ogrev的个人专页

去到坐低，見到餐牌再度漲價第一感覺已經唔好。點了商務的牛舌套餐。沙律：不過不失，溫度夠凍，只是比起經濟餐多了一塊蕃茄，換了一款沙律醬而已。前菜：漬物。唔知大家覺得胡麻醬豆腐算唔算？小食：「磯燒鮑魚」。沒有鐵板燒的溫度，肉質軟嫩，但沒有鮑魚本有彈牙的口感。食落比較似啲仿鮑咁。菜：「露荀炒雜菇」。味道是可以的，溫度可以，係現炒的。份量就大概10條8條。肉：「牛舌」。好似一口牛咁一粒粒。厚大，中間透粉紅，標準7成。爽口，唔韌。很好。澱粉：「和牛炒飯」。來了一個經濟板的普通炒飯。請經理來了解，不太願意的更換過來。然後出現在面前的新和牛炒飯是原本的炒飯上面加了三粒「和牛」。而這三粒和牛是免治牛肉的size，並且只係好似牛扒邊緣嗰啲碎屑，全粒肥膏連啲啲肉，仲要有筋。我唔太理解如何係和牛炒飯。甜品：「黑芝麻麻糬」。個人黎講不太懂得欣賞，成舊麻糬外面都係黑芝麻，麻糬入面有一些cream，但半融不融。埋單$169。最精彩係簽卡的時候，無啦啦要要簽名，好彩簽之前見到張單寫 $1690。唔知有心定無意，呢啲錯誤都係唔應該犯，仲要得兩個客，唔係繁忙時間。即刻叫佢更正返，但都無句Sorry，話咩平時唔洗簽名，覺得奇怪，咁你唔check下先俾個客？…查看更多

環境：唔算闊落，最大係四人檯，人多未必係好選擇。不過一家人/倆口子/一支公都好好。老細應該參考左拉麵鋪設計，整左吧檯。同埋落單形式都係拉麵點自己揀，加減配料。（差在無拉麵咁有軟硬度俾你揀，河粉你仲想點揀）態度：非常好的服務。老細負責處理湯河同撈檬，擺盤算都細心，更加會親自為客人端上每一碗湯河/撈檬。香茅烤豬肉撈檬：處理香茅烤豬肉見到心思，見到十字界紋，又切細左mouth-size，但又有厚度。稍稍覺得香茅味可以再多少少。檬粉溫度濕度適中，不會太熱太乾，有啲地方一團野撥極唔散。配菜夠凍又新鮮，生菜絲，青瓜絲，酸蘿蔔絲。仲有香葉，炸乾蔥，花生。招牌生熟牛肉湯河：牛肉煮得好腍，就算係牛腩位都好易食。今次無叫靚牛，試左佢個普通生牛片都幾好。牛腩三舊，生牛片三片。下次可以升級試個安格斯。個湯夠熱，清但又食到牛骨味！最鍾意佢俾我加蔥加配料，老細勁大方落好多！稍稍覺得個河粉耐左啲，應該我掛住加芽菜，香葉，影相，個湯啲餘溫再煮緊。仲有就係佢地有甜辣醬。出面好多越南店都無甜辣醬，就算有都係得是辣醬。係外國食慣越南粉，緊係想配埋甜醬啦！今日老細話無春卷，下次一定要試埋！…查看更多

身為本區人的小編在店鋪初開的時候，偶爾見到拉麵師傅親自在街上介紹店鋪，已打算給他一個機會。雖然本人還是最熱愛沾麵，難得今天放假，便做了他今天的第一個客人。一進去播着抒情的日本歌，沒有那種很激昂的急速感，很適合閒日中午的感覺。稍微失望的是老闆取捨了要沙發座椅，以及較大的工作空間，沒有設置吧枱，未能欣賞每位拉麵師傅的準備過程 。麵店有三款拉麵供選擇。小編點了傳統的博多原味豚骨拉麵，香滑湯底，蒜，大盛蔥，硬身麵條，外加半隻溏心蛋。本來較為喜愛濃湯，不過個人覺得加$8 太多了，便點了香滑。湯底：不算濃郁，看起來和喝起來都算稍稀的。不過也有淡淡的豚骨味，不會太膩。3.5/5麵條：傳統幼身麵條，選了硬身是明智的。有咬勁，每條分明，沒有黏在一齊的感覺。 4.5/5肉：師傅選了五花腩，清晰見到五層。起初害怕會很油膩，吃下去卻沒有很油的感覺。肉質尚可，不算嫩也不算好實。（當然如果一點肥都不喜歡的朋友就不適合了） 4/5溏心蛋：有流心的效果，不過個人覺得稍微熟了一點。溫度微涼，不錯。不過味道和看起來的顏色一樣，較淡。喜歡吃到醬油味道的朋友要失望了。 3.5/5紫菜：很香，也是脆身的。 5/5蔥：沒有青味。（本身已經很喜歡蔥～～） 5/5芽菜：老闆介紹了自家製的炒芽菜，微辣的。豐富了本來偏清淡的豚骨拉麵 5/5午餐附送餃子/小丸子：選擇了日式餃子，溫度和肉汁都保留了。很好～ 4/5午餐也沒有趕你走的氣氛，不錯的客服。…查看更多