係繁忙時間，亦好多空臺。亦聽到呢個女人對住其他臺客既食客好差態度，覺得個食客無聽清楚佢講已經無曬九菜同芫荽，而聲大夾惡講野。另一個男人態度又係勁差，留低左個樽，距勁差態度要嗌返轉頭拎返走個樽，其實甘差態度都唔洗指意有多回頭客同做得長，就算兩個係老闆都唔係咁樣對食客，呢啲餐廳無要求要六星級好好服務態度，但至少唔應該甘樣對食客。…查看更多

之前見啲網路紅人介紹特登由九龍搭車入黎元朗想試一去到佢地同我講截左單要LUNCH甘我見佢個牌寫左分時段賣我以為要到6點先再有得買甘我好聲好氣問大概幾時完LUNCH我預時間過黎再買點知入面個肥仔（應該係老細）勁差態度話出面咪有牌掛左幾點後返黎囉我問：姐係20分鐘後返黎就可以買？唔係6點？佢：係呀 20分鐘後你再返黎啦我：好 唔該曬佢即刻口upup同另一個女人講：買果少少野好巴閉咩？唔洗食飯呀嘩！我心諗問清楚啲姐，洗唔洗甘？阻住你食飯真係唔好意思～但間鋪甘既態度做野真係連幫襯都唔想…查看更多

呢間泰國菜新開左係希雲街街頭，同朋友簡左係呢到gathering聚餐，見到鋪頭出面都可以坐，好似幾chill甘🦦今晚同朋友一行5個人就坐入面，鋪頭出面外牆同入面牆都有人手繪畫，同以往食開既泰菜裝修好唔同。甘就同朋友嗌左幾個小食、生蝦、串燒、冬陰公部隊煱、同甜品😋CP值高，所有食物由泰國人主理，最震撼係個冬陰公海鮮部隊煱，拎出黎果下成班即刻相機食先！超級足料，個底係泰國公仔面，吸曬啲冬陰公湯，真心推介👍🏻呢到除左泰奶茶，仲有mocktail飲，朋友嗌左3杯不同既黎試都讚好飲，最後原本想嗌芒果糯米飯，點知芒果賣曬🥲唯有嗌兩碟椰汁西米糕，不過都好好食🤤好滿足既一晚👍🏻👍🏻🤰🏻…查看更多